newssting
BITING NEWS :
*ఆర్టీసీ జేఏసీ బంద్ విజయవంతం..బయటకు రాని బస్సులు.. పలువురు నేతల అరెస్ట్ *తెలంగాణ సీఎస్‌, టీఎస్ఆర్టీసీ ఎండీకి బీసీ కమిషన్‌ నోటీసులు *మంచిర్యాలలో రిటైర్డ్‌ ప్రభుత్వ వైద్యుడి ఇంట్లో ఎన్‌ఐఏ సోదాలు *ఇస్లామాబాద్ : పాక్ లో ఇమ్రాన్ కు నిరసన సెగలు*హైదరాబాద్ : ఈఎస్ఐ జాయింట్ డైరెక్టర్ పద్మ ఆత్మహత్యాయత్నం *హైదరాబాద్ : బంద్ విజయవంతం-23న ఓయూలో ఆర్టీసీ బహిరంగ సభ*తెలంగాణ ఆర్టీసీ సమ్మెకు మద్దతుగా ఎపీలో నిరసనలు *అమరావతి : తెలుగుదేశాన్ని విలీనం చేస్తానంటే హై కమాండ్ తో మాట్లాడతా : జీవీఎల్*విజయవాడ : తెలుగుదేశం ఎమ్మెల్యే వంశీపై ఫోర్జరీ కేసు

కాంగ్రెస్‌లో నువ్వా.. నేనా..!

19-09-201919-09-2019 14:59:20 IST
Updated On 19-09-2019 18:19:40 ISTUpdated On 19-09-20192019-09-19T09:29:20.288Z19-09-2019 2019-09-19T09:29:13.919Z - 2019-09-19T12:49:40.852Z - 19-09-2019

కాంగ్రెస్‌లో నువ్వా.. నేనా..!
facebooktwitterGooglewhatsappwhatsappGoogle
కాంగ్రెస్‌ పార్టీలో వర్గపోరు తీవ్రరూపం దాల్చుతోంది. అధికారంలో లేకపోయినా ఆధిపత్యం కోసం కాలుదువ్వుతున్నారు. ప్రధానంగా టీపీసీసీ ఉత్తమ్‌ కుమార్‌రెడ్డి వర్కింగ్‌ ప్రెసిడెంట్‌ రేవంత్‌రెడ్డి వర్గీయుల మధ్య పచ్చగడ్డి వేస్తే భగ్గుమనే స్థాయిలో విబేధాలు నెలకొన్నట్లు తెలుస్తోంది. కాంగ్రెస్‌ పార్టీలో ఉన్న కీలక నేతలుసైతం ఉత్తమ్‌, రేవంత్‌ వర్గీయులుగా విడిపోయినట్లు సమాచారం. ప్రస్తుతం టీపీసీసీ ప్రెసిడెంట్‌గా ఉత్తమ్‌ కుమార్‌రెడ్డి ఉన్నారు. కాగా ఆయన స్థానంలో వేరేవారిని నియమించేందుకు కేంద్ర పార్టీ నాయకత్వం ఇటీవల ప్రయత్నాలు ప్రారంభించింది. కానీ మున్సిపల్‌ ఎన్నికల నేపథ్యంలో ప్రెసిడెంట్‌ మార్చటం సరికాదని భావించి పీసీసీ చీఫ్‌ మార్పులో వెనుకడుగు వేసింది.

టీపీసీసీ మార్పుపై దృష్టిసారించిన కేంద్ర పార్టీ నాయకత్వం.. పలువురి పేర్లను పరిశీలిస్తున్నట్లు తెలిసింది. వీరిలో ముందు వరుసలో తెలంగాణ మాస్‌ లీడర్‌గా పేరొందిన టీపీసీసీ వర్కింగ్‌ ప్రెసిడెంట్‌ రేవంత్‌రెడ్డిదే ఉన్నట్లు ఆ పార్టీ నేతలు పేర్కొంటున్నారు. రేవంత్‌రెడ్డి అయితే క్షేత్రస్థాయిలో పార్టీని బలోపేతం చేయటమే కాకుండా.. టీఆర్‌ఎస్‌ వైపు వెళ్లిన మాస్‌ ఓటింగ్‌ను కాంగ్రెస్‌వైపు తిప్పగిలిగే అవకాశం ఉంటుందని కేంద్ర పార్టీ అధిష్టానం భావిస్తున్నట్లు తెలిసింది. ఈ నేపథ్యంలో ఇటీవల రేవంత్‌ రెడ్డి తన కుటుంబ సభ్యులతో వెళ్లి సోనియాగాంధీని కలిశారు. ఈ ఫొటోలు అప్పట్లో కాంగ్రెస్‌ పెద్దచర్చకు దారితీశాయి.

వీహెచ్‌, సంపత్‌ కుమార్‌ లాంటి పలువురు నేతలు రేవంత్‌కు ప్రెసిడెంట్‌ పదవి ఇవ్వటం సరికాదని, నిన్నమొన్న పార్టీలోకి వచ్చిన వారికి అధ్యక్ష బాధ్యతలు అప్పగిస్తే మా పరిస్థితేంటని కేంద్ర పార్టీ వద్ద ప్రస్తావించినట్లు పార్టీలో చర్చసాగుతుంది. దీంతో మున్సిపల్‌ ఎన్నికల సాకుతో టీపీసీసీ అధ్యక్ష ఎన్నిక వాయిదాపడినట్లు పార్టీ నేతల్లో చర్చసాగుతుంది.

టీపీసీసీ ప్రెసిడెంట్‌ విషయం నుండే రేవంత్‌, ఉత్తమ్‌ వర్గీయులకు మధ్య విబేధాలు తలెత్తినట్లు తెలుస్తోంది. నిన్నకాకమొన్న పార్టీలోకి వచ్చిన వ్యక్తికి టీపీసీసీ అధ్యక్ష పదవి ఇచ్చేందుకు అధిష్టానం మొగ్గుచూపుతుండటం పట్ల ఉత్తమ్‌ వర్గీయులు ఆగ్రహంతో ఉన్నట్లు తెలుస్తోంది. ఈ నేపథ్యంలో కాంగ్రెస్‌ పార్టీలో రేవంత్‌ వర్గం, ఉత్తమ్‌ వర్గాలుగా విడిపోయినట్లు సమాచారం. ఉత్తమ్‌ తీసుకున్న నిర్ణయాలను రేవంత్‌ వర్గీయులు వ్యతిరేకించటం, రేవంత్‌ తీసుకుంటున్న నిర్ణయాలను ఉత్తమ్‌ వర్గీయులు వ్యతిరేకిస్తున్నట్లు పార్టీలోగుసగుసలు వినిపిస్తున్నాయి.

ఇందుకు నిదర్శనం ఇటీవల జరిగిన కారణాలేనని ఆ పార్టీలోని పలువురు నేతలు గుర్తు చేస్తున్నారు. కేంద్రం యురేనియం తవ్వకాల నిర్ణయాన్ని వ్యతిరేకిస్తూ కాంగ్రెస్‌ ఆందోళన బాట పట్టింది. కేంద్ర నిర్ణయాన్ని వ్యతిరేకిస్తూ రేవంత్‌ రెడ్డి ఆదివాసిల్లోకి వేగంగా దూసుకెళ్లి ఉద్యమాన్ని ఆరంభించారు. పలుసార్లు పర్యటనలు చేసి కేంద్రం, రాష్ట్ర ప్రభుత్వాల నిర్ణయాన్ని ఎండగట్టారు. ఈ పరిస్థితుల్లో యురేనియం తవ్వకాలను వ్యతిరేకించే విషయంలో క్రెడిట్‌ను రేవంత్‌కు పోనివ్వకుండా ఉత్తమ్‌కుమార్‌రెడ్డి వి. హనుమంత్‌రావును రంగంలోకి దింపినట్లు ఆపార్టీ నేతల నుండే గుసగుసలు వినిపిస్తున్నాయి. అంతటితో ఆగకుండా యురేనియం తవ్వకాలకు వ్యతిరేకం ఉద్యమానికి హన్మంతరావును చైర్మన్‌గా చేయటం జరిగిపోయాయి. అదేవిధంగా పవన్‌కళ్యాణ్‌ను కలవంటం, ఆయన మద్దతు ఇవ్వటంతో పాటు అఖిలపక్ష సమావేశాన్ని ఏర్పాటు చేయటం జరిగింది.

ఈ పరిణామాలపై భగ్గుమంటున్న రేవంత్‌ వర్గీయులు.. హుజూర్‌నగర్‌ ఉప ఎన్నికల నేపథ్యంలో ఉత్తమ్‌ తన భార్మ పద్మావతిని బరిలోకి దింపుతున్నట్లు ఏకపక్షంగా నిర్ణయం తీసుకోవటాన్ని వ్యతిరేకించారు. రేవంత్‌రెడ్డి ఏకంగా పార్టీ సమావేశంలో ఈ విషయాన్ని లేవనెత్తడంతో పాటు, కుంతియాకు ఫిర్యాదు చేశారు. ఇలా ఒకరిపై ఒకరు ఆధిపత్యపోరు సాగిస్తుండటంతో కాంగ్రెస్‌ పార్టీ శ్రేణులు ఆందోళన వ్యక్తం చేస్తున్నారు. కాంగ్రెస్‌లో పరిణామాలను నిశితంగా పరిశీలిస్తున్న టీఆర్‌ఎస్‌ అధిష్టానం.. మరింత ఆజ్యంపోసేందుకు సిద్ధమవుతున్నట్లు తెలుస్తోంది.

 


NewsSting Team


      040 23600300

newsting
Daily Updates
facebooktwitterGooglewhatsappwhatsappGoogle