కృష్ణా నదిలో ప్రమాదం.. పుట్టిమునిగి నలుగురు గల్లంతు

18-08-202018-08-2020 08:17:19 IST
2020-08-18T02:47:19.195Z18-08-2020 2020-08-18T02:37:06.854Z - - 17-04-2021

భారీవర్షాల కారణంగా కృష్ణమ్మ పరుగులు పెడుతోంది. తాజాగా కృష్ణా నదిలో పుట్టి మునిగి నలుగురు గల్లంతవడంతో విషాదం నెలకొంది,  నారాయణపేట జిల్లా మక్తల్ మండలం పస్పల వద్ద ఈ ప్రమాదం చోటు చేసుకుంది. కృష్ణా నదిని దాటే క్రమంలో పుట్టి నీటిలో మునిగిపోయిందని తెలుస్తోంది.  గల్లంతైన వారి కోసం అధికారులు గాలింపు చర్యలు చేపట్టారు.

ఎదురుగా వస్తున్న పుట్టిలోని ప్రయాణికులు సకాలంలో స్పందించి పలువురు ప్రయాణికులను కాపాడడంతో ప్రమాదం తీవ్రత తగ్గింది. నారాయణపేట జిల్లా పస్పల గ్రామం నుంచి సుమారు 20 మంది కూలీలు పుట్టిల్లో కర్ణాటక రాష్ట్రంలోని కురవాపురం గ్రామానికి బయల్దేరారు. 

మార్గమధ్యంలో నదిని దాటే క్రమంలో పుట్టి ప్రమాదవశాత్తూ నీటిలో మునిగింది. వెంటనే మరో పుట్టిలోని ప్రయాణికులు అప్రమత్తమై నీటిలో మునిగిన కొంతమందిని సురక్షితంగా ఒడ్డుకు చేర్చారు. 11 మందిని కాపాడగలిగారు.  గల్లంతైన వారిలో ముగ్గురు మహిళలు, ఓ చిన్నారి ఉన్నారు. నది ఉధృతంగా ప్రవహిస్తుండటంతో పుట్టి కోసం వెళ్లిన వారు వెనక్కి వచ్చారు.

ఘటన ఎలా జరిగింది, ఘటనపై సమాచారం అందుకున్న అధికారులు, సహాయక సిబ్బంది గల్లంతైనవారి కోసం గాలింపు చేపట్టారు. ఈఘటనలో గల్లంతైన వారు కురవపురానికి చెందిన తల్లి సుమలత, కుమార్తె రోజా, పార్వతమ్మ, నరసమ్మగా గుర్తించారు.