కేంద్రం తీరుపై మండిపడ్డ కేసీయార్.. ప్యాకేజ్ పచ్చిమోసం

18-05-202018-05-2020 20:44:44 IST
Updated On 19-05-2020 08:00:11 ISTUpdated On 19-05-20202020-05-18T15:14:44.071Z18-05-2020 2020-05-18T15:14:26.247Z - 2020-05-19T02:30:11.413Z - 19-05-2020

కేంద్రం తీరుపై మండిపడ్డారు తెలంగాణ సీఎం కేసీయార్. కేంద్రం ప్రకటించిన ఆత్మనిర్బర్ ప్యాకేజీ అంతా డొల్ల అన్నారు. రాష్ట్రంలో కంటైన్మెంట్‌ ఏరియాలు తప్ప మిగిలిన అన్ని ప్రాంతాలను గ్రీన్‌ జోన్లుగా తెలంగాణ సీఎం కేసీఆర్‌ ప్రకటించారు. ఇక ఇప్పటికే 29 దాకా లాక్ డౌన్ ప్రకటించామన్న ఆయన కేంద్రం చెప్పినట్టు తెలంగాణలోనూ 31 వరకు లాక్‌డౌన్‌ను కొనసాగిస్తామని తెలిపారు.

కంటైన్మెంట్‌ ఏరియాలలో కేవలం 1452 కుటుంబాలు మాత్రమే ఉన్నాయని ఆయన స్పష్టం చేశారు. ఇక తెలంగాణలో లాక్‌డౌన్‌ మార్గదర్శకాల గురించి ఆయన వివరించారు. కంటైన్మెంట్‌ ఏరియాలో లాక్‌డౌన్‌ అమలులో ఉంటుందని,  పూర్తిగా పోలీసు పహారాలోనే కంటైన్మెంట్‌ ఏరియా ఉంటుందని పేర్కొన్నారు. కంటైన్మెంట్‌ ఏరియాలో ఉండే కుటుంబాలకు నిత్యావసరాలు ప్రభుత్వమే సరఫరా చేస్తుందని సీఎం కేసీఆర్‌ పేర్కొన్నారు. ఇక కరోనాకు వ్యాక్సిన్‌ రేపోమాపో వచ్చే పరిస్థితి లేదని ప్రపంచం అంగీకరించిందన్న ఆయన కరోనాతో కలసి జీవించడం నేర్చుకోవాలని అన్నారు. బతుకుదెరువు కోసం అన్ని జాగ్రత్తలు తీసుకొని ముందుకు పోవాలని ఆయన చెప్పుకొచ్చారు.  

ఇవాళ్టి  కేబినెట్‌ సమావేశంలో కేంద్ర మార్గదర్శకాలపై విస్తృతంగా చర్చించినట్లు  చెప్పారు. అధికారులతో మాట్లాడి వ్యూహరచన చేసినట్లు వివరించారు.   రాష్ట్రంలో కంటైన్మెంట్‌ ఏరియాలు  మినహా.. మిగతావన్నీ గ్రీన్‌జోన్లేనని పేర్కొన్నారు. కేబినెట్‌ సమావేశం అనంతరం సీఎం మీడియా సమావేశంలో మాట్లాడారు. హైదరాబాద్‌ నగరం తప్ప అన్నిచోట్లా అన్ని దుకాణాలు తెరుచుకోవచ్చు. హైదరాబాద్‌లో జీహెచ్‌ఎంసీ కమిషనర్‌ ఎక్కడ దుకాణాలు తెరవాలో ప్రకటిస్తారని' సీఎం పేర్కొన్నారు. సిటీ బస్సులు తప్ప ఆటోలు తిరుగుతాయన్నారు. తెలంగాణ ప్రయోజనాలు కాపాడేందుకు ఎలాంటి రాజీ పడబోమన్నారు. పోతిరెడ్డిపాడు విషయంలో ఏపీ తీరుని ఆయన తప్పుబట్టారు.