newssting
BITING NEWS :
వచ్చే అసెంబ్లీ ఎన్నికల్లో సీఎం అభ్యర్థి ఎవరనే అంశంపై అన్నాడీఎంకేలో అసంతృప్తులు. సీఎం ఎడపాడి పళనిస్వామి, డిప్యూటీ సీఎం పన్నీర్‌సెల్వం ఎవరికివారు నేనంటే నేనే అంటూ వాదులాడుకునే స్థాయికి చేరిన వివాదం. వివాదానికి తెరదించేలా అక్టోబరు 7న అధికారిక ప్రకటిన చేయనున్నట్లు స్పష్టం చేసిన పార్టీ * కేంద్రప్రభుత్వం తీసుకువచ్చిన నూతన వ్యవసాయ చట్టం బిల్లు ఆమోదాన్ని సవాల్‌ చేస్తూ సుప్రీం కోర్టును ఆశ్రయించిన కేరళకు చెందిన కాంగ్రెస్‌ ఎంపీ టీఎన్‌ ప్రతాపన్‌. వ్యవసాయ రంగం అనేది రాష్ట్ర పరిధిలోని అంశమని, కేం‍ద్రప్రభుత్వం రాష్ట్రాల హక్కులను హరిస్తోందని సుప్రీం పిటిషన్ లో పేర్కొన్న ఎంపీ. కేం‍ద్రప్రభుత్వం తీసుకువచ్చిన ఈ మూడు చట్టాలు రాజ్యాంగ విరుద్దమని, చెల్లదని రద్దుచేయాలంటూ సర్వోన్నత న్యాయస్థానాన్ని కోరిన ఎంపీ * అసోం మాజీ మహిళా ముఖ్యమంత్రి సైదా అన్వర తైమూర్ (84) అనారోగ్యంతో ఆస్ట్రేలియాలో కన్నుమూత. అసోం రాష్ట్రంలో కాంగ్రెస్ పార్టీ నాయకురాలిగా 4 దశాబ్దాల పాటు పనిచేసిన సైదా అన్వర తైమూర్. నాలుగుసార్లు ఎమ్మెల్యేగా ఎన్నికైన సైదా అన్వర అసోం మొట్టమొదటి మహిళా సీఎం. గత కొన్నేళ్లుగా ఆస్ట్రేలియాలో ఉన్న తన కుమారుడి వద్ద ఉంటున్న సైదా అన్వర తీవ్ర అనారోగ్యానికి గురై కన్నుమూత * బీజేపీ సీనియర్‌ నేత, కేంద్ర మాజీ మంత్రి ఉమాభారతి(61)కి కరోనా సోకిన సంగతి తెలిసిందే. హిమాలయాల పర్యటనలో ఉండగా స్వల్ప జ్వరం రావడంతో పరీక్షలు చేయగా పాజిటివ్‌ ఫలితాలు. రిషికేశ్‌ ఎయిమ్స్‌ ఆస్పత్రిలో చేరినట్లుగా ట్వీట్. తన డ్రైవర్‌కు పాజిటివ్‌ వచ్చిందని, అతడి ద్వారా వ్యాపించి ఉంటుందని ట్వీట్ లో వెల్లడించిన ఉమా భారతి * రైలు ప్రయాణికుల నెత్తిన చార్జీల భారం మోపేందుకు రైల్వే శాఖ కసరత్తులు. అత్యాధునిక సౌకర్యాలతో తీర్చిదిద్దిన రైల్వే స్టేషన్ల ప్రయాణికులపై చార్జీల మోత. ప్రయాణికుడు కొనుగోలు చేసే టికెట్ ధరను బట్టి పెరుగుదలకు అవకాశం. గరిష్ఠంగా రూ.35 నుండి కనిష్ఠంగా పది రూపాయల వరకు వసూలు చేయనున్న వినియోగ రుసుము* దేశవ్యాప్తంగా మొత్తం 7 వేల రైల్వే స్టేషన్లు ఉన్నాయి. వీటిలో రద్దీగా ఉండే స్టేషన్లలో అత్యాధునిక సౌకర్యాలు కల్పించి వినియోగ రుసుమును వసూలు చేస్తామని రైల్వే శాఖ ఇది వరకే ప్రకటించింది. ఇలా అభివృద్ధి చేసిన స్టేషన్లు దాదాపు 1000 వరకు ఉన్నాయి. రైల్వే శాఖ ప్రతిపాదనకు కేంద్రం కనుక ఆమోద ముద్ర వేస్తే ఈ స్టేషన్లలోని ప్రయాణికుల జేబులకు చిల్లులు పడడం ఖాయం * నిర్మాణంలో ఉన్న ఓ భవనం ఆకస్మాత్తుగా కుప్పకూలడంతో ముగ్గురు దుర్మరణం. గుజరాత్ రాష్ట్రంలోని వడోదర నగరంలో సోమవారం రాత్రి జరిగిన ఘటన. బావామాన్ పురా ప్రాంతంలో కుప్పకూలిన నిర్మాణంలో ఉన్న భవనం. ఈ ఘటనలో అక్కడికక్కడే మరణించిన ముగ్గురు వ్యక్తులు. కరోనా బారిన పడ్డ ఒడిశా డిప్యూటీ స్పీకర్ రజనీకాంత్ సింగ్‌తోపాటు 11 మంది ఎమ్మెల్యేలు. నేటి నుంచి అసెంబ్లీ వర్షాకాల సమావేశాలు ప్రారంభం కానున్న నేపథ్యంలో ఎమ్మెల్యేలు, పాత్రికేయులకు ప్రత్యేకంగా కరోనా పరీక్షలు. ఈ సందర్భంగా డిప్యూటీ స్పీకర్, 11 మంది ఎమ్మెల్యేలకు కరోనా సోకినట్టు నిర్ధారణ * ఎగువన కురుస్తున్న భారీ వర్షాలతో శ్రీశైలం జలాశయానికి అధికంగా సాగుతున్న వరద నీటి ప్రవాహం. జలాశయం 10 గేట్లు 10 అడుగుల మేర ఎత్తి నీటి విడుదల చేస్తున్న అధికారులు. జలాశయం ఇన్ ఫ్లో 2,05,017 క్యూసెక్కులు కాగా ఔట్ ఫ్లో 3,06,819 క్యూసెక్కులు. అలాగే పూర్తి స్థాయి నీటి మట్టం 885 అడుగులు కాగా.. 883.90 అడుగులకు చేరిన ప్రస్తుతం నీటి మట్టం * తమ భూములకు సరైన నష్టపరిహారం చెల్లించేలా ప్రభుత్వాన్ని ఆదేశాలని కోరుతూ హైకోర్టును ఆశ్రయించిన సినీ నటుడు కృష్ణంరాజు. గన్నవరం ఎయిర్‌పోర్ట్ విస్తరణలో తమ భూమికి సరైన నష్టపరిహారం చెల్లించాలని పిటిషన్ దాఖలు. పిటిషన్‌ను పరిశీలించిన ధర్మాసనం.. కౌంటర్ దాఖలు చేయాలని ప్రభుత్వానికి ఆదేశం. తదుపరి విచారణను వచ్చే సోమవారానికి వాయిదా వేసిన హైకోర్టు * దేశంలో సోమవారం నుండి ప్రారంభమైన వాయువ్య భారతం నుంచి నైరుతి రుతుపవనాల నిష్క్రమణ. రాజస్థాన్‌లోని జైసల్మీర్‌, బికనీర్‌ల నుంచి ఈనెల 17నే ఉపసంహరణ ప్రారంభం కావాల్సి ఉండగా, ఈసారి 11 రోజులు ఆలస్యం. ఏపీ నుంచి అక్టోబరు 15న రుతుపవనాలు నిష్క్రమిస్తాయని అంచనా. కాగా, దక్షిణ ఏపీలో కొనసాగుతున్న ఉపరితల ఆవర్తనం. దీని ప్రభావంతో రాష్ట్రలో భారీ వర్షాలు కురిసే అవకాశం * నాగార్జునసాగర్ ప్రాజెక్టుకు కొనసాగుతున్న వరద ప్రవాహం. 18 క్రస్టు గేట్లు 10 ఫీట్ల మేర ఎత్తి నీటిని దిగువకు విడుదల. ప్రాజెక్ట్ ఇన్ ఫ్లో, అవుట్ ఫ్లో 3,10,631 క్యూసెక్కులు కాగా పూర్తి స్థాయి నీటి నిల్వ 312.0450 టీఎంసీలు, ప్రస్తుత నీటి నిల్వ 309.6546 టీఎంసీలుగా నమోదు. పూర్తిస్థాయి నీటిమట్టం 590 అడుగులకు గాను ప్రస్తుత నీటిమట్టం 589.20 అడుగులకు చేరిక * మూసీ ప్రాజెక్ట్‌కు వరద ప్రవాహం అధికంగా ఉండటంతో 2 గేట్ల నుంచి నీటి విడుదల చేస్తున్న అధికారులు. ప్రాజెక్ట్ పూర్తి సామర్థ్యం 645 అడుగులు(4.46టీఎంసీలు) కాగా 644 అడుగుల(4.20టీఎంసీలు)కు చేరిన ప్రస్తుత నీటి మట్టం. అలాగే ఇన్ ఫ్లో 4,505 క్యూసెక్కులు, ఔట్ ఫ్లో 3,978 క్యూసెక్కులుగా నమోదు * కీసర మాజీ తహసీల్దార్‌ నాగరాజు లంచం కేసులో అరెస్టయిన ముగ్గురు సహనిందితులకు ఏసీపీ ప్రత్యేక కోర్టు బెయిల్‌ మంజూరు. చేసింది. రియల్‌ ఎస్టేట్‌ వ్యాపారి శ్రీనాథ్‌యాదవ్‌, మధ్యవర్తి అంజిరెడ్డి, వీఆర్‌ఏ సాయిరాజ్‌కు బెయిల్‌

పోరాడి గెలిచిన యువ‌కులు.. ఆద‌ర్శం ఓరుగ‌ల్లు కుర్రాళ్లు

21-11-201921-11-2019 12:38:46 IST
2019-11-21T07:08:46.662Z21-11-2019 2019-11-21T07:08:45.362Z - - 30-09-2020

పోరాడి గెలిచిన యువ‌కులు.. ఆద‌ర్శం ఓరుగ‌ల్లు కుర్రాళ్లు
facebooktwitterGooglewhatsappwhatsappGoogle
స‌మాజంలో కంటికి క‌నిపించే స‌మ‌స్య‌ల‌ను చూసీ చూడ‌న‌ట్లు వ‌దిలేసే యువ‌త‌ను ఎక్కువ‌గా చూస్తుంటాం. ఒక స‌మ‌స్య క‌నిపిస్తే ఫేస్‌బుక్‌లోనో, ట్విట్ట‌ర్‌లోనో దానిపై పాల‌కుల‌ను ప్ర‌శ్నించే వారు త‌క్కువ‌గా చూస్తుంటాం.

కానీ, హ‌న్మ‌కొండ‌కు చెందిన తోట ప‌వ‌న్‌, యెన్నంశెట్టి అఖిల్ అనే యువ‌కులు మాత్రం మ‌న స‌మాజంలో అరుదుగా క‌నిపిస్తారు. స‌మ‌స్య ఉందంటే వారు త‌మ‌కెందుకులే అనుకోరు. స‌మ‌స్య ప‌రిష్కార‌మ‌య్యే వ‌ర‌కు పోరాడ‌తారు. ఇలా పోరాడి గెలిచిన ఓ క‌థ ఇది.

హ‌న్మ‌కొండ అడ్వ‌కేట్స్ కాల‌నీకి చెందిన తోట ప‌వ‌న్‌, కాకాజి కాల‌నీకి చెందిన యెన్నంశెట్టి అఖిల్ ఇద్ద‌రూ స్నేహితులు. ప‌వ‌న్ న్యాయ విద్యార్థి. అఖిల్ లండ‌న్‌లో న్యాయ విద్య‌ను అభ్య‌సిస్తున్నాడు.

వీరిద్ద‌రూ వ‌రంగ‌ల్ న‌గ‌రంలోని స‌మ‌స్య‌ల ప‌రిష్కారానికి నిత్యం చొర‌వ చూపిస్తుంటారు. స‌మ‌స్య‌ల‌ను పాల‌కులు, అధికారుల దృష్టికి తీసుకెళ్లి ప‌రిష్కారానికి కృషి చేస్తుంటారు. ఈ నేప‌థ్యంలో ఓ వార్తా ప‌త్రిక‌లో వ‌చ్చిన వార్త వారిని ఆలోచింప‌జేసింది.

హ‌న్మ‌కొండ‌లోని బాల‌స‌ముద్రం నిత్యం ర‌ద్దీగా ఉండే ప్రాంతం. ఈ రోడ్డులో ఓ వ్యాపారికి పెట్రోల్ పంపు ఉంది. త‌న పెట్రోల్ పంపున‌కు అనుకూలంగా ఉండేలా, వాహ‌నాలు సులువుగా వ‌చ్చేలా స‌ద‌రు యాజ‌మాని త‌న తెలివితేట‌లు ప్ర‌ద‌ర్శించి, ప‌లుకుబ‌డిని ఉప‌యోగించి డివైడ‌ర్‌ను తొల‌గించుకున్నారు.

అంతేకాదు, పెట్రోల్ పంపు వ‌ద్ద స్పీడ్ బ్రేక‌ర్ల‌ను ఏర్పాటు చేసుకున్నారు. ర‌ద్దీగా ఉండే రోడ్డుపై పెట్రోల్ పంపు యాజ‌మాని త‌న వ్యాపారం కోసం చేసిన ఈ ప‌నుల‌తో ట్రాఫిక్‌కు ఇబ్బంది ఏర్ప‌డుతోంది.

ఈ విష‌యంపై ఈ ఏడాది మేలో ప్ర‌ముఖ వార్త ప‌త్రిక‌లో ఒక క‌థ‌నం ప్ర‌చురిత‌మైంది. ఎంతోమంది ఈ క‌థ‌నాన్ని చదివి వ‌దిలేశారు. మున్సిప‌ల్ అధికారులు, ప్ర‌జాప్ర‌తినిధులు కూడా ప‌ట్టించుకోలేదు.

కానీ, తోట ప‌వ‌న్‌, అఖిల్ మాత్రం ఈ వార్త‌ను సీరియ‌స్‌గా తీసుకున్నారు. స‌మ‌స్య ప‌రిష్కారానికి తామే ముందడుగు వేయాల‌ని నిర్ణ‌యించుకున్నారు. మున్సిప‌ల్ అధికారులకు ఈ విష‌యంపై ఫిర్యాదు చేశారు. కానీ, వారి నుంచి స్పంద‌న రాలేదు.

దీంతో వారు ఈ విష‌యంపై జిల్లా శాశ్వ‌త లోక్ అదాల‌త్‌ను ఆశ్ర‌యించారు. ఇద్ద‌రూ న్యాయ విద్యార్థులే కావ‌డంతో వారికి ఉన్న అవ‌గాహ‌న‌తో ఫిర్యాదు చేశారు. ఫిర్యాదు స్వీక‌రించిన లోక్అదాల‌త్ దీంతో మున్సిప‌ల్ కార్పొరేష‌న్ క‌మిష‌న‌ర్‌పై కేసు న‌మోదైంది. క‌మిష‌న‌ర్‌కు నోటీసులు ఇచ్చింది. ఈ విష‌యంపై విచార‌ణ జ‌రిపిన లోక్ అదాల‌త్ బుధ‌వారం తీర్పు ఇచ్చింది.

పెట్రోల్ పంపు యాజ‌మాని వ్యాపార ప్ర‌యోజ‌నాల కోసం తొల‌గించిన డివైడ‌ర్‌ను మూసి వేయాల‌ని, స్పీడ్ బ్రేక‌ర్ల‌ను తొల‌గించాల‌ని లోక్ అదాల‌త్ ఛైర్‌ప‌ర్స‌న్ ఈద తిరుమ‌లాదేవీ తుది తీర్పు చెప్పారు.

అంతేకాదు, ఈ విష‌యంపై ఫిర్యాదు చేసిన పోరాడిన ప‌వ‌న్‌, అఖిల్‌కు చెరో రూపాయి ప‌రిహారం చెల్లించాల‌ని చెప్పారు. దీంతో యువ‌కుల‌పై ప్ర‌శంస‌ల జ‌ల్లు కురుస్తోంది. వీరిద్ద‌రూ ఈ విష‌యంపైనే కాదు.. వివిద సామాజిక స‌మ‌స్య‌ల‌పై ఎప్ప‌టిక‌ప్పుడు గ‌ళం విప్పుతుంటారు. నిజంగా యువ‌త‌లో ఈ త‌ర‌హా పోరాట ప‌టిమ అవ‌స‌రం.

 

స్వచ్ఛభారత్‌లో తెలంగాణ మళ్లీ నంబర్‌ వన్‌.. హ్యాట్రిక్ రికార్డు

స్వచ్ఛభారత్‌లో తెలంగాణ మళ్లీ నంబర్‌ వన్‌.. హ్యాట్రిక్ రికార్డు

   7 minutes ago


బీజేపీదీ విస్తరణ కాంక్షే!

బీజేపీదీ విస్తరణ కాంక్షే!

   14 hours ago


దంచి కొడుతున్న వానలతో నిండు కుండలా తెలంగాణ.. పదేళ్ల రికార్డు బద్దలు

దంచి కొడుతున్న వానలతో నిండు కుండలా తెలంగాణ.. పదేళ్ల రికార్డు బద్దలు

   15 hours ago


ఏడాదిలో పీజీ, డిగ్రీ త‌ర్వాత పీహెచ్‌డీ... జ‌గ‌న్ దిశా నిర్దేశం

ఏడాదిలో పీజీ, డిగ్రీ త‌ర్వాత పీహెచ్‌డీ... జ‌గ‌న్ దిశా నిర్దేశం

   15 hours ago


ఏపీ బీజేపీ మౌన‌మెందుకు?.. వైసీపీ నేత‌ల‌కు అలుసైపోయారా?

ఏపీ బీజేపీ మౌన‌మెందుకు?.. వైసీపీ నేత‌ల‌కు అలుసైపోయారా?

   16 hours ago


ఏపీలో పాఠశాలలు తెరవడం.. ఇప్పట్లో లేనట్లేనా..!

ఏపీలో పాఠశాలలు తెరవడం.. ఇప్పట్లో లేనట్లేనా..!

   16 hours ago


దుబ్బాక ఉప ఎన్నిక షెడ్యూల్ విడుదల..!

దుబ్బాక ఉప ఎన్నిక షెడ్యూల్ విడుదల..!

   17 hours ago


శ్రీ‌వారి బ్ర‌హ్మోత్స‌వాల్లో పాల్గొన్న మ‌రో మంత్రికి క‌రోనా పాజిటివ్‌!

శ్రీ‌వారి బ్ర‌హ్మోత్స‌వాల్లో పాల్గొన్న మ‌రో మంత్రికి క‌రోనా పాజిటివ్‌!

   17 hours ago


రూ. 70 కోట్ల బకాయిలు కట్టకపోతే ఆయిల్ బంద్.. టీఎస్ఆర్టీసీకి కొత్త చిక్కులు

రూ. 70 కోట్ల బకాయిలు కట్టకపోతే ఆయిల్ బంద్.. టీఎస్ఆర్టీసీకి కొత్త చిక్కులు

   18 hours ago


అశ్వ‌నీదత్‌, కృష్ణంరాజు ఏపీ ప్రభుత్వం పై న్యాయ పోరాటం...

అశ్వ‌నీదత్‌, కృష్ణంరాజు ఏపీ ప్రభుత్వం పై న్యాయ పోరాటం...

   19 hours ago


ఇంకా


      040 23600300

newsting
Daily Updates
facebooktwitterGooglewhatsappwhatsappGoogle