newssting
BITING NEWS :
*దిశ కేసు విచారణకు ప్రత్యేక దర్యాప్తు బృదం.. శంషాబాద్ డీసీపీ నేతృత్వంలో విచారణ కమిటీ *హైదరాబాద్ మెట్రోలో పెప్పర్ స్ప్రేలకు అనుమతి * ఎన్‌ఆర్‌సీ బిల్లుకిమంత్రివర్గం ఆమోదం*కర్ణాటకలో 15 అసెంబ్లీ నియోజకవర్గాలకు కొనసాగుతున్న పోలింగ్*రూ.150కి చేరిన కిలో ఉల్లి ధర.. ఉల్లి కొనలేక గత మూడు నెలలుగా ఇబ్బంది పడుతున్న ప్రజలు*చిత్తూరుజిల్లాలో దారుణం... కాలేజి నుండి వస్తుండగా బాలిక కిడ్నాప్*విజయవాడలో అజిత్ సింగ్ నగర్ చెత్త డంపింగ్ యార్డ్ ను పరిశీలించిన ఎమ్మెల్యే మల్లాది విష్ణు*నేడు పోలీస్‌ కస్టడీకి దిశ నిందితులు..నలుగురు నిందితులను కస్టడీలోకి తీసుకోనున్న పోలీసులు..వారం రోజుల పాటు విచారణ*నేడు ఆర్బీఐ విధాన సమీక్ష.. వడ్డీరేట్ల పై కీలక ప్రకటన చేయనున్న ఆర్బీఐ *శబరిమల సన్నిధిలో సెల్ ఫోన్లు బంద్... స్వామి గర్భగుడి పరిసర ప్రాంతాల్లో సెల్ ఫోన్ల వాడకాన్ని నిషేదించిన ట్రావెన్ కోర్ బోర్డు *తెలంగాణ సెక్యూరిటీ కమిషన్, పోలీస్ కంప్లైట్ అథారిటీని ఈ నెల 27వ తేదీలోగా ఏర్పాటు చేయాలని హైకోర్టు ఆదేశం*వివేకానందరెడ్డి హత్య కేసులో సిట్ దర్యాప్తు ముమ్మరం.. రోజుకు నలుగురిని విచారించిన సిట్ బృందం.. రేపు టీడీపీ ఎమ్మెల్సీ బీటెక్ రవిని విచారించనున్న సిట్

కాంగ్రెస్‌కు - ఎన్నిక‌ల‌కు సంబంధం ఉన్న‌ట్టా..? లేన‌ట్టా..?

17-11-201917-11-2019 14:11:53 IST
2019-11-17T08:41:53.065Z17-11-2019 2019-11-17T08:41:48.828Z - - 06-12-2019

కాంగ్రెస్‌కు - ఎన్నిక‌ల‌కు సంబంధం ఉన్న‌ట్టా..?  లేన‌ట్టా..?
facebooktwitterGooglewhatsappwhatsappGoogle
తెలంగాణ మున్సిప‌ల్ ఎన్నికల స‌మ‌యం త‌రుముకొస్తున్నా ప్ర‌ధాన ప్ర‌తిప‌క్ష‌మైన కాంగ్రెస్‌లో మాత్రం ఎటువంటి చ‌ల‌నం క‌నిపించ‌డం లేద‌న్న‌ది వాస్త‌వం. ఇటీవ‌ల కాలంలో జ‌రిగిన ఏ ఎన్నిక‌ల్లోనైనా కాంగ్రెస్‌కు ఇది స‌హ‌జ గుణ‌మే అయినా న‌ల్ల‌గొండ‌లో మాత్రం మ‌రీ దారుణంగా ఉందంటూ ఆ పార్టీ కార్య‌క‌ర్త‌లే బ‌హిరంగంగా విమ‌ర్శిస్తున్నారు.

న‌ల్ల‌గొండ జిల్లా అంటేనే కాంగ్రెస్‌కు తిరుగులేని ఖిల్లా. ఈ జిల్లా నుంచి  ఆ పార్టీలో ఎంతో మంది ఉద్దండులైన నేత‌లూ, నాయ‌కులూ ఉన్నారు. కానీ అదంతా ఒకానొక స‌మ‌యంలో మాత్ర‌మేన‌ని రాజ‌కీయ విశ్లేష‌కులు గుర్తు చేస్తున్నారు.

మ‌రోప‌క్క‌, గ‌డిచిన ఐదారేళ్ల‌లో న‌ల్ల‌గొండ కాంగ్రెస్ ప‌రిస్థితులు పూర్తిగా త‌ల‌కిందుల‌య్యాయి. స‌రే, జ‌రిగిందేదో జ‌రిగిపోయింది.. ఇక‌నైనా మేల్కొని పార్టీని దిశా నిర్దేశం చేయ‌డానికి నాయ‌కులేమైనా సిద్ధ‌మ‌వుతున్నారా? అంటే అదీనూ లేదాయే..! ఇలా న‌ల్ల‌గొండ జిల్లా కాంగ్రెస్ ఉద్దండుల తీరుతో ద్వితీయ శ్రేణి నాయ‌కులు అసంతృప్తిలో కూరుకుపోయి నిరాశ నిస్పృహ‌ల‌తో ఉన్న‌ట్టు స్ప‌ష్ట‌మ‌వుతోంది.

నిజానికి గ‌త ఏడాది చివ‌ర్లో జ‌రిగిన శాస‌న‌స‌భ ముంద‌స్తు ఎన్నిక‌ల నుంచి మొన్న‌టికి మొన్న జ‌రిగిన‌ హుజూర్ న‌గ‌ర్ ఉప ఎన్నిక వ‌ర‌కు కాంగ్రెస్‌కు ఏదీ క‌లిసి రావ‌డం లేదు. కాక‌పోతే లోక్‌స‌భ ఎన్నిక‌ల్లో మాత్రం ఉమ్మ‌డి న‌ల్ల‌గొండ జిల్లాలోని భువ‌న‌గిరి, న‌ల్ల‌గొండ ఎంపీ స్థానాల్లో విజ‌యం సాధించింది. కానీ, ఆ రెండు విజ‌యాల‌ను నిల‌బెట్టుకునే దిశ‌గా ఆ పార్టీ నేత‌లు ప్ర‌య‌త్నాలు చేయ‌క‌పోవ‌డం ఇప్పుడు రాజ‌కీయ విశ్లేష‌కుల్లో చ‌ర్చ‌నీయాంశంగా మారింది.

హుజూర్‌న‌గ‌ర్ ఉప ఎన్నిక‌ల స‌మ‌యంలో నెల రోజుల‌పాటు కార్య‌క‌ర్త‌ల్లో కొంత ఊపు వ‌చ్చినా ఫ‌లితాల త‌రువాత అది కాస్తా నీరు కారిపోయిన సంగతి తెలిసిందే. ఆ త‌రువాత నుంచి నాయ‌కులు, నేతలు పార్టీ కార్య‌క్ర‌మాల నిర్వ‌హ‌ణ‌ను ప‌ట్టించుకోవ‌డ‌మే మానేశారు. ఇలా పార్టీ ఉనికిని కాపాడ‌టానికి ముందుండి న‌డిపించాల్సిన నాయ‌కులే మొఖం చూపించ‌క‌పోయేస‌రికి ఏం చేయాలో కార్య‌క‌ర్త‌ల‌కు పాలుపోవ‌డం లేదు.

ఇదిలా ఉండ‌గా, ఈ మ‌ధ్య‌నే న‌ఖిరేక‌ల్ నుంచి పార్టీ త‌రుపున గెలిచిన చిరుమ‌ర్తి లింగ‌య్య టీఆర్ఎస్‌లోకి వెళ్లిపోగా.. ఆలేరు నుంచి పోటీచేసి ఓడిపోయిన మాజీ ఎమ్మెల్యే బూడిద భిక్ష‌మ‌య్య గౌడ్ ఇటీవ‌ల చోటు చేసుకున్న రాజ‌కీయ ప‌రిస్థితుల దృష్ట్యా లోక్‌స‌భ ఎన్నిక‌ల ముందు టీఆర్ఎస్‌లో చేరిపోయారు.  

మిర్యాలగూడ నుంచి పోటీచేసిన బీసీ సంఘం నేత‌, మాజీ ఎమ్మెల్యే ఆర్‌.కృష్ణయ్య సైతం ఎన్నిక‌ల్లో ఓట‌మి త‌రువాత క‌నిపించ‌డ‌మే మానేశారు. దీంతో ఆలేరు, న‌ఖిరేక‌ల్, మిర్యాల‌గూడ నియోజ‌క‌వ‌ర్గాల్లో కాంగ్రెస్ పార్టీకి ఓ ఇంచార్జి అంటూ ఎవ‌రూ లేకుండా పోయారు. కోదాడ‌, హుజూర్‌న‌గ‌ర్‌ల‌లో ఉత్త‌మ్ దంప‌తులే ప్రాతినిధ్య వ‌హిస్తుండ‌గా, ఉప ఎన్నిక‌ల్లో ఓట‌మితో వారు కూడా మౌనం వ‌హించాల్సిన ప‌రిస్థితి.

మునుగోడు నియోజ‌క‌వ‌ర్గంలో పార్టీ ఎమ్మెల్యే కోమ‌టిరెడ్డి రాజ‌గోపాల్‌రెడ్డి ప్రాతినిధ్యం వ‌హిస్తున్నా ఆయ‌న ప్ర‌స్తుతం స్వ‌ప‌క్షంలో విప‌క్షంలా వ్య‌వ‌హ‌రిస్తున్న సంగ‌తి తెలిసిందే. ప్ర‌స్తుతానికి ఆయ‌న తీరును చూసి ఎప్పుడేం చేస్తారోనంటూ కార్య‌క‌ర్త‌లే అప‌న‌మ్మ‌కాన్ని వ్య‌క్తం చేస్తున్నారు. మున్సిప‌ల్ ఎన్నిక‌ల‌కు స‌న్న‌ద్ధం కావాల్సిన ప‌రిస్థితుల్లో అస‌లు నాయ‌కులెవ్వ‌రూ క‌నిపించ‌క‌పోవ‌డంతో  కాంగ్రెస్ కేడ‌ర్ ఒక్క‌సారిగా డీలా ప‌డిపోయింది.

మ‌రోప‌క్క‌, రాష్ట్రంలో కొత్త‌గా ఏర్పాటైన మున్సిపాల్టీల‌తోపాటు పాత మున్సిపాల్టీల్లోనూ పాగా వెయ్యాల‌ని అధికార టీఆర్ఎస్ ప్ర‌ణాళిక‌ల‌ను సిద్ధం చేస్తోంది. కాంగ్రెస్‌కు అవ‌కాశం ఇవ్వ‌కూడ‌ద‌న్న‌ది టీఆర్ఎస్ ప్ర‌ధాన వ్యూహంగా పొలిటిక‌ల్ ఎన‌లిస్టులు చెప్పుకొస్తున్నారు.

కానీ, టీఆర్ఎస్ ముంద‌స్తు వ్యూహ ర‌చ‌న‌ల‌ను కాంగ్రెస్ ఏ మాత్రం లెక్క‌చేయ‌కుండా.. అస‌లు ఎన్నిక‌ల‌కు, త‌మ‌కు ఎటువంటి సంబంధం లేద‌న్న రీతిలో వ్య‌వ‌హ‌రిస్తోంది. ఇప్ప‌టికీ కాంగ్రెస్ సీనియ‌ర్ నేత జానారెడ్డి అస‌లు ఎక్క‌డున్నారో కూడా ఎవ్వ‌రికీ తెలియ‌ని ప‌రిస్థితి. మొత్తం మీద ఎలా చూసినా పార్టీలో ఉన్నా ఒక‌టే.. లేకున్నా ఒక‌టేనంటూ నాయ‌కుల మీద కార్య‌క‌ర్త‌లే సెటైర్ల‌తో విరుచుకుప‌డుతున్నారు.

 

 

పవన్ అభిమాని అత్యుత్సాహం.. ఏ రెడ్డి తలైనా నరుకుతా!

పవన్ అభిమాని అత్యుత్సాహం.. ఏ రెడ్డి తలైనా నరుకుతా!

   8 hours ago


ఎంఐఎంకి కీలక పదవి.. పీఏసీ ఛైర్మన్‌గా అక్బరుద్దీన్ నియామకం

ఎంఐఎంకి కీలక పదవి.. పీఏసీ ఛైర్మన్‌గా అక్బరుద్దీన్ నియామకం

   9 hours ago


అమరావతి వార్: వైసీపీ టీడీపీ పోటాపోటీ సమావేశాలు

అమరావతి వార్: వైసీపీ టీడీపీ పోటాపోటీ సమావేశాలు

   10 hours ago


ఆరోగ్యశ్రీ ఆసుపత్రుల లిస్ట్.. ఎక్కడో తేడా కొట్టేస్తుందే?!

ఆరోగ్యశ్రీ ఆసుపత్రుల లిస్ట్.. ఎక్కడో తేడా కొట్టేస్తుందే?!

   10 hours ago


శబరిమల సన్నిధిలో సెల్ ఫోన్లు బంద్

శబరిమల సన్నిధిలో సెల్ ఫోన్లు బంద్

   11 hours ago


జర్నలిస్ట్ అవతారం ఎత్తిన పవన్ కళ్యాణ్

జర్నలిస్ట్ అవతారం ఎత్తిన పవన్ కళ్యాణ్

   11 hours ago


అప్పులు చేయడంలో జగన్ సరికొత్త రికార్డులు..!

అప్పులు చేయడంలో జగన్ సరికొత్త రికార్డులు..!

   12 hours ago


మోడీ సర్కార్ విఫలం.. నిప్పులు చెరిగిన చిదంబరం

మోడీ సర్కార్ విఫలం.. నిప్పులు చెరిగిన చిదంబరం

   13 hours ago


దిశ కేసులో దర్యాప్తు మమ్మరం.. నెలలోపే హంతకులకు శిక్ష

దిశ కేసులో దర్యాప్తు మమ్మరం.. నెలలోపే హంతకులకు శిక్ష

   13 hours ago


రేపిస్టుల ప్రాణాలు ముఖ్యమై పోయాయా పవన్.. విజయసాయి విమర్శలు

రేపిస్టుల ప్రాణాలు ముఖ్యమై పోయాయా పవన్.. విజయసాయి విమర్శలు

   14 hours ago


ఇంకా

NewsSting Team


      040 23600300

newsting
Daily Updates
facebooktwitterGooglewhatsappwhatsappGoogle