newssting
Radio
BITING NEWS :
విశాఖ జిల్లా అనకాపల్లి ముత్రాసు కాలనీలో విషాదం. అనారోగ్యంతో భార్య చనిపోవడంతో మనస్తాపం చెంది.. ఇద్దరు పిల్లలతో కలిసి ఆత్మహత్య చేసుకున్న తండ్రి. * కడప జిల్లా ముద్దనూరు మండలం కొత్తపల్లిలో రోడ్డు ప్రమాదం. క్యాంపర్ వాహనాన్ని ఢీ కొట్టిన లారీ, ఇద్దరు మృతి. మృతులు తొండూరు మండలం మల్యాల వాసులుగా గుర్తింపు. * తెలంగాణలో భారీగా పెరిగిన కరోనా కేసులు. కొత్తగా 684 పాజిటివ్ కేసులు నమోదు, ముగ్గురు మృతి. * భద్రాచలం చెక్ పోస్ట్ వద్ద పోలీసుల తనిఖీల్లో పట్టుబడిన గంజాయి. రూ. 30 లక్షలు విలువైన రెండు క్వింటాళ్ల గంజాయి స్వాధీనం. రెండు కార్లు సీజ్, ముగ్గురు అరెస్ట్. * గుంటూరు జిల్లా తాడేపల్లి పరిసర ప్రాంతాల్లో విస్తరిస్తున్న డ్రగ్ కల్చర్. యూనివర్శిటీలు, కాలేజీలు టార్గెట్ గా డ్రగ్స్ అమ్మకాలు చేపట్టిన మాఫియా. గంజాయితో పాటు సింథటిక్ డ్రగ్స్ విక్రయాలు. ఎండీఎంఏ ట్యాబ్లెట్స్ ను పట్టుకున్న ఎస్ఈబీ అధికారులు. * ఈస్ట్ ఢిల్లీ రెడీమేడ్ వస్త్ర కారాగారంలో భారీ అగ్నిప్రమాదం. మంటలార్పుతున్న 15 ఫైరింజన్లు.

కోమ‌టిరెడ్డి రాజ‌గోపాల్ రెడ్డి అసెంబ్లీలో క‌నిపించ‌రా..?

08-03-202008-03-2020 08:02:27 IST
2020-03-08T02:32:27.141Z08-03-2020 2020-03-08T02:28:58.897Z - - 16-04-2021

కోమ‌టిరెడ్డి రాజ‌గోపాల్ రెడ్డి అసెంబ్లీలో క‌నిపించ‌రా..?
facebooktwitterGooglewhatsappwhatsappGoogle
కాంగ్రెస్ పార్టీకి చెందిన మునుగోడు ఎమ్మెల్యే కోమ‌టిరెడ్డి రాజ‌గోపాల్ రెడ్డిపై చ‌ర్య‌లు తీసుకోవాల‌ని ప్ర‌భుత్వం భావిస్తోందా ? ఆయ‌న‌ను శాస‌న‌స‌భ‌లో మ‌ళ్లీ చూడొద్ద‌ని అనుకుంటోందా ? అంటే ముఖ్య‌మంత్రి కేసీఆర్ చేసిన వ్యాఖ్య‌లు అవున‌నే స‌మాధాన‌మే ఇస్తున్నాయి. ఆయ‌న‌ను శాస‌న‌స‌భ నుంచి స‌స్పెండ్ చేసే అవ‌కాశాలు ఎక్కువ‌గా క‌నిపిస్తున్నాయి. గ‌త అసెంబ్లీలో అప్ప‌టి న‌ల్గొండ ఎమ్మెల్యే, రాజ‌గోపాల్ రెడ్డి సోద‌రుడు వెంక‌ట్‌రెడ్డి స‌స్పెండ్ అయిన‌ట్లే ఇప్పుడు త‌మ్ముడిపై కూడా స‌స్పెన్ష‌న్ క‌త్తి వేలాడుతోంది.

తెలంగాణ కాంగ్రెస్‌లో దూకుడుగా వెళ్ల‌గ‌లిగిన‌, ప్ర‌జ‌ల్లో ఇమేజ్ ఉన్న నేత‌లు కోమ‌టిరెడ్డి సోద‌రులు. ఉమ్మ‌డి న‌ల్గొండ జిల్లాలో వీరికి మంచి పట్టుంది. పైగా ఆర్థికంగా బ‌లంగా ఉన్నారు. దీంతో అధికార టీఆర్ఎస్ పార్టీతో ఢీ అంటే ఢీ అంటున్నారు.

2009లో భువ‌న‌గిరి ఎంపీగా గెలిచిన కోమ‌టిరెడ్డి రాజ‌గోపాల్ రెడ్డి 2014లో ఓడిపోయారు. ఆ త‌ర్వాత టీఆర్ఎస్ హ‌వా న‌డుస్తున్న స‌మ‌యంలో స్థానిక సంస్థ‌ల ఎమ్మెల్యేగా గెలుచుకొని షాక్ ఇచ్చారు. 2018 అసెంబ్లీ ఎన్నిక‌ల్లోనూ టీఆర్ఎస్ గాలిలో మునుగోడు నుంచి మంచి మెజారిటీతో ఆయ‌న విజ‌యం సాధించారు.

నాలుగుసార్లు ఎమ్మెల్యేగా గెలిచి మంత్రిగా ప‌ని చేసిన కోమ‌టిరెడ్డి వెంక‌ట్‌రెడ్డి 2018 ఎన్నిక‌ల్లో అసెంబ్లీకి ఓడిపోయారు. అయినా పార్ల‌మెంటు ఎన్నిక‌ల్లో భువ‌న‌గిరి నుంచి ఎంపీగా గెలిచారు. ఇలా టీఆర్ఎస్ హ‌వా ఎంత ఉన్నా ఈ ఇద్ద‌రు సోద‌రులు త‌ట్టుకొని నిలుస్తున్నారు. ఇటీవ‌లి మున్సిప‌ల్ ఎన్నిక‌ల్లో రాష్ట్ర‌మంతా ఏక‌ప‌క్షంగా టీఆర్ఎస్ విజ‌యాలు న‌మోదు చేసుకోగా, కోమ‌టిరెడ్డి బ్ర‌ద‌ర్స్ ప్రాతినిథ్యం వ‌హిస్తున్న నియోజ‌క‌వ‌ర్గాల్లో మాత్రం కాంగ్రెస్ మంచి ఫ‌లితాల‌నే సాధించింది.

టీఆర్ఎస్ పార్టీపై విమ‌ర్శ‌లు చేయ‌డంలోనూ వీరు ముందుంటున్నారు. ప్ర‌స్తుతం పీసీసీ చీఫ్ ప‌ద‌విపైన కోమ‌టిరెడ్డి సోద‌రులు క‌న్నేశారు. ఈ ప‌ద‌వి క‌నుక వ‌స్తే మ‌రింత దూకుడు పెంచుతారు. ఇదిలా ఉండ‌గా నిన్న అసెంబ్లీలో జ‌రిగిన ప‌రిణామాలు కోమ‌టిరెడ్డి రాజ‌గోపాల్ రెడ్డికి షాక్ ఇచ్చేలా ఉన్నాయి. గ‌వ‌ర్న‌ర్ ప్ర‌సంగానికి ధ‌న్య‌వాదం తెలిపే తీర్మాణంపై రాజ‌గోపాల్ రెడ్డి మాట్లాడుతూ అధికార పార్టీపై తీవ్ర స్థాయిలో విమ‌ర్శ‌లు చేశారు.

టీఆర్ఎస్ పార్టీ వైఫ‌ల్యాలపై గ‌ట్టిగా మాట్లాడారు. మంత్రుల‌పైనా తీవ్ర‌స్థాయిలో మండిప‌డ్డారు. రాజ‌గోపాల్ రెడ్డి ప్ర‌సంగం టీఆర్ఎస్‌కు, ముఖ్యంగా ముఖ్య‌మంత్రి కేసీఆర్‌కు ఆగ్ర‌హం తెప్పించింది.

దీంతో ఎప్పుడూ విమ‌ర్శ‌ల‌కు పెద్ద‌గా బ‌దులివ్వ‌ని కేసీఆర్ అసెంబ్లీలో ఆ త‌ర్వాత సుమారు గంట సేపు కౌంట‌ర్ ఇచ్చారు. అన్ని శాఖ‌ల‌పై రాజ‌గోపాల్ రెడ్డి చేసిన విమ‌ర్శ‌ల‌ను కేసీఆర్ లెక్క‌ల‌తో స‌హా తిప్పికొట్టారు. రాజ‌గోపాల్‌రెడ్డివి అబద్దాల‌ని నిరూపించేలా ఆయ‌న లెక్క‌లు వివ‌రించారు.

కోమ‌టిరెడ్డి సోద‌రుల రాజ‌కీయాల‌పై కూడా విమ‌ర్శ‌లు గుప్పించారు. అసెంబ్లీలో అబ‌ద్ధాలు మాట్లాడిన రాజ‌గోపాల్ రెడ్డిపై చ‌ర్య‌లు తీసుకోవాల‌ని స్పీక‌ర్‌ను కోరారు. రాజ‌గోపాల్ రెడ్డి లాంటి వారిని ఉపేక్షించ‌వ‌ద్ద‌ని ప‌దేప‌దే నొక్కి చెప్పారు. ఆ త‌ర్వాత న‌ల్గొండ జిల్లాకు చెందిన మంత్రి జ‌గ‌దీశ్ రెడ్డి కూడా కోమ‌టిరెడ్డి రాజ‌గోపాల్‌రెడ్డిని స‌స్పెండ్ చేసే అవ‌కాశాలు ఉన్నాయ‌ని మీడియాకు హింట్ ఇచ్చారు. అంతేకాదు మునుగోడుకు ఉప ఎన్నిక వ‌స్తే తామే గెలుస్తామ‌ని కూడా ప్ర‌క‌టించారు.

అయితే, శాస‌నస‌భ క్ర‌మ‌శిక్ష‌ణ ఉల్లంఘించార‌నే ఆరోప‌ణ‌పై రాజ‌గోపాల్‌రెడ్డిని స‌భ నుంచి స‌స్పెండ్ చేసే అవ‌కాశం ఉంది. కేవ‌లం బ‌డ్జెట్ స‌మావేశాల‌కే కాకుండా ఈ అసెంబ్లీ ట‌ర్మ్ మొత్తం ఆయ‌న‌ను స‌భ నుంచి బ‌హిష్క‌రించే అవ‌కాశాలు క‌నిపిస్తున్నాయి.

గ‌త అసెంబ్లీలోనూ మొద‌ట రేవంత్ రెడ్డిని, చివ‌ర్లో కోమ‌టిరెడ్డి వెంక‌ట్‌రెడ్డి, సంప‌త్ కుమార్‌ను ఇలానే స‌స్పెండ్ చేసిన విష‌యం తెలిసిందే. ఇప్పుడు రాజ‌గోపాల్ రెడ్డిని కూడా ఇదే విధంగా స‌స్పెండ్ చేయ‌వ‌చ్చ‌నే ఊహాగానాలు వినిపిస్తున్నాయి. అయితే, స‌భ నుంచి స‌స్పెండ్ చేసినా ఆయ‌న ఎమ్మెల్యే ప‌ద‌వి మాత్రం కొన‌సాగుతుంది. ఉప ఎన్నిక వ‌చ్చే అవ‌కాశం ఉండ‌దు.

వెంట వెంట‌నే ఎన్నిక‌లు.. మంచికేన‌ట

వెంట వెంట‌నే ఎన్నిక‌లు.. మంచికేన‌ట

   12 hours ago


లొంగిపోయిన కూన రవికుమార్

లొంగిపోయిన కూన రవికుమార్

   8 hours ago


రాళ్ల దాడి ఎవరి పనో అందరికీ తెలుసు.. చంద్రబాబు, లోకేష్ పై పెద్దిరెడ్డి కీలక వ్యాఖ్యలు

రాళ్ల దాడి ఎవరి పనో అందరికీ తెలుసు.. చంద్రబాబు, లోకేష్ పై పెద్దిరెడ్డి కీలక వ్యాఖ్యలు

   10 hours ago


షర్మిల ఉద్యోగ దీక్ష.. కేసీఆర్ పై సంచలన వ్యాఖ్యలు

షర్మిల ఉద్యోగ దీక్ష.. కేసీఆర్ పై సంచలన వ్యాఖ్యలు

   12 hours ago


తెలంగాణలో మరో ఎన్నికల సమరం..!

తెలంగాణలో మరో ఎన్నికల సమరం..!

   15 hours ago


ఏపీలో టెన్షన్ పెడుతున్న ఆ ఆరు జిల్లాలు.. ప్రత్యేక ఫోకస్

ఏపీలో టెన్షన్ పెడుతున్న ఆ ఆరు జిల్లాలు.. ప్రత్యేక ఫోకస్

   16 hours ago


బెంగాల్ ఎన్నికల ఫలితం ఎలావున్నా జాతీయ రాజకీయాలపై ప్రభావం తథ్యం

బెంగాల్ ఎన్నికల ఫలితం ఎలావున్నా జాతీయ రాజకీయాలపై ప్రభావం తథ్యం

   18 hours ago


కరోనా కేసుల అప్డేట్స్.. గత 24 గంటల్లో 2,00,739 మందికి కరోనా..!

కరోనా కేసుల అప్డేట్స్.. గత 24 గంటల్లో 2,00,739 మందికి కరోనా..!

   19 hours ago


భద్రలోక్‌పై గంపెడాశలు.. బీజేపీ బెంగాల్ కల ఫలించేనా?

భద్రలోక్‌పై గంపెడాశలు.. బీజేపీ బెంగాల్ కల ఫలించేనా?

   20 hours ago


ఇంట్లో కూడా మాస్క్ ధరించండి.. పరిస్థితి విషమం... తెలంగాణ ఆరోగ్య శాఖ

ఇంట్లో కూడా మాస్క్ ధరించండి.. పరిస్థితి విషమం... తెలంగాణ ఆరోగ్య శాఖ

   20 hours ago


ఇంకా


      040 23600300

newsting
Daily Updates
facebooktwitterGooglewhatsappwhatsappGoogle