కరోనా ఎఫెక్ట్.. ఈసారి బాలాపూర్ లడ్డూ వేలం లేనట్టే..!

24-07-202024-07-2020 08:22:26 IST
Updated On 24-07-2020 09:17:45 ISTUpdated On 24-07-20202020-07-24T02:52:26.356Z24-07-2020 2020-07-24T02:52:18.935Z - 2020-07-24T03:47:45.283Z - 24-07-2020

వినాయకచవితి సందడి హైదరాబాద్ లో మామూలుగా వుండదు. ఎత్తైన విగ్రహ ప్రతిమలతో పదిరోజుల పాటు పూజలందుకుంటాడు విఘ్ననాయకుడు. కానీ ఈసారి అవేం కనిపించేలా లేవు. ఈ ఏడాది ఆగస్టు 22న వినాయకచవితి వచ్చింది. కరోనా వైరస్ అప్పటికి తీవ్రంగా ఉంటుందని ప్రభుత్వం హెచ్చరించడంతో వినాయక ఉత్సవాల కమిటీలు అప్రమత్తం అయ్యాయి. 

వినాయక చవితి ఉత్సవాల పేరుచెబితే హైద‌రాబాద్‌లోని ఖైరతాబాద్, బాలాపూర్ గణేష్ విగ్రహాలు గుర్తుకు వస్తాయి. ముఖ్యంగా ఉత్సవాల ప్రారంభం నాడు జరిగే వేలం పాట అందరికీ గుర్తుండిపోతుంది. రెండు తెలుగు రాష్ట్రాల చూపు బాలాపూర్ గ‌ణేష్‌పైనే ఉంటుంది.. తొలిసారి గ‌ణేష్ ల‌డ్డూవేలాన్ని ప్రారంభించి వార్త‌ల్లో నిలిచిన బాలాపూర్ గ‌ణేష్‌.. ప్ర‌తీ ఏడాది కొత్త రికార్డు సృష్టిస్తూ.. ల‌డ్డూ ధ‌ర పెరిగిపోతూనే ఉంది. భ‌క్తులు పోటీప‌డి ల‌డ్డూను ద‌‌క్కించుకునే ప్ర‌య‌త్నాలు చేస్తారు.

బా‌లాపూర్ గ‌ణేష్ ల‌డ్డూ ఎంత ప‌లుకుతుంద‌నే ఉత్కంఠ అంద‌రిలోనూ ఉంటుంది. బాలాపూర్ గ‌ణేష్ శోభ‌యాత్ర‌కు కూడా ప్రాముఖ్య‌త ఉంది.. బాలా‌పూర్ గ‌ణేష్ బ‌య‌ల్దేరిన త‌ర్వాతే.. హైద‌రాబాద్ ఓల్డ్ సిటీలోని గ‌ణ‌ప‌తులు, మిగిలిన వినాయక విగ్రహాలు నిమ‌జ్జ‌నానికి బ‌య‌ల్దేర‌తారు.. అయితే.. క‌రోనావైర‌స్ నేప‌థ్యంలో కీల‌క నిర్ణ‌యం తీసుకుంది బాలాపూర్ గ‌ణేష్ ఉత్స‌వ స‌మితి. గ‌ణేష్ ఉత్స‌వ కమిటీ సభ్యులు మరియు పెద్దలు.. క‌రోనా నేప‌థ్యంలో భేటీ అయి పలు కీలక నిర్ణయాలు తీసుకున్నారు. 

ఈ ఏడాది బాలా‌పూర్ గ‌ణేష్ విగ్ర‌హాన్ని 6 అడుగుల ఎత్తులో త‌యారు చేయాల‌ని నిర్ణ‌యించారు.. ప్రతీ ఏడాది నిర్వ‌హించే ల‌డ్డూ వేలాన్ని క‌రోనా నేప‌థ్యంలో ఈ ఏడాది నిర్వ‌హించ‌కూడ‌ద‌నే నిర్ణ‌యానికి వ‌చ్చారు.. ఈ సంవత్సరం మొదటి పూజ కేవలం కమిటీ సభ్యుల ఆధ్వర్యంలో కోవిడ్ నిబంధనలకు అనుగుణంగా జ‌రుగుతుంది.. ఈ సంవత్సరం భక్తులు ఎలాంటి పూజలు... మరియు దర్శనాలకు అనుమ‌తి లేదు.. ప్రతీ సంవత్సరం జరిగే గణేష్ శోభా యాత్ర ప్రభుత్వ అనుమతులు మేరకు అప్పటి పరిస్థితులకు అనుగుణంగా నిర్ణయం తీసుకుంటారు. దయచేసి భక్తులందరూ ఈ సంవత్సరం జరిగే గణేష్ నవరాత్రి ఉత్సవాలకు సహకరించాల్సిందిగా విజ్ఞ‌ప్తి చేశారు బాలాపూర్ గ‌ణేష్ ఉత్స‌వ క‌మిటీ అధ్య‌క్షులు క‌ళ్లెం నిరంజ‌న్‌రెడ్డి. అందరూ ఆరోగ్యంగా ఉండాలని ఎవరికి వారు తమ ఇంట్లోనే పూజలు చేసుకోవాలని కోరారు.