newssting
Radio
BITING NEWS :
విశాఖ జిల్లా అనకాపల్లి ముత్రాసు కాలనీలో విషాదం. అనారోగ్యంతో భార్య చనిపోవడంతో మనస్తాపం చెంది.. ఇద్దరు పిల్లలతో కలిసి ఆత్మహత్య చేసుకున్న తండ్రి. * కడప జిల్లా ముద్దనూరు మండలం కొత్తపల్లిలో రోడ్డు ప్రమాదం. క్యాంపర్ వాహనాన్ని ఢీ కొట్టిన లారీ, ఇద్దరు మృతి. మృతులు తొండూరు మండలం మల్యాల వాసులుగా గుర్తింపు. * తెలంగాణలో భారీగా పెరిగిన కరోనా కేసులు. కొత్తగా 684 పాజిటివ్ కేసులు నమోదు, ముగ్గురు మృతి. * భద్రాచలం చెక్ పోస్ట్ వద్ద పోలీసుల తనిఖీల్లో పట్టుబడిన గంజాయి. రూ. 30 లక్షలు విలువైన రెండు క్వింటాళ్ల గంజాయి స్వాధీనం. రెండు కార్లు సీజ్, ముగ్గురు అరెస్ట్. * గుంటూరు జిల్లా తాడేపల్లి పరిసర ప్రాంతాల్లో విస్తరిస్తున్న డ్రగ్ కల్చర్. యూనివర్శిటీలు, కాలేజీలు టార్గెట్ గా డ్రగ్స్ అమ్మకాలు చేపట్టిన మాఫియా. గంజాయితో పాటు సింథటిక్ డ్రగ్స్ విక్రయాలు. ఎండీఎంఏ ట్యాబ్లెట్స్ ను పట్టుకున్న ఎస్ఈబీ అధికారులు. * ఈస్ట్ ఢిల్లీ రెడీమేడ్ వస్త్ర కారాగారంలో భారీ అగ్నిప్రమాదం. మంటలార్పుతున్న 15 ఫైరింజన్లు.

కలవరం కలిగిస్తున్న కరోనా భూతం .. సగం హైదరాబాద్ ఖాళీ

03-07-202003-07-2020 08:55:32 IST
Updated On 03-07-2020 11:01:22 ISTUpdated On 03-07-20202020-07-03T03:25:32.552Z03-07-2020 2020-07-03T03:25:27.214Z - 2020-07-03T05:31:22.997Z - 03-07-2020

కలవరం కలిగిస్తున్న కరోనా భూతం .. సగం హైదరాబాద్ ఖాళీ
facebooktwitterGooglewhatsappwhatsappGoogle
తెలంగాణలో భారీగా కేసులు నమోదవుతున్నాయి. తాజాగా 1213 పాజిటివ్ కేసులు నమోదుకావడం పరిస్థితి తీవ్రతకు అద్దం పడుతోంది. రాష్ట్రంలో కరోనా పాజిటివ్ కేసుల సంఖ్య రోజురోజుకూ పెరుగుతుండడంతో ఏం చేయాలనేదానిపై అధికారులతో సుదీర్ఘంగా మంతనాలు జరుపుతున్నారు సీఎం కేసీయార్. 

కొత్తగా 1213 కేసులు నమోదు కాగా 8 మంది మృతి చెందారు. కేవలం జీహెచ్ఎంసీ పరిధిలోనే 998 కేసులు నమోదయ్యాయి. రాష్ట్రంలో ఇప్పటివరకు 18570 కేసులు నమోదయ్యాయి. ఇప్పటివరకు 275మంది మృతి చెందారు. ఈ నేపథ్యంలో సొంతూళ్ళే సేఫ్ అంటూ జనం భాగ్యనగరం నుంచి బయలుదేరుతున్నారు. దీంతో హైదరాబాద్‌ నుంచి ఏపీ వాసులు సొంతూళ్లకు ప్రయాణం అవుతుండడంతో పలు చోట్ల భారీగా ట్రాఫిక్ జామ్ ఏర్పడింది. 

ఆంధ్రప్రదేశ్, తెలంగాణ సరిహద్దుల్లోని చెక్‌పోస్టుల వద్ద భారీగా వాహనాలు నిలిచాయి. దాచేపల్లి మండలం పొందుగల చెక్‌పోస్ట్‌తో పాటు, కొరపహాడ్‌ టోల్‌ప్లాజా వద్ద వాహనాల రద్దీ కనపడింది. యాదాద్రి భువనగిరి జిల్లా పంతంగి జీఎమ్మార్‌ టోల్‌ప్లాజా వద్ద విజయవాడ వెళ్లే వైపు వాహనాలు మెల్లిగా ముందుకు కదిలాయి. పిల్లలతో బయలుదేరినవారు కాసేపు ఇబ్బంది పడ్డారు. 

అటు హైదరాబాద్‌-వరంగల్‌ జాతీయ రహదారిపై కూడా భారీగా రద్దీ ఉండడంతో వాహనాలు నత్తనడకన ముందుకు సాగాయి. వాహనాల రిజిస్ట్రేషన్లు‌, ఈ-పాసులు లేకపోవడంతో కొన్ని వాహనాలను పోలీసులు వెనక్కి పంపిస్తున్నారు. దీంతో సొంతూళ్లకు వెళ్దామనుకున్న కొందరు నిరాశతో వెనుదిరుగుతున్నారు. రామాపురం చెక్‌పోస్ట్‌ వద్ద కూడా భారీగా వాహనాలు క్యూలైన్లలో వుండిపోయాయి. 

ఇదిలా ఉంటే జూలైలో కేసుల తీవ్రత ఎక్కువగా ఉంటుందని భావించిన అధికారుల అంచనాల నిజమయ్యాయి. ఊహించినట్లుగానే జూలై ఒకటో తేదీన రికార్డుస్థాయిలో 881 మందికి కరోనా పాజిటివ్‌గా తేలినట్లు వైద్య ఆర్యోగ శాఖ అధికారులు ప్రకటించారు. రెండవరోజు గతంలో ఎన్నడూ లేనివిధంగా ఏకంగా 1213 కేసులు నమోదుకావడంతో ఆందోళన మరింతగా పెరిగింది.

తొలిరోజుల్లో కొన్ని ప్రాంతాలకే పరిమితమైన వైరస్‌ నగర అంతటా, శివారులకు కూడా విస్తరించింది. చాలామంది పాజిటివ్‌ల్లో లక్షణాలు అంతగా బయటపడటం లేదు. చివరి నిమిషంలో తెలుస్తుండటంతో అప్పటికే పరిస్థితి పూర్తిగా విషమించి చనిపోతున్నారు. గ్రేటర్లో ఈ ఏడాది మార్చిలో తొలి కరోనా కేసు నమోదు అయింది. మే చివరి వరకు కూడా పదులు, వందల్లోనే పాజిటివ్‌ కేసులు నమోదయ్యాయి. లాక్ డౌన్ వల్ల కాస్త మెరుగుపడినా, జనం విచ్చలవిడిగా రోడ్లమీదకు రావడంతో మళ్ళీ పరిస్థితి మొదటికొచ్చింది.

రోజూ తెలంగాణలో నమోదయ్యే కేసులలో 90 శాతం కేసులు నగరంలోనే వుంటున్నాయి. గురువారం 998 కేసులు నమోదయ్యాయి. జూన్‌ మొత్తంగా 11.080మందికి కరోనా వైరస్‌ సోకినట్లు రికార్డులు చెబుతున్నాయి. జూలై రెండవ రోజే రికార్డు స్థాయిలో కేసులు నమోదు కావడం, మరో పక్క జూలై అంటే సీజనల్‌ వ్యాధులు ప్రభలే కాలం కావడంతో గ్రేటర్‌ వాసులు మరింత ఆందోళన చెందుతున్నారు.

ఈ క్రమంలోనే గ్రేటర్‌ పరిధిలో మళ్లీ లాక్‌డౌన్‌ విధిస్తారని ప్రచారం జరుగుతోంది. రోజురోజుకూ పాజిటివ్‌ కేసులు బయటపడుతున్న నేపథ్యంలో చాలా మంది నగరాన్ని వదిలి సొంత ఊర్లకు వెళ్తున్నారు. మరికొందరు వెళ్లేందుకు సిద్ధమవుతున్నారు. దీంతో నగరంలో అనేక ప్రాంతాల్లో టులెట్ బోర్డులు ఇబ్బడిముబ్బడిగా కనిపిస్తున్నాయి. 


G. Sathyanarayana Raju


గొట్టుముక్కల సత్యనారాయణరాజుకు జర్నలిజంలో 21 సంవత్సరాలకు పైగా అనుభవం ఉంది. ప్రముఖ దినపత్రికలు, మేగజైన్లు, న్యూస్ ఛానెళ్ళలో వివిధ హోదాల్లో బాధ్యతలు నిర్వర్తించారు. డిజిటల్ మీడియాలో ప్రవేశించి... నాలుగేళ్ళనుంచి వివిధ వెబ్‌సైట్లలో పనిచేశారు. ప్రస్తుతం న్యూస్‌స్టింగ్‌.ఇన్ లో కంటెంట్ హెడ్‌గా పనిచేస్తున్నారు. ఫీచర్ రైటింగ్, ప్రత్యేక కథనాలు, కరెంట్ అఫైర్స్, ఎన్నికల కథనాలు, రాజకీయ కథనాల విశ్లేషణలో మంచి ప్రావీణ్యం ఉంది.
 gsnraju@rightfolio.in
      040 23600300

newsting
Daily Updates
facebooktwitterGooglewhatsappwhatsappGoogle