newssting
BITING NEWS :
*దిశ ఘటన మరువక ముందే మరో విషాదం... ఉన్నావ్ అత్యాచార బాధితురాలు మృతి*హైదరాబాద్‌ టీ-20లో టీమిండియా ఘన విజయం.. వెస్టిండీస్‌పై 6 వికెట్ల తేడాతో విక్టరీ కొట్టిన భారత జట్టు *హైదరాబాద్‌: ఎన్‌కౌంటర్‌ ఘటనపై తెలంగాణ హైకోర్టులో విచారణ.. నిందితుల మృతహాలను ఈ నెల 9 వరకు భద్రపరచాలన్న హైకోర్టు... 9న ఉదయం 10.30 గంటలకు విచారణ *కేంద్రీయ సైనిక్ బోర్డుకు కోటి రూపాయలు విరాళంగా ప్రకటించిన జనసేన అధినేత పవన్ కల్యాణ్.*నెల్లూరు నగరం మాఫియాలకు అడ్డగా మారింది: వైకాపా నేత, ఎమ్మెల్యే ఆనం రామనారాయణ రెడ్డి*చింతపల్లిలో దారుణం.. కుక్కలకు బలయిన శిశువు *కర్నూలు: ఉల్లి కొనుగోలు చేయాలని రైతుల ఆందోళన*ఇవాళ జార్ఖండ్ లో రెండవ విడత పోలింగ్ *దిశ నిందితులు కరుడుగట్టిన నేరస్తులు : సీపీ సజ్జనార్

దిశ ఘ‌ట‌న‌లో ప్ర‌భుత్వానిది బాధ్య‌త లేదా..?

03-12-201903-12-2019 07:35:29 IST
2019-12-03T02:05:29.505Z03-12-2019 2019-12-03T02:05:23.760Z - - 07-12-2019

దిశ ఘ‌ట‌న‌లో ప్ర‌భుత్వానిది బాధ్య‌త లేదా..?
facebooktwitterGooglewhatsappwhatsappGoogle
ప్ర‌పంచ స్థాయి న‌గ‌రంగా ఎదుగుతున్న హైద‌రాబాద్‌లో జ‌రిగిన వెట‌ర్న‌రీ వైద్యురాలు దిశ దారుణ హ‌త్య ఘ‌ట‌నపై దేశం యావ‌త్తు భ‌గ్గుగ‌మంటోంది. ఊరూరా, వాడ‌వాడ‌నా ప్ర‌జ‌లు రోడ్డెక్కి ఈ దారుణ ఘ‌ట‌న‌పై నిర‌స‌న తెలియ‌జేస్తున్నారు. ర్యాలీలు నిర్వ‌హిస్తున్నారు. ఈ దారుణానికి ఒడిగ‌ట్టిన రాక్ష‌సుల‌ను ఉరి తీయాల‌ని డిమాండ్ చేస్తున్నారు.

ఇదిలా ఉండ‌గా ఘ‌ట‌న జ‌రిగిన రోజు దిశ పోలీసుల‌కు ఫోన్ చేయ‌కుండా త‌ప్పు చేసింద‌ని, టోల్ బూత్ వ‌ద్ద‌కు వెళ్లి ఉంటే బాగుండేద‌నే వింత వాద‌న‌లూ వినిపిస్తున్నాయి. ఇక, దిశ ఆప‌ద‌లో ఉంద‌ని పోలీస్ స్టేష‌న్ల చుట్టూ తిరిగినా పోలీసులు స‌రిగ్గా స్పందించ‌లేద‌ని, పైగా అవ‌మాన‌క‌రంగా మాట్లాడార‌నే ఆవ‌ద‌న‌తో దిశ త‌ల్లిదండ్రులు ఉన్నారు. ఘ‌ట‌న‌పై స‌క్ర‌మంగా స్పందించ‌ని పోలీసులపై శాఖాప‌ర‌మైన చ‌ర్య‌లు తీసుకున్నారు.

అయితే, ఘ‌ట‌న‌కు అస‌లు కార‌ణం మ‌ద్యం. మ‌ద్యం మ‌త్తులోనే ఈ ఘ‌ట‌న‌కు పాల్ప‌డ్డామ‌ని నిందితులు స్వ‌యంగా అంగీక‌రించారు. ఈ ఒక్క సంఘ‌ట‌నే కాదు, దేశంలో జ‌రుగుతున్న అనేక నేరాలకు కార‌ణం మ‌ద్య‌మే.

జాతీయ నేర గ‌ణాంక న‌మోదు సంస్థ లెక్క‌ల ప్ర‌కారం మ‌హిళ‌ల‌పై జ‌రుగుతున్న నేరాల్లో 70 నుంచి 85 శాతం నిందితులు మ‌ద్యం మ‌త్తులో ఉన్న‌ప్పుడు చేసిన‌వే. 2012లో ఢిల్లీలో సంచ‌ల‌నం సృష్టించిన నిర్భ‌య ఘ‌ట‌న‌లోనూ నిందితులు మ‌ద్యం సేవించి ఉన్నారు. ఇప్పుడు దిశ ఘ‌ట‌న‌లోనూ ఇదే జ‌రిగింది.

మ‌ద్యం అమ్మ‌కాల‌ను ఆదాయ వ‌న‌రుగా భావిస్తున్న ప్ర‌భుత్వాలు మ‌ద్యం అమ్మ‌కాల‌ను విచ్చ‌ల‌విడి ప్రోత్సహిస్తున్నాయి. మ‌ద్యం అమ్మ‌కాలు ఎన్నో కుటుంబాల్లో చిచ్చు రేపుతున్నాయి.

కుటుంబాలు వీధిన ప‌డుతున్నాయి. మ‌హిళ‌ల‌పై నేరాల‌కూ మ‌ద్యపాన‌మే ప్ర‌ధాన కార‌ణ‌మ‌వుతోంది. దిశ హ‌త్య ఘ‌ట‌న వంటి ఎన్నో దారుణ సంఘ‌ట‌న‌ల‌కు దారి తీస్తున్న మ‌ద్యం అమ్మ‌కాల‌ను ప్రోత్స‌హిస్తున్న ప్ర‌భుత్వానికి ఈ నేరాల్లో భాగం లేదా అనే ప్ర‌శ్న‌లు త‌లెత్తుతున్నాయి.

మ‌ద్యం అమ్మ‌కాలు ఏటా పెరుగుతూ పోతున్నాయి. మ‌ద్యం ద్వారా వ‌చ్చే ఆదాయం కూడా పెరుగుతోంది. ఆదాయం చూసుకుంటున్న ప్ర‌భుత్వాలు అమ్మ‌కాల‌ను ప్రోత్స‌హిస్తున్నాయి. తెలంగాణ ఇది మ‌రీ ఎక్కువ‌. మ‌ద్యం షాపుల స‌మ‌య‌వేళ‌లు కూడా గ‌తంలో తెలంగాణ ప్ర‌భుత్వం పెంచి మ‌రీ మ‌ద్యం అమ్మ‌కాల‌ను ప్రోత్స‌హించింది. ఇక‌, హైవేల‌పై మ‌ద్యం అమ్మ‌కాల‌ను నియంత్రించ‌డంలో ప్ర‌భుత్వం విఫ‌ల‌మ‌వుతోంది.

కార‌ణంగా రోడ్డు ప్ర‌మాదాల్లో ఏటా వంద‌లాది మంది మృత్యువాత ప‌డుతున్నారు. దిశ వంటి ఘ‌ట‌న‌లు మ‌ళ్లీ జ‌ర‌గ‌వ‌ద్ద‌న్నా, నేరాలు తగ్గాల‌న్నా నిందితుల‌కు క‌ఠిన శిక్ష‌లు విధించ‌డంతో పాటు మ‌ద్యాన్ని నియంత్రించ‌డం త‌ప్ప‌నిస‌రి.

మ‌న దేశంలో గుజ‌రాత్‌, బిహార్‌లో ఇప్ప‌టికే మ‌ద్య నిషేదం అమ‌లులో ఉంది. ఏపీలో మ‌ద్య నిషేదం కోసం ప్ర‌భుత్వం అడుగులు వేస్తోంది. తెలంగాణ‌లోనూ మ‌ద్యం నియంత్రించ‌డం ద్వారానే నేరాల‌ను అదుపు చేయ‌వ‌చ్చ‌ని నిపుణులు స్ప‌ష్టం చేస్తున్నారు.

మ‌రి, మ‌ద్యాన్ని ఆదాయ వ‌న‌రుగా మార్చి సంక్షేమ ప‌థ‌కాల‌ను అమ‌లు చేస్తున్న ప్ర‌భుత్వాలు మ‌ద్యాన్ని నియంత్రించాలంటే ఎన్ని ఉద్య‌మాలు జ‌ర‌గాలో..?


Newssting Desk


 newssting@rightfolio.in
      040 23600300

newsting
Daily Updates
facebooktwitterGooglewhatsappwhatsappGoogle