facebooktwitteryoutubeinstagram
newssting
BITING NEWS :
* తొలివిడత ఎన్నికలకు నోటిఫికేషన్ .. నామినేషన్లకు శ్రీకారం ..నామినేషన్ల దాఖలుకు తుది గడువు ఈ నెల 25వ తేదీ* రక్షణమంత్రి, గోవా ముఖ్యమంత్రి మనోహర్ పారికర్ కన్నుమూత.. రాష్ట్రపతి సహా పలువురి నివాళి * ఒకేసారి 175 అసెంబ్లీ, 25 ఎంపీ అభ్యర్ధులను ప్రకటించిన వైసీపీ అధినేత జగన్ *మల్కాజ్ గిరి లోక్ సభ జనసేన అభ్యర్థిగా బి.మహేందర్ రెడ్డి *సెన్సార్ బోర్డు పై వర్మ సీరియస్... కోర్టుకెళతానన్న ఆర్జీవీ*కరీంనగర్ టీఆర్ఎస్ అభ్యర్ధిగా నామినేషన్ దాఖలు చేసిన వినోద్ కుమార్

పొత్తులు వ‌ద్దు బాబోయ్‌..!

14-03-201914-03-2019 08:28:47 IST
Updated On 14-03-2019 11:36:11 ISTUpdated On 14-03-20192019-03-14T02:58:47.669Z14-03-2019 2019-03-14T02:57:43.615Z - 2019-03-14T06:06:11.123Z - 14-03-2019

పొత్తులు వ‌ద్దు బాబోయ్‌..!
facebooktwitterGooglewhatsappwhatsappGoogle

తెలంగాణ అసెంబ్లీ ఎన్నిక‌ల్లో కాంగ్రెస్ నేతృత్వంలోని ప్ర‌జాకూట‌మి ప్ర‌యోగం విఫ‌లం కావ‌డంతో పార్ల‌మెంటు ఎన్నిక‌ల్లో కూట‌మికి పార్టీల‌న్నీ గుడ్ బై చెబుతున్నాయి. అన్ని పార్టీలూ ఒంట‌రి పోరాటానికే సిద్ధ‌మ‌వుతున్నాయి. ఇప్ప‌టికే కాంగ్రెస్ పార్టీ అన్ని స్థానాల‌కూ అభ్య‌ర్థుల‌ను ఖ‌రారు చేసే ప‌నిలో ప‌డింది. సీపీఐ, తెలంగాణ జ‌న‌సమితి కూడా బ‌ల‌మైన చోట్ల ఒంట‌రిగా పోటీ చేసేందుకు మొగ్గు చూపుతున్నాయి.

అసెంబ్లీ ఎన్నిక‌ల్లో కేసీఆర్‌‌ను ఎలాగైనా గ‌ద్దె దింపాల‌నే ఏకైక ఎజెండాతో కాంగ్రెస్‌, తెలుగుదేశం, టీజేఎస్‌, సీపీఐ క‌లిసి ప్ర‌జాకూటమిగా ఏర్ప‌డ్డాయి. అయితే, సీట్ల స‌ర్దుబాటు వ్య‌వ‌హారం తొంద‌ర‌గా తేల‌క‌పోవ‌డం, ప‌లు చోట్ల కూట‌మిలోనే రెండు పార్టీల అభ్య‌ర్థులూ పోటీలో ఉండ‌టం వంటి కార‌ణాల‌తో ఎన్నిక‌ల ముందే కూట‌మిలో కొట్లాట‌లు మొద‌ల‌య్యాయి. ఎలాగోలా ఎన్నిక‌ల‌కు వెళ్లిన కూట‌మికి ఎదురుదెబ్బ త‌గిలింది.

పొత్తులు కూడా త‌మ‌ను ముంచాయ‌ని, పొత్తులు లేకుంటే ఇంకా కొన్ని ఎక్కువ స్థానాలు గెలుచుకునే వాళ్ల‌మ‌ని కాంగ్రెస్ నేత‌లు బ‌లంగా విశ్వ‌సిస్తున్నారు. దీంతో పార్ల‌మెంటు ఎన్నిక‌ల‌కు ఎలాంటి పొత్తులూ వ‌ద్ద‌ని వారు ముందు నుంచే అధిష్ఠానంపై ఒత్తిడి తెస్తున్నారు. దీంతో మొత్తం 17 స్థానాల‌కూ ఆ పార్టీ అభ్య‌ర్థుల ఎంపిక‌పై క‌స‌ర‌త్తు చేస్తోంది. అయితే, ఖ‌మ్మం విష‌యంలో మాత్రం తెలుగుదేశం పార్టీతో పొత్తు ఉంటుందా అనే అనుమానాలు నేత‌ల‌కు వ్య‌క్త‌మ‌వుతున్నాయి. 

ఖ‌మ్మం సీటును టీడీపీ సీనియ‌ర్ నేత నామా నాగేశ్వ‌ర‌రావుకు వ‌దిలేస్తార‌నే ప్ర‌చారం జ‌రుగుతోంది. నామా తెలుగుదేశం పార్టీ నుంచి బ‌రిలో ఉంటారా లేదా కాంగ్రెస్‌లో చేరి పోటీ చేస్తారా అనేది తేలాల్సి ఉంది. తెలంగాణలో పొత్తు వ్య‌వ‌హారం రాష్ట్ర శాఖ‌కే అప్ప‌గించిన‌ట్లు అధినేత చంద్ర‌బాబు నాయుడు ప్ర‌క‌టించారు. టీటీడీపీ నేత‌లలు మాత్రం మూడు స్థానాల‌పై క‌న్నేశారు. కుదిరితే కాంగ్రెస్‌తో పొత్తు పెట్టుకోవాల‌నే వారు ఆలోచిస్తున్నారు. పొత్తులో భాగంగా ఖ‌మ్మం, మ‌హ‌బూబ్‌న‌గ‌ర్‌‌తో పాటు వారికి సిట్టింగ్ సీటుగా ఉన్న మ‌ల్కాజిగిరి అడ‌గాల‌ని భావిస్తున్నారు.

టీడీపీతో పొత్తే అసెంబ్లీ ఎన్నిక‌ల్లో ముంచింద‌ని భావిస్తున్నచాలామంది కాంగ్రెస్ నేత‌లు అస‌లే ఆ పార్టీతో పొత్తే వ‌ద్దు అంటున్నార‌ట‌. ఒక‌వేళ కాంగ్రెస్ అధిష్ఠానం సూచ‌న‌ల‌తో పొత్తు పెట్టుకున్నా ఖ‌మ్మం స్థానం మాత్రమే ఇచ్చే అవ‌కాశం ఉంది. ఇక‌, తెలంగాణ జ‌న స‌మితి పార్ల‌మెంటు ఎన్నిక‌ల్లో ఒంట‌రి పోరుకు దిగుతున్న‌ట్లు ప్ర‌క‌టించేసింది.

నిజామాబాద్‌, క‌రీంన‌గ‌ర్‌, మ‌ల్కాజిగిరితో పాటు మ‌రో పార్ల‌మెంటు స్థానంలో పోటీ చేస్తామ‌ని టీజేఎప్ అధ్య‌క్షులు ప్రొ.కొదండ‌రాం ప్ర‌క‌టించారు. ఆయ‌న పోటీపై మాత్రం ఇంకా క్లారిటీ ఇవ్వ‌లేదు. ఇక‌, సీపీఐ కూడా కాంగ్రెస్ కు గుడ్ బై చెప్పాల‌నే నిర్ణ‌యానికి వ‌చ్చింది. అసెంబ్లీ ఎన్నిక‌ల్లో బీఎల్ఎఫ్ ప్ర‌యోగం చేసి సీపీఎం, ప్ర‌జాకూట‌మి ద్వారా సీపీఐ విఫ‌ల‌మ‌య్యాయి. అసెంబ్లీలో ఒక్క స్థానం కూడా ద‌క్కించుకోలేక ప్రాతినిధ్యం కోల్పోయాయి. దీంతో రెండు పార్టీలూ వామ‌ప‌క్షాల ఐక్య‌త ద్వారానే ప్ర‌భావం చూప‌వ‌చ్చ‌నే నిర్ణ‌యానికి వ‌చ్చాయి. పార్ల‌మెంటు ఎన్నిక‌ల్లో ఈ రెండు పార్టీలు క‌లిసి పోటీ చేయ‌నున్నాయి. ప్ర‌జాకూట‌మి కూలిపోవ‌డం టీఆర్ఎస్‌కు ప్ల‌స్ అవుతుందో, కాంగ్రెస్‌కు క‌లిసి వ‌స్తుందో చూడాలి.

 


Newssting Desk


 newssting@rightfolio.in
      040 23600300

newsting
Daily Updates
facebooktwitterGooglewhatsappwhatsappGoogle