కుక్కను కాపాడడం కోసం సాహసం చేసిన తెలంగాణ పోలీసు

17-09-202017-09-2020 22:52:36 IST
Updated On 17-09-2020 22:53:29 ISTUpdated On 17-09-20202020-09-17T17:22:36.007Z17-09-2020 2020-09-17T17:22:33.989Z - 2020-09-17T17:23:29.241Z - 17-09-2020

వీధి కుక్కలను పట్టించుకునే నాథులే ఉండరు. ఏదో దారిలో దొరికినవి తింటూ ఎండకు ఎండుతూ.. వానకు తడుస్తూ అలా అలా బ్రతికేస్తూ ఉంటాయి. అలాంటిది ఓ  వీధికుక్క ప్రమాదంలో ఉందని తెలుసుకున్న ఓ పోలీసు.. ఆ కుక్క ప్రాణాన్ని కాపాడడానికి ఎంతగానో కష్టపడ్డాడు. చివరికి తన ప్రాణాలకు కూడా రిస్క్ అని తెలిసినా కూడా అతడు ధైర్యంగా ఆ కుక్కను కాపాడాడు.

నాగర్ కర్నూలుకు చెందిన హోమ్ గార్డు ముజీబ్ వాగులో కొట్టుకుపోతున్న వీధి కుక్కను కాపాడాడు. తెలంగాణలో ఇటీవల కురిసిన వర్షాలకు వాగులు, వంకలు పోటెత్తుతూ ఉన్నాయి. అలా ఓ ప్రవాహం దగ్గర కుక్క చిక్కుకుపోయింది. కొన్ని ముళ్ల చెట్ల మధ్య అది ఉండిపోయింది. ఎటూ వెళ్లలేని పరిస్థితి..! వరద ఉధృతి పెరిగినా నీటిలో కొట్టుకుపోతుంది. ఆ కుక్క పరిస్థితిని గమనించిన ముజీబ్ జేసీబీ సహాయంతో నీటి లోకి దిగాడు. మొదట ఆ కుక్క కూడా చాలా భయపడింది.. అది గమనించిన ముజీబ్ దాన్ని సముదాయించాడు. ఒకానొక దశలో ఆ కుక్క కూడా అతడి చేతిలో నుండి జారిపోవడం.. అతడు కూడా జారిపోయే వాడే.. కానీ ఎట్టకేలకు ఆ వరదలో నిలబడ్డాడు. జేసీబీ మీద కుక్కను ఉంచి తాను కూడా సపోర్ట్ తీసుకున్నాడు. అలా జేసీబీ బకెట్ మీద కుక్కను ఉంచి ప్రాణాలను కాపాడాడు. ముజీబ్ చేసిన మంచి పనికి సర్వత్రా అభినందనలు లభిస్తూ ఉన్నాయి.