newssting
BITING NEWS :
* గ‌త 24 గంట‌ల్లో భార‌త్‌లో 52,050 క‌రోనా పాజిటివ్ కేసులు న‌మోదు.. 803 మంది మృతి.. 18,55,746కి చేరిన క‌రోనా కేసులు, ఇప్ప‌టి వ‌ర‌కు 38938 మంది మృతి*తెలంగాణలో 1286 కరోనా పాజిటివ్ కేసులు నమోదు.. 12 మంది మృతి, ఇప్పటి వరకు 68,946 పాజిటివ్ కేసులు నమోదు.. 563 మంది మృతి *కరోనాతో మాజీ ఎమ్మెల్యే సున్నం రాజయ్య కన్నుమూత *జానపద కళాకారుడు, రచయిత వంగపండు ప్రసాదరావు అనారోగ్యంతో పార్వతీపురంలో మృతి.. గ‌త కొన్ని రోజులుగా అనారోగ్య‌స‌మ‌స్య‌ల‌తో బాధ‌ప‌డుతున్న వంగ‌పండుమరణం పట్ల , ఏపీ సీఎం జగన్, తెలంగాణ సీఎం కేసీఆర్, మాజీ సీఎం చంద్రబాబు సంతాపం *గుంటూరు : కరోన నేపథ్యంలో నేటి నుండి సత్తెనపల్లిలో ఉదయం 6 నుండి మధ్యాహ్నం 2 గంటల వరకు వ్యాపారాలకు అనుమతి*సీఎం జ‌గ‌న్‌కు చంద్ర‌బాబు స‌వాల్‌.. జ‌గ‌న్‌కు 48 గంట‌ల స‌మ‌యం ఇస్తున్నాం... మేం రాజీనామాకు సిద్ధం..? మీరు సిద్ధ‌మా?, రాజీనామాలు చేసే ప్ర‌జ‌ల ముందుకు వెళ్దాం-చ‌ంద్ర‌బాబు*హైద‌రాబాద్‌: డెక్కన్ ఆస్పత్రిలో కోవిడ్ ట్రీట్మెంట్ రద్దు చేస్తూ ప్రభుత్వ నిర్ణయం.. అధిక బిల్లులు వసూలు చేసినందుకు డెక్కన్ ఆస్పత్రి పై చర్యలు

పరిమళించిన మానవత్వం.. డాక్టర్ సాహసం

13-07-202013-07-2020 08:58:44 IST
Updated On 13-07-2020 09:11:33 ISTUpdated On 13-07-20202020-07-13T03:28:44.761Z13-07-2020 2020-07-13T03:28:08.401Z - 2020-07-13T03:41:33.514Z - 13-07-2020

పరిమళించిన మానవత్వం.. డాక్టర్ సాహసం
facebooktwitterGooglewhatsappwhatsappGoogle
కరోనా లక్షణాలతో ఎవరైనా చనిపోతే డెడ్ బాడీ సమీపంలోకి కూడా ఎవరూ వెళ్లడం లేదు. ఇక కరోనాతో పోరాడుతూ ప్రాణాలు కోల్పోతే..? సొంత కుటుంబ సభ్యులు కూడా మృతదేహానికి అంత్యక్రియలు నిర్వహించడానికి భయపడుతున్నారు. దీంతో మున్సిపల్ సిబ్బందే కరోనా డెడ్ బాడీలకు అంత్యక్రియలు నిర్వహిస్తున్నారు. ఏపీలో కొన్ని చోట్ల జేసీబీతో కరోనా డెడ్ బాడీలను తరలించిన విషయం వెలుగు చూసింది. నిజామాబాద్‌లో ఆటోలో కరోనా శవాన్ని తరలించారు.

మరి కొన్ని సందర్భాల్లో మున్సిపల్ సిబ్బంది కూడా కరోనాతో చనిపోయిన వారిని అంత్యక్రియలకు తరలించడానికి వెనకడుగు వేస్తున్నారు. పెద్దపల్లిలో ఇలాంటి ఘటనే చోటు చేసుకోగా.. స్వయంగా డాక్టరే ట్రాక్టర్‌లో కరోనా బాధితుడి మృతదేహాన్ని శ్మశానానికి తీసుకెళ్లాల్సి వచ్చింది.

పెద్దపల్లి టౌన్‌లోని తెనుగువాడకు చెందిన ఓ వ్యక్తికి ఇటీవలే కరోనా పాజిటివ్ అని తేలింది. ఆయనకు డయాబెటిస్ కూడా ఉన్నప్పటికీ వైద్య సిబ్బంది హోం ఐసోలేషన్‌లో ఉండాలని సూచించారు. రెండు రోజులపాటు ఇంట్లోనే ఉండగా.. ఆదివారం ఉదయం శ్వాస తీసుకోవడంలో ఇబ్బంది తలెత్తింది.

దీంతో కుటుంబ సభ్యులు అతణ్ని పెద్దపల్లి ప్రభుత్వ హాస్పిటల్‌కు తీసుకెళ్లారు. ఐసోలేషన్ వార్డులో ఆక్సిజన్ అందించే ఏర్పాట్లు లేకపోవడంతో.. శ్వాస తీసుకోలేక అతడు ప్రాణాలు కోల్పోయాడు. దీంతో మృతదేహాన్ని శ్మశానానికి తీసుకెళ్లాల్సి వచ్చింది. మున్సిపాలిటీ ట్రాకర్ట్ హాస్పిటల్‌కు వచ్చినా.. డెడ్ బాడీని తీసుకెళ్లడానికి ట్రాక్టర్ డ్రైవర్ అంగీకరించలేదు.

చాలా సేపటి వరకూ ఎవరూ ముుందుకు రాకపోవడంతో కరోనా వైరస్ డిస్ట్రిక్ట్ సర్వీలెన్స్ ఆఫీసర్‌గా పని చేస్తున్న డాక్టర్ శ్రీ రామ్ ముందుకొచ్చారు. పీపీఈ కిట్‌లో ఉన్న ఆయన.. ట్రాక్టర్‌ నడిపి శవాన్ని శ్మశానానికి తీసుకెళ్లారు. డెడ్ బాడీని అంబులెన్స్‌తో తీసుకెళ్లాల్సి ఉండగా.. ట్రాక్టర్‌లో ఎందుకు తరలించాల్సి వచ్చిందో తెలియాల్సి ఉంది. కరోనా పేషెంట్లకు చికిత్స అందించే హాస్పిటల్‌లో ఆక్సిజన్ సౌకర్యం లేకపోవడం పట్ల స్థానికులు ఆందోళన వ్యక్తం చేస్తున్నారు.


Newssting Desk


 newssting@rightfolio.in
      040 23600300

newsting
Daily Updates
facebooktwitterGooglewhatsappwhatsappGoogle