newssting
Radio
BITING NEWS :
విశాఖ జిల్లా అనకాపల్లి ముత్రాసు కాలనీలో విషాదం. అనారోగ్యంతో భార్య చనిపోవడంతో మనస్తాపం చెంది.. ఇద్దరు పిల్లలతో కలిసి ఆత్మహత్య చేసుకున్న తండ్రి. * కడప జిల్లా ముద్దనూరు మండలం కొత్తపల్లిలో రోడ్డు ప్రమాదం. క్యాంపర్ వాహనాన్ని ఢీ కొట్టిన లారీ, ఇద్దరు మృతి. మృతులు తొండూరు మండలం మల్యాల వాసులుగా గుర్తింపు. * తెలంగాణలో భారీగా పెరిగిన కరోనా కేసులు. కొత్తగా 684 పాజిటివ్ కేసులు నమోదు, ముగ్గురు మృతి. * భద్రాచలం చెక్ పోస్ట్ వద్ద పోలీసుల తనిఖీల్లో పట్టుబడిన గంజాయి. రూ. 30 లక్షలు విలువైన రెండు క్వింటాళ్ల గంజాయి స్వాధీనం. రెండు కార్లు సీజ్, ముగ్గురు అరెస్ట్. * గుంటూరు జిల్లా తాడేపల్లి పరిసర ప్రాంతాల్లో విస్తరిస్తున్న డ్రగ్ కల్చర్. యూనివర్శిటీలు, కాలేజీలు టార్గెట్ గా డ్రగ్స్ అమ్మకాలు చేపట్టిన మాఫియా. గంజాయితో పాటు సింథటిక్ డ్రగ్స్ విక్రయాలు. ఎండీఎంఏ ట్యాబ్లెట్స్ ను పట్టుకున్న ఎస్ఈబీ అధికారులు. * ఈస్ట్ ఢిల్లీ రెడీమేడ్ వస్త్ర కారాగారంలో భారీ అగ్నిప్రమాదం. మంటలార్పుతున్న 15 ఫైరింజన్లు.

కేటీఆర్‌కు లైన్ క్లియ‌ర్‌... ఇక ఆ కుర్చీ ఎక్క‌డ‌మే మిగిలింది..!

14-08-202014-08-2020 08:25:09 IST
Updated On 14-08-2020 08:54:16 ISTUpdated On 14-08-20202020-08-14T02:55:09.303Z14-08-2020 2020-08-14T02:55:04.315Z - 2020-08-14T03:24:16.565Z - 14-08-2020

కేటీఆర్‌కు లైన్ క్లియ‌ర్‌... ఇక ఆ కుర్చీ ఎక్క‌డ‌మే మిగిలింది..!
facebooktwitterGooglewhatsappwhatsappGoogle
తెలంగాణ భ‌విష్య‌త్ ముఖ్య‌మంత్రి, టీఆర్ఎస్ భావి సార‌థి, కేసీఆర్ రాజ‌కీయ వార‌సుడు ఎవ‌రు అనే మూడు ప్ర‌శ్న‌లు గ‌తంలో ఎక్కువ‌గా వినిపించేవి. తెలంగాణ రాజ‌కీయాల‌ను ఈ మూడు ప్ర‌శ్న‌లు మార్చేస్తాయ‌ని చాలా మంది న‌మ్మేవారు. ఈ విష‌యంలో ముఖ్య‌మంత్రి కేసీఆర్ తీసుకునే నిర్ణ‌యాల‌ను బ‌ట్టి రాష్ట్రంలో రాజ‌కీయ స‌మీక‌ర‌ణాలు మార‌తాయ‌ని అంతా అనుకునే వారు. వార‌స‌త్వం విష‌యంలో కేసీఆర్ నిర్ణ‌యం త‌ర్వాత టీఆర్ఎస్‌లో లుక‌లుక‌లు మొద‌ల‌వుతాయ‌ని, అవి త‌మ‌కు క‌లిసొస్తాయ‌ని ప్ర‌తిప‌క్ష పార్టీలు కూడా చాలా ఆశ‌లు పెట్టుకునేవి.

కానీ, ఎటువంటి అసంతృప్తులు లేకుండానే ముఖ్య‌మంత్రి కేసీఆర్ త‌న రాజ‌కీయ వార‌సుడిపై ఒక క్లారిటీ ఇచ్చేశారు. వ్యూహాత్మ‌కంగా పార్టీలో కేటీఆర్‌ను కీల‌కం చేసిన కేసీఆర్ ఇప్పుడు ప్ర‌భుత్వంలోనూ ఆయ‌న‌నే ముఖ్యుడిగా చేశారు. ఎంత‌లా అంటే.. కేసీఆర్ లేకుండానే కేటీఆర్ అధ్య‌క్షత‌న మంత్రివ‌ర్గం భేటీ జ‌రిగేంత ప్రాధాన్య‌త కేటీఆర్‌కు వ‌చ్చింది. బుధ‌వారం జ‌రిగిన మంత్రివ‌ర్గ భేటీ ముఖ్య‌మంత్రి కేసీఆర్ లేకుండా కేటీఆర్ అధ్య‌క్ష‌త‌న జ‌రిగింది. ఇది తెలంగాణ రాజ‌కీయాల‌కు సంబంధించి చాలా కీల‌క ప‌రిణామం. భ‌విష్య‌త్ ముఖ్య‌మంత్రి ఎవ‌ర‌నే ఒక హింట్ ఇస్తున్న‌ట్లుగా ఈ స‌మావేశం ఉంది.

తెలంగాణ ముఖ్య‌మంత్రి కేసీఆర్ వార‌సుడి విష‌యంలో కుమారుడు కేటీఆర్‌, అల్లుడు హ‌రీష్‌రావు న‌డుమ పోటీ ఉంటుంద‌ని అంతా భావించారు. ఒక‌రికి వార‌స‌త్వాన్ని ఇస్తే మ‌రొక‌రు అసంతృప్తికి లోన‌వుతార‌నే చ‌ర్చ జ‌రిగేది. ఒకానొక స‌మ‌యంలో హ‌రీష్‌రావును వ్యూహాత్మ‌కంగా ప‌క్క‌న పెడుతున్నార‌నే ప్ర‌చారం జ‌రిగింది. హ‌రీష్ రావును క్ర‌మంగా తెర వెన‌క‌కు నెట్టి కేటీఆర్‌కు లైన్ క్లీయ‌ర్ చేయాల‌నే ఆలోచ‌న‌తో ముఖ్య‌మంత్రి కేసీఆర్ ఉన్నార‌నే విశ్లేష‌ణ‌లు వినిపించాయి. ఇలా చేసిన త‌ర్వాత హ‌రీష్ ఎటువంటి అడుగు వేస్తార‌నే అంశం రాష్ట్ర రాజ‌కీయాల్లో కీల‌కంగా ఉంటుంద‌ని అంతా అనుకున్నారు.

కానీ, ఇటువంటి డైల‌మాలు, హంగామాలు లేకుండా సాఫీగా కేసీఆర్ త‌న వారసుడిగా కేటీఆర్‌ను ముఖ్య‌మంత్రి పీఠానికి ద‌గ్గ‌ర చేస్తున్నారు. మొద‌ట కేటీఆర్‌కు పార్టీ వ‌ర్కింగ్ ప్ర‌సిడెంట్ బాధ్య‌త‌లు అప్పగించి పార్టీని చాలా వ‌ర‌కు కేటీఆర్ చేతుల్లో పెట్టారు. ఈ బాధ్య‌త‌ల‌ను కేటీఆర్ స‌మ‌గ్రంగా నిర్వ‌హిస్తున్నారు. ఇప్పుడు పార్టీ వ్య‌వ‌హారాలు అన్నీ కేటీఆర్ క‌నుస‌న్న‌ల్లోనే న‌డుస్తున్నాయి. పార్టీ శ్రేణుల‌కు, నాయ‌కుల‌కు ఆయ‌నే దిశానిర్దేశం చేస్తున్నారు. అన్ని ఎన్నిక‌ల బాధ్య‌త‌ల‌ను కేటీఆర్ చూసుకుంటున్నారు.

ఇలా పార్టీపై పూర్తిగా గ్రిప్ సంపాదించిన త‌ర్వాత ప్ర‌భుత్వంలోనూ కేటీఆర్ కొంత‌కాలంగా కీ రోల్ పోషిస్తున్నారు. ముఖ్య‌మంత్రి కేసీఆర్‌తో పాటు కేటీఆర్ కూడా అన్ని శాఖ‌ల‌పైన ప్ర‌త్యేక దృష్టి పెడుతున్నారు. మంత్రుల‌కు ఆయ‌న నేరుగానే ఆదేశాలు ఇస్తున్నారు. మంత్రులు కూడా కేటీఆర్ ఆదేశాల‌ను పాటిస్తూ వ‌స్తున్నారు. ఇలా ప్ర‌భుత్వంపైన కూడా కేటీఆర్ ప‌ట్టు పెరిగింది. ఈ నేప‌థ్యంలో 2013 ఎన్నిక‌ల‌కు ముందే కేటీఆర్‌ను ముఖ్య‌మంత్రి పీఠంపై కూర్చోబెడ‌తార‌నే ప్ర‌చారం జోరుగా సాగుతోంది.

పార్టీ నేత‌ల్లో కూడా ఇదే ప్ర‌చారం ఉంది. అందుకే చాలా మంది టీఆర్ఎస్ నేత‌లు కేటీఆర్‌ను ప్ర‌స‌న్నం చేసుకోవ‌డానికే ఎక్కువ‌గా తాప‌త్ర‌య‌ప‌డుతున్నారు. ఎన్నిక‌ల‌కు ముందే కేటీఆర్‌ను ముఖ్యమంత్రిని చేసి ఆయ‌న సార‌థ్యంలోనే వ‌చ్చే ఎన్నిక‌ల‌కు వెళ్లాల‌నే ఆలోచ‌న‌లో కేసీఆర్ ఉన్న‌ట్లు ప్ర‌చారం జ‌రుగుతోంది. తాజాగా కేసీఆర్ లేకుండానే కేటీఆర్ మంత్రివ‌ర్గ స‌మావేశాన్ని నిర్వ‌హించ‌డం ఈ ప్ర‌చారానికి మ‌రింత ఊతమిచ్చింది.

అయితే, గ‌తంలో అనుకున్న‌ట్లుగా వార‌స‌త్వం విష‌యంలో ఇప్పుడు టీఆర్ఎస్‌లో ఎటువంటి అనుమానాలు, అసంతృప్తులు లేవు. అంతా సాఫీగా సాగుతున్న‌ది. కేటీఆర్‌కు ముఖ్య‌మంత్రి పీఠంపైకి లైన్ క్లీయ‌ర్ అయ్యింది. అయితే, తానే ముఖ్య‌మంత్రిగా కొన‌సాగుతాన‌ని కేసీఆర్ ప‌దేప‌దే చెబుతున్నారు. ఇదే స‌మ‌యంలో కొంద‌రు మంత్రులు మాత్రం కాబోయే ముఖ్య‌మంత్రి కేటీఆర్ అని చెబుతున్నారు.

 

బీజేపీకి  70 సీట్లోస్తే గొప్పే : మమత

బీజేపీకి 70 సీట్లోస్తే గొప్పే : మమత

   13 hours ago


బీజేపీపైనా ఈసీ కొరడా.. 48 గంటల నిషేధం.. సువేందుకు వార్నింగ్

బీజేపీపైనా ఈసీ కొరడా.. 48 గంటల నిషేధం.. సువేందుకు వార్నింగ్

   14 hours ago


ష‌ర్మిల దీక్ష‌..ర‌చ్చ ఫిక్స్..ప‌ర్మిష‌న్ ప్రాబ్ల‌మ్

ష‌ర్మిల దీక్ష‌..ర‌చ్చ ఫిక్స్..ప‌ర్మిష‌న్ ప్రాబ్ల‌మ్

   14 hours ago


మా పద్దతి మాకుంది..! టిక్కెట్ల పంపిణీపై ప్రశాంత్ కిషోర్ పాత్ర లేదు.

మా పద్దతి మాకుంది..! టిక్కెట్ల పంపిణీపై ప్రశాంత్ కిషోర్ పాత్ర లేదు.

   18 hours ago


ఏపీ, తెలంగాణ‌లో ఉత్కంఠ‌.. ఈ ఒక్క‌రోజు చాలా ఇంపార్టెంట్

ఏపీ, తెలంగాణ‌లో ఉత్కంఠ‌.. ఈ ఒక్క‌రోజు చాలా ఇంపార్టెంట్

   19 hours ago


సై అంటే సై అంటున్న లోకేశ్.. నై అంటే నై అంటున్న జ‌గ‌న్

సై అంటే సై అంటున్న లోకేశ్.. నై అంటే నై అంటున్న జ‌గ‌న్

   17 hours ago


ఇరానీ అమ్మాయిల చేతిలో తెలంగాణ  ఎమ్మెల్యేల లిస్ట్

ఇరానీ అమ్మాయిల చేతిలో తెలంగాణ ఎమ్మెల్యేల లిస్ట్

   20 hours ago


స్ట్రీట్ ఫైటర్ని.. తల వంచను : మమత

స్ట్రీట్ ఫైటర్ని.. తల వంచను : మమత

   20 hours ago


సాగర్ ఎన్నికల ప్రచారం.. కాంగ్రెస్, టీఆర్ఎస్ కార్యకర్తల మధ్య పెద్ద గొడవే..!

సాగర్ ఎన్నికల ప్రచారం.. కాంగ్రెస్, టీఆర్ఎస్ కార్యకర్తల మధ్య పెద్ద గొడవే..!

   15 hours ago


ఎమ్మెల్యేల డ్ర‌గ్స్ కేసు.. చాలామంది ఉన్నారంటోన్న నిందితుడు

ఎమ్మెల్యేల డ్ర‌గ్స్ కేసు.. చాలామంది ఉన్నారంటోన్న నిందితుడు

   a day ago


ఇంకా


      040 23600300

newsting
Daily Updates
facebooktwitterGooglewhatsappwhatsappGoogle