newssting
BITING NEWS :
* సరిహద్దుల్లో కొనసాగుతున్న ప్రతిష్టంభన నేపథ్యంలో భారత్, చైనాల మధ్య సుదీర్ఘ చర్చలు. చైనా భూభాగంలోని మోల్డోలో ఉదయం 9 గంటల రాత్రి 9 గంటల వరకు ఆరవ విడత చర్చలు. * మహారాష్ట్ర థానే జిల్లా భివండీలో మూడంతస్తుల భవనం కూలిన ఘటనలో 17కి చేరిన మృతుల సంఖ్య. మృతుల్లో 14 ఏళ్లలోపు బాలలు, మహిళలు అధికం. * బీహార్ అసెంబ్లీ ఎన్నికల్లో ఆర్జేడీకు సమాజ్‌వాదీ పార్టీ మద్ధతు. సమాజ్‌వాదీ పార్టీ అధికారిక ట్విట్టర్ ద్వారా సోమవారం రాత్రి ప్రకటన. * ముంబై నగరంతోపాటు పలు పరిసర నగరాల్లో మంగళవారం భారీవర్షాలు కురుస్తాయని హెచ్చరికలు. ముంబై, థానే, రాయగడ్, పూణే, సతార, సిందూర్గ్ ప్రాంతాల్లో మంగళవారం ఉరుముులు, మెరుపులతో కూడిన భారీవర్షాలు కురిసే అవకాశం. ప్రజలు అప్రమత్తంగా ఉండాలని ముంబై వాతావరణ శాఖ హెచ్చరికలు. రష్యా దేశంలో భారీ భూకంపం. రష్యాలోని ఇర్కుట్సు రీజియన్ ప్రాంతంలో సంభవించిన భూకంపం ప్రభావం రిక్టర్ స్కేలుపై 5.9గా నమోదు. భూకంపం వల్ల ఎలాంటి ప్రాణనష్టం జరగలేదని రష్యన్ ఎమర్జెన్సీ మంత్రిత్వశాఖ వెల్లడి. భూకపంపంతో ప్రజలు భయాందోళనలు. విగత జీవిగా దొరికిన సరూర్ నగర్ తపోవన్‌కాలనీ వద్ద ఆదివారం రాత్రి వరదలో కొట్టుకుపోయిన నవీన్‌కుమార్‌. * కేంద్రంలో తెచ్చిన వ్యవసాయ బిల్లులతో రాష్ట్రంలో అధికార టీఆర్ఎస్, ప్రతిపక్ష బీజేపీల మధ్య సాగుతున్న విమర్శ, ప్రతి విమర్శలు. * కేంద్ర బిల్లులతో రైతులకు మేలని బీజేపీ వర్గాలు, కొత్తగా తెచ్చిన బిల్లులతో రైతులను తీవ్ర నష్టమని టీఆర్ఎస్ నేతలు ఘాటు విమర్శలు. 280వ రోజుకు చేరుకున్న రాజధాని అమరావతి రైతుల ఉద్యమం. కొనసాగుతున్న శిబిరాల్లో రైతుల ఆందోళనలు. రాజధానిగా అమరావతి కొనసాగుతుందని ప్రభుత్వం చెప్పే వరకు ఆందోళనలు కొనసాగిస్తామని స్పష్టం చేసిన రైతులు. కరోనా సూచనలు పాటిస్తూ కొనసాగుతున్న అమరావతి ఉద్యమం. నేడు ఢిల్లీ పర్యటనకు వెళ్లనున్న సీఎం జగన్మోహన్ రెడ్డి. ప్రధాని మోదీ, కేంద్ర హోంమంత్రి అమిత్‌షాలతో భేటీ జరిగే అవకాశం. బుధవారం తిరుమల బ్రహ్మోత్సవాల్లో పాల్గొనాల్సి ఉన్నా మంగళవారం ఆకస్మిక ఢిల్లీ పర్యటన పెట్టుకోవడం గమనార్హం. రాష్ట్రంలో అనూహ్యంగా చోటు చేసుకుంటున్న రాజకీయ పరిణామాల నేపథ్యంలో మోదీ, షాలతో చర్చకు అవకాశం. మాజీమంత్రి వైఎస్ వివేకానందరెడ్డి హత్య కేసుకు సంబంధించి సీబీఐ అధికారులు దర్యాప్తు వేగవంతం.

క‌విత అలిగారా..? అంత అవ‌స‌ర‌మేంటి..?

08-01-202008-01-2020 12:24:49 IST
Updated On 08-01-2020 12:56:54 ISTUpdated On 08-01-20202020-01-08T06:54:49.174Z08-01-2020 2020-01-08T06:54:47.680Z - 2020-01-08T07:26:54.333Z - 08-01-2020

క‌విత అలిగారా..? అంత అవ‌స‌ర‌మేంటి..?
facebooktwitterGooglewhatsappwhatsappGoogle
తెలంగాణ ముఖ్య‌మంత్రి కేసీఆర్ కూతురు క‌ల్వ‌కుంట్ల క‌విత గ‌త కొన్ని రోజులుగా రాష్ట్రంలో లేరు. ఆమె అమెరికాలో ఉన్న‌ట్లు ప్ర‌చారం జ‌రుగుతోంది. అయితే, ఆమె త‌న తండ్రిపై అలిగి వెళ్లార‌నే వార్త చెక్క‌ర్లు కొడుతోంది. త‌న‌కు రాజ‌కీయంగా ప్రాధాన్య‌త ఇవ్వ‌లేద‌నే బాధ‌తోనే ఆమె అమెరికా వెళ్లిపోయిన‌ట్లు చ‌ర్చ జ‌రుగుతోంది. అయితే, ఆమెను రాజ్య‌స‌భ‌కు పంపించాల‌ని ముఖ్య‌మంత్రి కేసీఆర్ భావిస్తున్నార‌నే మ‌రో ప్ర‌చారం కూడా పార్టీలో సాగుతోంది.

తెలంగాణ ఉద్య‌మంలో, టీఆర్ఎస్ పార్టీ బ‌లోపేతంలో క‌ల్వ‌కుంట్ల క‌విత త‌న వంతు పాత్ర పోషించారు. తెలంగాణ జాగృతి ఏర్పాటు చేసి మ‌హిళ‌ల‌ను ఉద్య‌మం వైపు న‌డిపించారు. తెలంగాణ ఏర్ప‌డ్డాక కేసీఆర్ ఆమెకు బాగానే ప్రాధాన్య‌త క‌ల్పించారు. నిజామాబాద్ ఎంపీగా గెలిపించారు. ఈ స‌మ‌యంలో ఢిల్లీలో ఆమె పార్టీ త‌ర‌పున కీల‌కంగా వ్య‌వ‌హ‌రించారు. కానీ, 2019 ఎన్నిక‌ల్లో ఆమె ఓట‌మిపాల‌య్యారు. ఓట‌మిని ఆమె జీర్ణించుకోలేక‌పోతున్నారు.

దీంతో అప్ప‌టి నుంచి ఆమె రాజ‌కీయంగా యాక్టీవ్ ఉండ‌టం లేదు. అటు నియోజ‌క‌వ‌ర్గంలో, ఇటు పార్టీలోనూ ఆమె క్రియాశీల‌కంగా లేరు. దీంతో ఆమెను మంత్రివ‌ర్గంలోకి తీసుకోబోతున్నార‌నే ప్ర‌చారం జ‌రిగినా తీసుకోలేదు.

దీంతో ఆమె ప్ర‌స్తుతానికి రాజ‌కీయంగా ఎటువంటి ప‌ద‌వి లేకుండా ఖాళీగానే ఉన్నారు. దీంతో ఏప్రిల్‌లో రెండు రాజ్య‌స‌భ స్థానాలు ఖాళీ అవుతున్న నేప‌థ్యంలో ఆమెను రాజ్య‌స‌భ‌కు పంపించ‌డం ఖాయ‌మైంద‌ని పార్టీలో జోరుగా చ‌ర్చ‌లు సాగుతున్నాయి.

అయినా కూడా ఆమె మున్సిప‌ల్ ఎన్నిక‌ల ముందు అమెరికా వెళ్ల‌డానికి కార‌ణ‌మేంట‌ని ర‌క‌ర‌కాల ఊహాగానాలు వ‌స్తున్నాయి. త‌న‌కు ఏదైనా ప‌ద‌వి ఇస్తాన‌ని త‌న తండ్రి వ‌ద్ద నుంచి క‌చ్చితమైన హామీ రానందునే ఆమె అలిగి అమెరికా వెళ్లిపోయార‌ని కొంద‌రు అంటున్నారు. కానీ, ఇప్ప‌టికే ఆమెకు రాజ్య‌స‌భ స‌భ్య‌త్వం ఖాయ‌మైనందున అలిగి వెళ్లే అవ‌కాశ‌మే లేద‌ని మ‌రికొంద‌రు కొట్టి పారేస్తున్నారు.

కాగా, మున్సిప‌ల్ ఎన్నిక‌ల నేప‌థ్యంలోనే క‌విత అమెరికా వెళ్లార‌ని, అది కూడా కేసీఆర్ కావాల‌నే పంపించార‌నే మ‌రో ప్ర‌చారం జ‌రుగుతోంది. టీఆర్ఎస్ పార్టీలో మున్సిప‌ల్ ఎన్నిక‌ల టిక్కెట్ల వ్య‌వ‌హారం పెద్ద చిక్కుముడిలా మారింది.

ఆశావ‌హుల నుంచి టిక్కెట్ల కోసం పెద్ద ఎత్తున పోటీ ఉంది. రాష్ట్ర‌మంత‌టా ఇదే ప‌రిస్థితి ఉంది. దీంతో స‌హ‌జంగానే ఉద్య‌మ స‌మ‌యం నుంచి ఉన్న ప‌రిచ‌యాల నేప‌థ్యంలో తెలంగాణ జాగృతిలో యాక్టీవ్‌గా ఉండే వారు కానీ, టీఆర్ఎస్‌లోని నాయ‌కులు కానీ క‌విత వ‌ద్ద‌కు టిక్కెట్ల కోసం క్యూ క‌ట్టే అవ‌కాశం ఉంది.

ఇప్ప‌టికే టిక్కెట్ల కేటాయింపు స‌మ‌స్య‌గా మార‌గా ఇక సిఫార్సులు కూడా మొద‌లైతే ఇది మ‌రింత జ‌ఠిలంగా మార‌నుంది. అందుకే కవిత‌ను కొన్ని రోజుల పాటు కుటుంబ‌స‌భ్యులే అమెరికాకు పంపించార‌ని తెలుస్తోంది. అయితే, నిజామాబాద్ పార్ల‌మెంటు ప‌రిధిలోనైనా ఆమె పార్టీ గెలుపు కోసం ప‌ని చేయాల్సి ఉంది. మ‌రి, టిక్కెట్ల కేటాయింపు త‌ర్వాత ఎన్నిక‌ల ప్ర‌చారానికి అయినా ఆమె తిరిగి వ‌స్తారా చూడాలి.

 



      040 23600300

newsting
Daily Updates
facebooktwitterGooglewhatsappwhatsappGoogle