ఘనంగా ఎన్టీఆర్ జయంతి.. ఎన్టీయార్ ఘాట్లో కుటుంబసభ్యుల శ్రద్ధాంజలి

28-05-202028-05-2020 09:50:09 IST
Updated On 28-05-2020 10:01:54 ISTUpdated On 28-05-20202020-05-28T04:20:09.267Z28-05-2020 2020-05-28T04:19:55.033Z - 2020-05-28T04:31:54.908Z - 28-05-2020

ఏపీ మాజీ ముఖ్యమంత్రి, తెలుగుదేశం పార్టీ వ్యవస్థాపకులు ఎన్టీరామారావు జయంతి తెలుగు రాష్ట్రాల్లో ఘనంగా నిర్వహిస్తున్నారు. ఈ సందర్భంగా హైదరాబాద్ ఎన్టీఆర్ ఘాట్‌ వద్ద నివాళులర్పించారు ఎన్టీఆర్ తనయుడు, నటుడు, హిందూపురం ఎమ్మెల్యే బాలకృష్ణ. ఎన్టీఆర్‌ ఘాట్‌ వద్దకు చేరుకున్న బాలకృష్ణ.. పూలమాల వేసి శ్రద్ధాంజలి ఘటించారు. బాలయ్యతో పాటు కుటుంబసభ్యులు నివాళి అర్పించారు. అందరూ లాక్ డౌన్ నిబంధలు పాటిస్తూ, వైద్యుల సూచనలను తూ.చ. తప్పకుండా పాటించాలన్నారు. కరోనా మహమ్మారిపై పోరుసాగిద్దామన్నారు. 

తన తండ్రి, దివంగత ఎన్టీ రామారావు ఎంతో ముందు చూపుతో ఆలోచించేవారని, ఇవాళ రాష్ట్రం సుభిక్షంగా ఉందంటే అందుకే ఎన్టీఆర్ చేసిన అభివృద్ది కార్యక్రమాలేనని బాలకృష్ణ అన్నారు. హంద్రీనీవా సుజల స్రవంతి, తెలుగు గంగ ఇవన్నీ ఎన్టీఆర్ మానసపుత్రికలని, ఇలా ఎన్నో కార్యక్రమాలు ముందు చూపుతో చేశారని, ప్రజల హృదయాల్లో చిరస్థాయిగా నిలిచిపోయారని  కొనియాడారు. ఎన్టీఆర్‌ను స్ఫూర్తిగా తీసుకుని అందరం ముందుకెళ్లాలని బాలయ్య పిలుపు ఇచ్చారు.ఎన్టీఆర్‌ ప్రవేశపెట్టిన సంక్షేమ పథకాలు దేశానికే ఆదర్శంగా నిలిచాయని తెలిపారు. విప్లవాత్మక పథకాలతో ప్రజల గుండెల్లో నిలిచారని కొనియాడారు. అలాగే ఎన్టీఆర్‌ నటించిన సినిమాలు కూడా చరిత్రలో నిలిచిపోతాయని చెప్పారు. ఎన్టీఆర్‌ను స్ఫూర్తిగా తీసుకుని ముందుకెళ్లాలన్నారు.