newssting
BITING NEWS :
మహారాష్ట్ర సర్కారుపై సంచలన వ్యాఖ్యలు చేసిన మాజీ సీఎం దేవేంద్ర ఫడణవీస్. శివసేన, కాంగ్రెస్, ఎన్సీపీల కలయికతో కూడిన మహావికాస్ ఆఘాదీ ప్రభుత్వం స్వయంగా కుప్పకూలిపోతుందన్న ఫడణవీస్. కూటమిని అధికారం నుంచి తొలగించడానికి బీజేపీ ఏం చేయనవసరం లేదని చెప్పిన ఫడణవీస్ * బీహార్ అసెంబ్లీ ఎన్నికల బందోబస్తుకు 30వేల మంది కేంద్ర బలగాలను పంపించాలని కేంద్ర హోంమంత్రిత్వశాఖ నిర్ణయం. ఎన్నికలు స్వేచ్ఛగా, ప్రశాంతంగా కొవిడ్ నిబంధనలు అనుసరిస్తూ నిర్వహించేందుకు వీలుగా 30వేల మంది కేంద్ర బలగాల జవాన్లతో ఏర్పాటు చేయనున్న బందోబస్తు. మావోయిస్టు ప్రాబల్య ప్రాంతాలలో కేంద్ర అదనపు బలగాలతో రక్షణ * చైనా ఉత్పత్తులపై సుంకాలను పెంచడం పట్ల అగ్రరాజ్యంలోని దిగ్గజ కంపెనీల ఆగ్రహం. 30 వేల కోట్ల డాలర్ల విలువైన చైనా దిగుమతులపై సుంకాలు పెంచుతూ నిర్ణయం తీసుకున్న డొనాల్డ్‌ ట్రంప్‌ ప్రభుత్వం. ట్రంప్ నిర్ణయాన్ని సవాలు చేస్తూ యూఎస్‌ కోర్ట్‌ ఆఫ్‌ ఇంటర్నేషనల్‌ ట్రేడ్‌లో కేసులు వేసిన 3,500 కంపెనీలు * కర్ణాటక రాష్ట్రం కలబుర్గి జిల్లాలో ఘోర రోడ్డు ప్రమాదం. సావళగి క్రాస్‌ అళంద రోడ్డుపై తెల్లవారుజామున రోడ్డుపక్కన ఆగి ఉన్న లారీని ఢీ కొట్టిన కారు. ఒకే కుటుంబానికి చెందిన ఏడుగురు మృతి. నెలలు నిండిన మహిళకు నొప్పులు రావడంతో కుటుంబసభ్యులు ఆసుపత్రికి తీసుకెళుతుండగా ప్రమాదం * 286వ రోజుకు చేరుకున్న అమరావతి రాజధాని రైతుల ఉద్యమం. గ్రామాల్లోని శిబిరాల్లో కొనసాగుతున్న రైతుల ఆందోళనలు. రాజధానిగా అమరావతి కొనసాగుతుందని ప్రభుత్వం చెప్పే వరకు ఆందోళనలు కొనసాగిస్తామని రాజధాని రైతులు స్పష్టం. కరోనా సూచనలు పాటిస్తూ కొనసాగుతున్న అమరావతి ఉద్యమం * ఏపీ‌లో కొనసాగుతున్న కరోనా విజృంభణ. రాష్ట్ర దేవాదాయ శాఖ మంత్రి వెల్లంపల్లి శ్రీనివాస్‌కు కరోనా పాజిటివ్ గా నిర్ధారణ. ఇటీవల తిరుమల బ్రహ్మోత్సవాల్లో సీఎం జగన్‌తో కలిసి స్వామి వారికి పట్టువస్త్రాలు సమర్పించిన మంత్రి. బ్రహ్మోత్సవాల అనంతరం స్వల్పంగా కోవిడ్ లక్షణాలు కనిపించడంతో పరీక్షలు. ఓ ప్రైవేట్ ఆస్పత్రిలో చేరి చికిత్స పొందుతున్న వెల్లంపల్లి * ప్రకాశం బ్యారేజీ వద్ద ఉధృతంగా ప్రవహిస్తోన్న కృష్ణా నది. కొనసాగుతున్న రెండవ ప్రమాద హెచ్చరిక. ప్రాజెక్టు వద్ద 6,65,925 క్యూసెక్కులుగా ఉన్న ఇన్‌ఫ్లో, అవుట్ ఫ్లో. కృష్ణా నది పరివాహక ప్రాంత ప్రజలు అప్రమత్తంగా ఉండాలని రాష్ట్ర విపత్తుల నిర్వహణ శాఖ కమిషనర్ కె. కన్నబాబు సూచన * తూర్పుగోదావరి జిల్లా అంతర్వేది శ్రీలక్ష్మీనరసింహస్వామివారి నూతన రథం నిర్మాణ పనులు ఆదివారం ప్రారంభం. ఈ కార్యక్రమంలో పాల్గొన్న ధర్మాన కృష్ణదాస్‌, మంత్రి చెల్లుబోయిన వేణుగోపాలకృష్ణ * యాదాద్రి-భువనగిరి జిల్లాలోని వలిగొండ మండలం ప్రొద్దుటూరులో గత రెండు రోజులుగా కురుస్తున్న వర్షాలకు నాని కుప్పకూలిన పెంకుటిల్లు. అర్ధరాత్రి సమయంలో కుటుంబ సభ్యులు ఇంట్లో నిద్రిస్తుండగా ఒక్కసారిగా కుప్పకూలిన ఇల్లు. శబ్దాన్ని గమనించిన నలుగురు కుటుంబ సభ్యులు వెంటనే బయటకు రావడంతో తప్పిన ప్రాణాపాయం * నాగార్జునసాగర్ ప్రాజెక్టుకు కొనసాగుతున్న భారీ వరద ప్రవాహం. 20 క్రస్టు గేట్లు ఎత్తి దిగువకు నీటి విడుదల. 4,19,454 క్యూసెక్కులుగా ఉన్న ప్రాజెక్ట్ ఇన్ ఫ్లో, అవుట్ ఫ్లో. అలాగే పూర్తిస్థాయి నీటి నిల్వ 312.0450 టీఎంసీలు కాగా.. ప్రస్తుత నీటి నిల్వ 310.252 టీఎంసీలుగా నమోదు. పూర్తిస్థాయి నీటిమట్టం 590 అడుగులకు గాను.. ప్రస్తుత నీటిమట్టం 589.40 అడుగులు * రెండు తెలుగు రాష్ట్రాల్లో నేడు, రేపు తెలంగాణ ఎంసెట్ పరీక్ష. ఉదయం, మధ్యాహ్నం రెండు షెషన్‌లలో పరీక్ష నిర్వహణ. తెలంగాణ, ఆంధ్రాలో కలిపి మొత్తం 84 సెంటర్లలో పరీక్షను నిర్వహణ. తెలంగాణలో 67, ఆంధ్రాలో 17 పరీక్షా కేంద్రాలు

టీఆర్ఎస్‌ను టెన్ష‌న్ పెడుతున్న ప‌ట్ట‌భ‌ద్రులు..

16-09-202016-09-2020 10:18:36 IST
2020-09-16T04:48:36.384Z16-09-2020 2020-09-16T04:48:32.418Z - - 28-09-2020

టీఆర్ఎస్‌ను టెన్ష‌న్ పెడుతున్న ప‌ట్ట‌భ‌ద్రులు..
facebooktwitterGooglewhatsappwhatsappGoogle
తెలంగాణ రాష్ట్రావిర్భావం నుంచి తెలంగాణ‌లో టీఆర్ఎస్ పార్టీకి ఎదురులేదు. ఎన్నిక‌ల ఏదైనా విజ‌యం మాత్రం ఆ పార్టీనే వ‌రిస్తోంది. రెండుసార్లు అసెంబ్లీ ఎన్నిక‌లు, పార్ల‌మెంటు, మున్సిప‌ల్‌, స్థానిక సంస్థ‌లు, ఎమ్మెల్సీ, ఇలా ఏ ఎన్నిక‌లు వ‌చ్చినా టీఆర్ఎస్ జెండానే ఎగురుతోంది. వ‌రుస విజ‌యాల‌తో దూకుడు మీద ఉన్న టీఆర్ఎస్ పార్టీకి ఇప్పుడు టెన్ష‌న్ మొద‌లైంది. త్వ‌ర‌లో జ‌ర‌గ‌నున్న ప‌ట్ట‌భ‌ద్రుల ఎమ్మెల్సీ ఎన్నిక‌ల్లో ఫ‌లితాలు ఎలా ఉంటాయోన‌నే ఆందోళ‌న ఆ పార్టీలో మొద‌లైంది. గ‌తంలో వ‌చ్చిన ప్ర‌తికూల ఫ‌లితాలే ఇందుకు కార‌ణం.

2014 అసెంబ్లీ, పార్ల‌మెంటు ఎన్నిక‌ల్లో గెలిచిన టీఆర్ఎస్ పార్టీకి మొద‌టి షాక్ ఇచ్చింది ప‌ట్ట‌భ‌ద్రులే. 2016లో హైద‌రాబాద్‌, రంగారెడ్డి, మ‌హ‌బూబ్‌న‌గ‌ర్ ప‌ట్ట‌భ‌ద్రుల ఎమ్మెల్సీ స్థానంలో బీజేపీ అభ్య‌ర్థి రాంచంద్రారావు చేతిలో టీఆర్ఎస్ అభ్య‌ర్థి దేవిప్ర‌సాద్ ఓట‌మిపాల‌య్యారు. ఇక‌, 2018 అసెంబ్లీ ఎన్నిక‌ల్లో భారీ గెలుపుతో ఉత్సాహంలో ఉన్న టీఆర్ఎస్‌కు 2019లో జ‌రిగిన క‌రీంన‌గ‌ర్‌, నిజామాబాద్‌, అదిలాబాద్ ప‌ట్ట‌భ‌ద్రులు షాకిచ్చారు. ఈ ఎన్నిక‌ల్లో టీఆర్ఎస్ పార్టీ నేరుగా బ‌రిలోకి దిగ‌క‌పోయినా ఓ అభ్య‌ర్థికి అన‌ధికారికంగా మ‌ద్ద‌తు ఇచ్చారు. ఈ ఎన్నిక‌ల్లో కాంగ్రెస్ అభ్య‌ర్థి జీవ‌న్ రెడ్డి భారీ మెజారిటీతో విజ‌యం సాధించారు.

ఇప్పుడు వ‌రంగ‌ల్‌, న‌ల్గొండ‌, ఖ‌మ్మం ప‌ట్ట‌భ‌ద్రుల స్థానానికి, హైదరాబాద్‌, రంగారెడ్డి, మ‌హ‌బూబ్‌న‌గ‌ర్ స్థానానికి మ‌ళ్లీ ఎన్నిక‌లు జ‌ర‌గ‌బోతున్నాయి. ఫిబ్ర‌వ‌రిలో ఈ ఎన్నిక‌లు ఉంటాయి. ఈ రెండు స్థానాల్లో టీఆర్ఎస్ పార్టీ గ‌ట్టి పోటీ ఎదుర్కోబోతోంది. వ‌రంగ‌ల్‌, న‌ల్గొండ ఖ‌మ్మం స్థానంలో ప్ర‌స్తుతం టీఆర్ఎస్ సిట్టింగ్ ఎమ్మెల్సీగా ప‌ల్లా రాజేశ్వ‌ర్ రెడ్డి ఉన్నారు. ఈ స్థానంపై తెలంగాణ జ‌న స‌మితి అధ్యక్షుడు ప్రొ.కోదండ‌రాం క‌న్నేశారు. ఆయ‌న ఇక్క‌డి నుంచి పోటీ చేసేందుకు రంగం సిద్ధం చేసుకున్నారు. ఈ మూడు జిల్లాల్లో ప‌ర్య‌ట‌న‌ల‌కు ప్లాన్ చేసుకున్నారు.

కాంగ్రెస్‌, టీడీపీ, సీపీఐ, సీపీఎం కూడా త‌న‌కే మ‌ద్ద‌తు ఇస్తాయ‌ని కోదండ‌రాం భావిస్తున్నారు. తెలంగాణ ఉద్య‌మ‌నేత‌గా, విద్యావంతుడిగా, ప్రొఫెస‌ర్‌గా కోదండ‌రాంకి గుర్తింపు ఉంది. ఫ‌ట్ట‌భ‌ద్రుల్లో ఆయ‌న ప‌ట్ల సానుకూలత మ‌రింత ఎక్కువ‌గా ఉంది. దీంతో కోదండ‌రాం గ‌నుక బ‌రిలో నిలిస్తే ఆయ‌న‌కు విజ‌యావ‌కాశాలు మెర‌గ‌వుతాయి. పైగా న‌ల్గొండ‌, ఖ‌మ్మం జిల్లాల్లో కాంగ్రెస్ పార్టీ బ‌లంగా ఉండ‌టం కూడా ఆయ‌న‌కు క‌లిసిరావ‌చ్చు. అయితే, కోదండ‌రాం అంటేనే టీఆర్ఎస్‌కు గిట్ట‌దు. ఆయ‌న ఎమ్మెల్సీగా గెలిచి శాస‌న‌మండ‌లిలో అడుగుపెడితే కంట్లో న‌లుసుగా మారుతారు. దీంతో ఆయ‌న‌ను ఓడించ‌డానికి టీఆర్ఎస్ పార్టీ గ‌ట్టిగానే ప్ర‌య‌త్నించే అవ‌కాశం ఉంది.

ఇక‌, హైద‌రాబాద్, రంగారెడ్డి, న‌ల్గొండ స్థానంలో బీజేపీ నుంచి టీఆర్ఎస్‌కు స‌వాల్ ఎదుర‌వుతోంది. గ‌త‌సారి టీఆర్ఎస్‌ను ఇక్క‌డ బీజేపీ ఓడించింది. సిట్టింగ్ ఎమ్మెల్సీ రాంచంద్రరావు మ‌రోసారి బీజేపీ నుంచి పోటీ చేస్తున్నారు. కాంగ్రెస్ కూడా గ‌ట్టి పోటీ ఇచ్చే అవ‌కాశం ఉంది. తెలంగాణలో అధికార పార్టీకి ప్ర‌త్యామ్నాయంగా ఎద‌గాల‌ని భావిస్తున్న బీజేపీ పార్ల‌మెంటు ఎన్నిక‌ల్లో నాలుగు సీట్లు గెలిచి టీఆర్ఎస్‌కు షాక్ ఇచ్చింది. ఇప్పుడు మూడు జిల్లాల ఎమ్మెల్సీ స్థానాన్ని కూడా గెలుచుకుంటే ఆ పార్టీ మ‌రింత బ‌ల‌ప‌డుతుంది. పైగా హైదరాబాద్‌, మ‌హ‌బూబ్‌న‌గ‌ర్‌, రంగారెడ్డి జిల్లాల్లో బీజేపీ కొంత బ‌లంగా ఉంది.

ఈ రెండు ప‌ట్ట‌భ‌ద్రుల ఎమ్మెల్సీ స్థానాలు టీఆర్ఎస్‌కు ఇబ్బందిక‌రంగా మారాయి. ప్ర‌త్యేకించి ప‌ట్ట‌భ‌ద్రులు, నిరుద్యోగుల్లో అధికార టీఆర్ఎస్ పార్టీ ప‌ట్ల కొంత వ్య‌తిరేక‌త ఉంది. ఆశించిన స్థాయిలో ఉద్యోగ నియామ‌కాలు చేప‌ట్ట‌డం లేద‌నే అసంతృప్తి ఉంది. పైగా చ‌ట్ట‌స‌భ‌లో ప్రతిప‌క్షం, ప్ర‌జ‌ల ప‌క్షాన ప్ర‌శ్నించే ప్ర‌జాప్ర‌తినిధులు కూడా ఉండాల‌ని ప‌ట్ట‌భ‌ద్రులు ఆలోచించే అవ‌కాశాలు ఎక్కువ‌గా ఉంటాయి. దీంతో ఒక స్థానంలో కోదండ‌రాం నుంచి, మ‌రోస్థానంలో బీజేపీ నుంచి టీఆర్ఎస్ పార్టీకి గ‌ట్టి పోటీ ఉండ‌నుంది. అయితే, ఈ రెండు స్థానాల్లో విజ‌య‌మే ల‌క్ష్యంగా ఇప్ప‌టి నుంచే యువ‌త‌కు ట‌చ్‌లో ఉండాల‌ని కేటీఆర్ టీఆర్ఎస్ నాయ‌కుల‌కు దిశానిర్దేశం చేస్తున్నారు.

బాలుకు భారతరత్న ఇవ్వమని కోరిన జగన్.. ధన్యవాదాలు తెలిపిన కమల్ హాసన్

బాలుకు భారతరత్న ఇవ్వమని కోరిన జగన్.. ధన్యవాదాలు తెలిపిన కమల్ హాసన్

   an hour ago


ఆగ‌ని ఆల‌యాల్లో ధ్వంసం...  పోతేపోనీ ధోర‌ణికి స‌ర్కార్‌ వ‌చ్చేసిందా?

ఆగ‌ని ఆల‌యాల్లో ధ్వంసం... పోతేపోనీ ధోర‌ణికి స‌ర్కార్‌ వ‌చ్చేసిందా?

   3 hours ago


బీజీపీ ’మహా‘ రాజకీయం!

బీజీపీ ’మహా‘ రాజకీయం!

   5 hours ago


ఓరుగ‌ల్లులో ఎన్నిక‌ల సంద‌డి... పంతం నీదా నాదా సై!

ఓరుగ‌ల్లులో ఎన్నిక‌ల సంద‌డి... పంతం నీదా నాదా సై!

   7 hours ago


సీఎంకి మా బాధలేం తెలుస్తాయి ? : రైతుల ఆవేదన

సీఎంకి మా బాధలేం తెలుస్తాయి ? : రైతుల ఆవేదన

   7 hours ago


రాంమాధవ్‌ను పక్కన పెట్టేశారా? ప్రమోషన్ ఇస్తారా?

రాంమాధవ్‌ను పక్కన పెట్టేశారా? ప్రమోషన్ ఇస్తారా?

   8 hours ago


కృష్ణమ్మకు పోటెత్తిన వరదలు.. ప్రభుత్వం పై ముంపుబాధిత ప్రజల ఆగ్రహం

కృష్ణమ్మకు పోటెత్తిన వరదలు.. ప్రభుత్వం పై ముంపుబాధిత ప్రజల ఆగ్రహం

   9 hours ago


జ‌గ‌న్ నోరు మెద‌ప‌రు... మంత్రులు వ్యాఖ్య‌లు ఆప‌రు!

జ‌గ‌న్ నోరు మెద‌ప‌రు... మంత్రులు వ్యాఖ్య‌లు ఆప‌రు!

   9 hours ago


రసవత్తరంగా బీహార్ పాలిటిక్స్.. బీజేపీ-జేడీయూకు ఎల్‌జేపీ సవాల్!

రసవత్తరంగా బీహార్ పాలిటిక్స్.. బీజేపీ-జేడీయూకు ఎల్‌జేపీ సవాల్!

   9 hours ago


మంత్రి వెల్లంపల్లికి కరోనా.. తిరుమలకి వెళ్లిన వారంతా టెన్షన్!

మంత్రి వెల్లంపల్లికి కరోనా.. తిరుమలకి వెళ్లిన వారంతా టెన్షన్!

   10 hours ago


ఇంకా

NewsSting Team


      040 23600300

newsting
Daily Updates
facebooktwitterGooglewhatsappwhatsappGoogle