newssting
BITING NEWS :
పాకిస్థాన్, ఆఫ్ఘనిస్థాన్ దేశాల్లో గురువారం ఉదయం సంభవించిన భూకంపం. పాకిస్థాన్ దేశంలోని ఇస్లామాబాద్ నగరానికి పశ్చిమాన 40 కిలోమీటర్ల దూరంలో ఉదయం 5.46 గంటలకు భూ ప్రకంపనలు. భూకంప ప్రభావం రిక్టర్ స్కేలుపై 4.3 అని సీస్మోలజీ శాస్త్రవేత్తల ప్రకటన. ఆఫ్ఘనిస్థాన్ దేశంలోని కాబూల్ నగరానికి ఈశాన్యంలోని 237 కిలోమీటర్ల దూరంలో ఉదయం 5.33 గంటలకు భూకంపం. రిక్టర్ స్కేలుపై 4.2గా నమోదు * గుజరాత్‌లో గురువారం తెల్లవారుజామున భారీ అగ్నిప్రమాదం. సూరత్‌లోని హజీరా ఆధారిత ఆయిల్ అండ్ నేచురల్ గ్యాస్ కార్పొరేషన్ (ఓఎన్‌జీసీ) ప్లాంట్‌లో తెల్లవారుజామున 3:30 గంటలకు ప్రమాదం. ఓఎన్‌జీసీ ప్లాంట్‌లోని రెండు టెర్మినల్స్ వద్ద పేలుడుతో భారీ ఎత్తున చెలరేగిన మంటలు * ఆఫ్రికన్ స్వైన్ ఫ్లూ ప్రభావిత ప్రాంతాల్లో 12 వేల పందులను మట్టుబెట్టాలని అసోం ప్రభుత్వం ఆదేశం. ఆఫ్రికన్ స్వైన్ ఫ్లూను అరికట్టే చర్యల్లో భాగంగా నిర్ణయం. పందులను చంపేందుకు యజమానులకు పరిహారం. రాష్టంలోని 14 జిల్లాలలో స్వైన్ ఫ్లూ ప్రభావం,స్వైన్ ప్లూ కారణంగా ఇప్పటి వరకూ రాష్ట్రంలో 18 వేలకు పైగా పశువులు మృతి * ముంబైలో మరోసారి రికార్డు స్థాయిలో వర్షాలు. సెప్టెంబర్‌ నెలలో ఇంతటి స్థాయిలో వర్షాలు కురవడం గత 26 ఏళ్లలో ఇది నాల్గోసారి. మంగళవారం, బుధవారం 24 గంటలలో ఏకంగా 286.4 మిల్లీమీటర్ల వర్షపాతం నమోదు. 1994 తర్వాత సెప్టెంబర్‌ నెలలో కురిసిన భారీ వర్షమిదే. 1974 నుంచి 2020 కాలంలో సెప్టెంబర్‌లో ఇంత భారీ వర్షం నమోదు కావడం ఇది నాల్గోసారి * ఢిల్లీలో కరోనా వైరస్ మరోసారి విజృంభణ. కరోనా బాధితులలో 11.55 శాతం మంది వెంటిలేటర్ సపోర్టుతో చికిత్స. కొద్దిరోజులుగా అంతకంతకూ పెరుగుతున్న ఢిల్లీలో వెంటిలేటర్‌పై ఉంటున్న రోగుల సంఖ్య. ఢిల్లీలో స్థానిక కోవిడ్ బాధితుల కోసం రిజర్వ్ చేసిన 62 శాతం వెంటిలేటర్ బెడ్లు ఫుల్ * కరోనాతో మృతి చెందిన కర్ణాటక బీజేపీ ఎంపీ, రైల్వే శాఖ సహాయ మంత్రి సురేశ్‌ అంగడి(65). మూడు రోజులుగా తీవ్ర అనారోగ్యంతో బాధపడుతూ ఢిల్లీ ఎయిమ్స్‌ ఆసుపత్రి ట్రామా సెంటర్‌లో చికిత్స పొందుతూ తుదిశ్వాస విడిచిన సురేష్ అంగడి. కరోనా వల్ల చనిపోయిన తొలి కేంద్ర మంత్రి ఈయనే * భద్రాద్రి కొత్తగూడెం చెన్నాపురం అటవీ ప్రాంతంలో పోలీసులకు మావోయిస్టుల మధ్య ఎదురుకాల్పులు. ముగ్గురు మావోయిస్టుల మృతి చెందగా అందులో ఇద్దరు మహిళలు. అయితే కాల్పులు జరిగిన ప్రదేశం నుండి రైఫిల్, పేలుడు సామాగ్రి స్వాధీనం చేసుకున్న పోలీసులు. మరికొంత మంది మావోయిస్టుల కోసం కొనసాగుతున్న గాలింపు చర్యలు * హైదరాబాద్ నగర శివారులో రోడ్డెక్కిన సిటీ బస్సులు. రాజేంద్రనగర్, మహేశ్వరం, ఇబ్రహీంపట్నం, బండ్లగూడ శివారు ఆర్టీసీ డిపోల నుంచి బస్సు సర్వీసులు ప్రారంభం. ప్రతి డిపో నుంచి 12 బస్సులను నడుపుతున్న ఆర్టీసీ * కరోనాకు మరో ప్రముఖ నటుడు బలి. తెలుగు కమెడియన్ నటుడు కోసూరి వేణుగోపాల్ కరోనా కారణంగా కన్నుమూత. గత 22 రోజులుగా గచ్చిబౌలిలోని ఓ ప్రైవేట్ హాస్పిటల్‌లో వెంటిలేటర్‌పై చికిత్స పొందుతూ బుధవారం రాత్రి మృతి. కరోనా నెగిటివ్ వచ్చాక కూడా అనారోగ్యం నుంచి కోలుకోలేకపోయిన కమెడియన్ * శ్రీశైలం ప్రాజెక్టుకు కొనసాగుతున్న భారీ వరద ప్రవాహం. జలాశయం 8 గేట్లను 10 అడుగుల మేర ఎత్తివేసి దిగువకు నీటిని విడుదల * చిత్తూరు జిల్లాలోని కుప్పంలో ఏనుగులు బీభత్సం. పంట పొలాలకు కాపలాగా ఉన్న వారిపై ఏనుగులు దాడి. ఒకరు మృతి చెందగా మరికొందరికి గాయాలు. ఏనుగుల బీభత్సంతో భయాందోళనలు వ్యక్తం చేసున్న గ్రామస్థులు * పశ్చిమ మధ్యప్రదేశ్‌ పరిసరాల్లో కొనసాగుతున్న అల్పపీడనం. అల్పపీడనానికి అనుబంధంగా 5.8 కి.మీ ఎత్తున ఆవరించిన ఉపరితల ఆవర్తనం. గురు, శుక్రవారాలలో ఉత్తర, దక్షిణ కోస్తాంధ్ర, రాయలసీమలో వర్షాలు కురిసే అవకాశం. తేలికపాటి నుంచి ఓ మోస్తరు వర్షాలు కురిసే అవకాశం.

బీజేపీ ఛాన్స్‌ మిస్‌చేసుకుందా?

29-11-201929-11-2019 09:31:41 IST
Updated On 29-11-2019 16:39:00 ISTUpdated On 29-11-20192019-11-29T04:01:41.378Z29-11-2019 2019-11-29T04:01:38.443Z - 2019-11-29T11:09:00.396Z - 29-11-2019

బీజేపీ ఛాన్స్‌ మిస్‌చేసుకుందా?
facebooktwitterGooglewhatsappwhatsappGoogle
కేంద్రంలో రెండవసారి అధికారంలోకి వచ్చిన బీజేపీ.. తెలుగు రాష్ట్రాలపై గురిపెట్టింది. రెండు తెలుగు రాష్ట్రాల్లో ఎలాగైనా తమ బలాన్ని పెంచుకోవాలని ఆ పార్టీ నేతలు కసరత్తు చేస్తున్నారు. ముఖ్యంగా తెలంగాణపై ఆపార్టీ నేతలు పక్కావ్యూహంతో ముందుకెళ్తున్నారు. ఇటీవల జరిగిన పార్లమెంట్‌ ఎన్నికల్లో నాలుగు స్థానాల్లో బీజేపీ అభ్యర్థులు గెలుపొందారు. దీనికితోడు రాష్ట్రంలోని పలు ప్రాంతాల్లో ఆపార్టీకి బలమైన పట్టు ఉంది. దీంతో వచ్చే ఎన్నికల నాటికి తెలంగాణలో టీఆర్‌ఎస్‌కు ప్రత్యామ్నాయం కావాలని తీవ్ర ప్రయత్నాలు చేస్తున్నారు.

ఎంపీ ఎన్నికలు పూర్తయిన నాటినుంచి తెలంగాణలో పార్టీ బలోపేతానికి వచ్చిన అవకాశాన్ని సద్వినియోగం చేసుకుంటూ బీజేపీ అధిష్టానం ముందుకు సాగుతుంది. దీనికితోడు ఇతర పార్టీల్లోని ముఖ్యనేతలను బీజేపీలోకి ఆహ్వానిస్తూ బలమైన పార్టీగా అవతరించేందుకు ప్రయత్నాలు చేస్తుంది. అవకాశం వచ్చినప్పుడల్లా సీఎం కేసీఆర్‌ పై, తెలంగాణ ప్రభుత్వంపై తీవ్రస్థాయిలో ఆ పార్టీ నేతలు విమర్శలను ఎక్కు పెడుతున్నారు.

కేంద్ర ప్రభుత్వ పథకాలను తెలంగాణలో అమలు కాకుండా కేసీఆర్‌ అడ్డుకుంటున్నారని ఆ పార్టీ నేతలు విస్తృత ప్రచారం చేశారు. దీనికితోడు తెలంగాణ ప్రభుత్వం చేపట్టే పథకాల్లోని లోపాలను ఎత్తిచూపుతూ ఆ పార్టీనేతలు ప్రజల్లోకి వెళుతున్నారు. దీనికితోడు ఆర్టీసీ కార్మికుల సమ్మె రూపంలో బీజేపీ అవకాశం లభించినట్లయింది. తమ డిమాండ్లను పరిష్కరించాలని ఆర్టీసీ కార్మికులు సమ్మెకు దిగారు.

దసరా పండుగకు రెండురోజుల ముందు సమ్మెలోకి వెళ్లినప్పటికీ సీఎం కేసీఆర్‌ కార్మికుల సమస్యల పరిష్కారానికి ఎలాంటి చొరవ తీసుకోలేదు. దీనికితోడు కార్మికులను సెల్ప్‌ డిస్మిస్‌ చేస్తున్నట్లు ప్రకటించారు. దీంతో విపక్ష పార్టీలన్నీ తెరాస ప్రభుత్వంపై దుమ్మెత్తిపోశారు. ఇదే అవకాశాన్ని బీజేపీ సద్వినియోగం చేసుకోవాలని ప్రయత్నాలు చేసింది. కార్మికుల పక్షాన తెలంగాణ బీజేపీ నిలిచింది. సీఎం కేసీఆర్‌ మెడలు వంచేలా కేంద్రం రంగంలోకి దిగుతుందని కార్మికులను ఊరించారు.

కేసీఆర్‌ తీరుకు నిరసనగా ఆర్టీసీ జేఏసీ ఆధ్వర్యంలో హైకోర్టులో పిటీషన్లు దాఖలు చేశారు. పలు దఫాలుగా విచారణ జరిపిన హైకోర్టుసైతం ప్రభుత్వానికి మేమేం చెప్పలేమని చేతులెత్తేసింది. ఈ తరుణంలోనూ కేంద్రానికి ఆర్టీసీలో 30శాతం వాటా ఉందని, కేంద్రం రంగంలోకి దిగుతుందని, అమిత్‌షా ఈ సమస్యపై దృష్టిసారించారని, త్వరలోనే కేసీఆర్‌ మెడలు వంచి కార్మికుల సమస్యలు పరిష్కారం చేస్తారని పలువురు బీజేపీ నేతలు ఊదరగొట్టారు.

హైకోర్టులు చేతులెత్తేసినా.. బీజేపీ న్యాయం చేస్తుందని కార్మికులంతా ఎదురుచూశారు. అయినా బీజేపీ మాటలకే పరిమితం అయిందే తప్ప సమస్య పరిష్కారానికి ఎలాంటి చర్యలు తీసుకోలేదు. కేవలం అమిత్‌షా, గడ్కరీకి వినతిపత్రాలు ఇవ్వటంతోనే బీజేపీ రాష్ట్ర పెద్దలు సరిపెట్టారు. టీఆర్‌ఎస్‌ ప్రభుత్వంపై తీవ్ర వ్యతిరేఖతతో ఉన్న కార్మికులతో పాటు సీఎం కేసీఆర్‌పై వ్యతిరేఖతతో ఉన్న ప్రజలుసైతం బీజేపీ ఆర్టీసీ సమస్యను పరిష్కరిస్తుందని, ఇక రాబోయే కాలం బీజేపీదేనని భావించారు. రాష్ట్రంలో ప్రత్యామ్నాయంగా మారుతుందని, బీజేపీ వైపు ఉంటేనే రాష్ట్రానికి మేలు జరుగుతుందని ఓ నిర్ణయానికిసైతం వచ్చారు.

కానీ బీజేపీ పెద్దలుసైతం మాటలకే పరిమితం కావటంతో అటు కార్మికులు, ఇటు ప్రజలు ముక్కున వేలేసుకున్నారు. దీంతో కార్మికులు చేసేందేమీలేక బేషరతుగా విధుల్లో చేరుతామని ప్రకటించారు. అయినా

కేసీఆర్‌ విధుల్లోకి తీసుకోమని పేర్కొనడంతో సేవ్‌ ఆర్టీసీ పేరుతో కార్మికులు మూడు రోజులు ఆందోళన చేపట్టారు. ఆ సమయంలోనూ కేంద్ర పెద్దలు రంగంలోకి దిగి కార్మికుల సమస్యను పరిష్కరించి ఉంటే రాష్ట్రంలో పార్టీ మరింత బలోపేతం అయ్యేదని, వచ్చిన అవకాశాన్ని చేజేతులా వదులుకున్నట్లయిందని పార్టీ శ్రేణులు ఆవేదన వ్యక్తం చేస్తున్నారు. 55రోజులు పాటు కార్మికులను రోడ్డున పడేసిన కేసీఆర్‌.. విధుల్లో చేరండి అనే ఒక్కమాటతో మళ్లీ కార్మికుల మనస్సులను గెలుచుకున్నాడని, అదే మధ్యలోనే బీజేపీ రంగంలోకి దిగే ఆ క్రెడిట్‌ మొత్తం బీజేపీకి వచ్చేదని పార్టీలోని పలువురి నేతలు వాపోతున్నారు.

అవినీతి తిమింగలం.. చెట్లకు నీరు పోసేవాడు కూడా బినామీనే..

అవినీతి తిమింగలం.. చెట్లకు నీరు పోసేవాడు కూడా బినామీనే..

   20 minutes ago


రెండుసార్లు శ్రీవారిని దర్శించుకున్న సీఎం.. ఆశ్చర్యపోతున్న భక్తులు

రెండుసార్లు శ్రీవారిని దర్శించుకున్న సీఎం.. ఆశ్చర్యపోతున్న భక్తులు

   3 hours ago


టెస్టింగ్, ట్రేసింగ్ ఇదేనా మంత్రం – కరోనా కట్టడిపై మోడీ సర్కార్ నిస్సహాయత

టెస్టింగ్, ట్రేసింగ్ ఇదేనా మంత్రం – కరోనా కట్టడిపై మోడీ సర్కార్ నిస్సహాయత

   3 hours ago


కర్ణాటక ఎమ్మెల్యేల జీతాల తగ్గింపు.. మరి మిగతా రాష్ట్రాల సంగతేమిటి?

కర్ణాటక ఎమ్మెల్యేల జీతాల తగ్గింపు.. మరి మిగతా రాష్ట్రాల సంగతేమిటి?

   5 hours ago


మోదీ-షాల‌కు కొడాలి కౌంట‌ర్‌...  ఇంత ధైర్యం ఎలా వ‌చ్చింద‌బ్బా?

మోదీ-షాల‌కు కొడాలి కౌంట‌ర్‌... ఇంత ధైర్యం ఎలా వ‌చ్చింద‌బ్బా?

   5 hours ago


వ్యవసాయ బిల్లులపై ఎవరికి లాభం.. ఎవరికి నష్టం..?

వ్యవసాయ బిల్లులపై ఎవరికి లాభం.. ఎవరికి నష్టం..?

   6 hours ago


పొలిటికల్ ఎంట్రీ పై స్పందించిన పీపుల్ స్టార్.!

పొలిటికల్ ఎంట్రీ పై స్పందించిన పీపుల్ స్టార్.!

   7 hours ago


ఇంటినుంచి పనే భేషుగ్గా ఉంది... హైదరాబాద్ ఐటీ ఉద్యోగులు

ఇంటినుంచి పనే భేషుగ్గా ఉంది... హైదరాబాద్ ఐటీ ఉద్యోగులు

   9 hours ago


ఏపీలో తగ్గుతున్న కేసులు.. పెరుగుతున్న రికవరీ రేటు

ఏపీలో తగ్గుతున్న కేసులు.. పెరుగుతున్న రికవరీ రేటు

   9 hours ago


ఇంటర్ సిలబస్ కుదింపు ఉంది.. లేదు.. తెలంగాణ బోర్డు గందరగోళం

ఇంటర్ సిలబస్ కుదింపు ఉంది.. లేదు.. తెలంగాణ బోర్డు గందరగోళం

   10 hours ago


ఇంకా

NewsSting Team


      040 23600300

newsting
Daily Updates
facebooktwitterGooglewhatsappwhatsappGoogle