కరోనాకు వ్యాక్సిన్.. హైదరాబాద్ వర్శిటీ సైంటిస్ట్ ముందడుగు

29-03-202029-03-2020 09:27:28 IST
2020-03-29T03:57:28.968Z29-03-2020 2020-03-29T03:56:07.995Z - - 26-05-2020

కరోనా వైరస్ నిరోధించే వ్యాక్సిన్‌ కోసం ప్రపంచం ఎదురుచూస్తోంది. వ్యాక్సిన్ అభివృద్ధిపై యూనివర్సిటీ ఆఫ్‌ హైదరాబాద్‌ శాస్త్రవేత్తలు దృష్టిసారించారు. అందుకు అనువైన టి8సెల్‌ ఎపిటోప్స్‌ను రూపొందించింది.  పరిశోధన వివరాలపై తుది అంచనాకు వచ్చేందుకు దీనిని  ఇతర శాస్త్రవేత్తలకు అందజేసినట్లు యూనివర్సిటీ తెలిపింది. 

కరోనావైరస్ కు సంబంధించిన చిన్న మాలిక్యుల్స్‌ను పరిశోధనశాలలో రూపొందించామని, రోగనిరోధక శక్తిని పెంచడం ద్వారా వైరస్‌ కణాలను నాశనం చేయడానికి ప్రయత్నించినట్లు  యూనివర్సిటీ బయోకెమిస్ట్రీ విభాగానికి చెందిన సీమా మిశ్రా తెలిపారు. కరోనా వైరస్ నిర్మాణ, నిర్మాణేతర ప్రోటీన్లను ఈ టీకా అడ్డుకోనుంది. ఈ టీకా వాడితే శరీరంలో వున్న కరోనా కణాలను నాశనం చేస్తుంది సీమా మిశ్రా చెప్పారు. ఇమ్యూనిటీని పెంచే క్రమంలో ఈ  వాక్సిన్లు హ్యూమన్‌సెల్స్‌కు ఏమాత్రం హాని చేయని విధంగా తయారు చేసినట్లు ఆమె చెప్పారు.  ఈ వ్యాక్సిన్ అందుబాటులోకి రావడానికి మరింత సమయం పడుతుందని అంటున్నారు.

వ్యాక్సిన్ వల్ల కలిగే ఫలితాలను ప్రయోగాత్మకంగా నిర్ధారించుకున్న తరువాత మాత్రమే ఒక అంచనాకు రాగలుగుతాం అని సీమా మిశ్రా అంటున్నారు. భారతదేశంలో కరోనా వాక్సిన్‌ తయారీ దిశగా జరుగుతున్న తొలి ప్రయోగం తమదేనని యూనివర్సిటీ ఆఫ్‌ హైదరాబాద్‌ పేర్కొంది.  ప్రస్తుతానికి కరోనాను నివారించడానికి సామాజిక దూరాన్ని పాటించడం మినహా వేరే ప్రత్యామ్నాయం లేదని, లాక్ డౌన్ మంచి ఫలితాలు అందిస్తుందని శాస్త్రవేత్తలు చెబుతున్నారు. 

మరోవైపు ప్రపంచవ్యాప్తంగా 10వేలమంది శాస్త్రవేత్తలు కరోనా వైరస్ కనుగొనే పనిలో పడ్డారు. ప్రపంచవ్యాప్తంగా కరోనా వ్యాప్తి నేపథ్యంలో తమ ల్యాబరేటరీలను నిరవధికంగా మూసివేస్తున్నారు. ఈ పరిస్థితుల్లో పదివేల మంది సైంటిస్టులు ఏదో విధంగానైనా వైరస్ సహాయక చర్యలు, పరిశోధనల్లో బిజీగా వున్నారు. ఇదిలా ఉంటే కోవిడ్ -19 ను ఎదుర్కోవడానికి జర్మన్ ఇంజనీరింగ్ మరియు టెక్నాలజీ సంస్థ అయిన బాష్ వేగవంతమైన కరోనా టెస్టులు జరపడానికి ఉపయోగపడే టెస్ట్ కిట్‌ను అభివృద్ధి చేసింది. ఈ టెస్ట్ కిట్‌తో ఫలితాలు 2.5 గంటల్లో లభిస్తాయని, ఇది ప్రపంచవ్యాప్తంగా తీవ్ర అంతరాయం కలిగించిన వైరస్‌పై పోరాటాన్ని వేగవంతం చేస్తుందని కంపెనీ స్పష్టం చేసింది.