newssting
BITING NEWS :
* సరిహద్దుల్లో కొనసాగుతున్న ప్రతిష్టంభన నేపథ్యంలో భారత్, చైనాల మధ్య సుదీర్ఘ చర్చలు. చైనా భూభాగంలోని మోల్డోలో ఉదయం 9 గంటల రాత్రి 9 గంటల వరకు ఆరవ విడత చర్చలు. * మహారాష్ట్ర థానే జిల్లా భివండీలో మూడంతస్తుల భవనం కూలిన ఘటనలో 17కి చేరిన మృతుల సంఖ్య. మృతుల్లో 14 ఏళ్లలోపు బాలలు, మహిళలు అధికం. * బీహార్ అసెంబ్లీ ఎన్నికల్లో ఆర్జేడీకు సమాజ్‌వాదీ పార్టీ మద్ధతు. సమాజ్‌వాదీ పార్టీ అధికారిక ట్విట్టర్ ద్వారా సోమవారం రాత్రి ప్రకటన. * ముంబై నగరంతోపాటు పలు పరిసర నగరాల్లో మంగళవారం భారీవర్షాలు కురుస్తాయని హెచ్చరికలు. ముంబై, థానే, రాయగడ్, పూణే, సతార, సిందూర్గ్ ప్రాంతాల్లో మంగళవారం ఉరుముులు, మెరుపులతో కూడిన భారీవర్షాలు కురిసే అవకాశం. ప్రజలు అప్రమత్తంగా ఉండాలని ముంబై వాతావరణ శాఖ హెచ్చరికలు. రష్యా దేశంలో భారీ భూకంపం. రష్యాలోని ఇర్కుట్సు రీజియన్ ప్రాంతంలో సంభవించిన భూకంపం ప్రభావం రిక్టర్ స్కేలుపై 5.9గా నమోదు. భూకంపం వల్ల ఎలాంటి ప్రాణనష్టం జరగలేదని రష్యన్ ఎమర్జెన్సీ మంత్రిత్వశాఖ వెల్లడి. భూకపంపంతో ప్రజలు భయాందోళనలు. విగత జీవిగా దొరికిన సరూర్ నగర్ తపోవన్‌కాలనీ వద్ద ఆదివారం రాత్రి వరదలో కొట్టుకుపోయిన నవీన్‌కుమార్‌. * కేంద్రంలో తెచ్చిన వ్యవసాయ బిల్లులతో రాష్ట్రంలో అధికార టీఆర్ఎస్, ప్రతిపక్ష బీజేపీల మధ్య సాగుతున్న విమర్శ, ప్రతి విమర్శలు. * కేంద్ర బిల్లులతో రైతులకు మేలని బీజేపీ వర్గాలు, కొత్తగా తెచ్చిన బిల్లులతో రైతులను తీవ్ర నష్టమని టీఆర్ఎస్ నేతలు ఘాటు విమర్శలు. 280వ రోజుకు చేరుకున్న రాజధాని అమరావతి రైతుల ఉద్యమం. కొనసాగుతున్న శిబిరాల్లో రైతుల ఆందోళనలు. రాజధానిగా అమరావతి కొనసాగుతుందని ప్రభుత్వం చెప్పే వరకు ఆందోళనలు కొనసాగిస్తామని స్పష్టం చేసిన రైతులు. కరోనా సూచనలు పాటిస్తూ కొనసాగుతున్న అమరావతి ఉద్యమం. నేడు ఢిల్లీ పర్యటనకు వెళ్లనున్న సీఎం జగన్మోహన్ రెడ్డి. ప్రధాని మోదీ, కేంద్ర హోంమంత్రి అమిత్‌షాలతో భేటీ జరిగే అవకాశం. బుధవారం తిరుమల బ్రహ్మోత్సవాల్లో పాల్గొనాల్సి ఉన్నా మంగళవారం ఆకస్మిక ఢిల్లీ పర్యటన పెట్టుకోవడం గమనార్హం. రాష్ట్రంలో అనూహ్యంగా చోటు చేసుకుంటున్న రాజకీయ పరిణామాల నేపథ్యంలో మోదీ, షాలతో చర్చకు అవకాశం. మాజీమంత్రి వైఎస్ వివేకానందరెడ్డి హత్య కేసుకు సంబంధించి సీబీఐ అధికారులు దర్యాప్తు వేగవంతం.

గీత దాటకుండా తెలంగాణ ప్రభుత్వం కట్టడి చర్యలు..!

02-05-202002-05-2020 06:11:24 IST
Updated On 02-05-2020 09:34:31 ISTUpdated On 02-05-20202020-05-02T00:41:24.018Z02-05-2020 2020-05-02T00:41:20.758Z - 2020-05-02T04:04:31.503Z - 02-05-2020

గీత దాటకుండా తెలంగాణ ప్రభుత్వం కట్టడి చర్యలు..!
facebooktwitterGooglewhatsappwhatsappGoogle
తెలంగాణ ప్రభుత్వం రాష్ట్రంలో కరోనా కట్టడికి ఎంత పటిష్ట చర్యలు తీసుకుంటుందో రాష్ట్రాల సరిహద్దులలో కూడా అంతే కఠినంగా ఉంటుంది. అయితే, తాజాగా కేంద్రం దేశంలోని వలస కూలీలను, విద్యార్థులను, లేక ఇతర రాష్ట్రాల చిక్కుకున్న వారిని కూడా సొంత రాష్ట్రాలు వారిని తరలించుకోవచ్చని ఆదేశించింది. దీంతో వలసదారులకు కష్టాలు తీరినట్లేనని అంతా భావించారు.

అయితే ఈ తరలింపు ఎప్పుడు ప్రారంభిస్తారు అనేది ఒక స్పష్టమైన నిర్ధేశాలేవీ కేంద్రం ఇవ్వకపోవడంతో అంతా రాష్ట్ర ప్రభుత్వాల వైపు ఆశగా చూస్తున్నారు. ఇందులో ముఖ్యంగా తెలంగాణలో చిక్కుకున్న పొరుగు రాష్ట్రాల వారైతే తమ సొంత రాష్ట్రాలకు వెళ్లేందుకు ఒక అవకాశం అన్నట్లుగా ప్రభుత్వాలను విన్నవించుకుంటున్నారు. వీరి తరలింపుకు పొరుగు రాష్ట్రాలు ఇప్పటికే నివేదికలు సిద్ధం చేస్తున్నాయి.

ఇదంతా తెలంగాణలోని ఇతర రాష్ట్రాల వారికోసం కాగా తెలంగాణ ప్రజలు ఎవరూ కూడా ఇతర రాష్ట్రాలలో అడుగు పెట్టనే వద్దని తెలంగాణ ప్రభుత్వం తెగేసి చెప్తుంది. దీనికి కారణం తెలంగాణకు పొరుగున ఉన్న ఏపీ, మహారాష్ట్రలలో కరోనా ప్రభావం ఎక్కువగా ఉండడమే.తెలంగాణ ప్రభుత్వం గత మూడు వారాలుగా సరిహద్దు గ్రామాలలో ముమ్మర ప్రచారం చేస్తుంది.

ఆ రెండు రాష్ట్రాలలో కరోనా వ్యాధి తీవ్రత నేపథ్యంలో సరిహద్దు జిల్లాలలో నివసిస్తున్న పౌరులెవరూ సరిహద్దు దాటకూడదని ఆదేశాలు ఇచ్చింది. వైద్యం, అత్యవసర పనులకు కూడా ఏపీ, మహారాష్ట్రల్లోకి వెళ్లడానికి వీలు లేదని సరిహద్దుల్లోని ప్రాంతాల ప్రజలను హెచ్చరిస్తుంది. రెండు రాష్ట్రాల సరిహద్దు గ్రామాలలో భారీగా పోలీసు బలగాలను పెంచి భద్రతను కట్టుదిట్టం చేసింది.

ఓ మూడు వారాల క్రితం కర్నూలులో ఓ డాక్టర్ హస్తవాసి మంచిదని రోగులు క్యూ కట్టారు. వీరిలో తెలంగాణలోని గద్వాలకు చెందిన ప్రజలు కూడా ఉన్నారు. అయితే ఆ వైద్యుడు కరోనాతో చనిపోవడం.. గద్వాలలో కూడా కరోనా విజృంభించింది. ఇక ఇప్పుడు కూడా కర్నూలులో కరోనా కేసులు ఎక్కువగా ఉండడంతో తెలంగాణ రాకపోకలను నిషేధించింది.

ఖమ్మం, నల్గొండ జిల్లాల వాళ్లు ఎక్కువగా విజయవాడ, గుంటూరుతో అనుబంధం ఉంటుంది. ఏ చిన్న అవసరం వచ్చినా ఇటు హైదరాబాద్ ఎలాగో అటు ఆ జంట నగరాలను ఆశ్రయిస్తారు. కానీ ఇప్పుడు ప్రభుత్వం అటు వెళ్లడానికి వీలు లేకుండా భద్రతను పెంచింది. ఇక మహారాష్ట్రలో కూడా కరోనా తీవ్రంగా ఉంది. అందుకే అడుగు పెట్టనే వద్దంటూ ప్రభుత్వం తీవ్రంగా హెచ్చరిస్తుంది.

ఇప్పటికే తెలంగాణలో పండే ఆహారపు పంటలను కూడా తామే సొంతంగా కొనుగోలు చేసేందుకు సిద్ధపడిన ప్రభుత్వం ఇతర రాష్ట్రాలతో ఎలాంటి రవాణాను కూడా ఇష్టపడడం లేదు. ముఖ్యంగా మహారాష్ట్రలోకి ఎలాంటి వాహనాలను కానీ.. అటు మహారాష్ట్ర నుండి ఎలాంటి వాహనాలను కూడా అనుమతించే ప్రసక్తే లేదంటున్నాయి. ప్రస్తుతం ఆ రెండు రాష్ట్రాలతో పోల్చుకుంటే తెలంగాణలో వైరస్ ఉదృతి తక్కువగా ఉంది. దానిని నిలుపుకొనేందుకే ప్రభుత్వం కఠిన చర్యలకు సిద్ధపడుతుంది.

 

 


NewsSting Team


      040 23600300

newsting
Daily Updates
facebooktwitterGooglewhatsappwhatsappGoogle