newssting
BITING NEWS :
ఎన్డీయేతో బంధం తెంచుకున్న అకాలీదళ్. కేంద్రం తీసుకొచ్చిన బిల్లులకు వ్యతిరేకంగా అకాలీదళ్ నిర్ణయం. ఈ బిల్లుల ప్రభావం రైతులు, దళితులు, రైతు కూలీల అందరిపై పడిందని తెలిపిన అకాలీదళ్ చీఫ్ సుఖ్‌బీర్ సింగ్ బాదల్ ప్రకటన. శనివారం పార్టీ నిర్వహించిన మూడు గంటల ఎమర్జెన్సీ కోర్ కమిటీ సమావేశం అనంతరం నిర్ణయం. 23 ఏళ్ల సుదీర్ఘ రాజకీయ బంధాన్ని తెగతెంపులు చేసుకున్న అకాలీదళ్ * బాలీవుడ్‌ వివాదాస్పద నటి కంగనా రనౌత్‌పై కర్ణాటకలోని తుమకూరు కోర్టులో కేసు దాఖలు. కేంద్ర ప్రభుత్వ రైతు చట్టాలకు వ్యతిరేకంగా ఆందోళన చేస్తున్న రైతులను ఉగ్రవాదులతో పోల్చుతూ ట్వీట్‌ చేయడాన్ని తప్పుబడుతూ తుమకూరు జేఎంఎఫ్సీ కోర్టులో రమేశ్‌ నాయక్‌ అనే న్యాయవాది పిటిషన్‌ దాఖలు * అత్యంత ప్రతిష్టాత్మకమైన ఢిల్లీలోని జాతీయ న్యాయ విశ్వవిద్యాలయం ఎన్‌ఎల్‌యూ వైస్‌ చాన్సలర్‌గా వరంగల్‌ జిల్లాకు చెందిన ప్రొఫెసర్‌ పి.శ్రీకృష్ణదేవరావు నియామకం. ప్రస్తుత వైస్‌ చాన్సలర్‌ ప్రొఫెసర్‌ రణబీర్‌ సింగ్‌ పదవీ విరమణ చేయడంతో శ్రీకృష్ణదేవరావు నియామకం. దేశంలోని పలు విశ్వవిద్యాలయాలలో కీలక బాధ్యతలు నిర్వహించిన శ్రీకృష్ణదేవరావు న్యాయ విద్యలో మార్పులు తీసుకువచ్చేందుకు యూజీసీ నియమించిన నిపుణుల కమిటీలో కూడా ఆయన సభ్యుడిగా కూడా పనిచేశారు * శివసేన నేత, లోక్ సభ సభ్యుడు సంజయ్‌ రౌత్‌, మహారాష్ట్ర మాజీ సీఎం దేవేంద్ర ఫడ్నవిస్ ఓ స్టార్ హోటల్ లో రహస్యంగా భేటీ అయినట్టు గుప్పుమన్న వార్తలు. ఓ లగ్జరీ హోటల్‌ లో సుమారు గంటన్నర పాటు వీరిమధ్య చర్చలు జరిగినట్టు సమాచారం. దేశవ్యాప్తంగా చర్చకు దారితీసిన ఈ సమావేశం వార్తలు. ఈ సమావేశం నిజమేనని, దీని వెనుక రాజకీయ కారణాలు లేవని స్పష్టం చేసిన బీజేపీ * అమెరికాలోని హిందూఆధ్యాత్మిక గురువు స్వామి ప్రత్యాగ్‌బోధానంద కన్నుమూత. పెన్సిల్వేనియాలో అర్ష విద్యా గురుకులానికి ఉపాధ్యక్షులుగా ఉన్న ప్రత్యాగ్‌బోధానంద వయసు 69 సంవత్సరాలు. గురుకులం 34వ వార్షిక ఉత్సవాల్లో పాల్గొన్న తర్వాత తీవ్రమైన గుండెపోటు రావడంతో ఈనెల 20తేదీన తుదిశ్వాస విడిచినట్టు తెలిపిన ఆయన శిష్యులు. ప్రత్యాగ్‌బోధానంద పార్థివదేహాన్ని భారత్‌కు తరలింపుకు ప్రయత్నాలు * పార్లమెంటు ఆమోదించిన మూడు వ్యవసాయ బిల్లులకి వ్యతిరేకంగా పంజాబ్‌లో కొనసాగుతున్న రైల్‌ రోకో ఆందోళన. గత మూడు రోజులుగా రైతులు రైలు పట్టాలపై కూర్చొని నిర్వహిస్తున్న రైల్‌ రోకో. తొలుత కిసాన్‌ మజ్దూర్‌ సంఘర్ష్ కమిటీ నిరసన కార్యక్రమాలకు పిలుపునిస్తే, ఆ తర్వాత మద్దతు ప్రకటించిన వివిధ సంఘాలు * బాలీవుడ్‌ పరిశ్రమలో కలకలం సృష్టిస్తున్న డ్రగ్స్‌ వ్యవహారం. దీపికా పదుకొనె, శ్రద్ధా కపూర్‌, సారా అలీఖాన్‌ నార్కోటిక్స్‌ కంట్రోల్‌ బ్యూరో ఎదుట శనివారం హాజరు. వేర్వేరుగా ఐదు గంటలకు పైగా కొనసాగిన విచారణ. నటీమణుల వాగ్మూలాన్ని రికార్డు చేసిన ఎన్సీబీ * ఉపరితల ద్రోణి ప్రభావంతో తెలుగు రాష్ట్రలలో పలు జిల్లాల్లో కురిసిన భారీ వర్షాలు శుక్రవారం రాత్రి నుంచి ఆదివారం ఉదయం వరకు కురిసిన ఓ మోస్తరు నుంచి భారీ వర్షాలు. వాగులు, వంకలు పొంగిపొర్లుతుండటంతో అక్కడక్కడా నిలిచిన రాకపోకలు. పలుచోట్ల నీటమునిగిన పంట పొలాలు. అత్యధికంగా రంగారెడ్డి జిల్లా నందిగామలో 19 సెంటీమీటర్ల వర్షపాతం నమోదు * అక్టోబరు 1 నుంచి సినిమా థియేటర్లు తెరిచేందుకు అనుమతినిచ్చిన పశ్చిమ బెంగాల్ ప్రభుత్వం. ఈ విషయాన్ని ట్వీట్ ద్వారా తెలియజేసిన ముఖ్యమంత్రి మమతా బెనర్జీ. పరిస్థితులను గాడిలో పెట్టేందుకు అక్టోబరు 1 నుంచి సినిమా థియేటర్ల తెరిచేందుకు అనుమతినిస్తున్నామని, అలాగే సాంస్కృతిక కార్యక్రమాలు, మ్యాజిక్ షోలు నిర్వహించేందుకు కూడా అనుమతినిస్తున్నామని ట్వీట్ * నెల్లూరు జిల్లాలో ఇటీవల జరిగిన రౌడీషీటర్ దారుణ హత్య మరువక ముందే చోటు చేసుకున్న మరో ఘటన. చిల్లకూరు మండలం కలవకకొండలో చేజర్ల సుబ్రహ్మణ్యం(38) అనే వ్యక్తి దారుణ హత్య. ఆదివారం ఉదయం అతి కిరాతకంగా చంపేసిన గుర్తు తెలియని వ్యక్తులు. సమాచారం మేరకు ఘటనాస్థలికి చేరుకున్న పోలీసులు కేసు నమోదు * సంగారెడ్డిలో వాగు దాటుతున్న వ్యక్తి వరద నీటిలో గల్లంతు. భారీ వర్షాలకు వాగు దాటుతున్న ముగ్గరు వ్యక్తులు గల్లంతవ్వగా ఇద్దరు వ్యక్తులను ఒడ్డుకు చేర్చిన స్థానికులు. కంగ్టి మండలం జంగి బికి చెందిన 55 ఏళ్ల మంగలి మారుతి కాకి వాగు వరద ఉధృతిలో గల్లంతు. మారుతి ఆచూకీ కోసం మండల రెవెన్యూ అధికారుల గాలింపు చర్యలు.

కొడంగ‌ల్‌పై ఆశ‌లు వ‌దిలేసుకోవాల్సిందేనా..?

31-01-202031-01-2020 08:07:53 IST
Updated On 31-01-2020 13:30:37 ISTUpdated On 31-01-20202020-01-31T02:37:53.049Z31-01-2020 2020-01-31T02:36:24.384Z - 2020-01-31T08:00:37.264Z - 31-01-2020

కొడంగ‌ల్‌పై ఆశ‌లు వ‌దిలేసుకోవాల్సిందేనా..?
facebooktwitterGooglewhatsappwhatsappGoogle
తెలంగాణ రాజ‌కీయాల్లో ఫైర్‌బ్రాండ్‌గా ముద్ర ప‌డ్డ రేవంత్ రెడ్డిని టీఆర్ఎస్ పార్టీ దెబ్బ మీద దెబ్బ కొడుతోంది. ఇటీవ‌లి మున్సిప‌ల్ ఎన్నిక‌ల్లో రేవంత్ రెడ్డికి గ‌ట్టి షాక్ ఇచ్చింది టీఆర్ఎస్‌. ఆయ‌న ప్ర‌తిష్ఠాత్మ‌కంగా భావించి ప్ర‌చారం చేసిన అన్ని మున్సిపాలిటీలు, కార్పొరేష‌న్ల‌లో కాంగ్రెస్ పార్టీ ఓట‌మి పాల‌య్యింది. అన్నింటి కంటే ముఖ్యంగా రేవంత్ రెడ్డి స్వంత నియోజ‌క‌వ‌ర్గం కొడంగ‌ల్‌లోని రెండు మున్సిపాలిటీల్లో కాంగ్రెస్ పార్టీ ఓడిపోయింది. కొడంగ‌ల్‌లో రేవంత్ రెడ్డి ప‌ట్టు స‌డ‌లుతుంద‌ని చెప్ప‌డానికి ఈ ఫ‌లితాలు ఉదాహ‌ర‌ణ‌గా క‌నిపిస్తున్నాయి.

స్వంత నియోజ‌క‌వ‌ర్గం కాక‌పోయినా కొడంగ‌ల్ నుంచి రెండుసార్లు ఎమ్మెల్యేగా ప‌నిచేసిన రేవంత్ ఇదే నియోజ‌క‌వ‌ర్గాన్ని త‌న స్వంత నియోజ‌క‌వ‌ర్గంగా మార్చుకున్నారు. 2009, 2014 ఎన్నిక‌ల్లో ఇక్క‌డి నుంచి ప్ర‌తికూల ప‌రిస్థితుల్లోనూ తెలుగుదేశం పార్టీ త‌ర‌పున గెలిచిన రేవంత్ కొడంగ‌ల్‌ను త‌న అడ్డాగా మార్చుకున్నారు. రేవంత్‌ను దెబ్బ కొట్టేందుకు గానూ కొడంగ‌ల్‌పై ప్ర‌త్యేక దృష్టి పెట్టిన టీఆర్ఎస్ 2018 ఎన్నిక‌ల్లో ఆయ‌న‌ను ఓడించింది. త‌న‌కు ఎదురేలేద‌నుకున్న కొడంగ‌ల్‌లో రేవంత్ ఓట‌మిని ఎవ‌రూ ఊహించ‌లేదు.

రేవంత్‌పై విజ‌యం సాధించిన టీఆర్ఎస్ అభ్య‌ర్థి ప‌ట్నం న‌రేంద‌ర్‌రెడ్డి ఇప్పుడు కొడంగ‌ల్‌లో ప‌ట్టు పెంచుకుంటున్నారు. ఎమ్మెల్యేగా ఓడిన త‌ర్వాత మ‌ల్కాజ్‌గిరి ఎంపీగా గెలిచిన రేవంత్ గ‌తంలో మాదిరి కొడంగ‌ల్‌పై ప్ర‌త్యేక శ్ర‌ద్ధ పెట్ట‌లేక‌పోతున్నారు. దేశంలోనే పెద్ద నియోజ‌క‌వ‌ర్గ‌మైన మ‌ల్కాజ్‌గిరికి ఎంపీ కావ‌డంతో ఆయ‌న పూర్తి స‌మ‌యం ఇక్క‌డే పెట్టాల్సి వ‌స్తోంది. దీంతో కొడంగ‌ల్ కాంగ్రెస్ క్యాడ‌ర్‌లో కొంత నైరాశ్యం నెల‌కొంది.

అసెంబ్లీ ఎన్నిక‌ల్లో రేవంత్‌రెడ్డిని ఓడించిన టీఆర్ఎస్ స్థానిక సంస్థ‌ల ఎన్నిక‌ల్లో మ‌రో దెబ్బ కొట్టింది. నియోజ‌క‌వ‌ర్గంలోని ఐదు మండ‌లాల్లో నాలుగు జెడ్పీటీసీల‌ను టీఆర్ఎస్ గెలుచుకుంది. మెజారిటీ ఎంపీటీసీలు గెలుచుకొని అన్ని ఎంపీపీల‌ను టీఆర్ఎస్ కైవ‌ల‌సం చేసుకుంది. ఈ ఎన్నిక‌ల్లో రేవంత్ రెడ్డి ప్ర‌చారం చేసినా ఆయ‌న‌కు చేదు ఫ‌లితాలే వ‌చ్చాయి. తాజాగా మున్సిప‌ల్ ఎన్నిక‌ల్లోనూ ఇవే ఫ‌లితాలు పున‌రావృత‌మ‌య్యాయి.

కొడంగ‌ల్ నియోజ‌క‌వ‌ర్గంలోని రెండు మున్సిపాలిటీల‌ను టీఆర్ఎస్ కైవ‌సం చేసుకుంది. మున్సిప‌ల్ ఎన్నిక‌ల్లోనూ రేవంత్ వెళ్లి ప్ర‌చారం చేసినా లాభం లేకుండా పోయింది. క్ర‌మంగా నియోజ‌క‌వ‌ర్గంలో టీఆర్ఎస్ మ‌రింత బ‌ల‌ప‌డుతుండ‌టంతో రేవంత్ రెడ్డి కొడంగ‌ల్‌లో బ‌ల‌హీన‌ప‌డుతున్నారు. దీంతో ఆయ‌న కొడంగ‌ల్‌ను పూర్తిగా వదిలేస్తారు అనే ప్ర‌చారం కూడా జ‌రుగుతోంది. వాస్త‌వానికి మ‌ల్కాజ్‌గిరి పార్ల‌మెంటు సీటుపై రేవంత్‌కు ఆస‌క్తి ఉంది.

2014లోనే టీడీపీ త‌ర‌పున ఈ సీటు కావాల‌ని ఆయ‌న కోర‌గా అప్పుడు పార్టీ మ‌ల్లారెడ్డికి ఇచ్చింది. ఈ ఎన్నిక‌ల్లో ఆయ‌న‌కు అనూహ్యంగా అవ‌కాశం రావ‌డంతో ఎంపీగా గెలిచారు. మ‌ల్కాజ్‌గిరి నియోజ‌క‌వ‌ర్గ ప‌రిధిలో ఆయ‌న చురుగ్గా వ్య‌వ‌హ‌రిస్తున్నారు.

దీంతో ఆయ‌న ఈ పార్ల‌మెంటు ప‌రిధిలోనే ఏదైనా ఒక అసెంబ్లీ నియోజ‌క‌వ‌ర్గాన్ని ఎంచుకునే అవ‌కాశాలు కూడా లేక‌పోలేదు. ముఖ్యంగా పార్ల‌మెంటు ఎన్నిక‌ల్లో రేవంత్‌కు మెజారిటీ ఇచ్చిన ఉప్ప‌ల్‌, ఎల్బీన‌గ‌ర్‌లో కాంగ్రెస్ పార్టీకి స‌రైన నాయ‌క‌త్వం లేదు.

కొడంగ‌ల్‌ను వ‌దిలేస్తే ఈ రెండింటిలో ఏదైనా నియోజ‌క‌వ‌ర్గాన్ని రేవంత్ ఎంపిక చేసుకునే అవ‌కాశాలు ఉన్నాయి. ఏదేమైనా కొడంగ‌ల్ మాత్రం రేవంత్ రెడ్డికి అంత సేఫ్ సీట్ కాద‌నేది స్ప‌ష్ట‌మ‌వుతుంది.

చేతులు మారుతున్న ఏపీలో పోర్టులు..  కాకినాడ పోర్టు అరబిందో కైవ‌సం?!

చేతులు మారుతున్న ఏపీలో పోర్టులు.. కాకినాడ పోర్టు అరబిందో కైవ‌సం?!

   12 hours ago


గ్రేటర్ వరద ప్రాంతాలలో రేవంత్ పర్యటన.. కారుని ఢీ కొడతారా?

గ్రేటర్ వరద ప్రాంతాలలో రేవంత్ పర్యటన.. కారుని ఢీ కొడతారా?

   13 hours ago


ఏపీకి మ‌ద్యం అక్ర‌మ ర‌వాణాలో కొత్త పుంత‌లు

ఏపీకి మ‌ద్యం అక్ర‌మ ర‌వాణాలో కొత్త పుంత‌లు

   13 hours ago


యూపీ సీఎం యోగి ఆదిత్యనాథ్ ను కలిసిన 'రవికిషన్'

యూపీ సీఎం యోగి ఆదిత్యనాథ్ ను కలిసిన 'రవికిషన్'

   14 hours ago


బీజేపీలో పురందేశ్వ‌రికి కీల‌క ప‌ద‌వి... సామాజిక స‌మీక‌ర‌ణే ఎజెండా

బీజేపీలో పురందేశ్వ‌రికి కీల‌క ప‌ద‌వి... సామాజిక స‌మీక‌ర‌ణే ఎజెండా

   14 hours ago


అంబటి భూకబ్జా లీకులు.. సొంత పార్టీ నేతలే టార్గెట్ చేశారా?

అంబటి భూకబ్జా లీకులు.. సొంత పార్టీ నేతలే టార్గెట్ చేశారా?

   15 hours ago


ఎన్‌డీఏకు అకాలీదళ్‌ గుడ్‌బై.. రైతు వ్యతిరేక బిల్లులపై విభేదం

ఎన్‌డీఏకు అకాలీదళ్‌ గుడ్‌బై.. రైతు వ్యతిరేక బిల్లులపై విభేదం

   16 hours ago


డీకే అరుణకి జాతీయ పదవి.. రెడ్డి సామాజికవర్గంపై బీజేపీ టార్గెట్?

డీకే అరుణకి జాతీయ పదవి.. రెడ్డి సామాజికవర్గంపై బీజేపీ టార్గెట్?

   16 hours ago


ఏపీని ముంచెత్తుతున్న భారీ వర్షాలు.. పంటనష్టం

ఏపీని ముంచెత్తుతున్న భారీ వర్షాలు.. పంటనష్టం

   17 hours ago


తెలంగాణలో ఆడపిల్లను లక్ష్మిలా కొలుస్తున్నారు.. మంత్రి హరీష్ రావు

తెలంగాణలో ఆడపిల్లను లక్ష్మిలా కొలుస్తున్నారు.. మంత్రి హరీష్ రావు

   19 hours ago


ఇంకా


      040 23600300

newsting
Daily Updates
facebooktwitterGooglewhatsappwhatsappGoogle