newssting
BITING NEWS :
ఎన్డీయేతో బంధం తెంచుకున్న అకాలీదళ్. కేంద్రం తీసుకొచ్చిన బిల్లులకు వ్యతిరేకంగా అకాలీదళ్ నిర్ణయం. ఈ బిల్లుల ప్రభావం రైతులు, దళితులు, రైతు కూలీల అందరిపై పడిందని తెలిపిన అకాలీదళ్ చీఫ్ సుఖ్‌బీర్ సింగ్ బాదల్ ప్రకటన. శనివారం పార్టీ నిర్వహించిన మూడు గంటల ఎమర్జెన్సీ కోర్ కమిటీ సమావేశం అనంతరం నిర్ణయం. 23 ఏళ్ల సుదీర్ఘ రాజకీయ బంధాన్ని తెగతెంపులు చేసుకున్న అకాలీదళ్ * బాలీవుడ్‌ వివాదాస్పద నటి కంగనా రనౌత్‌పై కర్ణాటకలోని తుమకూరు కోర్టులో కేసు దాఖలు. కేంద్ర ప్రభుత్వ రైతు చట్టాలకు వ్యతిరేకంగా ఆందోళన చేస్తున్న రైతులను ఉగ్రవాదులతో పోల్చుతూ ట్వీట్‌ చేయడాన్ని తప్పుబడుతూ తుమకూరు జేఎంఎఫ్సీ కోర్టులో రమేశ్‌ నాయక్‌ అనే న్యాయవాది పిటిషన్‌ దాఖలు * అత్యంత ప్రతిష్టాత్మకమైన ఢిల్లీలోని జాతీయ న్యాయ విశ్వవిద్యాలయం ఎన్‌ఎల్‌యూ వైస్‌ చాన్సలర్‌గా వరంగల్‌ జిల్లాకు చెందిన ప్రొఫెసర్‌ పి.శ్రీకృష్ణదేవరావు నియామకం. ప్రస్తుత వైస్‌ చాన్సలర్‌ ప్రొఫెసర్‌ రణబీర్‌ సింగ్‌ పదవీ విరమణ చేయడంతో శ్రీకృష్ణదేవరావు నియామకం. దేశంలోని పలు విశ్వవిద్యాలయాలలో కీలక బాధ్యతలు నిర్వహించిన శ్రీకృష్ణదేవరావు న్యాయ విద్యలో మార్పులు తీసుకువచ్చేందుకు యూజీసీ నియమించిన నిపుణుల కమిటీలో కూడా ఆయన సభ్యుడిగా కూడా పనిచేశారు * శివసేన నేత, లోక్ సభ సభ్యుడు సంజయ్‌ రౌత్‌, మహారాష్ట్ర మాజీ సీఎం దేవేంద్ర ఫడ్నవిస్ ఓ స్టార్ హోటల్ లో రహస్యంగా భేటీ అయినట్టు గుప్పుమన్న వార్తలు. ఓ లగ్జరీ హోటల్‌ లో సుమారు గంటన్నర పాటు వీరిమధ్య చర్చలు జరిగినట్టు సమాచారం. దేశవ్యాప్తంగా చర్చకు దారితీసిన ఈ సమావేశం వార్తలు. ఈ సమావేశం నిజమేనని, దీని వెనుక రాజకీయ కారణాలు లేవని స్పష్టం చేసిన బీజేపీ * అమెరికాలోని హిందూఆధ్యాత్మిక గురువు స్వామి ప్రత్యాగ్‌బోధానంద కన్నుమూత. పెన్సిల్వేనియాలో అర్ష విద్యా గురుకులానికి ఉపాధ్యక్షులుగా ఉన్న ప్రత్యాగ్‌బోధానంద వయసు 69 సంవత్సరాలు. గురుకులం 34వ వార్షిక ఉత్సవాల్లో పాల్గొన్న తర్వాత తీవ్రమైన గుండెపోటు రావడంతో ఈనెల 20తేదీన తుదిశ్వాస విడిచినట్టు తెలిపిన ఆయన శిష్యులు. ప్రత్యాగ్‌బోధానంద పార్థివదేహాన్ని భారత్‌కు తరలింపుకు ప్రయత్నాలు * పార్లమెంటు ఆమోదించిన మూడు వ్యవసాయ బిల్లులకి వ్యతిరేకంగా పంజాబ్‌లో కొనసాగుతున్న రైల్‌ రోకో ఆందోళన. గత మూడు రోజులుగా రైతులు రైలు పట్టాలపై కూర్చొని నిర్వహిస్తున్న రైల్‌ రోకో. తొలుత కిసాన్‌ మజ్దూర్‌ సంఘర్ష్ కమిటీ నిరసన కార్యక్రమాలకు పిలుపునిస్తే, ఆ తర్వాత మద్దతు ప్రకటించిన వివిధ సంఘాలు * బాలీవుడ్‌ పరిశ్రమలో కలకలం సృష్టిస్తున్న డ్రగ్స్‌ వ్యవహారం. దీపికా పదుకొనె, శ్రద్ధా కపూర్‌, సారా అలీఖాన్‌ నార్కోటిక్స్‌ కంట్రోల్‌ బ్యూరో ఎదుట శనివారం హాజరు. వేర్వేరుగా ఐదు గంటలకు పైగా కొనసాగిన విచారణ. నటీమణుల వాగ్మూలాన్ని రికార్డు చేసిన ఎన్సీబీ * ఉపరితల ద్రోణి ప్రభావంతో తెలుగు రాష్ట్రలలో పలు జిల్లాల్లో కురిసిన భారీ వర్షాలు శుక్రవారం రాత్రి నుంచి ఆదివారం ఉదయం వరకు కురిసిన ఓ మోస్తరు నుంచి భారీ వర్షాలు. వాగులు, వంకలు పొంగిపొర్లుతుండటంతో అక్కడక్కడా నిలిచిన రాకపోకలు. పలుచోట్ల నీటమునిగిన పంట పొలాలు. అత్యధికంగా రంగారెడ్డి జిల్లా నందిగామలో 19 సెంటీమీటర్ల వర్షపాతం నమోదు * అక్టోబరు 1 నుంచి సినిమా థియేటర్లు తెరిచేందుకు అనుమతినిచ్చిన పశ్చిమ బెంగాల్ ప్రభుత్వం. ఈ విషయాన్ని ట్వీట్ ద్వారా తెలియజేసిన ముఖ్యమంత్రి మమతా బెనర్జీ. పరిస్థితులను గాడిలో పెట్టేందుకు అక్టోబరు 1 నుంచి సినిమా థియేటర్ల తెరిచేందుకు అనుమతినిస్తున్నామని, అలాగే సాంస్కృతిక కార్యక్రమాలు, మ్యాజిక్ షోలు నిర్వహించేందుకు కూడా అనుమతినిస్తున్నామని ట్వీట్ * నెల్లూరు జిల్లాలో ఇటీవల జరిగిన రౌడీషీటర్ దారుణ హత్య మరువక ముందే చోటు చేసుకున్న మరో ఘటన. చిల్లకూరు మండలం కలవకకొండలో చేజర్ల సుబ్రహ్మణ్యం(38) అనే వ్యక్తి దారుణ హత్య. ఆదివారం ఉదయం అతి కిరాతకంగా చంపేసిన గుర్తు తెలియని వ్యక్తులు. సమాచారం మేరకు ఘటనాస్థలికి చేరుకున్న పోలీసులు కేసు నమోదు * సంగారెడ్డిలో వాగు దాటుతున్న వ్యక్తి వరద నీటిలో గల్లంతు. భారీ వర్షాలకు వాగు దాటుతున్న ముగ్గరు వ్యక్తులు గల్లంతవ్వగా ఇద్దరు వ్యక్తులను ఒడ్డుకు చేర్చిన స్థానికులు. కంగ్టి మండలం జంగి బికి చెందిన 55 ఏళ్ల మంగలి మారుతి కాకి వాగు వరద ఉధృతిలో గల్లంతు. మారుతి ఆచూకీ కోసం మండల రెవెన్యూ అధికారుల గాలింపు చర్యలు.

పారాసిట‌మాల్ పేరుతో సీఎంల‌ను అడేసుకుంటున్నారు..!

17-03-202017-03-2020 08:12:03 IST
2020-03-17T02:42:03.211Z17-03-2020 2020-03-17T02:41:56.440Z - - 28-09-2020

పారాసిట‌మాల్ పేరుతో సీఎంల‌ను అడేసుకుంటున్నారు..!
facebooktwitterGooglewhatsappwhatsappGoogle
ప్ర‌పంచ‌వ్యాప్తంగా క‌రోనా వైర‌స్ విజృంభిస్తోంది. ప్ర‌తీ ఒక్క‌రిలోనూ క‌రోనా వైర‌స్ ప‌ట్ల ఆందోళ‌న నెల‌కొంది. అయితే, మ‌న తెలుగు రాష్ట్రాల్లో మాత్రం క‌రోనా వైర‌స్‌ను ఒక కామెడీ చేసేశారు నెటిజ‌న్లు. క‌రోనా వైర‌స్ కంటే ఇప్పుడు పారాసిట‌మ‌ల్‌ను ఫేమ‌స్ చేసేస్తున్నారు. తెలుగు రాష్ట్రాల ముఖ్య‌మంత్రులు కేసీఆర్‌, జ‌గ‌న్ చేసిన వ్యాఖ్య‌లే ఇందుకు కార‌ణం. క‌రోనా వైర‌స్‌కు పారాసిట‌మ‌ల్ వాడితే చాల‌ని ముఖ్య‌మంత్రులు చేసిన వ్యాఖ్య‌ల‌ను ప్ర‌త్య‌ర్థి పార్టీల‌కు చెందిన శ్రేణులు ట్రోల్ చేస్తున్నాయి.

ఇటీవ‌ల అసెంబ్లీలో క‌రోనా వైర‌స్‌పై తెలంగాణ ముఖ్య‌మంత్రి కేసీఆర్ మాట్లాడుతూ... క‌రోనా వైర‌స్‌కు పారాసిట‌మ‌ల్ చాలని పేర్కొన్నారు. రెండు రోజుల క్రితం ఆంధ్ర‌ప్ర‌దేశ్ ముఖ్య‌మంత్రి జ‌గ‌న్ కూడా ఇలాంటి వ్యాఖ్య‌లే చేశారు. ప్ర‌పంచాన్ని గ‌డ‌గ‌డ‌లాడిస్తున్న క‌రోనా వైర‌స్‌కు పారాసిట‌మ‌ల్ చాల‌ని ముఖ్య‌మంత్రులు మాట్లాడ‌టం ఏంట‌ని ప్ర‌త్య‌ర్థి పార్టీల శ్రేణులు సోష‌ల్ మీడియా వేదిక‌గా దుమ్మెత్తి పోస్తున్నారు.

ముఖ్యంగా ఆంధ్ర‌ప్ర‌దేశ్ రాజ‌కీయాల్లో నేత‌ల కంటే పార్టీ కార్య‌క‌ర్త‌లే ఎక్కువ‌గా పోరాడుతుంటారు. సోష‌ల్ మీడియాలో నిత్యం మాట‌ల యుద్ధాలు, ట్రోలింగులు న‌డుస్తుంటాయి. తాజాగా జ‌గ‌న్ చేసిన పారాసిట‌మ‌ల్ వ్యాఖ్య‌ల‌తో టీడీపీ, జ‌న‌సేన శ్రేణులు జ‌గ‌న్‌ను విప‌రీతంగా ట్రోల్ చేసి కామెడీ చేస్తున్నారు. దీంతో వైఎస్సార్ కాంగ్రెస్ పార్టీ శ్రేణులు కౌంట‌ర్ ఇచ్చేందుకు తిప్ప‌లు ప‌డుతున్నారు. దీంతో పారాసిట‌మ‌ల్‌పై సోష‌ల్ మీడియాలో యుద్ధం న‌డుస్తోంది.

అయితే, ఈ వ్య‌వ‌హారంలో ఇద్ద‌రు ముఖ్య‌మంత్రులు చెప్పిన దాంట్లో త‌ప్పేమీ లేదు. కాక‌పోతే కేవ‌లం పారాసిట‌మ‌ల్ మాత్ర‌మే స‌రిపోతుంద‌న‌డ‌మే త‌ప్పు. క‌రోనా వైర‌స్‌కు ఇప్ప‌టివ‌ర‌కు మందు లేదు. ఇప్పుడిప్పుడే చైనా, అమెరికా క‌రోనాకు మెడిసిన్ కోసం ప్ర‌య‌త్నాలు చేస్తున్నాయి. అమెరికాలో రేపోమాపో క్లినిక‌ల్ ట్ర‌య‌ల్స్ జ‌ర‌గ‌నున్నాయి. అన్నీ అనుకున్న‌ట్లు జ‌రిగినా, ప‌రిశోధ‌న‌లు విజ‌య‌వంతం అయినా వెంట‌నే మెడిసిన్ అందుబాటులోకి వ‌చ్చే అవ‌కాశం లేదంటున్నారు.

ఇదే స‌మ‌యంలో క‌రోనా వైర‌స్‌కు మెడిసిన్ లేక‌పోయినా ప్ర‌పంచ‌వ్యాప్తంగా ఈ వైర‌స్ బారిన ప‌డిన వారు క్ర‌మంగా కోలుకుంటున్నారు. మ‌న దేశంలోనూ క‌రోనా వైర‌స్ సోకిన వారు కోలుకుంటున్నారు. వైద్య చికిత్స ద్వారానే వీరంతా కోలుకుంటున్నారు. కరోనా వైర‌స్‌ను రోగ‌నిరోధ‌క శ‌క్తి బాగా ఉన్న వారు ఎదుర్కోగ‌ల‌రు. కాబ‌ట్టి, చికిత్స చేసే స‌మ‌యంలో రోగ నిరోధ‌క శ‌క్తిని పెంచుతున్నారు. ఇదే స‌మ‌యంలో క‌రోనా వ‌ల్ల వ‌చ్చే జ్వ‌రం, జ‌లుబు, ద‌గ్గును నివారించేందుకు పారాసిట‌మ‌ల్‌తో పాటు మ‌రికొన్ని మందులు వాడుతున్నారు.

మ‌న దేశంలోనే కాకుండా వివిధ దేశాల్లోనూ వైద్యులు ఇదే ప‌ద్ధ‌తి అవ‌లంభిస్తున్నారు. మ‌న దేశానికే చెందిన గ‌గ‌న్‌దీప్ కాంగ్ అనే ఓ శాస్త్ర‌వేత్త కూడా ఇదే విష‌యాన్ని ప్ర‌క‌టించారు. క‌రోనా వైర‌స్ సోకిన ఐదుగురిలో న‌లుగురు పారాసిట‌మ‌ల్ ద్వారానే కోలుకుంటార‌నేది ఆమె వాద‌న‌. ఈ వార్త చాలా ప‌త్రిక‌ల్లో వ‌చ్చింది. బ‌హుశా ముఖ్య‌మంత్రులు కేసీఆర్‌, జ‌గ‌న్ ఇందుకే పారాసిట‌మ‌ల్ ద్వారా క‌రోనా వైర‌స్‌కు చికిత్స చేయ‌వ‌చ్చ‌ని చెప్పి ఉంటారు.

దీంతో తెలంగాణ‌లో టీఆర్ఎస్ శ్రేణులు, ఏపీలో వైసీపీ శ్రేణులు ప్ర‌స్తుతానికి పారాసిట‌మ‌ల్ మాత్ర‌మే క‌రోనా వైర‌స్‌కు మందు అని నిరూపించేందుకు ప్ర‌య‌త్నిస్తున్నారు. కానీ, ముఖ్య‌మంత్రుల వ్యాఖ్య‌ల‌పై ట్రోలింగ్ కొన‌సాగుతోంది.

పారాసిట‌మ‌ల్ క‌రోనా వైర‌స్‌కు ప‌ని చేసే అవ‌కాశాలు ఉంటే ఉండ‌వ‌చ్చు కానీ క‌రోనా వైర‌స్ ప‌ట్ల ప్ర‌జ‌ల్లో ఆందోళ‌న‌లు నెల‌కొన్న స‌మ‌యంలో కేవ‌లం పారాసిట‌మ‌ల్ చాలు అని ముఖ్య‌మంత్రులు వ్యాఖ్యానించ‌డంతో వారు క‌రోనా వైర‌స్‌ను తేలిగ్గా తీసుకుంటున్నార‌నే సంకేతాలు వెళ్లే అవ‌కాశం ఉంది. పైగా ఇలా సోష‌ల్ మీడియాలో ట్రోలింగ్‌కు గుర‌వుతున్నారు. మొత్తంగా మూడు నాలుగు రోజులుగా క‌రోనా కంటే పారాసిట‌మ‌ల్ పేరు ఎక్కువ‌గా వినిపిస్తోంది.

చేతులు మారుతున్న ఏపీలో పోర్టులు..  కాకినాడ పోర్టు అరబిందో కైవ‌సం?!

చేతులు మారుతున్న ఏపీలో పోర్టులు.. కాకినాడ పోర్టు అరబిందో కైవ‌సం?!

   11 hours ago


గ్రేటర్ వరద ప్రాంతాలలో రేవంత్ పర్యటన.. కారుని ఢీ కొడతారా?

గ్రేటర్ వరద ప్రాంతాలలో రేవంత్ పర్యటన.. కారుని ఢీ కొడతారా?

   12 hours ago


ఏపీకి మ‌ద్యం అక్ర‌మ ర‌వాణాలో కొత్త పుంత‌లు

ఏపీకి మ‌ద్యం అక్ర‌మ ర‌వాణాలో కొత్త పుంత‌లు

   13 hours ago


యూపీ సీఎం యోగి ఆదిత్యనాథ్ ను కలిసిన 'రవికిషన్'

యూపీ సీఎం యోగి ఆదిత్యనాథ్ ను కలిసిన 'రవికిషన్'

   13 hours ago


బీజేపీలో పురందేశ్వ‌రికి కీల‌క ప‌ద‌వి... సామాజిక స‌మీక‌ర‌ణే ఎజెండా

బీజేపీలో పురందేశ్వ‌రికి కీల‌క ప‌ద‌వి... సామాజిక స‌మీక‌ర‌ణే ఎజెండా

   14 hours ago


అంబటి భూకబ్జా లీకులు.. సొంత పార్టీ నేతలే టార్గెట్ చేశారా?

అంబటి భూకబ్జా లీకులు.. సొంత పార్టీ నేతలే టార్గెట్ చేశారా?

   14 hours ago


ఎన్‌డీఏకు అకాలీదళ్‌ గుడ్‌బై.. రైతు వ్యతిరేక బిల్లులపై విభేదం

ఎన్‌డీఏకు అకాలీదళ్‌ గుడ్‌బై.. రైతు వ్యతిరేక బిల్లులపై విభేదం

   15 hours ago


డీకే అరుణకి జాతీయ పదవి.. రెడ్డి సామాజికవర్గంపై బీజేపీ టార్గెట్?

డీకే అరుణకి జాతీయ పదవి.. రెడ్డి సామాజికవర్గంపై బీజేపీ టార్గెట్?

   15 hours ago


ఏపీని ముంచెత్తుతున్న భారీ వర్షాలు.. పంటనష్టం

ఏపీని ముంచెత్తుతున్న భారీ వర్షాలు.. పంటనష్టం

   17 hours ago


తెలంగాణలో ఆడపిల్లను లక్ష్మిలా కొలుస్తున్నారు.. మంత్రి హరీష్ రావు

తెలంగాణలో ఆడపిల్లను లక్ష్మిలా కొలుస్తున్నారు.. మంత్రి హరీష్ రావు

   18 hours ago


ఇంకా


      040 23600300

newsting
Daily Updates
facebooktwitterGooglewhatsappwhatsappGoogle