newssting
BITING NEWS :
పాకిస్తాన్‌లో కొనసాగుతున్న మీడియాపై దారుణ అణచివేత. పెద్ద ఎత్తున మీడియా ప్రతినిధులను అదుపులోకి తీసుకున్న ఫెడరల్ ఇన్వెస్టిగేషన్ ఏజెన్సీ. మీడియాపై అణచివేత లేనేలేదంటూ చెబుతున్న పాక్ ప్రధాని ఇమ్రాన్ ఖాన్. జర్నలిస్టు ముబషిర్ జైదీ తన సహచరుల అరెస్టులను బయటపెట్టడంతో వెలుగులోకి వచ్చిన వ్యవహారం * నేపాల్ దేశంలోని సింగిజా జిల్లాలో భారీవర్షాలతో కొండచరియలు విరిగిపడటం వల్ల ఒకే కుటుంబంలోని 9 మంది మరణించారని చీఫ్ జిల్లా ఆఫీసర్ గంగా బహదూర్ చెట్రీ ప్రకటన. భారీవర్షాలు, వరదల వల్ల నేపాల్ దేశంలో మొత్తం 10 మంది మరణించగా మరొకరికి తీవ్రగాయాలయ్యాయయని అధికారుల ప్రకటన * వైరస్‌తో పోరాటం చేస్తున్న ఢిల్లీ డిప్యూటీ సీఎం మనీశ్‌‌ సిసోడియా. ప్రస్తుతం విషమంగా ఆయన ఆరోగ్యం. కరోనాతో పాటు డెంగ్యూ కూడా ఎటాక్‌ చేయడంతో గడిచిన 24 గంటల్లో మరింత విషమంగా ఉందని లోక్‌నాయక్‌ జయప్రకాశ్‌ నాయక్‌ ఆస్పత్రి వైద్యుల ప్రకటన * వ్యవసాయ బిల్లులపై దేశవ్యాప్తంగా ఆగని పోరు మంటలు. వ్యవసాయ, కార్మిక సంస్కరణల బిల్లులను వ్యతిరేకిస్తూ కాంగ్రెస్‌ పార్టీ దేశవ్యాప్తంగా ఆందోళనలను. పంజాబ్‌లో రైల్‌ రోకో నిర్వహించిన రైతులు. కిసాన్‌ మజ్దూర్‌ సంఘర్ష్ కమిటీ, ఇతర రైతు సంఘాలు సంయుక్తంగా ఆందోళనలు * పార్లమెంట్‌లో ఆమోదం పొందిన వ్యవసాయ బిల్లులను వ్యతిరేకిస్తూ శుక్రవారం తలపెట్టిన భారత్‌ బంద్‌కు 20కి పైగా రైతు సంఘాలు మద్దతు. పంజాబ్‌, హరియాణాల్లో పార్టీలకు అతీతంగా ఆందోళనలో పాల్గొంటున్న 31 రైతు సంఘాలు. కర్ణాటక, తమిళనాడు, మహారాష్ట్రలోనూ పలు రైతు సంఘాలు షట్‌డౌన్‌కు పిలుపు, హిందూ మజ్ధూర్‌ సభ వంటి పలు కార్మిక సంఘాలు మద్దతు ప్రకటన * కేంద్రం ప్రవేశపెట్టిన వ్యవసాయ బిల్లుకు వ్యతిరేకంగా రైతులు ఆందోళనలతో పలు రైళ్ల రాకపోకల రద్దు. అమృత్ సర్-జయానగర్ ఎక్స్ ప్రెస్, జయానగర్-అమృత్ సర్ ఎక్స్ ప్రెస్ ల రద్దు చేయడంతో పాటు మరికొన్ని ప్యాసింజర్ రైళ్ల రద్దు. మరికొన్ని రైళ్ల ప్రయాణ దూరం కుదింపు * ఆరునెలల తర్వాత హైదరాబాద్‌లో శుక్రవారం నుంచి రోడ్డెక్కిన సిటీ బస్సులు. మొత్తం బస్సుల్లో 25 శాతమే తిప్పనున్న ఆర్టీసీ. శుక్రవారం ఉదయం షిఫ్ట్‌ నుంచి బస్సులు ప్రయాణం మొదలు కాగా వారం, పది రోజుల తర్వాత పరిస్థితిని బట్టి 50 శాతం బస్సులకు అనుమతి * నేడు హైదరాబాద్‌ లోని దుర్గం చెరువు కేబుల్‌ బ్రిడ్జి ప్రారంభం. జూబ్లీహిల్స్‌ రోడ్‌ నంబర్‌ 45 ఎలివేటెడ్‌ కారిడార్‌ కూడా ప్రారంభం. కేంద్ర హోం శాఖ సహాయ మంత్రి జి.కిషన్‌రెడ్డి, రాష్ట్ర మునిసిపల్, ఐటీ శాఖల మంత్రి కేటీఆర్ చేతుల మీదగా శుక్రవాదం సాయంత్రం బ్రిడ్జ్ ప్రారంభం * పారిశుద్ధ్య కార్మికుల సర్వీసు క్రమబద్ధీకరణకు సంబంధించిన కేసులో‌ ఘాటు వ్యాఖ్యలు చేసిన హైకోర్టు డివిజన్‌ బెంచ్. ఉచితంగా ఊడిగం చేయించుకోడానికి ఇదేమీ రాచరికం కాదని వ్యాఖ్య. సర్వీసు రూల్‌ 1994లోని సెక్షన్‌ 3 ప్రకారం దినసరి కూలీలుగా కొనసాగించరాదని హైకోర్టు మరోసారి స్పష్టం * పశ్చిమగోదావరి జిల్లా ద్వారకా తిరుమల చిన్న వెంకన్న ఆలయంలో రేపటి నుండి అధిక ఆశ్వీజమాస తిరుకళ్యాణోత్సవాలు. 30న ఆలయంలో ఏకాంతంగా స్వామివారి కళ్యాణం. కళ్యాణోత్సవాల రోజుల్లో స్వామి వారి నిత్య కళ్యాణాలు, నిత్య ఆర్జిత సేవలను రద్దు చేస్తున్నట్లు ఆలయ ఈవో డి భ్రమరాంబ వెల్లడి * 283వ రోజుకు చేరుకున్న రాజధాని రైతుల నిరసనలు. రాజధాని గ్రామాల్లోని శిబిరాల్లో సాగుతున్న రైతుల ఆందోళనలు. రాజధానిగా అమరావతి కొనసాగుతుందని ప్రభుత్వం చెప్పే వరకు ఆందోళనలు కొనసాగిస్తామని స్పష్టం చేస్తున్న రాజధాని రైతులు. కరోనా సూచనలు పాటిస్తూ సాగుతున్న అమరావతి ఉద్యమం * శ్రీశైలంలో కలకలం రేపిన అన్యమత పార్సిల్‌. ఆలయానికి సమీపంలోని దళిత కాలనీకి చెందిన ఓ కుటుంబానికి కర్నూలు నుంచి క్రిస్టియన్‌ సంస్థ ద్వారా వచ్చిన ఓ పార్సిల్‌. దానిపై కల్వరి టెంపుల్‌ చిరునామా . స్థానికులిచ్చిన సమాచారంతో పార్సిల్‌ను స్వాధీనం చేసుకున్న పోలీసులు. పార్సిల్‌లో నిత్యావసర వస్తువులున్నట్లుగా పోలీసుల వెల్లడి * కేంద్ర సుగంధ ద్రవ్యాల మండలి ఆధ్వర్యంలో ఏర్పాటు చేసిన ప్రత్యేక మిర్చి టాస్క్‌ఫోర్స్‌కు చైర్మన్ గా బీజెపీ ఎంపీ, బోర్డు సభ్యుడు జీవీఎల్‌ నరసింహారావు నియామకం. మిర్చి పంట అభివృద్ధి, వాటి ఉత్పత్తుల ఎగుమతులను ప్రోత్సహించడం ఈ టాస్క్‌ఫోర్స్‌ విధి. జీవీఎల్‌తోతోపాటు మరో 15మందిని కమిటీ సభ్యులుగా నియామకం.

దిగి పోవడానికి ఉత్తమ్ రెడీ.. పీఠం ఎవరిదో?

11-11-201911-11-2019 09:18:07 IST
2019-11-11T03:48:07.467Z11-11-2019 2019-11-11T03:48:02.278Z - - 26-09-2020

దిగి పోవడానికి ఉత్తమ్ రెడీ.. పీఠం ఎవరిదో?
facebooktwitterGooglewhatsappwhatsappGoogle
తెలంగాణ పీసీసీ అధ్యక్ష పదవి ఎవరికో?

ఉత్తమ్ దిగిపోవడానికి సిద్ధమైనట్టేనా?

ఆ ముగ్గురిలో పీఠం ఎవరికి దక్కేనో?

సోనియా, రాహుల్ ప్లానేంటి?

పద్మావతి ఓటమికి నైతిక బాధ్యత?

రేవంత్ కి పదవి దక్కుతుందా? 

టీపీసీసీ పీఠం ఎవరికి దక్కుతుందోనని తెలంగాణ రాజకీయాల్లో ఇప్పుడు హాట్ టాపిక్ అవుతోంది. హుజూర్ నగర్ ఉప ఎన్నికలలో భార్య ప్రభావతిని గెలిపించుకోలేకపోవడం ఉత్తమ్ కీలక నిర్ణయానికి కారణం అయిందని భావిస్తున్నారు.  కంచుకోట లాంటి చోట గెలవలేకపోవడంతో ఉత్తమ్ పదవి నుంచి వైదొలగడానికి సిద్ధమయ్యారు.  పీసీపీ చీఫ్ పదవి నుండి తప్పుకుంటున్నట్లుగా ఉత్తమ్ నేరుగా పార్టీ అధినేత్రి సోనియాకు సమాచారం అందించారని సమాచారం. ఈ నేపథ్యంలో కాంగ్రెస్ అధిష్టానం తెలంగాణకు కొత్త పీసీసీ చీఫ్ ఎంపిక మీద కసరత్తు ముమ్మరం చేసింది.

తెలంగాణ ప్రాంతానికి చెందిన ముఖ్య నేతలు, సీనియర్ల అభిప్రాయాలు సేకరించే పనిలో పడింది. పీసీసీ అధ్యక్ష పదవిని ఎవరికి ఇవ్వాలనేదానిపై తర్జనభర్జనలు జరుగుతున్నాయి. కాంగ్రెస్ అవసానదశకు చేరుకున్న వేళ బలమయిన, సమర్ధవంతమయిన నేతకు ఇవ్వాలని యోచిస్తోంది. పీసీసీ రేసులో పలువురి పేర్లు వినిపిస్తున్నాయి. అందులో మల్కాజ్ గిరి ఎంపీ రేవంత్ రెడ్డితో పాటు మాజీ సీఎల్పీ నేత జానారెడ్డి, మాజీ మంత్రి శ్రీధర్ బాబు పేర్లు ఉన్నాయని తెలుస్తోంది. 

2018లోనే ఉత్తమ్ కుమార్ రెడ్డి పదవీకాలం పూర్తయిన సంగతి తెలిసిందే. 2018 ముందస్తు ఎన్నికల నేపథ్యంలో అధిష్ఠానం ఉత్తమ్ నే కొనసాగించింది. ఎన్నికల్లో అనుకున్నంతగా పార్టీ రాణించలేకపోయింది. ఒక్కొక్కరుగా పార్టీ ఎమ్మెల్యేలు టీఆర్ఎస్ పార్టీలో చేరిపోయారు. దీంతో విపక్ష హోదా కూడా గల్లంతయింది.

ఇదే సమయంలో హుజూర్‌నగర్‌ ఉపఎన్నిక వచ్చిపడింది.  ఈఎన్నికల్లో భార్య పద్మావతి రెడ్డికి టికెట్ ఇప్పించుకున్నారు. కానీ ఈ ఎన్నికలో ఓటమి తర్వాత ఉత్తమ్‌.. ఆయన సతీమణి పద్మావతి.. ఢిల్లీ వెళ్లి అధినేత్రి సోనియాను కలిశారు. ఈ సందర్భంగా పదవి నుంచి తాను తప్పుకుంటున్నట్టు సమాచారం ఇచ్చారని సమాచారం. 

ఇటీవల సిడబ్ల్యూసీ నేత  గులాం నబీ ఆజాద్‌ హైదరాబాద్‌కు పర్యటన సందర్భంగా టీపీసీసీ చీఫ్ మార్పు గురించి ప్రస్తావించారు. త్వరలో జరగబోయే మునిసిపల్‌ ఎన్నికలకు ముందే టీపీసీసీకి కొత్త సారథిని నియమించడం ఖాయంగా కనిపిస్తోంది. పీసీసీ పదవి రేసులో మరో నేత కూడా చేరిపోయారు. ఆజాద్ కి స్వయంగా ఈ విషయం చెప్పారు కోమటిరెడ్డి వెంకటరెడ్డి.

అయితే ఈసారి పదవిని రెడ్డి సామాజిక వర్గానికి కాకుండా బీసీ వర్గానికి చెందినవారికి ఇవ్వాలని హనుమంతరావు లాంటి సీనియర్ నేతలు కోరుతున్నారు. మరో సీనియర్ నేత మాజీ ఎంపీ మధు యాష్కీ కూడా సోనియా దగ్గర లాబీయింగ్ చేయిస్తున్నారు. బీసీ కోటాలో మధుయాష్కీ తనకు పదవి గ్యారంటీ అని భావిస్తున్నారు. త్వరలో పీసీసీ పదవి ఎవరికి ఇస్తారో తేలిపోనుంది. అయితే ఈ ఎంపిక అంత ఈజీ కాదని కాంగ్రెస్ నేతలే అభిప్రాయపడుతున్నారు. 

అటు కేంద్రం వ్యవసాయ చట్టం- ఇటు కేసీఆర్ రెవెన్యూ చట్టం- తెలంగాణలో బీజేపీకి కష్టం

అటు కేంద్రం వ్యవసాయ చట్టం- ఇటు కేసీఆర్ రెవెన్యూ చట్టం- తెలంగాణలో బీజేపీకి కష్టం

   7 hours ago


బ్రేకింగ్ : కరోనా మృతదేహాల వద్ద కనిపించని నగలు, సెల్ఫోన్లు

బ్రేకింగ్ : కరోనా మృతదేహాల వద్ద కనిపించని నగలు, సెల్ఫోన్లు

   10 hours ago


బీహార్ అసెంబ్లీ ఎన్నికలకు మోగిన నగారా- కోవిడ్ జాగ్రత్తలపైనే అందరి దృష్టీ

బీహార్ అసెంబ్లీ ఎన్నికలకు మోగిన నగారా- కోవిడ్ జాగ్రత్తలపైనే అందరి దృష్టీ

   10 hours ago


నేడే దుర్గంచెరువు కేబుల్ బ్రిడ్జి ప్రారంభం.. ప్రత్యేకతలివే..

నేడే దుర్గంచెరువు కేబుల్ బ్రిడ్జి ప్రారంభం.. ప్రత్యేకతలివే..

   11 hours ago


కరోనా లెక్కల తకరారు? ఎవరిని  నమ్మించడానికి? ఎవరికి  వంచించడానికి??

కరోనా లెక్కల తకరారు? ఎవరిని నమ్మించడానికి? ఎవరికి వంచించడానికి??

   13 hours ago


ఏపీ నీటి తరలింపునకు కేసీఆర్‌ చక్కటి సహకారం.. ఉత్తమ్‌ మండిపాటు

ఏపీ నీటి తరలింపునకు కేసీఆర్‌ చక్కటి సహకారం.. ఉత్తమ్‌ మండిపాటు

   13 hours ago


ఎమ్మెల్సీ పోరు.. కోదండరాం టార్గెట్‌గా టీఆర్ఎస్ యాక్షన్ ప్లాన్!

ఎమ్మెల్సీ పోరు.. కోదండరాం టార్గెట్‌గా టీఆర్ఎస్ యాక్షన్ ప్లాన్!

   13 hours ago


కులపిచ్చి, ధన అహంకారమే హేమంత్ హత్యకు కారణమా ?

కులపిచ్చి, ధన అహంకారమే హేమంత్ హత్యకు కారణమా ?

   15 hours ago


మంత్రి హ‌రీష్‌రావుచే 500 ప‌ట్టాదారు పాసు పుస్త‌కాల పంపిణీ..

మంత్రి హ‌రీష్‌రావుచే 500 ప‌ట్టాదారు పాసు పుస్త‌కాల పంపిణీ..

   16 hours ago


తెలంగాణలో మరో పరువు హత్య..!

తెలంగాణలో మరో పరువు హత్య..!

   16 hours ago


ఇంకా

G. Sathyanarayana Raju


గొట్టుముక్కల సత్యనారాయణరాజుకు జర్నలిజంలో 21 సంవత్సరాలకు పైగా అనుభవం ఉంది. ప్రముఖ దినపత్రికలు, మేగజైన్లు, న్యూస్ ఛానెళ్ళలో వివిధ హోదాల్లో బాధ్యతలు నిర్వర్తించారు. డిజిటల్ మీడియాలో ప్రవేశించి... నాలుగేళ్ళనుంచి వివిధ వెబ్‌సైట్లలో పనిచేశారు. ప్రస్తుతం న్యూస్‌స్టింగ్‌.ఇన్ లో కంటెంట్ హెడ్‌గా పనిచేస్తున్నారు. ఫీచర్ రైటింగ్, ప్రత్యేక కథనాలు, కరెంట్ అఫైర్స్, ఎన్నికల కథనాలు, రాజకీయ కథనాల విశ్లేషణలో మంచి ప్రావీణ్యం ఉంది.
 gsnraju@rightfolio.in
      040 23600300

newsting
Daily Updates
facebooktwitterGooglewhatsappwhatsappGoogle