newssting
BITING NEWS :
*భారత్ లో అమెరికా అధ్యక్షుడు ట్రంప్ పర్యటన.. భారీ భద్రతా ఏర్పాట్లు *చిత్తూరు జిల్లాలో గుప్త నిధుల తవ్వకాల కలకలం..శ్రీ చౌడేశ్వరి ఆలయం వెనకాల ప్రాంతంలో తవ్వకాలు *ఆదిలాబాద్‌ గుడిహత్నూర్‌లో దారుణం....బాలికపై ఇద్దరు కామాంధుల అత్యాచారం* చైనాలో కొనసాగుతున్న కరోనా మరణమృదంగం....ఇప్పటివరకు 2వేల 460కి చేరిన కొవిడ్-19 మృతుల సంఖ్య*ఒడిశా : పూరీ జిల్లా పిప్పిలి ప్రాంతంలో ఏనుగుల బీభత్సం...ఏనుగుల దాడిలో ముగ్గురు మృతి.., ఐదుగురికి గాయాలు *గుజరాత్‌లోని వడోదరలో ఘోర రోడ్డు ప్రమాదం..ట్రక్కు- టెంపో ఢీ, 11మంది మృతి *68వ రోజు కొనసాగుతున్న రాజధాని రైతుల ఆందోళన... హైకోర్టు ఆదేశాలతో తుళ్లూరులో ఎంక్వైరీ చేపట్టిన పోలీసులు* ఢిల్లీలోని జఫ్రాబాద్ మెట్రో స్టేషన్‌లో సీఏఏకు వ్యతిరేకంగా ఆందోళనలు..భారీగా తరలివచ్చిన మహిళలు*తిరుమలలో మరోసారి ప్రత్యక్షమైన బంగారు బల్లి.. చూసేందుకు బారులు తీరిన భక్తులు....శిలాతోరణం చక్రతీర్థంలో బంగారు బల్లి ప్రత్యక్షం

కాంగ్రెస్‌ తత్వం.. రేవంత్‌కు బోధపడిందా?

20-09-201920-09-2019 16:55:36 IST
Updated On 20-09-2019 17:18:12 ISTUpdated On 20-09-20192019-09-20T11:25:36.032Z20-09-2019 2019-09-20T11:25:30.964Z - 2019-09-20T11:48:12.324Z - 20-09-2019

కాంగ్రెస్‌ తత్వం.. రేవంత్‌కు బోధపడిందా?
facebooktwitterGooglewhatsappwhatsappGoogle
కాంగ్రెస్‌ పార్టీలో రేవంత్‌రెడ్డి ఒంటరి అవుతున్నారా? మిగతా నేతలంతా ఆయన్ను టార్గెట్‌ చేస్తున్నారా? ఇప్పుడిప్పుడు కాంగ్రెస్‌ మార్క్‌ రాజకీయం రేవంత్‌కు బోధపడుతుందా? ఇలాంటి ప్రశ్నలు రాజకీయ పరిజ్ఞానం కలిగిన ప్రతీఒక్కరి నుండి వినిపిస్తున్నాయి. టీడీపీలో దూకుడుగా వెళ్లిన రేవంత్‌.. కాంగ్రెస్‌లోనూ అదే దూకుడును ప్రదర్శిస్తూ వస్తున్నాడు. ఎమ్మెల్యేగా ఓడిపోయినా.. ఎంపీగా గెలిచినా.. రాజకీయంగా తన దూకుడు ప్రవర్తనను ఏమాత్రం తగ్గించుకోవటం లేదు.. ఫలితంగా నా అనుకున్నవారుసైతం ఆయన్ను దూరం పెడుతున్నట్లు రాజకీయ విశ్లేషకులు పేర్కొంటున్నారు.

టీపీసీసీ చీఫ్‌ పదవి రేవంత్‌రెడ్డికి దక్కుతుందని కొద్దిరోజుల క్రితం వార్తలొచ్చాయి. ఆయన కుటుంబ సమేతంగా సోనియాగాంధీని కలిసొచ్చారు. ఇక రేవంతే తెలంగాణ కాంగ్రెస్‌ సారధి అని కాంగ్రెస్‌ శ్రేణులు భావించాయి. రాత్రికి రాత్రే కథ అడ్డంతిరిగింది. అధికారికంగా ప్రకటించడానికి ముందు కొందరు నేతలు చక్రం తిప్పడంతో కాంగ్రెస్‌ అధిష్టానం వెనక్కి తగ్గింది. మున్సిపల్‌ ఎన్నికల తరువాత టీపీసీసీ అధ్యక్షుడిని నియమిద్దామని, ఇప్పుడు నియమిస్తే మున్సిపల్‌ ఎన్నికల్లో ఇబ్బంది పడాల్సి వస్తుందని కేంద్ర పార్టీ అధిష్టానం పేర్కొంది. దీంతో టీపీసీసీ అధ్యక్ష ఎన్నిక విషయం మరుగున పడింది.

ఇదే సమయంలో హుజూర్‌ నగర్‌ ఉప ఎన్నికల అంశం తెరపైకి వచ్చింది. ఉపఎన్నిక అభ్యర్థి విషయమై రేవంత్‌ కీలక కామెంట్‌ చేశారు. ఉప ఎన్నికలో కాంగ్రెస్‌ అభ్యర్థిగా టీపీసీసీ చీఫ్‌ ఉత్తమ్‌ తన సతీమణి పద్మావతి పేరును ప్రకటించడంపై రేవంత్‌రెడ్డి తీవ్ర అభ్యంతరం వ్యక్తం చేశారు. పార్టీ రాష్ట్ర వ్యవహారాల ఇంఛార్జ్‌ కుంతియాకు ఆయన ఫిర్యాదు చేశారు. ఉత్తమ్‌ ఏకపక్షంగా వ్యవహరిస్తున్నారని.. హుజుర్‌ నగర్‌ టికెట్‌ అంశంపై ఎవరినీ సంప్రదించకుండా నిర్ణయం తీసుకున్నారని కుంతియాకు రేవంత్‌ రెడ్డికి ఫిర్యాదు చేశారు. ఉత్తమ్‌కు షోకాజ్‌ నోటీసు ఇవ్వాలని కోరారు.

దీనికితోడు రాష్ట్ర ప్రభుత్వం విద్యుత్‌ కొనుగోళ్లలో అవినీతికి పాల్పడిందని రేవంత్‌ టీవీ చర్చల వేదికగా ఆరోపణలు గుప్పిస్తున్నారు. ఇంత చెబుతున్నా.. కాంగ్రెస్‌ ఎమ్మెల్యేలు అసెంబ్లిలో ఎందుకు ప్రస్తావించటం లేదని రేవంత్‌ కాంగ్రెస్‌ అధిష్టానాన్ని ప్రశ్నించినట్లు తెలుస్తోంది. ఇక్కడే రేవంత్‌ రెడ్డి దూకుడు బెడిసికొట్టినట్లు రాజకీయ విశ్లేషకులు పేర్కొంటున్నారు. రేవంత్‌రెడ్డి అటు హుజూర్‌నగర్‌ విషయాన్ని, ఇటు అసెంబ్లిలో ఎమ్మెల్యేలను టార్గెట్‌ చేసి మాట్లాడటంతో కాంగ్రెస్‌ నేతల నుంచి వ్యతిరేత తారాస్థాయికి చేరినట్లు తెలుస్తోంది. నిన్నకాక మొన్న పార్టీలోకి వచ్చిన వ్యక్తి మమ్మల్ని ప్రశ్నించేంత స్థాయికి ఎదిగాడా.. అన్న రీతిలో సీనియర్‌ నేతలుసైతం రేవంత్‌ను దూరం పెట్టారు.దీంతో కాంగ్రెస్‌ నేతల దాడి మొదలైంది. 

ఈ విషయంలో కోమటిరెడ్డి వెంకట్‌ రెడ్డి, వీహెచ్‌, జగ్గారెడ్డి లాంటి సీనియర్‌ నేతలంతా ఉత్తమ్‌ కుమార్‌ రెడ్డికి మద్దతుగా నిలిచారు. నల్గొండ రాజకీయాలతో నీకేంపనంటూ రేవంత్‌ను నిలదీశారు. పద్మావతిని గెలిపించుకునే బాధ్యత తమదని నల్గొండ నేతలంతా చెబుతుంటే.. నువ్వు మాట్లాడాల్సిన అవసరం ఏమొచ్చిందని రేవంత్‌రెడ్డిని సీనియర్‌ నేతలంతా ప్రశ్నించారు. వీహెచ్‌లాంటి నేతలైతే ఇది ప్రాంతీయ పార్టీ కాదంటూ రేవంత్‌కి హిత బోధ చేశారు. 

వీరే కాకుండా రేవంత్‌ కంటే జూనియర్లు అయిన వంశీచంద్‌ రెడ్డి, సంపత్‌ లాంటి వారుసైతం.. మల్కాజిగిరి ఎంపీని టార్గెట్‌ చేశారు. దీంతో రేవంత్‌ రెడ్డిని కాంగ్రెస్‌ ముఖ్య నేతలంతా టార్గెట్‌ చేశారా? అనే అనుమానం కలుగుతోంది. కాంగ్రెస్‌ పగ్గాలను చేతిలోకి తీసుకోవాలని రేవంత్‌ రెడ్డి భావిస్తుంటే.. మిగతా నేతలంతా ఆయనకు వ్యతిరేకంగా ఏకం అవుతున్న తీరు ఆశ్చర్యం కలిగిస్తోంది. ఈ వ్యవహారం చూసిన టీఆర్‌ఎస్‌ నేతలు, కాంగ్రెస్‌లోని పలువురు నేతలంతా రేవంత్‌కు ఇప్పటికైనా కాంగ్రెస్‌ తత్వం బోధపడినట్లేనా అంటూ ఛలోక్తులు విసురుతున్నారు.


NewsSting Team


      040 23600300

newsting
Daily Updates
facebooktwitterGooglewhatsappwhatsappGoogle