newssting
Radio
BITING NEWS :
విశాఖ జిల్లా అనకాపల్లి ముత్రాసు కాలనీలో విషాదం. అనారోగ్యంతో భార్య చనిపోవడంతో మనస్తాపం చెంది.. ఇద్దరు పిల్లలతో కలిసి ఆత్మహత్య చేసుకున్న తండ్రి. * కడప జిల్లా ముద్దనూరు మండలం కొత్తపల్లిలో రోడ్డు ప్రమాదం. క్యాంపర్ వాహనాన్ని ఢీ కొట్టిన లారీ, ఇద్దరు మృతి. మృతులు తొండూరు మండలం మల్యాల వాసులుగా గుర్తింపు. * తెలంగాణలో భారీగా పెరిగిన కరోనా కేసులు. కొత్తగా 684 పాజిటివ్ కేసులు నమోదు, ముగ్గురు మృతి. * భద్రాచలం చెక్ పోస్ట్ వద్ద పోలీసుల తనిఖీల్లో పట్టుబడిన గంజాయి. రూ. 30 లక్షలు విలువైన రెండు క్వింటాళ్ల గంజాయి స్వాధీనం. రెండు కార్లు సీజ్, ముగ్గురు అరెస్ట్. * గుంటూరు జిల్లా తాడేపల్లి పరిసర ప్రాంతాల్లో విస్తరిస్తున్న డ్రగ్ కల్చర్. యూనివర్శిటీలు, కాలేజీలు టార్గెట్ గా డ్రగ్స్ అమ్మకాలు చేపట్టిన మాఫియా. గంజాయితో పాటు సింథటిక్ డ్రగ్స్ విక్రయాలు. ఎండీఎంఏ ట్యాబ్లెట్స్ ను పట్టుకున్న ఎస్ఈబీ అధికారులు. * ఈస్ట్ ఢిల్లీ రెడీమేడ్ వస్త్ర కారాగారంలో భారీ అగ్నిప్రమాదం. మంటలార్పుతున్న 15 ఫైరింజన్లు.

తెలంగాణ బడ్జెట్.. హరీష్ మార్క్ ఉంటుందా?

02-03-202002-03-2020 10:36:53 IST
Updated On 02-03-2020 13:17:23 ISTUpdated On 02-03-20202020-03-02T05:06:53.439Z02-03-2020 2020-03-02T05:06:51.286Z - 2020-03-02T07:47:23.088Z - 02-03-2020

తెలంగాణ బడ్జెట్.. హరీష్ మార్క్ ఉంటుందా?
facebooktwitterGooglewhatsappwhatsappGoogle
తెలంగాణ రాష్ట్రంలో టీఆర్ఎస్ పార్టీ రెండోసారి ప్రభుత్వ ఏర్పాటులో తొలిసారి పూర్తిస్థాయి బడ్జెట్ ను ప్రవేశపెట్టనున్నారు. రాష్ట్రంలో ముందస్తు ఎన్నికలకు ముందు ఓటాన్ అకౌంట్ బడ్జెట్ ను ప్రవేశపెట్టగా గత ఏడాది మిగతా ఆరునెలల కాలానికి బడ్జెట్ ను ప్రవేశపెట్టారు. గత ఏడాది బడ్జెట్ సమయం వరకు ఆర్థికశాఖ సీఎం కేసీఆర్ వద్దే ఉండగా బడ్జెట్ కు ఒక్కరోజు ముందుగా ఆ శాఖను హరీష్ రావుకు అప్పగించారు.

అయితే, అప్పుడు బడ్జెట్ ను మాత్రం సీఎం కేసీఆర్ ప్రవేశపెట్టి శాసనసభలో ఆయనే ప్రసంగించారు. శాసన మండలిలో మాత్రం ఆర్ధిక మంత్రి హోదాలో హరీష్ రావు ప్రసంగించారు. ఇక ఇప్పుడు పూర్తిస్థాయి బడ్జెట్ ను ప్రవేశపెట్టనుండగా తెలంగాణ రాష్ట్రంలో బడ్జెట్ ప్రవేశపెట్టనున్న రెండో ఆర్థికమంత్రిగా హరీష్ రావు రికార్డ్‌ను సొంత చేసుకోనున్నారు. అంతకు ముందు 2014 నుండి 2018 వరకు ఈటల రాజేందర్ బడ్జెట్ ప్రవేశపెట్టారు.

కాగా, ఇప్పటికే బడ్జెట్ సమావేశాలకు ముహూర్తం ఖరారైంది. ఈ నెల మార్చి 6వ తేదీ నుంచి తెలంగాణ బడ్జెట్ సమావేశాలు ప్రారంభం కానుండగా ఉదయం 11 గంటలకు రాష్ట్ర గవర్నర్ తమిళిసై సౌందరరాజన్ ప్రసంగంతో బడ్జెట్ సమావేశాలు ప్రారంభం మొదలుపెట్టనున్నారు. ఈ సందర్భంగా గవర్నర్ తొలిసారిగా సభలను ఉద్ధేశించి ప్రసంగించనున్నారు. మార్చి 8న మంత్రి హరీష్ రావు బడ్జెట్ ప్రవేశపెట్టనున్నారు.

కాగా, ఈ బడ్జెట్లో సీఎం కేసీఆర్ మార్క్ ఉండడం ఖాయంగా వినిపిస్తుంది. ఉన్న పథకాలకు నిధుల కేటాయింపుతో పాటు మరో ఒకట్రెండు కొత్త పథకాలను ప్రకటించే అవకాశం ఉన్నట్లుగా ప్రభుత్వ వర్గాల సమాచారం. ఇప్పటికే మంత్రి గంగుల కమలాకర్ ఇటీవల దీనికి సంబంధించి హింట్ ఇచ్చారు. ఆపద్బoధు కేసీఆర్ పేరుతో ఓ పథకం రూపకల్పన చేస్తున్నామని ఆయన చెప్పారు.

అయితే, వైఎస్ ప్రభుత్వంలో క్రీడలు, యువజన సర్వీసులు, కేసీఆర్ తొలి ప్రభుత్వంలో కీలకమైన సాగునీటి పారుదల శాఖలను నిర్వహించిన హరీష్ రావు తొలిసారి ఆర్ధిక మంత్రిగా బాధ్యతలను నిర్వర్తిస్తుండగా తొలిసారో బడ్జెట్ ప్రవేశపెట్టనున్నారు. ఈక్రమంలో బడ్జెట్ లో హరీష్ మార్క్ ఏమైనా ఉంటుందా అనే చర్చ రాజకీయ వర్గాలలో నడుస్తుంది. ప్రభుత్వంలో.. పార్టీలో అధిష్టానం నేతలలో హరీష్ కూడా ఒకరు.

ఆ మాటకొస్తే ఉద్యమం సమయంలో కేసీఆర్ తర్వాత పార్టీలో రెండోస్థానం హరీష్ రావుదే. కేటీఆర్ వచ్చాక ఆ స్థానంలో మార్పులు వచ్చాయి. అయితే, పార్టీలో అయనకు తగిన గౌరవం మాత్రం ఇప్పుడు కూడా కొనసాగుతూనే ఉంది. మరోవైపు ప్రజాక్షేత్రంలో కేసీఆర్ తర్వాత హరీష్ రావు ఆ స్థానం ఆక్రమించుకున్నారని ఎప్పుడో నిరూపించుకున్నారు. ఈక్రమంలో హరీష్ అయన మార్క్ ఉండేలా చూసుకున్నారా? అన్న చర్చలు సహజమే!

 


NewsSting Team


      040 23600300

newsting
Daily Updates
facebooktwitterGooglewhatsappwhatsappGoogle