newssting
BITING NEWS :
*విజయవాడలో ప్రజావేదిక కూల్చివేత *అక్రమ నిర్మాణాలపై ఉక్కుపాదం మోపుతాం: సీఎం జగన్ *పార్టీ మారడం ఖాయం.. కోమటిరెడ్డి రాజగోపాల్ రెడ్డి *పార్టీ అంటే కుల సంఘం కాదని, అందరినీ సమన్వయం చేసుకుంటూ ముందుకు వెళ్లాలి: పవన్ కళ్యాణ్ *హోదా బాధ్యత జగన్‌దే: ఎంపీ గల్లా జయదేవ్‌*‘నెహ్రూ-గాంధీ’ కుటుంబంపై ప్రధానమంత్రి నరేంద్రమోదీ తీవ్ర విమర్శలు *ప్రపంచకప్‌ సెమీస్‌లోకి దూసుకెళ్లిన ఆస్ట్రేలియా

జూబ్లీ హిల్స్ చెక్ పోస్ట్ మెట్రో స్టేషన్ ప్రారంభం

18-05-201918-05-2019 15:00:41 IST
2019-05-18T09:30:41.063Z18-05-2019 2019-05-18T09:30:39.262Z - - 26-06-2019

జూబ్లీ హిల్స్ చెక్ పోస్ట్ మెట్రో స్టేషన్ ప్రారంభం
facebooktwitterGooglewhatsappwhatsappGoogle
నగర వాసుల ప్రయాణాన్ని సుఖవంతం చేసింది హైదరాబాద్ మెట్రో రైలు. లక్షలాదిమంది మెట్రోను ఉపయోగిస్తున్నారు. తాజాగా అమీర్‌పేట-హైటెక్ సిటీ మార్గంలో మరో ఘట్టం ఆవిష్కతమయింది. ఎట్టకేలకు జూబ్లీహిల్స్‌ చెక్‌పోస్ట్‌ మెట్రో రైల్వేస్టేషన్‌ ప్రారంభమైంది. అమీర్ పేట్-హైటెక్ సిటీ మార్గంలో జూబ్లీహిల్స్ చెక్ పోస్టు మెట్రోస్టేషన్  కీలకమయింది. ఎప్పుడెప్పుడు ప్రారంభిస్తారా అని ఎదురుచూసిన నగర వాసులకు కల ఫలించింది. ఈ స్టేషన్ నగరవాసులకు అందుబాటులోకి వచ్చింది. సాంకేతిక కారణాల వల్ల జూబ్లీహిల్స్‌ చెక్‌పోస్ట్‌ మెట్రో రైల్వేస్టేషన్‌ ఆలస్యంగా ప్రారంభమైంది. 

ఈ స్టేషన్ ప్రారంభంతో నాగోల్-హైటెక్ సిటీ మార్గంలో అన్ని స్టేషన్లు అందుబాటులోకి వచ్టినట్టయింది. నగరంలో కీలకంగా భావించే ఫిల్మ్‌నగర్‌, జర్నలిస్టుకాలనీ, నందగిరిహిల్స్‌, తారకరామనగర్‌, దీన్‌దయాల్‌నగర్‌, గాయత్రీహిల్స్‌, కేబీఆర్‌పార్క్‌, జూబ్లీహిల్స్‌ చెక్‌పోస్ట్‌, బంజారాహిల్స్‌ ప్రాంతాల్లో మెట్రో రైలు సేవలు అందనున్నాయి. సినిమా షూటింగ్‌లు, సాఫ్ట్ వేర్ ఆఫీసులకు వెళ్లే వారికి ఈ స్టేషన్ సౌకర్యవంతంగా ఉండనుంది. మెట్రో రైలులో  కనీస టికెట్ ధర రూ. 10, గరిష్ఠ టికెట్ ధరను రూ. 60 గా నిర్ణయించారు. ఎండాకాలం కావడంతో మెట్రోలో ప్రయాణించే వారి సంఖ్య భారీగా పెరుగుతోంది. వ్యక్తిగత వాహనాల్లో తిరిగే వారు సైతం మెట్రో ఎక్కేస్తున్నారు. 

మెట్రో ధరలు ఇలా ఉన్నాయి

 కనీస ధర రూ. 10 

 2-4కి.మీ -రూ. 15 

4-6కి.మీ - రూ. 25 

6-8కి.మీ - రూ. 30

8-10కి.మీ- రూ. 35

10-14కి.మీ-రూ. 40

 14-18కి.మీ-రూ. 45

 18-22కి.మీ -రూ. 50

 22-28కి.మీ- రూ. 55

26 కి.మీ దాటితే-రూ.60 

జూబ్లీహిల్స్  చెక్‌పోస్టు మెట్రో స్టేషన్‌ ప్రత్యేకత ఏమిటంటే ఒకే అంతస్తులో టికెట్ కౌంటర్లు, ప్లాట్ ఫారం ఉండటం. కనుక ప్రయాణికులకు ముఖ్యంగా మహిళలు, పెద్దవారికి ఇది చాలా సదుపాయంగా ఉంటుంది. ప్రస్తుతం హైదరాబాద్‌ మెట్రోలో సగటున రోజుకు 2.50 లక్షల మంది ప్రయాణిస్తున్నారు. జూబ్లీహిల్స్  చెక్‌పోస్టు మెట్రో స్టేషన్‌ కూడా అందుబాటులోకి రావడంతో ప్రయాణికుల సంఖ్య మరింత పెరుగవచ్చని మెట్రో అధికారులు భావిస్తున్నారు.


G. Sathyanarayana Raju


గొట్టుముక్కల సత్యనారాయణరాజుకి జర్నలిజంలో విశేష అనుభవం. 21 సంవత్సరాల క్రితం జర్నలిజంలోకి ప్రవేశించిన సత్యనారాయణరాజు ప్రముఖ దినపత్రికలు, న్యూస్ ఛానెళ్ళలో బాధ్యతలు నిర్వర్తించారు. డిజిటల్ మీడియాలో ప్రవేశించి... మూడేళ్ళనుంచి వివిధ వెబ్‌సైట్లలో పనిచేశారు. ప్రస్తుతం న్యూస్‌స్టింగ్‌.ఇన్ లో సీనియర్ కంటెంట్ రైటర్‌గా పనిచేస్తున్నారు.ఫీచర్ రైటింగ్, ప్రత్యేక కథనాలు, కరెంట్ అఫైర్స్, ఎన్నికల కథనాలు, రాజకీయ కథనాల విశ్లేషణలో మంచి ప్రావీణ్యం.
 gsnraju@rightfolio.in
      040 23600300

newsting
Daily Updates
facebooktwitterGooglewhatsappwhatsappGoogle