newssting
BITING NEWS :
* గ‌త 24 గంట‌ల్లో భార‌త్‌లో 52,050 క‌రోనా పాజిటివ్ కేసులు న‌మోదు.. 803 మంది మృతి.. 18,55,746కి చేరిన క‌రోనా కేసులు, ఇప్ప‌టి వ‌ర‌కు 38938 మంది మృతి*తెలంగాణలో 1286 కరోనా పాజిటివ్ కేసులు నమోదు.. 12 మంది మృతి, ఇప్పటి వరకు 68,946 పాజిటివ్ కేసులు నమోదు.. 563 మంది మృతి *కరోనాతో మాజీ ఎమ్మెల్యే సున్నం రాజయ్య కన్నుమూత *జానపద కళాకారుడు, రచయిత వంగపండు ప్రసాదరావు అనారోగ్యంతో పార్వతీపురంలో మృతి.. గ‌త కొన్ని రోజులుగా అనారోగ్య‌స‌మ‌స్య‌ల‌తో బాధ‌ప‌డుతున్న వంగ‌పండుమరణం పట్ల , ఏపీ సీఎం జగన్, తెలంగాణ సీఎం కేసీఆర్, మాజీ సీఎం చంద్రబాబు సంతాపం *గుంటూరు : కరోన నేపథ్యంలో నేటి నుండి సత్తెనపల్లిలో ఉదయం 6 నుండి మధ్యాహ్నం 2 గంటల వరకు వ్యాపారాలకు అనుమతి*సీఎం జ‌గ‌న్‌కు చంద్ర‌బాబు స‌వాల్‌.. జ‌గ‌న్‌కు 48 గంట‌ల స‌మ‌యం ఇస్తున్నాం... మేం రాజీనామాకు సిద్ధం..? మీరు సిద్ధ‌మా?, రాజీనామాలు చేసే ప్ర‌జ‌ల ముందుకు వెళ్దాం-చ‌ంద్ర‌బాబు*హైద‌రాబాద్‌: డెక్కన్ ఆస్పత్రిలో కోవిడ్ ట్రీట్మెంట్ రద్దు చేస్తూ ప్రభుత్వ నిర్ణయం.. అధిక బిల్లులు వసూలు చేసినందుకు డెక్కన్ ఆస్పత్రి పై చర్యలు

త‌న‌యుడి బాట‌లో తండ్రి....కేసీఆర్‌తో ‘ఢీ’ఎస్

20-08-201920-08-2019 09:21:05 IST
Updated On 20-08-2019 11:06:45 ISTUpdated On 20-08-20192019-08-20T03:51:05.611Z20-08-2019 2019-08-20T03:44:16.410Z - 2019-08-20T05:36:45.157Z - 20-08-2019

త‌న‌యుడి బాట‌లో తండ్రి....కేసీఆర్‌తో ‘ఢీ’ఎస్
facebooktwitterGooglewhatsappwhatsappGoogle
ఆయ‌న కాంగ్రెస్ పార్టీలో ఒక‌ప్పుడు చ‌క్రం తిప్పిన నేత‌. ఉమ్మ‌డి రాష్ట్ర పీసీసీ అధ్య‌క్షుడిగా బీఫామ్‌లు త‌న చేతుల మీదుగా పంచిన నేత‌. రెండుసార్లు పార్టీని అధికారంలోకి తీసుకురావ‌డంలో త‌న వంతు పాత్ర పోషించిన చ‌రిత్ర ఆయ‌న‌ది.

అనేక‌సార్లు సీఎం రేసులో సైతం నిలిచారు. అయితే, ఇప్పుడు సీన్ రివ‌ర్స్ అయ్యింది. ఎవ‌రా నేత అనుకుంటున్నారా..? నిజామాబాద్ డి.శ్రీనివాస్‌. ఆయ‌న అనుచ‌రులు శీన‌న్న అని పిలుచుకుంటారు. రాష్ట్ర‌వ్యాప్తంగా ఒకానొక స‌మ‌యంలో త‌న‌కంటూ ప్ర‌త్యేక వ‌ర్గాన్ని ఏర్పాటు చేసుకున్న డీఎస్ ఇప్పుడు రాజ‌కీయంగా ఒడిదొడుకులు ఎదుర్కుంటున్నారు.

ఎంతోమందికి రాజ‌కీయ జీవితాన్ని ఇచ్చిన ఆయ‌న ఇప్పుడు త‌న‌యుడి చేయి ప‌ట్టుకొని న‌డ‌వాల్సిన ప‌రిస్థితి. టీఆర్ఎస్‌లో ఉన్నారో లేరో ఆయ‌న‌కే క్లారిటీ లేని స‌మ‌యంలో ఇప్పుడు ఆయ‌న భార‌తీయ జ‌న‌తా పార్టీలో చేర‌డం లాంఛ‌న‌మే అయ్యింది. ఈ విష‌యాన్ని ఆయ‌న కుమారుడు, నిజామాబాద్ ఎంపీ ధ‌ర్మ‌పురి అర్వింద్ స్వ‌యంగా ప్ర‌క‌టించారు. ఇప్ప‌టికే బీజేపీ జాతీయ అధ్య‌క్షులు అమిత్ షాను క‌లిసిన డీఎస్ త్వ‌ర‌లోనే కాషాయ కండువా క‌ప్పుకోనున్నారు.

కాంగ్రెస్ పార్టీ అధిష్ఠానం వ‌ద్ద మంచి ప‌ట్టుండే డీఎస్ రాజ‌కీయ జీవితానికి వ‌రుస ఓట‌ములు పెద్ద దెబ్బ తీశాయి. 2009, 2014 ఎన్నిక‌ల‌తో పాటు 2012 ఉప ఎన్నిక‌ల్లో ఓడిన ఆయ‌న ఓట‌ముల్లో హ్యాట్రిక్ న‌మోదు చేశారు.

కాంగ్రెస్‌లో ప్రాధాన్య‌త త‌గ్గిందని భావించిన ఆయ‌న టీఆర్ఎస్ పార్టీలో చేరిపోయారు. పెద్ద నేత కావ‌డంతో కేసీఆర్ కూడా ఆయ‌న‌కు బాగానే ప్రాధాన్య‌త ఇచ్చి వెంట‌నే రాజ్య‌స‌భ‌కు పంపించారు.

ఆయ‌న చిన్న కుమారుడు అర్వింద్ ప్ర‌త్య‌క్ష రాజ‌కీయాల్లోకి వ‌చ్చిన తర్వాత తండ్రీకొడుకులు వేర్వేరు పార్టీల్లో ఉన్నారు. అయితే, టీఆర్ఎస్‌లో ఉంటూనే బీజేపీలో ఉన్న త‌న కుమారుడికి లోపాయికారీగా స‌హ‌క‌రిస్తున్నార‌ని స్థానిక టీఆర్ఎస్ నేత‌లు భావించి ఆయ‌నపై స‌స్పెన్ష‌న్ వేటు వేయాల్సిందిగా కేసీఆర్‌ను కోరారు.

అయితే, స‌స్పెన్ష‌న్ వేటు వేస్తే ఆయ‌న రాజ్య‌స‌భ స‌భ్యుడిగా కొన‌సాగే అవ‌కాశం ఉంటుంది కాబ‌ట్టి.. ఆయ‌నే పార్టీని వీడేలా చేయాల‌ని టీఆర్ఎస్ భావించింది.

కానీ, డీఎస్ త‌నంత‌ట తాను పార్టీని వీడ‌టం లేదు. ఇటీవ‌ల టీఆర్ఎస్ పార్ల‌మెంట‌రీ పార్టీ స‌మావేశానికి కూడా గ్రూప్‌లో పెట్టిన ఓ మెసేజ్‌ను ఆహ్వానంగా భావించి హాజ‌ర‌య్యారు.

ఇది కూడా త‌న‌పై స‌స్పెన్ష‌న్ వేటు ప‌డ‌కుండా చూసుకోవ‌డానికే. పార్ల‌మెంటు ఎన్నిక‌ల్లోనూ ఆయ‌న త‌న కుమారుడికి స‌హ‌క‌రించారు. ఇప్ప‌టికే అమిత్ షాను క‌లిసిన డీఎస్ రాజ్య‌స‌భ స‌భ్య‌త్వాన్ని కోల్పోవాల్సి వ‌స్తుంద‌నే కార‌ణంతో బీజేపీలో చేర‌డం లేదు.

అయితే, ఇక టీఆర్ఎస్ పార్టీ నుంచి బ‌హిష్క‌రించే అవ‌కాశం లేద‌నే నిర్ణ‌యానికి వ‌చ్చిన డీఎస్ తానే రాజీనామా చేయాల‌ని భావిస్తున్నారు. ఇప్ప‌టికే విడ‌త‌ల‌వారీగా జిల్లావ్యాప్తంగా త‌న అనుచ‌ర‌గ‌ణాన్ని బీజేపీలోకి పంపించిన ఆయ‌న త్వ‌ర‌లోనే కాషాయ కండువా క‌ప్పుకోనున్నారు.

కుమారుడితో క‌లిసి రాజ‌కీయ ప్రయాణాన్ని కొన‌సాగించ‌నున్నారు. ఇదిలా ఉండ‌గా, డీఎస్ బీజేపీలోకి వెళ్ల‌గానే ఆయ‌న‌పై స‌స్పెన్ష‌న్ వేటు వేయించేందుకు టీఆర్ఎస్ సిద్ధ‌మ‌వుతోంది.

 


Newssting Desk


 newssting@rightfolio.in
      040 23600300

newsting
Daily Updates
facebooktwitterGooglewhatsappwhatsappGoogle