newssting
Radio
BITING NEWS :
విశాఖ జిల్లా అనకాపల్లి ముత్రాసు కాలనీలో విషాదం. అనారోగ్యంతో భార్య చనిపోవడంతో మనస్తాపం చెంది.. ఇద్దరు పిల్లలతో కలిసి ఆత్మహత్య చేసుకున్న తండ్రి. * కడప జిల్లా ముద్దనూరు మండలం కొత్తపల్లిలో రోడ్డు ప్రమాదం. క్యాంపర్ వాహనాన్ని ఢీ కొట్టిన లారీ, ఇద్దరు మృతి. మృతులు తొండూరు మండలం మల్యాల వాసులుగా గుర్తింపు. * తెలంగాణలో భారీగా పెరిగిన కరోనా కేసులు. కొత్తగా 684 పాజిటివ్ కేసులు నమోదు, ముగ్గురు మృతి. * భద్రాచలం చెక్ పోస్ట్ వద్ద పోలీసుల తనిఖీల్లో పట్టుబడిన గంజాయి. రూ. 30 లక్షలు విలువైన రెండు క్వింటాళ్ల గంజాయి స్వాధీనం. రెండు కార్లు సీజ్, ముగ్గురు అరెస్ట్. * గుంటూరు జిల్లా తాడేపల్లి పరిసర ప్రాంతాల్లో విస్తరిస్తున్న డ్రగ్ కల్చర్. యూనివర్శిటీలు, కాలేజీలు టార్గెట్ గా డ్రగ్స్ అమ్మకాలు చేపట్టిన మాఫియా. గంజాయితో పాటు సింథటిక్ డ్రగ్స్ విక్రయాలు. ఎండీఎంఏ ట్యాబ్లెట్స్ ను పట్టుకున్న ఎస్ఈబీ అధికారులు. * ఈస్ట్ ఢిల్లీ రెడీమేడ్ వస్త్ర కారాగారంలో భారీ అగ్నిప్రమాదం. మంటలార్పుతున్న 15 ఫైరింజన్లు.

గులాబీ పార్టీలో ఆరని స్టేషన్‌ఘన్‌పూర్‌ చిచ్చు..!

29-04-202029-04-2020 07:56:35 IST
Updated On 29-04-2020 09:45:25 ISTUpdated On 29-04-20202020-04-29T02:26:35.734Z29-04-2020 2020-04-29T02:26:31.050Z - 2020-04-29T04:15:25.196Z - 29-04-2020

గులాబీ పార్టీలో ఆరని స్టేషన్‌ఘన్‌పూర్‌ చిచ్చు..!
facebooktwitterGooglewhatsappwhatsappGoogle
తెలంగాణలో అధికార టీఆర్ఎస్ పార్టీలో ఒక్క నియోజకవర్గంలో ఏళ్ల క్రితం రాజుకున్న చిచ్చు ఇప్పటికీ ఇంకా రగులుతూనే ఉంది. ఎప్పటికప్పుడు అధిష్టానం పెద్దలు అగ్గిని ఆర్పేందుకు ప్రయత్నాలు చేస్తున్నా అప్పటికి సద్దుమణిగినట్లే కనిపించి మళ్ళీ మళ్ళీ రేగుతూనే ఉంది. తాజాగా టీఆర్ఎస్ పార్టీ ఆవిర్భావం దినోత్సవం సందర్భంగా మరోసారి ఇద్దరు సీనియర్ నేతల మధ్య వివాదం బయటపడింది.

తెలంగాణ రాజకీయాలలో సీనియర్ నేత, రాష్ట్ర మాజీ డిప్యూటీ సీఎం, ప్రస్తుతం స్టేషన్ ఘన్ పూర్ ఎమ్మెల్యేగా ఉన్న రాజయ్య టీఆర్ఎస్ పార్టీ ఆవిర్భావం సందర్భంగా ఏర్పాటు చేసిన జెండా ఆవిష్కరణ కార్యక్రమంలో పాల్గొని ఒక నియోజకవర్గానికి ఎమ్మెల్యేనే తండ్రి, మంత్రి అన్నీ అవుతారన్నారు. అందుకే నా నియోజకవర్గంలోకి ఎవరు రావాలన్నా నా అనుమతితోనే రావాలన్నారు.

అక్కడితో ఆగని ఈ సీనియర్ నేత మరో వివాదాస్పమైన వ్యాఖ్య చేశారు. ఒక తల్లి, తండ్రికి పుట్టిన వాళ్ళైతే తల్లి రొమ్ముకోసే ప్రయత్నం చేయొద్దన్నారు. ఈ వ్యాఖ్యలతో ఒక్కసారిగా స్టేషన్ ఘన్ పూర్ నియోజకవర్గంతో పాటు ఉమ్మడి వరంగల్ జిల్లా రాజకీయాలు మరోసారి రచ్చకెక్కాయి. రాజయ్య చేసిన వ్యాఖ్యలు మరో సీనియర్ నేత, మాజీ మంత్రి, మాజీ డిప్యూటీ సీఎం కడియం శ్రీహరిని ఉద్దేశించే చేశారన్నది రాజకీయ వర్గాల మాట.

దీంతో యుద్ధవిధిగా అసలు ఈ ఇద్దరు నేతల మధ్య వాదన ఏంటి? ఇప్పుడు మరోసారి తెరపైకి రావాల్సిన అవసరం ఏమొచ్చిందని చర్చలు మొదలయ్యాయి. వీరి ఇద్దరు మధ్య వివాదం ఈనాటిది కాదు. ఏళ్ల తరబడి ఇక్కడ ఆధిపత్య పోరు కొనసాగుతుంది. గతంలో ఈ ఇద్దరిలో కడియం ఉమ్మడి రాష్ట్రంలో టీడీపీ నుండి కీలక ముఖ్యనేతగా ఎన్నోహోదాలలో పనిచేశారు.

ఒకదశలో కేంద్రంలో టీడీపీకి మిత్రపక్షం అధికారంలోకి వస్తే కడియంను ఉపరాష్ట్రపతి చేస్తారన్న చర్చలు కూడా జరిగాయి. ఇక అదే ఉమ్మడి రాష్ట్రంలో కాంగ్రెస్ పార్టీలో రాజయ్య ఓ వెలుగు వెలిగారు. అయితే తెలంగాణ ఉద్యమ సమయంలో కడియం కంటే ముందుగా రాజయ్య టీఆర్ఎస్ పార్టీలోకి వెళ్లారు. ఆ తరవాత కడియం కూడా గులాబీ గూటికే చేరినా ఈ ఇద్దరి మధ్య పోరు మాత్రం ఆగలేదు.

ముందుగా టీఆర్ఎస్ పార్టీ అధికారంలోకి వచ్చాక రాజయ్య డిప్యూటీ సీఎం కాగా కడియం వర్గానికి ఏ మాత్రం ప్రాధాన్యత లేకుండా చేయాలని చూసారన్న ఆరోపణ ఉంది. అయితే అప్పుడు ఆరు నెలలు తిరగకుండానే వివిధ కారణాలతో రాజయ్య డిప్యూటీ పదవిని కడియంకి అప్పగించారు. అయితే, అధిష్టానం కడియంను నియోజకవర్గం వ్యవహారాల జోలికి వెళ్లకుండా ఒప్పందం చేసుకుందని అనేవారు.

కడియం డిప్యూటీగా ఉన్న సమయంలోనే 2018 ఎన్నికల సమయంలో నియోజకవర్గంలో అయన వర్గం ఆవేదన సభలు నిర్వహించారంటే అక్కడి పరిస్థితి ఏంటన్నది అర్ధం చేసుకోవచ్చు. అయితే ఆ ఎన్నికలకు రాజయ్య స్వయంగా కడియంను కలిసి తనకు సహకరించాలని కోరడం.. పార్టీలో కీలక నేత కేటీఆర్ ఇద్దరి మధ్య చర్చలు జరపడంతో ఆ ఎన్నికలకు కలిసిపనిచేసారు.

ఎన్నికలు అయిన తర్వాత ఎవరి పని వారు చేసుకుంటున్నట్లుగానే కనిపిస్తున్నా అప్పుడప్పుడు పాత వాసన వస్తూనే ఉంటుంది. గత ఏడాది కాళేశ్వరం ప్రాజెక్ట్ సందర్శన పేరుతో ఒకే నియోజకవర్గంలో ఇద్దరు వేర్వేరుగా కార్యక్రమాలకు శ్రీకారం చుట్టారు. అప్పటి నుండి కడియం సైలెంట్ గా ఉన్నారని రాజకీయ వర్గాలలో వినిపిస్తుండగా పరోక్షంగా నియోజకవర్గం మీద పట్టుసాధించేందుకు ప్రయత్నిస్తున్నారన్నది రాజయ్య వర్గం వాదన.

అందుకే ఇప్పుడు మరోసారి తాను ఎమ్మెల్యేగా ఉన్న నియోజకవర్గంలో జోక్యం చేసుకుంటున్నారని రాజయ్య ఈ తరహా వివాదాస్పద వ్యాఖ్యలు చేసినట్లుగా తెలుస్తుంది. ఇద్దరు బడా బడా సీనియర్ నేతల మధ్య మరోసారి గుప్పుమన్న ఈ వివాదాన్ని గులాబీ అధిష్టానం ఎలా తీసుకోనుంది? ఇకైనైనా ఈ పోరుకు ఒక పరిష్కారం దొరికేనా? అన్నది భవిష్యత్ రాజకీయాలే తేల్చాల్సి ఉంది. 

 

 

వెంట వెంట‌నే ఎన్నిక‌లు.. మంచికేన‌ట

వెంట వెంట‌నే ఎన్నిక‌లు.. మంచికేన‌ట

   10 hours ago


లొంగిపోయిన కూన రవికుమార్

లొంగిపోయిన కూన రవికుమార్

   6 hours ago


రాళ్ల దాడి ఎవరి పనో అందరికీ తెలుసు.. చంద్రబాబు, లోకేష్ పై పెద్దిరెడ్డి కీలక వ్యాఖ్యలు

రాళ్ల దాడి ఎవరి పనో అందరికీ తెలుసు.. చంద్రబాబు, లోకేష్ పై పెద్దిరెడ్డి కీలక వ్యాఖ్యలు

   8 hours ago


షర్మిల ఉద్యోగ దీక్ష.. కేసీఆర్ పై సంచలన వ్యాఖ్యలు

షర్మిల ఉద్యోగ దీక్ష.. కేసీఆర్ పై సంచలన వ్యాఖ్యలు

   11 hours ago


తెలంగాణలో మరో ఎన్నికల సమరం..!

తెలంగాణలో మరో ఎన్నికల సమరం..!

   13 hours ago


ఏపీలో టెన్షన్ పెడుతున్న ఆ ఆరు జిల్లాలు.. ప్రత్యేక ఫోకస్

ఏపీలో టెన్షన్ పెడుతున్న ఆ ఆరు జిల్లాలు.. ప్రత్యేక ఫోకస్

   15 hours ago


బెంగాల్ ఎన్నికల ఫలితం ఎలావున్నా జాతీయ రాజకీయాలపై ప్రభావం తథ్యం

బెంగాల్ ఎన్నికల ఫలితం ఎలావున్నా జాతీయ రాజకీయాలపై ప్రభావం తథ్యం

   16 hours ago


కరోనా కేసుల అప్డేట్స్.. గత 24 గంటల్లో 2,00,739 మందికి కరోనా..!

కరోనా కేసుల అప్డేట్స్.. గత 24 గంటల్లో 2,00,739 మందికి కరోనా..!

   17 hours ago


భద్రలోక్‌పై గంపెడాశలు.. బీజేపీ బెంగాల్ కల ఫలించేనా?

భద్రలోక్‌పై గంపెడాశలు.. బీజేపీ బెంగాల్ కల ఫలించేనా?

   18 hours ago


ఇంట్లో కూడా మాస్క్ ధరించండి.. పరిస్థితి విషమం... తెలంగాణ ఆరోగ్య శాఖ

ఇంట్లో కూడా మాస్క్ ధరించండి.. పరిస్థితి విషమం... తెలంగాణ ఆరోగ్య శాఖ

   19 hours ago


ఇంకా

NewsSting Team


      040 23600300

newsting
Daily Updates
facebooktwitterGooglewhatsappwhatsappGoogle