జూలో బెంగాల్ టైగర్‌ కిరణ్ మృతి.. కన్నీటి వీడ్కోలు

26-06-202026-06-2020 10:34:47 IST
Updated On 26-06-2020 11:17:37 ISTUpdated On 26-06-20202020-06-26T05:04:47.051Z26-06-2020 2020-06-26T05:04:26.396Z - 2020-06-26T05:47:37.630Z - 26-06-2020

హైదరాబాద్ లో అరుదైన జాతులు వున్నాయి. అయితే పులులు మాత్రం ఒకేరకమయిన వ్యాధితో మరణించడంతో వైద్యులు ఆదిశగా పరిశోధనలు చేస్తున్నారు. తాజాగా బహదూర్‌పురా నెహ్రూ జూలాజికల్‌ పార్కులో రాయల్‌ బెంగాల్‌ వైట్‌ టైగర్‌ కిరణ్‌ అనారోగ్యంతో మరణించింది. బెంగాల్‌ టైగర్‌ కుడివైపు దవడ భాగంలో ఏర్పడిన న్యూయో ప్లాస్టిక్‌ కణితితో బాధపడుతూ మరణించిందని అధికారులు తెలిపారు. బెంగాల్ టైగర్ కిరణ్ వయసు 8 ఏళ్లే. 

నెహ్రూ జూలాజికల్‌ పార్కు అధికారులు వెల్లడించిన వివరాల ప్రకారం జూపార్కు లో పుట్టి పెరిగిన కిరణ్‌ గతకొంతకాలంగా న్యూయో ప్లాస్టిక్‌ ట్యూమర్‌తో బాధపడుతోంది. కొన్నిరోజులుగా ల్యాంకోన్స్‌ శాస్త్రవేత్తలు, వైద్యులు, జూపార్కు వైద్యులు చికిత్సలు అందిస్తున్నారు. గత నెల 29న టైగర్‌కు డాక్టర్‌ నవీన్, వీబీఆర్‌ఐ వైద్యులు పరీక్షలు నిర్వహించారు. మృతి చెందిన టైగర్ కిరణ్ కు  వెటర్నరీ ఆస్పత్రిలో పోస్టుమార్టం చేశారు.

గతంలోనే కిరణ్‌ తండ్రి బద్రి కూడా ట్యూమర్ తో బాధపడుతూ కొన్నేళ్ల క్రితం మృతి చెందింది. కిరణ్‌ తాత రుద్ర పన్నెండేళ్ల వయసులో ఇదే వ్యాధితో మృతి చెందింది. బద్రి, రుద్ర, కిరణ్ ఒకే రకమైన వ్యాధితో మృతి చెందడంతో వైద్యులు శాంపిళ్లు సేకరించారు. జూపార్కుకే వన్నె తెచ్చే రాయల్‌ బెంగాల్‌ టైగర్లు ట్యూమర్‌ వ్యాధితో మరణించడంతో ఆందోళనకు గురి చేస్తోంది. పులులకు వచ్చే ట్యూమర్ల గురించి పరిశోధించి, భవిష్యత్తులో పులులు మరణించకుండా సరైన వైద్యం అందించాల్సిన అవసరం వుంది.