newssting
BITING NEWS :
ఎన్డీయేతో బంధం తెంచుకున్న అకాలీదళ్. కేంద్రం తీసుకొచ్చిన బిల్లులకు వ్యతిరేకంగా అకాలీదళ్ నిర్ణయం. ఈ బిల్లుల ప్రభావం రైతులు, దళితులు, రైతు కూలీల అందరిపై పడిందని తెలిపిన అకాలీదళ్ చీఫ్ సుఖ్‌బీర్ సింగ్ బాదల్ ప్రకటన. శనివారం పార్టీ నిర్వహించిన మూడు గంటల ఎమర్జెన్సీ కోర్ కమిటీ సమావేశం అనంతరం నిర్ణయం. 23 ఏళ్ల సుదీర్ఘ రాజకీయ బంధాన్ని తెగతెంపులు చేసుకున్న అకాలీదళ్ * బాలీవుడ్‌ వివాదాస్పద నటి కంగనా రనౌత్‌పై కర్ణాటకలోని తుమకూరు కోర్టులో కేసు దాఖలు. కేంద్ర ప్రభుత్వ రైతు చట్టాలకు వ్యతిరేకంగా ఆందోళన చేస్తున్న రైతులను ఉగ్రవాదులతో పోల్చుతూ ట్వీట్‌ చేయడాన్ని తప్పుబడుతూ తుమకూరు జేఎంఎఫ్సీ కోర్టులో రమేశ్‌ నాయక్‌ అనే న్యాయవాది పిటిషన్‌ దాఖలు * అత్యంత ప్రతిష్టాత్మకమైన ఢిల్లీలోని జాతీయ న్యాయ విశ్వవిద్యాలయం ఎన్‌ఎల్‌యూ వైస్‌ చాన్సలర్‌గా వరంగల్‌ జిల్లాకు చెందిన ప్రొఫెసర్‌ పి.శ్రీకృష్ణదేవరావు నియామకం. ప్రస్తుత వైస్‌ చాన్సలర్‌ ప్రొఫెసర్‌ రణబీర్‌ సింగ్‌ పదవీ విరమణ చేయడంతో శ్రీకృష్ణదేవరావు నియామకం. దేశంలోని పలు విశ్వవిద్యాలయాలలో కీలక బాధ్యతలు నిర్వహించిన శ్రీకృష్ణదేవరావు న్యాయ విద్యలో మార్పులు తీసుకువచ్చేందుకు యూజీసీ నియమించిన నిపుణుల కమిటీలో కూడా ఆయన సభ్యుడిగా కూడా పనిచేశారు * శివసేన నేత, లోక్ సభ సభ్యుడు సంజయ్‌ రౌత్‌, మహారాష్ట్ర మాజీ సీఎం దేవేంద్ర ఫడ్నవిస్ ఓ స్టార్ హోటల్ లో రహస్యంగా భేటీ అయినట్టు గుప్పుమన్న వార్తలు. ఓ లగ్జరీ హోటల్‌ లో సుమారు గంటన్నర పాటు వీరిమధ్య చర్చలు జరిగినట్టు సమాచారం. దేశవ్యాప్తంగా చర్చకు దారితీసిన ఈ సమావేశం వార్తలు. ఈ సమావేశం నిజమేనని, దీని వెనుక రాజకీయ కారణాలు లేవని స్పష్టం చేసిన బీజేపీ * అమెరికాలోని హిందూఆధ్యాత్మిక గురువు స్వామి ప్రత్యాగ్‌బోధానంద కన్నుమూత. పెన్సిల్వేనియాలో అర్ష విద్యా గురుకులానికి ఉపాధ్యక్షులుగా ఉన్న ప్రత్యాగ్‌బోధానంద వయసు 69 సంవత్సరాలు. గురుకులం 34వ వార్షిక ఉత్సవాల్లో పాల్గొన్న తర్వాత తీవ్రమైన గుండెపోటు రావడంతో ఈనెల 20తేదీన తుదిశ్వాస విడిచినట్టు తెలిపిన ఆయన శిష్యులు. ప్రత్యాగ్‌బోధానంద పార్థివదేహాన్ని భారత్‌కు తరలింపుకు ప్రయత్నాలు * పార్లమెంటు ఆమోదించిన మూడు వ్యవసాయ బిల్లులకి వ్యతిరేకంగా పంజాబ్‌లో కొనసాగుతున్న రైల్‌ రోకో ఆందోళన. గత మూడు రోజులుగా రైతులు రైలు పట్టాలపై కూర్చొని నిర్వహిస్తున్న రైల్‌ రోకో. తొలుత కిసాన్‌ మజ్దూర్‌ సంఘర్ష్ కమిటీ నిరసన కార్యక్రమాలకు పిలుపునిస్తే, ఆ తర్వాత మద్దతు ప్రకటించిన వివిధ సంఘాలు * బాలీవుడ్‌ పరిశ్రమలో కలకలం సృష్టిస్తున్న డ్రగ్స్‌ వ్యవహారం. దీపికా పదుకొనె, శ్రద్ధా కపూర్‌, సారా అలీఖాన్‌ నార్కోటిక్స్‌ కంట్రోల్‌ బ్యూరో ఎదుట శనివారం హాజరు. వేర్వేరుగా ఐదు గంటలకు పైగా కొనసాగిన విచారణ. నటీమణుల వాగ్మూలాన్ని రికార్డు చేసిన ఎన్సీబీ * ఉపరితల ద్రోణి ప్రభావంతో తెలుగు రాష్ట్రలలో పలు జిల్లాల్లో కురిసిన భారీ వర్షాలు శుక్రవారం రాత్రి నుంచి ఆదివారం ఉదయం వరకు కురిసిన ఓ మోస్తరు నుంచి భారీ వర్షాలు. వాగులు, వంకలు పొంగిపొర్లుతుండటంతో అక్కడక్కడా నిలిచిన రాకపోకలు. పలుచోట్ల నీటమునిగిన పంట పొలాలు. అత్యధికంగా రంగారెడ్డి జిల్లా నందిగామలో 19 సెంటీమీటర్ల వర్షపాతం నమోదు * అక్టోబరు 1 నుంచి సినిమా థియేటర్లు తెరిచేందుకు అనుమతినిచ్చిన పశ్చిమ బెంగాల్ ప్రభుత్వం. ఈ విషయాన్ని ట్వీట్ ద్వారా తెలియజేసిన ముఖ్యమంత్రి మమతా బెనర్జీ. పరిస్థితులను గాడిలో పెట్టేందుకు అక్టోబరు 1 నుంచి సినిమా థియేటర్ల తెరిచేందుకు అనుమతినిస్తున్నామని, అలాగే సాంస్కృతిక కార్యక్రమాలు, మ్యాజిక్ షోలు నిర్వహించేందుకు కూడా అనుమతినిస్తున్నామని ట్వీట్ * నెల్లూరు జిల్లాలో ఇటీవల జరిగిన రౌడీషీటర్ దారుణ హత్య మరువక ముందే చోటు చేసుకున్న మరో ఘటన. చిల్లకూరు మండలం కలవకకొండలో చేజర్ల సుబ్రహ్మణ్యం(38) అనే వ్యక్తి దారుణ హత్య. ఆదివారం ఉదయం అతి కిరాతకంగా చంపేసిన గుర్తు తెలియని వ్యక్తులు. సమాచారం మేరకు ఘటనాస్థలికి చేరుకున్న పోలీసులు కేసు నమోదు * సంగారెడ్డిలో వాగు దాటుతున్న వ్యక్తి వరద నీటిలో గల్లంతు. భారీ వర్షాలకు వాగు దాటుతున్న ముగ్గరు వ్యక్తులు గల్లంతవ్వగా ఇద్దరు వ్యక్తులను ఒడ్డుకు చేర్చిన స్థానికులు. కంగ్టి మండలం జంగి బికి చెందిన 55 ఏళ్ల మంగలి మారుతి కాకి వాగు వరద ఉధృతిలో గల్లంతు. మారుతి ఆచూకీ కోసం మండల రెవెన్యూ అధికారుల గాలింపు చర్యలు.

కొండా దంప‌తులు అలా ఫిక్స్ అయ్యారు..!

16-01-202016-01-2020 09:06:07 IST
2020-01-16T03:36:07.034Z16-01-2020 2020-01-16T03:34:38.261Z - - 28-09-2020

కొండా దంప‌తులు అలా ఫిక్స్ అయ్యారు..!
facebooktwitterGooglewhatsappwhatsappGoogle
కొండా దంప‌తులు... రాష్ట్ర రాజ‌కీయాల్లో ఒక‌ప్పుడు ఫైర్ బ్రాండ్‌గా నిలిచిన నేత‌లు. ఉమ్మ‌డి వ‌రంగ‌ల్ జిల్లాలో కొన్నేళ్ల పాటు చ‌క్రం తిప్పారు. రాజ‌కీయంగా వేగంగా నిర్ణ‌యాలు తీసుకోగ‌లిగే కొండా దంప‌తుల‌కు ఇప్పుడు త‌మ‌కంటూ ఒక నియోజ‌క‌వ‌ర్గం కూడా ఎంచుకోలేక‌పోతున్నారు.

జిల్లా రాజ‌కీయాల్లో త‌మ ప్ర‌భావాన్ని క్ర‌మంగా కోల్పోతున్నారు. అయితే, ఇప్పుడు వారు ఒక నిర్ణ‌యానికి వ‌చ్చార‌ని, త‌మ‌కంటూ నియోజ‌క‌వ‌ర్గాల‌ను ఎంచుకున్నార‌ని చెబుతున్నారు. కాగా, వారి స్వంత నియోజ‌క‌వ‌ర్గం ప‌ర‌కాల‌ను ఇక కొండా దంప‌తులు వ‌దిలేసిన‌ట్లే లెక్క‌.

కాంగ్రెస్‌లో ఒక‌ప్పుడు వెలుగు వెలిగిన కొండా దంప‌తులు త‌మ‌కు రాజకీయంగా గుర్తింపును ఇచ్చిన వైఎస్సార్ కుటుంబం కోసం మంత్రి, ఎమ్మెల్యే, ఎమ్మెల్సీ ప‌ద‌వుల‌ను కోల్పోయి ప్ర‌స్తుత ఏపీ ముఖ్య‌మంత్రి జ‌గ‌న్ వెంట న‌డిచారు. అప్ప‌టి నుంచి వీరికి క‌ష్టాలు ప్రారంభ‌మ‌య్యాయి.

త‌ర్వాత వైసీపీకి దూర‌మై అనూహ్యం వారు ఎంత‌గానో వ్య‌తిరేకించిన టీఆర్ఎస్ పార్టీలో చేరారు. 2014లో త‌మ స్వంత నియోజ‌క‌వ‌ర్గం ప‌ర‌కాల‌ను వ‌దులుకొని టీఆర్ఎస్ పార్టీ సూచించిన విధంగా కొండా సురేఖ వ‌రంగ‌ల్ ఈస్ట్ నుంచి పోటీ చేసి గెలిచారు.

ఆ త‌ర్వాత ఐదేళ్ల పాటు మ‌ళ్లీ ఎమ్మెల్యేగా వ‌రంగ‌ల్ జిల్లా రాజ‌కీయాల్లో కీల‌క‌మ‌య్యారు. ఒకానొక స‌మ‌యంలో ఆమెకు మంత్రి ప‌ద‌వి కూడా వ‌చ్చే అవ‌కాశం ఉంద‌ని అంతా భావించారు. దీంతో కొండా దంప‌తుల‌కు మ‌ళ్లీ పాత రోజులు వ‌చ్చిన‌ట్లే అని వారు అనుచ‌రులు సంబ‌ర‌ప‌డ్డారు. కానీ, హ‌రీష్‌రావు వ‌ర్గంగా ముద్ర ప‌డిన వారికి 2018 ఎన్నిక‌ల్లో టీఆర్ఎస్ క‌నీసం టిక్కెట్ కూడా ఇవ్వ‌లేదు. దీంతో కాంగ్రెస్‌లోకి వెళ్లి మ‌ళ్లీ ప‌ర‌కాల నుంచి పోటీ చేశారు.

ఇక్క‌డే వారు రాజ‌కీయంగా పొర‌పాటు నిర్ణ‌యం తీసుకున్నారు. మ‌ళ్లీ త‌మ స్వంత నియోజక‌వ‌ర్గం ప‌ర‌కాల అయితే సులువుగా గెల‌వ‌వ‌చ్చు అనుకున్నారు. కానీ, 2014 నుంచి 2018 వ‌ర‌కు ఎమ్మెల్యేగా ప‌ని చేసిన చ‌ల్లా ధ‌ర్మారెడ్డి ప‌ర‌కాల‌లో బాగా బ‌లం సంపాదించారు. ఒక‌ప్పుడు కొండా దంప‌తుల‌కు నియోజ‌క‌వ‌ర్గంలో బ‌ల‌మైన వ‌ర్గంగా ఉన్న నేత‌లంతా చ‌ల్లా వైపు వెళ్లారు. దీంతో ప‌ర‌కాల నుంచి గ‌త ఎన్నిక‌ల్లో కొండా సురేఖ ఓట‌మి పాల‌య్యింది.

ఆ త‌ర్వాత నియోజ‌క‌వ‌ర్గంలో ఆమె అంత చురుగ్గా ఉండ‌టం లేదు. కాగా, ఇప్పుడు వీరు ప‌ర‌కాల‌ను వీడాల‌నే నిర్ణ‌యానికి వ‌చ్చిన‌ట్లు తెలుస్తోంది. ఆమె ఎమ్మెల్యేగా ప‌నిచేసిన వ‌రంగ‌ల్ ఈస్ట్‌కే మ‌ళ్లీ వెళ్లాల‌ని భావిస్తున్నారు. ఇక్క‌డ కాంగ్రెస్ నుంచి ఎవ‌రూ స‌రైన నేత లేరు. దీంతో ఈస్ట్‌కు వెళితే వ‌చ్చే ఎన్నిక‌ల నాటికి బ‌ల‌ప‌డ‌వ‌చ్చ‌ని కొండా సురేఖ భావిస్తున్నారు. ఇక‌, కొండా ముర‌ళి సైతం వచ్చేసారి ప్ర‌త్య‌క్ష ఎన్నిక‌ల్లో పోటీ చేయాల‌ని నిర్ణ‌యించుకున్నారు.

ఆయ‌న భూపాల‌ప‌ల్లి నియోజ‌క‌వ‌ర్గాన్ని ఎంచుకున్నారు. ఇక్క‌డ కూడా కాంగ్రెస్‌కు స‌రైన నేత లేరు. కాంగ్రెస్ నుంచి గెలిచిన గండ్ర వెంక‌ట‌ర‌మ‌ణారెడ్డి టీఆర్ఎస్‌లోకి వెళ్లిపోయారు. దీంతో కొండా ముర‌ళి ఈ నియోజ‌క‌వ‌ర్గాన్ని ఎంచుకున్నారు. భూపాల‌ప‌ల్లిలో కొండా దంప‌తుల‌కు ప్ర‌త్యేకంగా వ‌ర్గం ఉంది. దీంతో ఇప్పటి నుంచే దృష్టి పెడితే ఎన్నిక‌ల నాటికి భూపాల‌పల్లిలో గెల‌వ‌వ‌చ్చ‌ని వారు భావిస్తున్నారు.

ఇప్పటికే ఈ రెండు నియోజ‌క‌వ‌ర్గాల్లో పార్టీ బాధ్య‌త‌ల‌ను వీరే తీసుకున్నారు. ఇటీవ‌ల మ‌ళ్లీ రాజ‌కీయంగా యాక్టీవ్ అవుతున్నారు. మున్సిప‌ల్ ఎన్నిక‌ల్లోనూ పార్టీ అభ్య‌ర్థులను గెలిపించుకునేందుకు తీవ్రంగానే ప్ర‌య‌త్నిస్తున్నారు.

అయితే, భూపాల‌ప‌ల్లిని ముర‌ళి, వ‌రంగ‌ల్ ఈస్ట్‌ను సురేఖ ఎంచుకుంటే ప‌ర‌కాల‌ను పూర్తిగా వ‌దిలేసిన‌ట్లే లెక్క‌. కాగా, త‌మ వార‌సురాలు సుశ్మిత‌ను ప్ర‌త్య‌క్ష రాజ‌కీయాల్లోకి తీసుకురావాల‌ని క‌ల‌లు క‌న్న కొండ దంప‌తులు ఇప్పుడు ఆ ఆలోచ‌న‌ను సైతం వాయిదా వేసుకున్నారు.

చేతులు మారుతున్న ఏపీలో పోర్టులు..  కాకినాడ పోర్టు అరబిందో కైవ‌సం?!

చేతులు మారుతున్న ఏపీలో పోర్టులు.. కాకినాడ పోర్టు అరబిందో కైవ‌సం?!

   12 hours ago


గ్రేటర్ వరద ప్రాంతాలలో రేవంత్ పర్యటన.. కారుని ఢీ కొడతారా?

గ్రేటర్ వరద ప్రాంతాలలో రేవంత్ పర్యటన.. కారుని ఢీ కొడతారా?

   13 hours ago


ఏపీకి మ‌ద్యం అక్ర‌మ ర‌వాణాలో కొత్త పుంత‌లు

ఏపీకి మ‌ద్యం అక్ర‌మ ర‌వాణాలో కొత్త పుంత‌లు

   14 hours ago


యూపీ సీఎం యోగి ఆదిత్యనాథ్ ను కలిసిన 'రవికిషన్'

యూపీ సీఎం యోగి ఆదిత్యనాథ్ ను కలిసిన 'రవికిషన్'

   14 hours ago


బీజేపీలో పురందేశ్వ‌రికి కీల‌క ప‌ద‌వి... సామాజిక స‌మీక‌ర‌ణే ఎజెండా

బీజేపీలో పురందేశ్వ‌రికి కీల‌క ప‌ద‌వి... సామాజిక స‌మీక‌ర‌ణే ఎజెండా

   15 hours ago


అంబటి భూకబ్జా లీకులు.. సొంత పార్టీ నేతలే టార్గెట్ చేశారా?

అంబటి భూకబ్జా లీకులు.. సొంత పార్టీ నేతలే టార్గెట్ చేశారా?

   15 hours ago


ఎన్‌డీఏకు అకాలీదళ్‌ గుడ్‌బై.. రైతు వ్యతిరేక బిల్లులపై విభేదం

ఎన్‌డీఏకు అకాలీదళ్‌ గుడ్‌బై.. రైతు వ్యతిరేక బిల్లులపై విభేదం

   16 hours ago


డీకే అరుణకి జాతీయ పదవి.. రెడ్డి సామాజికవర్గంపై బీజేపీ టార్గెట్?

డీకే అరుణకి జాతీయ పదవి.. రెడ్డి సామాజికవర్గంపై బీజేపీ టార్గెట్?

   16 hours ago


ఏపీని ముంచెత్తుతున్న భారీ వర్షాలు.. పంటనష్టం

ఏపీని ముంచెత్తుతున్న భారీ వర్షాలు.. పంటనష్టం

   17 hours ago


తెలంగాణలో ఆడపిల్లను లక్ష్మిలా కొలుస్తున్నారు.. మంత్రి హరీష్ రావు

తెలంగాణలో ఆడపిల్లను లక్ష్మిలా కొలుస్తున్నారు.. మంత్రి హరీష్ రావు

   19 hours ago


ఇంకా


      040 23600300

newsting
Daily Updates
facebooktwitterGooglewhatsappwhatsappGoogle