newssting
BITING NEWS :
ఎన్డీయేతో బంధం తెంచుకున్న అకాలీదళ్. కేంద్రం తీసుకొచ్చిన బిల్లులకు వ్యతిరేకంగా అకాలీదళ్ నిర్ణయం. ఈ బిల్లుల ప్రభావం రైతులు, దళితులు, రైతు కూలీల అందరిపై పడిందని తెలిపిన అకాలీదళ్ చీఫ్ సుఖ్‌బీర్ సింగ్ బాదల్ ప్రకటన. శనివారం పార్టీ నిర్వహించిన మూడు గంటల ఎమర్జెన్సీ కోర్ కమిటీ సమావేశం అనంతరం నిర్ణయం. 23 ఏళ్ల సుదీర్ఘ రాజకీయ బంధాన్ని తెగతెంపులు చేసుకున్న అకాలీదళ్ * బాలీవుడ్‌ వివాదాస్పద నటి కంగనా రనౌత్‌పై కర్ణాటకలోని తుమకూరు కోర్టులో కేసు దాఖలు. కేంద్ర ప్రభుత్వ రైతు చట్టాలకు వ్యతిరేకంగా ఆందోళన చేస్తున్న రైతులను ఉగ్రవాదులతో పోల్చుతూ ట్వీట్‌ చేయడాన్ని తప్పుబడుతూ తుమకూరు జేఎంఎఫ్సీ కోర్టులో రమేశ్‌ నాయక్‌ అనే న్యాయవాది పిటిషన్‌ దాఖలు * అత్యంత ప్రతిష్టాత్మకమైన ఢిల్లీలోని జాతీయ న్యాయ విశ్వవిద్యాలయం ఎన్‌ఎల్‌యూ వైస్‌ చాన్సలర్‌గా వరంగల్‌ జిల్లాకు చెందిన ప్రొఫెసర్‌ పి.శ్రీకృష్ణదేవరావు నియామకం. ప్రస్తుత వైస్‌ చాన్సలర్‌ ప్రొఫెసర్‌ రణబీర్‌ సింగ్‌ పదవీ విరమణ చేయడంతో శ్రీకృష్ణదేవరావు నియామకం. దేశంలోని పలు విశ్వవిద్యాలయాలలో కీలక బాధ్యతలు నిర్వహించిన శ్రీకృష్ణదేవరావు న్యాయ విద్యలో మార్పులు తీసుకువచ్చేందుకు యూజీసీ నియమించిన నిపుణుల కమిటీలో కూడా ఆయన సభ్యుడిగా కూడా పనిచేశారు * శివసేన నేత, లోక్ సభ సభ్యుడు సంజయ్‌ రౌత్‌, మహారాష్ట్ర మాజీ సీఎం దేవేంద్ర ఫడ్నవిస్ ఓ స్టార్ హోటల్ లో రహస్యంగా భేటీ అయినట్టు గుప్పుమన్న వార్తలు. ఓ లగ్జరీ హోటల్‌ లో సుమారు గంటన్నర పాటు వీరిమధ్య చర్చలు జరిగినట్టు సమాచారం. దేశవ్యాప్తంగా చర్చకు దారితీసిన ఈ సమావేశం వార్తలు. ఈ సమావేశం నిజమేనని, దీని వెనుక రాజకీయ కారణాలు లేవని స్పష్టం చేసిన బీజేపీ * అమెరికాలోని హిందూఆధ్యాత్మిక గురువు స్వామి ప్రత్యాగ్‌బోధానంద కన్నుమూత. పెన్సిల్వేనియాలో అర్ష విద్యా గురుకులానికి ఉపాధ్యక్షులుగా ఉన్న ప్రత్యాగ్‌బోధానంద వయసు 69 సంవత్సరాలు. గురుకులం 34వ వార్షిక ఉత్సవాల్లో పాల్గొన్న తర్వాత తీవ్రమైన గుండెపోటు రావడంతో ఈనెల 20తేదీన తుదిశ్వాస విడిచినట్టు తెలిపిన ఆయన శిష్యులు. ప్రత్యాగ్‌బోధానంద పార్థివదేహాన్ని భారత్‌కు తరలింపుకు ప్రయత్నాలు * పార్లమెంటు ఆమోదించిన మూడు వ్యవసాయ బిల్లులకి వ్యతిరేకంగా పంజాబ్‌లో కొనసాగుతున్న రైల్‌ రోకో ఆందోళన. గత మూడు రోజులుగా రైతులు రైలు పట్టాలపై కూర్చొని నిర్వహిస్తున్న రైల్‌ రోకో. తొలుత కిసాన్‌ మజ్దూర్‌ సంఘర్ష్ కమిటీ నిరసన కార్యక్రమాలకు పిలుపునిస్తే, ఆ తర్వాత మద్దతు ప్రకటించిన వివిధ సంఘాలు * బాలీవుడ్‌ పరిశ్రమలో కలకలం సృష్టిస్తున్న డ్రగ్స్‌ వ్యవహారం. దీపికా పదుకొనె, శ్రద్ధా కపూర్‌, సారా అలీఖాన్‌ నార్కోటిక్స్‌ కంట్రోల్‌ బ్యూరో ఎదుట శనివారం హాజరు. వేర్వేరుగా ఐదు గంటలకు పైగా కొనసాగిన విచారణ. నటీమణుల వాగ్మూలాన్ని రికార్డు చేసిన ఎన్సీబీ * ఉపరితల ద్రోణి ప్రభావంతో తెలుగు రాష్ట్రలలో పలు జిల్లాల్లో కురిసిన భారీ వర్షాలు శుక్రవారం రాత్రి నుంచి ఆదివారం ఉదయం వరకు కురిసిన ఓ మోస్తరు నుంచి భారీ వర్షాలు. వాగులు, వంకలు పొంగిపొర్లుతుండటంతో అక్కడక్కడా నిలిచిన రాకపోకలు. పలుచోట్ల నీటమునిగిన పంట పొలాలు. అత్యధికంగా రంగారెడ్డి జిల్లా నందిగామలో 19 సెంటీమీటర్ల వర్షపాతం నమోదు * అక్టోబరు 1 నుంచి సినిమా థియేటర్లు తెరిచేందుకు అనుమతినిచ్చిన పశ్చిమ బెంగాల్ ప్రభుత్వం. ఈ విషయాన్ని ట్వీట్ ద్వారా తెలియజేసిన ముఖ్యమంత్రి మమతా బెనర్జీ. పరిస్థితులను గాడిలో పెట్టేందుకు అక్టోబరు 1 నుంచి సినిమా థియేటర్ల తెరిచేందుకు అనుమతినిస్తున్నామని, అలాగే సాంస్కృతిక కార్యక్రమాలు, మ్యాజిక్ షోలు నిర్వహించేందుకు కూడా అనుమతినిస్తున్నామని ట్వీట్ * నెల్లూరు జిల్లాలో ఇటీవల జరిగిన రౌడీషీటర్ దారుణ హత్య మరువక ముందే చోటు చేసుకున్న మరో ఘటన. చిల్లకూరు మండలం కలవకకొండలో చేజర్ల సుబ్రహ్మణ్యం(38) అనే వ్యక్తి దారుణ హత్య. ఆదివారం ఉదయం అతి కిరాతకంగా చంపేసిన గుర్తు తెలియని వ్యక్తులు. సమాచారం మేరకు ఘటనాస్థలికి చేరుకున్న పోలీసులు కేసు నమోదు * సంగారెడ్డిలో వాగు దాటుతున్న వ్యక్తి వరద నీటిలో గల్లంతు. భారీ వర్షాలకు వాగు దాటుతున్న ముగ్గరు వ్యక్తులు గల్లంతవ్వగా ఇద్దరు వ్యక్తులను ఒడ్డుకు చేర్చిన స్థానికులు. కంగ్టి మండలం జంగి బికి చెందిన 55 ఏళ్ల మంగలి మారుతి కాకి వాగు వరద ఉధృతిలో గల్లంతు. మారుతి ఆచూకీ కోసం మండల రెవెన్యూ అధికారుల గాలింపు చర్యలు.

ప్ర‌శ్నార్ధ‌కంలో టీఆర్ఎస్‌ రాజ‌కీయ ఉద్దండుల భ‌విత‌వ్యం..!

13-11-201913-11-2019 16:33:41 IST
2019-11-13T11:03:41.731Z13-11-2019 2019-11-13T11:03:39.486Z - - 28-09-2020

ప్ర‌శ్నార్ధ‌కంలో టీఆర్ఎస్‌ రాజ‌కీయ ఉద్దండుల భ‌విత‌వ్యం..!
facebooktwitterGooglewhatsappwhatsappGoogle
నిజామాబాద్ జిల్లాలో ప‌రిచ‌యం అక్క‌ర్లేని రాజ‌కీయ నేత‌ల్లో మండ‌వ వెంక‌టేశ్వ‌ర‌రావు, కే.ఆర్‌.సురేష్‌రెడ్డి ముందుంటార‌నే చెప్పాలి. మండ‌వ టీడీపీలో కార్య‌క‌ర్త స్థాయి నుంచి అంచెలంచెలుగా ఎదిగి ఉమ్మ‌డి రాష్ట్రంలో కీల‌క మంత్రిగా ప‌నిచేశారు. క్లీన్ ఇమేజ్ ఉన్న ఆయ‌న పార్ల‌మెంట్ ఎన్నిక‌ల‌కు ముందు ముఖ్య‌మంత్రి కేసీఆర్‌తో ఉన్న సాన్నిహిత్యంతో గులాబీ గూటికి చేరారు. సీఎం కేసీఆర్ స్వ‌యంగా మండ‌వ ఇంటికి వెళ్లి పార్టీలోకి ఆహ్వానించ‌డం రాజ‌కీయంగా పెద్ద చ‌ర్చే జ‌రిగింది.

ఆయ‌న కారెక్కిన అనంత‌రం ప్ర‌భుత్వ ప‌రంగా ప్రాధాన్య‌త ద‌క్కుతుంద‌ని జోరుగా ప్ర‌చార‌మూ జ‌రిగింది. ఆయ‌న అనుచ‌రులు ఒక అడుగు ముందుకేసి మండ‌వ‌కు మంత్రి ప‌ద‌వి ఖాయ‌మ‌నే ప్ర‌చారం చేశారు. ఎంపీ ఎన్నిక‌ల్లో క‌విత ఓటమితో నేత‌ల అంచ‌నాలు తారుమార‌య్యాయి.

క‌విత ఓట‌మితో జిల్లాకు మండ‌వ రావ‌డం మానేశారు. అటు టీఆర్ఎస్ అధినేత‌ను క‌లిసే సాహ‌స‌మూ చేయ‌డం లేద‌ట‌. ముఖ్య‌మంత్రితో సాన్నిహిత్యం ఉన్నా.. కేసీఆర్ కుమార్తెను గెలిపించ‌లేక‌పోయాన‌న్న మండ‌వ‌ను క‌లచివేస్తుంద‌నే టాక్ న‌డుస్తోంది. దీంతో మొన్న‌టి వ‌ర‌కు ప్ర‌భుత్వంలో ప్రాధాన్యం ఖాయ‌మ‌న్న పార్టీ వ‌ర్గాలే ఇప్పుడు ఏమో అధినేత మ‌న‌సులోమాట ఆ పై వాడికే ఎరుక అంటూ మౌనంగా ఉండిపోతున్నారు.

మండ‌వ వెంక‌టేశ్వ‌ర‌రావుకు కీల‌క ప‌ద‌వి కోసం మ‌రికొద్ది రోజులు వేచి చూడ‌క త‌ప్ప‌ని ప‌రిస్థితి నెల‌కొంద‌ని ఆయ‌న అనుచ‌రులు చ‌ర్చించుకుంటున్నారు. మ‌రోప‌క్క కాంగ్రెస్ నుంచి ఉమ్మడి రాష్ట్రంలో స్పీక‌ర్‌గా మంచి గుర్తింపు తెచ్చుకున్న కేఆర్ సురేష్‌రెడ్డిదీ అదే ప‌రిస్థితి. కాంగ్రెస్ త‌రుపున నాలుగుసార్లు ఎమ్మెల్యేగా గెలుపొంది రెండు నియోజ‌క‌వ‌ర్గాల్లో ప‌ట్టున్న నేత ఆయ‌న‌.

అసెంబ్లీ ఎన్నిక‌ల‌కు ముందు సురేష్‌రెడ్డి టీఆర్ఎస్‌లో చేరారు. ఆర్మూర్‌, బాల్కొండ నియోజ‌క‌వ‌ర్గాల్లో టీఆర్ఎస్ అభ్య‌ర్ధుల గెలుపుకోసం త‌న‌వంతు ప్ర‌చారంచేసి దీంతో అంద‌రూ ఆయ‌న‌కు మండ‌లి చైర్మ‌న్ ప‌ద‌వి ఖాయ‌మ‌ని భావించారు. అదీ కాకుంటే రాజ్య‌స‌భ ప‌క్కా అని అనుకున్నారు.

అయితే, పార్ల‌మెంట్ ఎన్నిక‌ల ఫ‌లితాల‌తో ఇప్పుడా చ‌ర్చ తెర‌మ‌రుగైంది. సురేష్‌రెడ్డి అనుచ‌రులు త‌మ నేత‌కు ప‌ద‌వి ఎప్పుడు వ‌స్తుందా..? అని ఆశ‌గా ఎదురు చూస్తుంటే.. టీఆర్ఎస్ శ్రేణులు మాత్రం క్యూలో ఇంకా చాలా మంది ఉన్నార‌ని స‌మాధానం ఇస్తున్నార‌ట‌. దీంతో ఆ ఇద్ద‌రు రాజ‌కీయ ఉద్దండుల రాజ‌కీయ భ‌విష్య‌త్తుపై జిల్లాలో ఆస‌క్తిక‌ర చ‌ర్చ కొన‌సాగుతోంది.

 

చేతులు మారుతున్న ఏపీలో పోర్టులు..  కాకినాడ పోర్టు అరబిందో కైవ‌సం?!

చేతులు మారుతున్న ఏపీలో పోర్టులు.. కాకినాడ పోర్టు అరబిందో కైవ‌సం?!

   9 hours ago


గ్రేటర్ వరద ప్రాంతాలలో రేవంత్ పర్యటన.. కారుని ఢీ కొడతారా?

గ్రేటర్ వరద ప్రాంతాలలో రేవంత్ పర్యటన.. కారుని ఢీ కొడతారా?

   9 hours ago


ఏపీకి మ‌ద్యం అక్ర‌మ ర‌వాణాలో కొత్త పుంత‌లు

ఏపీకి మ‌ద్యం అక్ర‌మ ర‌వాణాలో కొత్త పుంత‌లు

   10 hours ago


యూపీ సీఎం యోగి ఆదిత్యనాథ్ ను కలిసిన 'రవికిషన్'

యూపీ సీఎం యోగి ఆదిత్యనాథ్ ను కలిసిన 'రవికిషన్'

   11 hours ago


బీజేపీలో పురందేశ్వ‌రికి కీల‌క ప‌ద‌వి... సామాజిక స‌మీక‌ర‌ణే ఎజెండా

బీజేపీలో పురందేశ్వ‌రికి కీల‌క ప‌ద‌వి... సామాజిక స‌మీక‌ర‌ణే ఎజెండా

   11 hours ago


అంబటి భూకబ్జా లీకులు.. సొంత పార్టీ నేతలే టార్గెట్ చేశారా?

అంబటి భూకబ్జా లీకులు.. సొంత పార్టీ నేతలే టార్గెట్ చేశారా?

   12 hours ago


ఎన్‌డీఏకు అకాలీదళ్‌ గుడ్‌బై.. రైతు వ్యతిరేక బిల్లులపై విభేదం

ఎన్‌డీఏకు అకాలీదళ్‌ గుడ్‌బై.. రైతు వ్యతిరేక బిల్లులపై విభేదం

   12 hours ago


డీకే అరుణకి జాతీయ పదవి.. రెడ్డి సామాజికవర్గంపై బీజేపీ టార్గెట్?

డీకే అరుణకి జాతీయ పదవి.. రెడ్డి సామాజికవర్గంపై బీజేపీ టార్గెట్?

   13 hours ago


ఏపీని ముంచెత్తుతున్న భారీ వర్షాలు.. పంటనష్టం

ఏపీని ముంచెత్తుతున్న భారీ వర్షాలు.. పంటనష్టం

   14 hours ago


తెలంగాణలో ఆడపిల్లను లక్ష్మిలా కొలుస్తున్నారు.. మంత్రి హరీష్ రావు

తెలంగాణలో ఆడపిల్లను లక్ష్మిలా కొలుస్తున్నారు.. మంత్రి హరీష్ రావు

   15 hours ago


ఇంకా

NewsSting Team


      040 23600300

newsting
Daily Updates
facebooktwitterGooglewhatsappwhatsappGoogle