newssting
BITING NEWS :
* శనివారం మధ్యాహ్నమే కేబినెట్ సమావేశం..ఈ నెల 20న జరగాల్సిన సమావేశాన్ని రేపటికి ప్రీ పోన్ చేసిన ఏపీ సర్కార్ *కాకినాడలో దారుణం..రేచర్లపేటలో నాలుగేళ్ల చిన్నారి మీద అత్యాచారం..చిన్నారి మీద అత్యాచారానికి పాల్పడ్డ ఇద్దరు మైనర్లు *నల్గొండ: హాజీపూర్ వరుస హత్య కేసుల్లో ముగిసిన వాదనలు.. తీర్పు రిజర్వ్.. ఈ నెల 27న తీర్పు వెల్లడించనున్న న్యాయస్థానం*ఢిల్లీ: నిర్భయ కేసులో నిందితుడు ముఖేష్ క్షమాభిక్ష పిటిషన్‌ను తిరస్కరించిన రాష్ట్రపతి రామ్‌నాథ్‌ కోవింద్*ఆస్తుల కేసులో హాజరుకాలేనని సీబీఐ కోర్టులో సీఎం వైఎస్ జగన్ పిటిషన్... విచారణకు స్వీకరించిన సీబీఐ కోర్టు.. ఈ రోజు హాజరుపై సీఎం జగన్‌కు మినహాయింపు ఇచ్చిన సీబీఐ కోర్టు*అమరావతిలో 144 సెక్షన్, పోలీస్ యాక్ట్ అమలుపై హైకోర్ట్ సీరియస్ *అమరావతిలో 31వ రోజుకు చేరిన ఆందోళన.. లోకేష్ బైక్ ర్యాలీ *ఏపీ గవర్నర్ ని కలిసిన అమరావతి పరిరక్షణ సమితి సభ్యులు *నిర్బయ దోషులకు కొత్త డెత్ వారెంట్ జారీ.. ఫిబ్రవరి 1వ తేదీ ఉదయం ఆరుగంటలకు ఉరిశిక్ష అమలు * టీమిండియా-ఆస్ట్రేలియా మధ్య రెండో వన్డే

దిశ కేసులో ట్విస్ట్: నిందితుల్లో ఇద్దరు మైనర్లు

10-12-201910-12-2019 15:27:26 IST
Updated On 11-12-2019 09:53:13 ISTUpdated On 11-12-20192019-12-10T09:57:26.362Z10-12-2019 2019-12-10T09:57:24.123Z - 2019-12-11T04:23:13.742Z - 11-12-2019

దిశ కేసులో ట్విస్ట్: నిందితుల్లో ఇద్దరు మైనర్లు
facebooktwitterGooglewhatsappwhatsappGoogle
దిశ కేసులో ఎన్ కౌంటర్లో మరణించిన నలుగురికి సంబంధించిన కీలక విషయాలు బయటకు వస్తున్నాయి. హత్య కేసులో నలుగురు నిందితులు పట్టబడడం, పోలీసుల ఎన్‌‌‌కౌంటర్‌లో వారు మరణించడం తెలిసిందే. అయితే నలుగురిలో ఇద్దరు మైనర్లు ఉన్నారనే అంశం తెరమీదకు వచ్చింది. తమ కొడుకులు జొల్లు నవీన్, జొల్లు శివ మైనర్లని వారి తల్లిదండ్రులు ఎన్‌హెచ్‌ఆర్‌సీ బృందానికి తెలిపారు.

వారు మైనర్లు అనడానికి కావలసిన సర్టిఫికెట్లు కూడా మానవహక్కుల సంఘానికి అందించారని తెలుస్తోంది. ఎన్‌హెచ్‌ఆర్‌సీ సభ్యులు మృతుల ఆధార్ కార్డులు, సర్టిఫికెట్స్‌ను పరిశీలించగా. తేదీలు వేర్వేరుగా ఉండటంతో.. దిశ కేసు మరో మలుపు తిరిగింది.

స్కూల్ రిజిస్టర్‌లో నమోదైన బర్త్ డేట్ ఆధారంగా జొల్లు శివ ఆగష్టు 15, 2002లో జన్మించాడు. డిసెంబర్ 6న ఎన్ కౌంటర్ సమయంలో మరణించేటప్పటికి 17 సంవత్సరాల వయసులోనే వున్నారు. అతను చదివిన  పాఠశాల బోనఫైడ్ సర్టిఫికెట్‌ లో శివ 2008-12 మధ్య 2వ తరగతి నుంచి ఐదవ తరగతి వరకు చదివాడని చెబుతున్నారు. 

జొల్లు నవీన్ తల్లి జొల్లు లక్ష్మి కూడా తన కొడుకు మైనర్ అంటోంది. నవీన్ 2002 ఆఖర్లో జన్మించాడు. అతను పుట్టాక నాలుగేళ్ళకు భర్త ఎల్లప్ప క్యాన్సర్ కారణంగా మృతి చెందినట్టు తల్లి చెబుతోంది. గ్రామస్తులు కూడా  శివ, నవీన్‌లు ఏడో తరగతితోనే చదువు మానేశాడంటున్నారు. తమ పిల్లలు నేరం చేసినా.. పోలీసులు ఇంత దారుణంగా చంపేయడం ఏంటని నవీన్ తల్లి లక్ష్మీ కన్నీటి పర్యంతం అవుతున్నారు. అటు శివ తండ్రి కొడుకుని ఎన్ కౌంటర్ చేసిన పోలీసుల తీరుపై మండిపడుతున్నాడు.

న్యాయస్థానం వరకూ వెళ్లకుండానే పోలీసులు విచక్షణా రహితంగా ఎన్‌కౌంటర్‌ చేయడం ఏంటని వారు ప్రశ్నిస్తున్నారు. తన కొడుకుని ఇలా చంపే హక్కు పోలీసులకు లేదని శివ తండ్రి రాజన్న అన్నారు. నవీన్ తల్లి లక్ష్మిని, శివ తండ్రి రాజన్నను ఎన్‌హెచ్‌ఆర్‌సి దర్యాప్తు బృందం హైదరాబాద్‌కు పిలిపించి మాట్లాడింది. ఎన్ కౌంటర్లో ఇద్దరు మైనర్లు హతం కావడంపై మానవహక్కుల సంఘం ఎలా స్పందిస్తుందో చూడాలి. 


G. Sathyanarayana Raju


గొట్టుముక్కల సత్యనారాయణరాజుకు జర్నలిజంలో 21 సంవత్సరాలకు పైగా అనుభవం ఉంది. ప్రముఖ దినపత్రికలు, మేగజైన్లు, న్యూస్ ఛానెళ్ళలో వివిధ హోదాల్లో బాధ్యతలు నిర్వర్తించారు. డిజిటల్ మీడియాలో ప్రవేశించి... నాలుగేళ్ళనుంచి వివిధ వెబ్‌సైట్లలో పనిచేశారు. ప్రస్తుతం న్యూస్‌స్టింగ్‌.ఇన్ లో కంటెంట్ హెడ్‌గా పనిచేస్తున్నారు. ఫీచర్ రైటింగ్, ప్రత్యేక కథనాలు, కరెంట్ అఫైర్స్, ఎన్నికల కథనాలు, రాజకీయ కథనాల విశ్లేషణలో మంచి ప్రావీణ్యం ఉంది.
 gsnraju@rightfolio.in
      040 23600300

newsting
Daily Updates
facebooktwitterGooglewhatsappwhatsappGoogle