newssting
BITING NEWS :
* భారత్ లో వేగంగా పెరుగుతున్న కరోనా కేసులు 1, 45, 380.. మరణాలు 4167*ఏపీలో 2719 మృతులు 57, తెలంగాణలో కరోనా పాజిటివ్ కేసుల సంఖ్య 1920 * కరోనా వైరస్ మహమ్మారిపై పోరులో భారత్ కు చైనా సహకారం యథాతథం * మహారాష్ట్రలో 1695 కోవిడ్ మరణాలు.. కేసులు 17,082*భారత్ లో వారం రోజుల్లో 45 వేల కేసులు *ఏపీలో భారీగా పట్టుబడుతున్న తెలంగాణా మద్యం*హైకోర్టుకు చేరిన ఏపీ వికేంద్రీకరణ, సీఆర్డీఏ సవరణ బిల్లు వ్యవహారం*సిద్దిపేట:కొండపోచమ్మ సాగర్‌ ప్రారంభోత్సవం ముహూర్తం ఖరారు..ఈనెల 29న ఉ. 11:30 గంటలకు ప్రారంభించనున్న సీఎం కేసీఆర్ *జార్ఖండ్ లో ఘోర ప్రమాదం ఐదుగురి మృతి

తెలంగాణలో కరోనా లేదు.. వస్తే యుద్ధం చేసి తరిమేద్దాం

07-03-202007-03-2020 16:30:27 IST
Updated On 07-03-2020 16:43:59 ISTUpdated On 07-03-20202020-03-07T11:00:27.065Z07-03-2020 2020-03-07T11:00:22.926Z - 2020-03-07T11:13:59.454Z - 07-03-2020

తెలంగాణలో కరోనా లేదు.. వస్తే యుద్ధం చేసి తరిమేద్దాం
facebooktwitterGooglewhatsappwhatsappGoogle
ప్రపంచవ్యాప్తంగా కరోనా వైరస్ మరణ మృదంగం చేస్తోంది. ఈ నేపథ్యంలో అన్ని రాష్ట్ర ప్రభుత్వాలు అప్రమత్తం అయ్యాయి. తెలంగాణ రాష్ట్రంలో కరోనా వైరస్ బాధితుల కోసం కేంద్రం సాయంతో గాంధీ ఆస్పత్రిలో ప్రత్యేక చికిత్స అందిస్తున్న సంగతి తెలిసిందే. 

అసెంబ్లీ బడ్జెట్ సమావేశాల సందర్భంగా సీఎం కేసీయార్ కరోనా వైరస్ పై సుదీర్ఘంగా మాట్లాడారు. కరోనాపై అసత్యాలు, దుష్ప్రచారాలు చేయడం సరికాదన్నారు. కరోనా రావొద్దు అని దేవుణ్ణి ప్రార్థిస్తున్నామని సీఎం అన్నారు. రాష్ట్రానికి కరోనా వైరస్‌ రాదు.. రానివ్వం కూడా అని సీఎం తేల్చిచెప్పారు. ఈ వైరస్‌ ఇక్కడ పుట్టినది కాదు, ఒక వేళ వచ్చినా.. రూ. వెయ్యి కోట్లు ఖర్చు పెట్టి అయినా కరోనాను అడ్డుకుంటామని స్పష్టం చేశారు.

130 కోట్ల మంది ఉన్న దేశంలో 31 మందికే కరోనా వచ్చిందన్నారు. ఈ 31 మంది కూడా దుబాయ్‌, ఇటలీ లాంటి ఇతర దేశాలకు పోయి వచ్చినా వారే అని సీఎం తెలిపారు.మన రాష్ట్రంలో కరోనా లేనప్పడు మాస్క్‌లు ఎందుకు? అని కేసీఆర్‌ ప్రశ్నించారు. 22 డిగ్రీల ఉష్ణోగ్రత దాటితే కరోనా వైరస్‌ బతకదని సీఎం కేసీయార్ సభలో చెప్పారు. మన దగ్గర 30 డిగ్రీల ఉష్ణోగ్రత ఉంది.. అలాంటప్పుడు ఆ వైరస్‌ ఎలా బతుకుతుందని సీఎం ప్రశ్నించారు.

మాస్క్‌ కట్టుకోకుండానే కరోనాపై యుద్ధం చేస్తామని కేసీఆర్‌ స్పష్టం చేశారు. వైరస్‌ లక్షణాలు ఉన్నవారికి గాంధీ ఆస్పత్రిలో చికిత్స అందిస్తున్నారని, ఎవరూ భయపడాల్సిన అవసరంలేదని పేర్కొన్నారు. కరోనా విషయంలో వదంతులు వ్యాప్తిచేసేవారిపై కఠిన చర్యలు తీసుకుంటామన్నారు. గవర్నర్ ప్రసంగంపై ధన్యవాద తీర్మానం సందర్భంగా సీఎం కేసీయార్ మాట్లాడారు. కాంగ్రెస్ సభ్యులపై ఆగ్రహం వ్యక్తం చేశారు. 

మరోవైపు హైదరాబాద్ లో కరోనా వ్యాప్తిచెందే అవకాశం లేదన్నారు సైబరాబాద్ కమిషనర్ సజ్జనార్. కరోనా వైరస్‌పై ఐటీ కంపెనీల ప్రతినిధులతో సైబరాబాద్‌ సీపీ సజ్జనార్‌ శనివారం సమావేశం ఏర్పాటు చేశారు. ఈ సమావేశంలో వివిధ ఐటీ కంపెనీల సీఈవోలు, హైసియా మెంబర్స్‌, సొసైటీ ఫర్‌ సైబరాబాద్‌సెక్యూరిటీ కౌన్సిల్‌ ప్రతినిధులు హజరయ్యారు. ఈ సందర్భంగా సీపీ సజ్జనార్‌ వదంతులు వ్యాప్తిచేసేవారికి హెచ్చరికలు జారీచేశారు. ఐటీ కారిడార్లో పరిస్థితి ప్రశాంతంగా ఉందన్నారు. కరోనాపై ఏవైనా అపోహలుంటే సైబరాబాద్‌ పోలీసులను సంప్రదించాలని సూచించారు.


G. Sathyanarayana Raju


గొట్టుముక్కల సత్యనారాయణరాజుకు జర్నలిజంలో 21 సంవత్సరాలకు పైగా అనుభవం ఉంది. ప్రముఖ దినపత్రికలు, మేగజైన్లు, న్యూస్ ఛానెళ్ళలో వివిధ హోదాల్లో బాధ్యతలు నిర్వర్తించారు. డిజిటల్ మీడియాలో ప్రవేశించి... నాలుగేళ్ళనుంచి వివిధ వెబ్‌సైట్లలో పనిచేశారు. ప్రస్తుతం న్యూస్‌స్టింగ్‌.ఇన్ లో కంటెంట్ హెడ్‌గా పనిచేస్తున్నారు. ఫీచర్ రైటింగ్, ప్రత్యేక కథనాలు, కరెంట్ అఫైర్స్, ఎన్నికల కథనాలు, రాజకీయ కథనాల విశ్లేషణలో మంచి ప్రావీణ్యం ఉంది.
 gsnraju@rightfolio.in
      040 23600300

newsting
Daily Updates
facebooktwitterGooglewhatsappwhatsappGoogle