newssting
BITING NEWS :
* ఇండియాలో కరోనా కేసులు 1,38,845, మరణాలు 4021 .. తెలంగాణలో కరోనా పాజిటివ్ కేసులు 1854, మరణాలు 53, ఏపీలో కరోనా కేసులు 2627, మరణాలు 55* శంషాబాద్ విమానాశ్రయంలో ప్రారంభమైన విమాన సర్వీసులు..హైదరాబాద్ నుంచి మొదటి ప్లేన్ బయలుదేరింది..బెంగళూరు నుంచి హైదరాబాద్ కు వచ్చిన మొదటి విమానం *మరోమారు వివాదంలో చిక్కుకున్న కూనరవి..పొందూరు తహశీల్దార్ ను దుర్భాషలాడిన కూన రవి..కూనరవి మీద పొందూరు పీఎస్ లో ఫిర్యాదు చేసిన తహశీల్దార్...కూన రవి అరెస్ట్ కి రంగం సిద్దం*టీటీడీకీ షాక్‌ ఇచ్చిన క్రైం పోలీసులు..దొంగలను పట్టుకోవాలంటే ఫోర్ వీలర్ కావాలని కండీషన్.. మంచి ఫోర్ వీలర్ కావాలని కోరుతూ టీటీడీ ఉన్నతాధికారులకు లేఖ..లేఖ చూసి షాక్‌తిన్న అధికారులు..నిన్న జేఈవో ఇంట్లో భారీ దొంగతనం..6లక్షల విలువైన బంగారు, వెండి ఆభరణాలు మాయం *కరోనా వైద్య పరీక్షల్లో ఏపీ మరో రికార్డు..3లక్షలు దాటిన ఏపీలో కరోనా పరీక్షల సంఖ్య..ఇప్పటివరకు 3,40,326 కరోనా టెస్టులు..10 లక్షల జనాభాకు 5,699 పరీక్షలతో దేశంలోనే నెంబర్‌వన్*తెలంగాణలో ఈరోజు కొత్తగా 41 కరోనా కేసులు. తెలంగాణలో మొత్తం 1854కి చేరిన కరోనా కేసులు. తెలంగాణలో ఈరోజు 24 మంది డిశ్చార్జ్. మొత్తం 1092 మంది ఇప్పటి వరకు డిశ్చార్జ్ అయ్యారు. ప్రస్తుతం 709 యాక్టివ్ కేసులు*వరంగల్ జిల్లా 9 హత్యల కేసులో వీడిన మిస్టరీ. పోలీసుల విచారణలో నేరం అంగీకరించిన నిందితుడు. స్నేహితులతో కలిసి హత్యలకు పాల్పడ్డ నిందితుడు. నిద్రమాత్రలు ఇచ్చి స్పృహ కోల్పోయాక హత్యలు* ఏపీలో తిరుమల లడ్డూ విక్రయాలు. 13 జిల్లా కేంద్రాల్లో టీటీడీ కల్యాణ మండపాల్లో లడ్డూ విక్రయాలు. లడ్డూ ప్రసాద సమాచారం కోసం టోల్ ఫ్రీ నెంబర్లు. 1800 425 4141, 1800 425 333 333 నెంబర్లు ఏర్పాటు

దెబ్బ మీద దెబ్బ కొట్టేందుకు టీఆర్ఎస్ వ్యూహం..!

03-02-202003-02-2020 12:19:39 IST
2020-02-03T06:49:39.840Z03-02-2020 2020-02-03T06:49:38.083Z - - 26-05-2020

దెబ్బ మీద దెబ్బ కొట్టేందుకు టీఆర్ఎస్ వ్యూహం..!
facebooktwitterGooglewhatsappwhatsappGoogle
తెలంగాణ వ‌రుస విజ‌యాల‌తో అధికార టీఆర్ఎస్ పార్టీ దూకుడు మీద ఉంది. ఎన్నిక‌లు ఏవైనా విజ‌యం మాదే అనే ధీమా ఆ పార్టీలో నెల‌కొంది. ఇందుకు ఏడాదిగా వ‌రుస‌గా జ‌రుగుతున్న ఎన్నిక‌ల ఫ‌లితాలే కార‌ణం. ఫ‌లితాల‌న్నీ ఏక‌ప‌క్షంగా టీఆర్ఎస్ వైపే వ‌స్తున్నాయి. ప్ర‌త్య‌ర్థి పార్టీలు క‌నీసం పోటీ ఇచ్చే ప‌రిస్థితిలో కూడా లేవు.

ఇదే దూకుడుతో మిగిలి ఉన్న ఎన్నిక‌ల‌కు కూడా వెళ్లాల‌ని టీఆర్ఎస్ భావిస్తున్నట్లు తెలుస్తోంది. ఇప్ప‌టికే స‌హ‌కార సంఘాల ఎన్నిక‌ల‌కు నోటిఫికేష‌న్ విడుద‌ల చేయ‌గా, త్వ‌ర‌లో మూడు మున్సిప‌ల్ కార్పొరేష‌న్ల ఎన్నిక‌లు కూడా నిర్వ‌హించాల‌నే ఆలోచ‌న‌తో ఉన్న‌ట్లు ప్ర‌చారం జ‌రుగుతోంది.

ప‌రిపాల‌న‌కు ఎన్నిక‌లు అడ్డంకిగా మార‌వ‌ద్ద‌నేది ముఖ్య‌మంత్రి కేసీఆర్ అభిప్రాయం. ఈ విష‌యాన్ని ఆయ‌న ప‌దేప‌దే చెబుతారు. త‌ర‌చూ ఏవో ఎన్నిక‌లు వ‌స్తుంటే ఎన్నిక‌ల కోడ్ కార‌ణంగా పాల‌న‌కు ఆటంకం క‌లుగుతుంద‌నేది ఆయ‌న భావ‌న‌.

అందుకే వ‌రుస‌గా అన్ని ఎన్నిక‌ల‌ను ఇప్పుడే పూర్తి చేసేసుకుంటే మ‌రో మూడేళ్ల వ‌ర‌కు ఏ ఎన్నిక‌లు లేకుండా పాల‌నకు ఆటంకాలు లేకుండా ఉంటాయ‌ని భావిస్తున్నారు. ప్ర‌స్తుత రాజ‌కీయ ప‌రిస్థితులు కూడా టీఆర్ఎస్‌కు అనుకూలంగా ఉండ‌టంతో వ‌రుస‌గా ఎన్నిక‌లు జ‌రుపుకుంటూ వెళుతోంది. ఇప్ప‌టికే స్థానిక సంస్థ‌లు, పంచాయితీలు, మున్సిప‌ల్ ఎన్నిక‌లు పూర్త‌య్యాయి. స‌హ‌కార సంఘాల ఎన్నిక‌లూ మ‌రో నెల‌లో పూర్తి కానున్నాయి.

ఆ త‌ర్వాత కూడా వెంట‌నే గ్రేట‌ర్ హైద‌రాబాద్‌, గ్రేట‌ర్ వ‌రంగ‌ల్‌, ఖ‌మ్మం మున్సిపాల్ కార్పొరేష‌న్ల ఎన్నిక‌లు నిర్వ‌హించాల‌ని ప్ర‌భుత్వం ఆలోచిస్తున్నట్లు తెలుస్తోంది. ఈ మూడు కార్పొరేష‌న్లు ప్ర‌భుత్వానికి చాలా కీల‌కం. ముఖ్యంగా కోటి మంది జ‌నాభా నివ‌సించే గ్రేట‌ర్ హైద‌రాబాద్ ఎన్నిక‌లు టీఆర్ఎస్‌కు ప్ర‌తిష్ఠాత్మ‌కం. ప్ర‌స్తుతం హైద‌రాబాద్‌తో పాటు వ‌రంగ‌ల్‌, ఖ‌మ్మం మున్సిపాలిటీలు టీఆర్ఎస్ చేతిలోనే ఉన్నాయి. వీటిల్లో మ‌ళ్లీ గులాబీ జెండా ఎగ‌రేయాల‌నేది ఆ పార్టీ ల‌క్ష్యం.

మూడు మున్సిప‌ల్ కార్పొరేష‌న్ల‌కు ఎన్నిక‌లు జ‌రిగి నాలుగేళ్లు అవుతోంది. పాల‌క‌వ‌ర్గాల‌కు మ‌రో ఏడాది స‌మ‌యం ఉంది. కానీ, ఇప్పుడే ఈ పాల‌క‌వ‌ర్గాల‌ను ర‌ద్దు చేసేసి ఎన్నిక‌లు నిర్వ‌హించాల‌నేది ప్ర‌భుత్వ ఆలోచ‌న‌గా తెలుస్తోంది.

మ‌రో మూడు, నాలుగు నెల‌ల్లోనే ఈ ప్ర‌క్రియ పూర్తై ఎన్నిక‌లు జ‌రిపే అవ‌కాశం ఉన్న‌ట్లు స‌మాచారం. ఈ ఎన్నిక‌లు కూడా పూర్త‌యితే తెలంగాణ‌లో మ‌ళ్లీ అసెంబ్లీ ఎన్నిక‌ల వ‌ర‌కు మ‌రో ఎన్నిక‌లు ఉండ‌వు. కాబ‌ట్టి ఈ ఎన్నిక‌లు కూడా పూర్తి చేసేస్తే ఇక పాల‌న‌కు ఎన్నిక‌లు అడ్డంకిగా మార‌వ‌ని ప్ర‌భుత్వం భావిస్తూ ఉండ‌వ‌చ్చు.

ఇక‌, ప్ర‌స్తుత రాజ‌కీయ ప‌రిస్థితులు కూడా ఈ మూడు మున్సిప‌ల్ కార్పొరేష‌న్ల‌కు ఎన్నిక‌ల‌కు వెళ్లాల‌ని ప్ర‌భుత్వం ఆలోచించేందుకు కార‌ణాలుగా క‌నిపిస్తున్నాయి. ఇటీవ‌లి మున్సిపల్ ఎన్నిక‌లు ఫ‌లితాల‌ను ప‌రిశీలిస్తే మున్సిప‌ల్ కార్పొరేష‌న్ల‌లో బీజేపీకి ఓట్లు గ‌ణ‌నీయంగా పెరిగాయి. అన్ని కార్పొరేష‌న్ల‌నూ టీఆర్ఎస్ పార్టీనే గెలుచుకున్నా బీజేపీ కూడా భారీగా ఓట్లు, ఊహించిన దాని కంటే ఎక్కువ సీట్లు గెలుచుకుంది. రానురాను కార్పొరేష‌న్ల‌లో బీజేపీ మరింత పుంజుకునే అవ‌కాశాలు కూడా ఉన్నాయి.

పార్ల‌మెంటు ఎన్నిక‌ల్లో జీహెచ్ఎంసీ ప‌రిధిలో టీఆర్ఎస్‌కు ఎదురుదెబ్బ త‌గిలింది. సికింద్రాబాద్ పార్ల‌మెంటును బీజేపీ గెలుచుకుంది. మ‌ల్కాజ్‌గిరిని కాంగ్రెస్ కైవ‌సం చేసుకుంది. ఈ రెండు పార్ల‌మెంటు నియోజ‌క‌వ‌ర్గాల ప‌రిధిలోనే జీహెచ్ఎంసీలోని మెజారిటీ డివిజ‌న్లు ఉంటాయి. కాబ‌ట్టి, జీహెచ్ఎంసీలో ఈ రెండు పార్ల‌మెంటు నియోజ‌క‌వ‌ర్గాల ప‌రిధిలో స‌త్తా చాటి బీజేపీ, కాంగ్రెస్ దూకుడుకు బ్రేకులు వేయాల‌నేది కూడా టీఆర్ఎస్ ఆలోచ‌న కావ‌చ్చు.

వ‌రుస విజ‌యాల‌తో, రాజ‌కీయ ప‌రిస్థితులు త‌మ‌కు అనుకూలంగా ఉన్న ఈ స‌మ‌యంలోనే ఈ ఎన్నిక‌లకు వెళితే సులువుగా విజ‌యం సాధించవ‌చ్చ‌నే ఆలోచ‌న టీఆర్ఎస్ చేస్తుండ‌వ‌చ్చు. అయితే, ప్ర‌భుత్వం మాత్రం షెడ్యూల్ ప్ర‌కారమే ఈ కార్పొరేష‌న్ల‌కు ఎన్నిక‌లు జ‌రుగుతాయ‌ని చెబుతోంది.

: కాంగ్రెస్‌ పార్టీ తా‍త్కాలిక అధ్యక్షురాలు సోనియా గాంధీ ఆస్పత్రిలో చేరారు. స్వల్ప అనారోగ్యం కారణంగా ఢిల్లీలోని గంగారామ్‌ ఆస్పత్రిలో చేరినట్లు తెలిసింది. ప్రస్తుతం ఆమెకు వైద్యులు చిక్సిత అందిస్తున్నారు. ఆమె ఆరోగ్య పరిస్థితిపై ఆస్పత్రి వర్గాల నుంచి ‍ప్రకటన వెలువడాల్సి ఉంది.

అయిత పార్టీ వర్గాల మాత్రం సాధారణ చెకప్‌గా చెబుతున్నారు. కాగా ఉదరకోశ సంబంధిత సమస్యతో బాధపడుతున్న ఆమె గతంలో కూడా చికిత్స తీసుకున్న విషయం తెలిసిందే. అయితే తాజా ఘటనపై మరింత సమాచారం తెలియాల్సి ఉంది. విషయం తెలుసుకున్న కాంగ్రెస్‌ నేతలు హుటాహుటినా ఆస్పత్రికి చేరుకుంటున్నారు.

 

సీరియల్ కిల్లర్ సంజయ్.. ఒక హత్య దాచేందుకు 10 హత్యలు

సీరియల్ కిల్లర్ సంజయ్.. ఒక హత్య దాచేందుకు 10 హత్యలు

   13 minutes ago


ఈ కుర్రాడు చాలా బోల్డ్.. ఢిల్లీ నుంచి ఒంటరిగా బెంగళూరుకు

ఈ కుర్రాడు చాలా బోల్డ్.. ఢిల్లీ నుంచి ఒంటరిగా బెంగళూరుకు

   38 minutes ago


బాబోయ్ కోడి @500.. ఇక కొని తినలేమా?

బాబోయ్ కోడి @500.. ఇక కొని తినలేమా?

   an hour ago


నిద్రపోతున్న జగన్ సర్కారుకి హైకోర్టు మొట్టికాయలు

నిద్రపోతున్న జగన్ సర్కారుకి హైకోర్టు మొట్టికాయలు

   an hour ago


ముదిరిన టీటీడీ భూవివాదం.. వెనక్కు తగ్గిన ప్రభుత్వం!

ముదిరిన టీటీడీ భూవివాదం.. వెనక్కు తగ్గిన ప్రభుత్వం!

   an hour ago


అప్పుడు చంద్ర‌బాబు చేసిన త‌ప్పే ఇప్పుడు జ‌గ‌న్ చేస్తున్నారా..?

అప్పుడు చంద్ర‌బాబు చేసిన త‌ప్పే ఇప్పుడు జ‌గ‌న్ చేస్తున్నారా..?

   2 hours ago


ఇద్ద‌రు ముఖ్య‌మంత్రులు కూర్చొని సెటిల్ చేసుకుంటారా..?

ఇద్ద‌రు ముఖ్య‌మంత్రులు కూర్చొని సెటిల్ చేసుకుంటారా..?

   2 hours ago


సమ్మర్ ఎఫెక్ట్ .. శ్రీశైలంలో  కుడిగట్టు జలవిద్యుత్ ఉత్పత్తి నిలిపివేత

సమ్మర్ ఎఫెక్ట్ .. శ్రీశైలంలో కుడిగట్టు జలవిద్యుత్ ఉత్పత్తి నిలిపివేత

   17 hours ago


ఆసిఫాబాద్ జిల్లాలో మరోసారి కరోనా కలకలం

ఆసిఫాబాద్ జిల్లాలో మరోసారి కరోనా కలకలం

   21 hours ago


60 రోజుల తర్వాత విమానాలు. శంషాబాద్‌లో ప్రయాణికుల పడిగాపులు

60 రోజుల తర్వాత విమానాలు. శంషాబాద్‌లో ప్రయాణికుల పడిగాపులు

   21 hours ago


ఇంకా

Newssting Desk


 newssting@rightfolio.in
      040 23600300

newsting
Daily Updates
facebooktwitterGooglewhatsappwhatsappGoogle