newssting
BITING NEWS :
పాకిస్తాన్‌లో కొనసాగుతున్న మీడియాపై దారుణ అణచివేత. పెద్ద ఎత్తున మీడియా ప్రతినిధులను అదుపులోకి తీసుకున్న ఫెడరల్ ఇన్వెస్టిగేషన్ ఏజెన్సీ. మీడియాపై అణచివేత లేనేలేదంటూ చెబుతున్న పాక్ ప్రధాని ఇమ్రాన్ ఖాన్. జర్నలిస్టు ముబషిర్ జైదీ తన సహచరుల అరెస్టులను బయటపెట్టడంతో వెలుగులోకి వచ్చిన వ్యవహారం * నేపాల్ దేశంలోని సింగిజా జిల్లాలో భారీవర్షాలతో కొండచరియలు విరిగిపడటం వల్ల ఒకే కుటుంబంలోని 9 మంది మరణించారని చీఫ్ జిల్లా ఆఫీసర్ గంగా బహదూర్ చెట్రీ ప్రకటన. భారీవర్షాలు, వరదల వల్ల నేపాల్ దేశంలో మొత్తం 10 మంది మరణించగా మరొకరికి తీవ్రగాయాలయ్యాయయని అధికారుల ప్రకటన * వైరస్‌తో పోరాటం చేస్తున్న ఢిల్లీ డిప్యూటీ సీఎం మనీశ్‌‌ సిసోడియా. ప్రస్తుతం విషమంగా ఆయన ఆరోగ్యం. కరోనాతో పాటు డెంగ్యూ కూడా ఎటాక్‌ చేయడంతో గడిచిన 24 గంటల్లో మరింత విషమంగా ఉందని లోక్‌నాయక్‌ జయప్రకాశ్‌ నాయక్‌ ఆస్పత్రి వైద్యుల ప్రకటన * వ్యవసాయ బిల్లులపై దేశవ్యాప్తంగా ఆగని పోరు మంటలు. వ్యవసాయ, కార్మిక సంస్కరణల బిల్లులను వ్యతిరేకిస్తూ కాంగ్రెస్‌ పార్టీ దేశవ్యాప్తంగా ఆందోళనలను. పంజాబ్‌లో రైల్‌ రోకో నిర్వహించిన రైతులు. కిసాన్‌ మజ్దూర్‌ సంఘర్ష్ కమిటీ, ఇతర రైతు సంఘాలు సంయుక్తంగా ఆందోళనలు * పార్లమెంట్‌లో ఆమోదం పొందిన వ్యవసాయ బిల్లులను వ్యతిరేకిస్తూ శుక్రవారం తలపెట్టిన భారత్‌ బంద్‌కు 20కి పైగా రైతు సంఘాలు మద్దతు. పంజాబ్‌, హరియాణాల్లో పార్టీలకు అతీతంగా ఆందోళనలో పాల్గొంటున్న 31 రైతు సంఘాలు. కర్ణాటక, తమిళనాడు, మహారాష్ట్రలోనూ పలు రైతు సంఘాలు షట్‌డౌన్‌కు పిలుపు, హిందూ మజ్ధూర్‌ సభ వంటి పలు కార్మిక సంఘాలు మద్దతు ప్రకటన * కేంద్రం ప్రవేశపెట్టిన వ్యవసాయ బిల్లుకు వ్యతిరేకంగా రైతులు ఆందోళనలతో పలు రైళ్ల రాకపోకల రద్దు. అమృత్ సర్-జయానగర్ ఎక్స్ ప్రెస్, జయానగర్-అమృత్ సర్ ఎక్స్ ప్రెస్ ల రద్దు చేయడంతో పాటు మరికొన్ని ప్యాసింజర్ రైళ్ల రద్దు. మరికొన్ని రైళ్ల ప్రయాణ దూరం కుదింపు * ఆరునెలల తర్వాత హైదరాబాద్‌లో శుక్రవారం నుంచి రోడ్డెక్కిన సిటీ బస్సులు. మొత్తం బస్సుల్లో 25 శాతమే తిప్పనున్న ఆర్టీసీ. శుక్రవారం ఉదయం షిఫ్ట్‌ నుంచి బస్సులు ప్రయాణం మొదలు కాగా వారం, పది రోజుల తర్వాత పరిస్థితిని బట్టి 50 శాతం బస్సులకు అనుమతి * నేడు హైదరాబాద్‌ లోని దుర్గం చెరువు కేబుల్‌ బ్రిడ్జి ప్రారంభం. జూబ్లీహిల్స్‌ రోడ్‌ నంబర్‌ 45 ఎలివేటెడ్‌ కారిడార్‌ కూడా ప్రారంభం. కేంద్ర హోం శాఖ సహాయ మంత్రి జి.కిషన్‌రెడ్డి, రాష్ట్ర మునిసిపల్, ఐటీ శాఖల మంత్రి కేటీఆర్ చేతుల మీదగా శుక్రవాదం సాయంత్రం బ్రిడ్జ్ ప్రారంభం * పారిశుద్ధ్య కార్మికుల సర్వీసు క్రమబద్ధీకరణకు సంబంధించిన కేసులో‌ ఘాటు వ్యాఖ్యలు చేసిన హైకోర్టు డివిజన్‌ బెంచ్. ఉచితంగా ఊడిగం చేయించుకోడానికి ఇదేమీ రాచరికం కాదని వ్యాఖ్య. సర్వీసు రూల్‌ 1994లోని సెక్షన్‌ 3 ప్రకారం దినసరి కూలీలుగా కొనసాగించరాదని హైకోర్టు మరోసారి స్పష్టం * పశ్చిమగోదావరి జిల్లా ద్వారకా తిరుమల చిన్న వెంకన్న ఆలయంలో రేపటి నుండి అధిక ఆశ్వీజమాస తిరుకళ్యాణోత్సవాలు. 30న ఆలయంలో ఏకాంతంగా స్వామివారి కళ్యాణం. కళ్యాణోత్సవాల రోజుల్లో స్వామి వారి నిత్య కళ్యాణాలు, నిత్య ఆర్జిత సేవలను రద్దు చేస్తున్నట్లు ఆలయ ఈవో డి భ్రమరాంబ వెల్లడి * 283వ రోజుకు చేరుకున్న రాజధాని రైతుల నిరసనలు. రాజధాని గ్రామాల్లోని శిబిరాల్లో సాగుతున్న రైతుల ఆందోళనలు. రాజధానిగా అమరావతి కొనసాగుతుందని ప్రభుత్వం చెప్పే వరకు ఆందోళనలు కొనసాగిస్తామని స్పష్టం చేస్తున్న రాజధాని రైతులు. కరోనా సూచనలు పాటిస్తూ సాగుతున్న అమరావతి ఉద్యమం * శ్రీశైలంలో కలకలం రేపిన అన్యమత పార్సిల్‌. ఆలయానికి సమీపంలోని దళిత కాలనీకి చెందిన ఓ కుటుంబానికి కర్నూలు నుంచి క్రిస్టియన్‌ సంస్థ ద్వారా వచ్చిన ఓ పార్సిల్‌. దానిపై కల్వరి టెంపుల్‌ చిరునామా . స్థానికులిచ్చిన సమాచారంతో పార్సిల్‌ను స్వాధీనం చేసుకున్న పోలీసులు. పార్సిల్‌లో నిత్యావసర వస్తువులున్నట్లుగా పోలీసుల వెల్లడి * కేంద్ర సుగంధ ద్రవ్యాల మండలి ఆధ్వర్యంలో ఏర్పాటు చేసిన ప్రత్యేక మిర్చి టాస్క్‌ఫోర్స్‌కు చైర్మన్ గా బీజెపీ ఎంపీ, బోర్డు సభ్యుడు జీవీఎల్‌ నరసింహారావు నియామకం. మిర్చి పంట అభివృద్ధి, వాటి ఉత్పత్తుల ఎగుమతులను ప్రోత్సహించడం ఈ టాస్క్‌ఫోర్స్‌ విధి. జీవీఎల్‌తోతోపాటు మరో 15మందిని కమిటీ సభ్యులుగా నియామకం.

తహసిల్దారును చంపి.. తానూ చచ్చి... ఏం సాధించినట్లు?

08-11-201908-11-2019 11:46:04 IST
2019-11-08T06:16:04.747Z08-11-2019 2019-11-08T06:15:58.658Z - - 26-09-2020

తహసిల్దారును చంపి.. తానూ చచ్చి... ఏం సాధించినట్లు?
facebooktwitterGooglewhatsappwhatsappGoogle
మండల రెవెన్యూ అధికారిణి విజయా రెడ్డిని హైదరాబాద్‌ శివార్లలోని తన ఆపీసు గదిలోనే తగులబెట్టి చంపేసిన కేసులో నిందితుడు కె. సురేష్ తీవ్ర గాయాలపాలై చికిత్స పొందుతూ గురువారం ఉస్మానియా జనరల్ ఆసుపత్రిలో చనిపోయాడు.  తన భూమికి సొంత పట్టా ఇవ్వలేదనే కసితో విజయారెడ్డిపై పెట్రోలు పోసి తగులబెట్టిన సందర్భంలో సురేష్‌కి కూడా 60 శాతం గాయాలు తగిలాయి. బుధవారం రాత్రి సురేష్ పరిస్థితి విషమించిందని, గాయాలు తగ్గని స్థితిలో గురువారం మధ్యాహ్నం తర్వాత 3.30 గంటలకు సురేష్ చనిపోయాడని ఆస్పత్రి వైద్యులు ప్రకటించారు. 

ఆసుపత్రిలో చేరినప్పుడే సురేష్ పరిస్థితి విషమించింది. గురువారం అతడిని వెంటిలేటర్‌లో ఉంచామని కానీ కాలిన గాయాలకు తట్టుకోలేక సురేష్ చనిపోయాడని ఉస్మానియా ఆసుపత్రి సూపరింటెండెంట్ డాక్టర్ బి నాగేందర్ చెప్పారు.

అయితే సురేష్ ఎందుకంత ఘాతుకానికి పాల్పడ్డాడో, తన ఉద్దేశమేమిటో ఇంకా స్పష్టం కాలేదని పోలీసులు చెప్పారు. అబ్దుల్లాపుర్ మెట్ ఇన్‌స్పెక్టర్ ఎస్ దేవేందర్ మీడియాతో మాట్లాడుతూ విచారణ కొనసాగుతోందని చెప్పారు. వివాదానికి కారణమైన భూమిని పరిశీలిస్తున్నామని, ఈ కేసుతో సబంధం  ఉన్న వ్యక్తులతో మాట్లాడుతున్నామని పేర్కొన్నారు. సురేష్ చనిపోవడానికి ముందుగా మేజిస్ట్రేట్ అతడి వాంగ్మూలాన్ని తీసుకున్నారని, ఆ వివరాలు కూడా త్వరలోనే వెల్లడిస్తామని చెప్పారు. 

తన భాగానికి చెందిన భూమికి పట్టాదారు పాస్ పుస్తకం ఇవ్వనందుకు పూర్తిగా నిరాశలో మునిగిపోయాయని సురేష్ తన మరణ వాంగ్మూలంలో చెప్పినట్లు తెలుస్తోంది. సురేష్ చేసిన పనికి తన కుటుంబం షాక్‌కు గురైంది. తహసిల్దార్‌పై దాడి చేయవలిసిందిగా అతడిని ఎవరైనా పురికొల్పి ఉంటారని వారు ఆరోపించారు. మరిన్ని ఆధారాల కోసం సురేష్ ఫోన్ కాల్ డేటాను కూడా పరిశీలిస్తున్నామని పోలీసులు చెప్పారు

దాడిలో మృతి చెందిన తహసిల్దార్ విజయారెడ్డికి భర్త, ఇద్దరు పిల్లలున్నారు. ఆమె మూడేళ్ల క్రితం ప్రారంభించిన అబ్దుల్లాపుర్మెట్ ఆపీసులో తొలి తహసిల్దారుగా నియమితులయ్యారు. ఆమెపై దాడి జరిగినప్పుడు ఆమెను కాపాడాలని ప్రయత్నించిన ఆమె డ్రైవర్ గురునాథం శరీరం కూడా అంటుకుని తర్వాతరోజున అసుపత్రిలో మరణించాడు.

విజయారెడ్డి దారుణ హత్య రెవెన్యూ ఉద్యోగులలో తీవ్రమైన నిరసనను రేకెత్తించింది. గత కొన్ని నెలలుగా రెవెన్యూ ఉద్యోగులను అనేక సందర్భాల్లో అవమానించిన తెలంగాణ ముఖ్యమంత్రి కేసీఆర్‌పై వారు ధ్వజమెత్తారు. మూడురోజులపాటు విధులకు బాయ్ కాట్ చేయడమే కాకుండా తప్పు చేసిన వాడిని, పురికొల్పినవారిని కూడా పట్టుకుని కఠినంగా శిక్షించాలని ఉద్యోగులు డిమాండ్ చేశారు.

ఇవన్నీ పక్కనబెడితే ఈ మొత్తం ఉదంతంలో అమూల్యమైన ప్రాణాలను కోల్పోవడం తప్పిస్తే ఎవరికీ ఏమీ ఒరగకపోవడం విచారకరం. తాను చే్స్తున్న ఘాతుక చర్య వల్ల ప్రభుత్వ అధికారిణి భర్తకు, పిల్లలకు తీరని శోకం మిగిలించడం తప్పితే నిందితుడు సురేష్ సాధించేమీ లేదు. పైగా సంవత్సరాలుగా భూమిపై పట్టా సాధించుకోవడంలో విఫలమైన బాదితుడిగా తనమీద ఉన్న సానుభూతి కూడా కరిగిపోయింది. తన కుటుంబం పరువు ఇవాళ నడిబజారులో నిలబడింది. చివరకు తన ప్రాణాలూ హరీమన్నాయి. 

ఈ భయానక పాశవిక కాండలో ఎవరు ఏం మిగిల్చుకున్నట్లు.. క్షణికావేశంలో ఏం చేస్తున్నదీ కూడా తెలియని ఉద్రేకంలో మనుషులు తెగిస్తే ఎన్ని దారుణ ఫలితాలు సంభవిస్తాయో తహసిల్దారు నుంచి సురేష్ దాకా జరుగుతూ వచ్చిన ప్రాణ హరణ చర్యలు సమాజానికి కనువిప్పుగా అయినా మిగులుతాయా.. అనేది సమాధానం లేని ప్రశ్నగానే మిగులుతోంది

 

అటు కేంద్రం వ్యవసాయ చట్టం- ఇటు కేసీఆర్ రెవెన్యూ చట్టం- తెలంగాణలో బీజేపీకి కష్టం

అటు కేంద్రం వ్యవసాయ చట్టం- ఇటు కేసీఆర్ రెవెన్యూ చట్టం- తెలంగాణలో బీజేపీకి కష్టం

   9 hours ago


బ్రేకింగ్ : కరోనా మృతదేహాల వద్ద కనిపించని నగలు, సెల్ఫోన్లు

బ్రేకింగ్ : కరోనా మృతదేహాల వద్ద కనిపించని నగలు, సెల్ఫోన్లు

   13 hours ago


బీహార్ అసెంబ్లీ ఎన్నికలకు మోగిన నగారా- కోవిడ్ జాగ్రత్తలపైనే అందరి దృష్టీ

బీహార్ అసెంబ్లీ ఎన్నికలకు మోగిన నగారా- కోవిడ్ జాగ్రత్తలపైనే అందరి దృష్టీ

   13 hours ago


నేడే దుర్గంచెరువు కేబుల్ బ్రిడ్జి ప్రారంభం.. ప్రత్యేకతలివే..

నేడే దుర్గంచెరువు కేబుల్ బ్రిడ్జి ప్రారంభం.. ప్రత్యేకతలివే..

   14 hours ago


కరోనా లెక్కల తకరారు? ఎవరిని  నమ్మించడానికి? ఎవరికి  వంచించడానికి??

కరోనా లెక్కల తకరారు? ఎవరిని నమ్మించడానికి? ఎవరికి వంచించడానికి??

   15 hours ago


ఏపీ నీటి తరలింపునకు కేసీఆర్‌ చక్కటి సహకారం.. ఉత్తమ్‌ మండిపాటు

ఏపీ నీటి తరలింపునకు కేసీఆర్‌ చక్కటి సహకారం.. ఉత్తమ్‌ మండిపాటు

   15 hours ago


ఎమ్మెల్సీ పోరు.. కోదండరాం టార్గెట్‌గా టీఆర్ఎస్ యాక్షన్ ప్లాన్!

ఎమ్మెల్సీ పోరు.. కోదండరాం టార్గెట్‌గా టీఆర్ఎస్ యాక్షన్ ప్లాన్!

   16 hours ago


కులపిచ్చి, ధన అహంకారమే హేమంత్ హత్యకు కారణమా ?

కులపిచ్చి, ధన అహంకారమే హేమంత్ హత్యకు కారణమా ?

   17 hours ago


మంత్రి హ‌రీష్‌రావుచే 500 ప‌ట్టాదారు పాసు పుస్త‌కాల పంపిణీ..

మంత్రి హ‌రీష్‌రావుచే 500 ప‌ట్టాదారు పాసు పుస్త‌కాల పంపిణీ..

   18 hours ago


తెలంగాణలో మరో పరువు హత్య..!

తెలంగాణలో మరో పరువు హత్య..!

   18 hours ago


ఇంకా

NewsSting Team


      040 23600300

newsting
Daily Updates
facebooktwitterGooglewhatsappwhatsappGoogle