newssting
Radio
BITING NEWS :
విశాఖ జిల్లా అనకాపల్లి ముత్రాసు కాలనీలో విషాదం. అనారోగ్యంతో భార్య చనిపోవడంతో మనస్తాపం చెంది.. ఇద్దరు పిల్లలతో కలిసి ఆత్మహత్య చేసుకున్న తండ్రి. * కడప జిల్లా ముద్దనూరు మండలం కొత్తపల్లిలో రోడ్డు ప్రమాదం. క్యాంపర్ వాహనాన్ని ఢీ కొట్టిన లారీ, ఇద్దరు మృతి. మృతులు తొండూరు మండలం మల్యాల వాసులుగా గుర్తింపు. * తెలంగాణలో భారీగా పెరిగిన కరోనా కేసులు. కొత్తగా 684 పాజిటివ్ కేసులు నమోదు, ముగ్గురు మృతి. * భద్రాచలం చెక్ పోస్ట్ వద్ద పోలీసుల తనిఖీల్లో పట్టుబడిన గంజాయి. రూ. 30 లక్షలు విలువైన రెండు క్వింటాళ్ల గంజాయి స్వాధీనం. రెండు కార్లు సీజ్, ముగ్గురు అరెస్ట్. * గుంటూరు జిల్లా తాడేపల్లి పరిసర ప్రాంతాల్లో విస్తరిస్తున్న డ్రగ్ కల్చర్. యూనివర్శిటీలు, కాలేజీలు టార్గెట్ గా డ్రగ్స్ అమ్మకాలు చేపట్టిన మాఫియా. గంజాయితో పాటు సింథటిక్ డ్రగ్స్ విక్రయాలు. ఎండీఎంఏ ట్యాబ్లెట్స్ ను పట్టుకున్న ఎస్ఈబీ అధికారులు. * ఈస్ట్ ఢిల్లీ రెడీమేడ్ వస్త్ర కారాగారంలో భారీ అగ్నిప్రమాదం. మంటలార్పుతున్న 15 ఫైరింజన్లు.

కరీంనగర్‌ జిల్లాలో కరోనా అలజడి

21-07-202021-07-2020 10:27:50 IST
Updated On 21-07-2020 16:06:58 ISTUpdated On 21-07-20202020-07-21T04:57:50.852Z21-07-2020 2020-07-21T04:57:45.528Z - 2020-07-21T10:36:58.610Z - 21-07-2020

కరీంనగర్‌ జిల్లాలో కరోనా అలజడి
facebooktwitterGooglewhatsappwhatsappGoogle
కరీంనగర్ జిల్లాలో కరోనా కేసులు భారీగానే పెరుగుతున్నాయి. దేశంలో కరోనా ప్రవేశించిన కొత్తలోనే జిల్లా వణికిపోయింది.ఢిల్లీ ఎఫెక్ట్ తో కేసులు ప్రారంభం అయ్యాయి. తాజాగా భారీగా కేసులు నమోదవడం ఆందోళన కలిగిస్తోంది. కరీంనగర్ జిల్లాలో శ్రీకాకుళం జిల్లా పేరు పెట్టి మరీ హెల్త్ బులిటినె విడుదల చేశారు అధికారులు. దీంతో అధికారుల పనితీరుపై విమర్శలు వెల్లువెత్తాయి. 

కరోనా హెల్త్ బులెటిన్ల పై అనేక అనుమానాలు రేకెత్తుతున్న సమయంలో కరీంనగర్ జిల్లా హెల్త్ బులెటిన్లో దొర్లిన తప్పులు ఆశ్చర్యాన్ని కలిగించాయి.  కరీంనగర్ అర్బన్ లో శ్రీకాకుళం జిల్లా పేరు ప్రత్యక్షం అయింది. సైదాపూర్ మండలంలో లేని ఎరుకలగూడెం పేరు నమోదు అయింది. జిల్లాలో మంత్రి కేటీఆర్‌ పర్యటించనున్నారు. పలు అభివృద్ధి పనులు ప్రారంభించనున్నారు మంత్రి కేటీఆర్‌. అయితే కరోనా కేసుల ఉధృతి నేపథ్యంలో అధికారులు తగు జాగ్రత్తలు చేపట్టారు. 

మరోవైపు జిల్లాలో అన్నిచోట్ల కరోనా కేసులు పెరిగిపోతున్నాయి. గ్రామం, వార్డు, పట్టణం, కార్పోరేషన్ అనే తేడా లేకుండా చాపకింద నీరులా అది పెరిగిపోతోంది. జిల్లాలో ఆదివారం నాడే 27 కేసులు వచ్చాయి, అవి హుజురాబాద్ లో వచ్చాయి. కరోనా కట్టడికి అన్నిచర్యలు తీసుకుంటున్నా... అన్ని ప్రాంతాలకు విస్తరిస్తోంది. 

కరీంనగర్ ఆస్పత్రిలోనే ఐదుగురు ఈ వ్యాధితో మృత్యువాత పడ్డారు. వీరిలో ముగ్గురు జిల్లా కేంద్రంలోని ప్రభుత్వ ఆస్పత్రిలో మరణించగా మరొకరు ప్రైవేట్‌ మెడికల్‌ కళాశాల ఆసుపత్రిలో, ఇంకొకరు హైదరాబాద్‌ ఆసుపత్రిలో చికిత్సపొందుతూ మరణించారు. తిమ్మాపూర్‌ మండలం రేణికుంటకు చెందిన ఒక వృద్ధుడి భార్య 15 రోజుల క్రితం మరణించగా అతని పరామర్శించడం కోసం పలువురు వచ్చి వెళ్ళారని సమాచారం. అతనికి 10 రోజులుగా జ్వరం, శ్వాససంబంధిత సమస్యలు ఉత్పన్నం కావడంతో ఈనెల 16న జిల్లా ఆస్పత్రికి తరలించారు. అదేరోజు అతనికి కరోనా వ్యాధి సోకినట్లు నిర్ధారణ కాగా, మూడురోజులుగా అక్కడే చికిత్స పొందుతున్నాడు. ఆదివారం ఉదయం అతను మరణించారు. 

పట్టణంలోని విద్యానగర్‌కు చెందిన మరో వ్యక్తికి కూడా ఈనెల 17న కరోనా సోకినట్లు నిర్ధారణ అయింది. అతను హోం ఐసోలేషన్‌లో ఉండిచికిత్స తీసుకుంటుండగా ఈరోజు పరిస్థితి విషమించడంతో జిల్లా ఆస్పత్రికి తరలించగా చికిత్స పొందుతూ మృతిచెందాడు. కిసాన్‌నగర్‌కు చెందిన ఒకరు వారం రోజులుగా జ్వరంతో బాధపడుతూ స్థానికంగా రెండు ప్రైవేట్‌ ఆస్పత్రుల్లో చికిత్స పొందారు.

ఈనెల 16న హైదరాబాద్‌లో ప్రైవేట్‌ ఆస్పత్రికి వెళ్లారు. కరోనా సోకినట్లు నిర్ధారణ కాగా చికిత్స పొందుతూ ఆయన ఆదివారం ప్రాణాలు కోల్పోయారు.  హుస్నాబాద్‌కుచెందిన ఒక మహిళ శ్వాససం బంధమైన సమస్యలతో జిల్లా ఆస్పత్రిలో చేరారు. ఆమె ఆరోగ్యం విషమించి ఆదివారం ప్రాణాలను కోల్పోయారు. జిల్లాలో ఒకే రోజు ఐదుగురు మృతిచెందడం తీవ్ర కలవరం సృష్టిస్తోంది. 

హుజూరాబాద్‌ మండలంలో ఐదుగురికి, జమ్మికుంటలో తొమ్మిది మందికి, సైదాపూర్‌ మండలంలో ఐదుగురికి, శంకరపట్నం మండలంలో ముగ్గురికి వ్యాధి సోకినట్లు తెలిసింది. హుజూరాబాద్‌ డివిజన్‌లోనే 22 మందికి వ్యాధి సోకినట్లు తెలుస్తుండగా మరో ఐదుగురు కరీంనగర్‌ డివిజన్‌కు చెందిన వారు ఉన్నారని  వీరిలో చొప్పదండి మండలానికి చెందిన ఇద్దరు, తిమ్మాపూర్‌కు చెందిన ఒకరు ఉన్నారు. కరోనా బారినపడ్డవారిని హోం ఐసోలేషన్లో వుంచారు. కొన్ని వ్యాపార సంస్థలు స్వచ్ఛంధంగా లాక్ డౌన్ పాటిస్తున్నాయి.గతంలో తగ్గుముఖం పట్టిన కరోనా కేసులు ప్రస్తుతం మళ్లీ పెరగడం ఆందోళన కలిగిస్తోంది. 

 

 


G. Sathyanarayana Raju


గొట్టుముక్కల సత్యనారాయణరాజుకు జర్నలిజంలో 21 సంవత్సరాలకు పైగా అనుభవం ఉంది. ప్రముఖ దినపత్రికలు, మేగజైన్లు, న్యూస్ ఛానెళ్ళలో వివిధ హోదాల్లో బాధ్యతలు నిర్వర్తించారు. డిజిటల్ మీడియాలో ప్రవేశించి... నాలుగేళ్ళనుంచి వివిధ వెబ్‌సైట్లలో పనిచేశారు. ప్రస్తుతం న్యూస్‌స్టింగ్‌.ఇన్ లో కంటెంట్ హెడ్‌గా పనిచేస్తున్నారు. ఫీచర్ రైటింగ్, ప్రత్యేక కథనాలు, కరెంట్ అఫైర్స్, ఎన్నికల కథనాలు, రాజకీయ కథనాల విశ్లేషణలో మంచి ప్రావీణ్యం ఉంది.
 gsnraju@rightfolio.in
      040 23600300

newsting
Daily Updates
facebooktwitterGooglewhatsappwhatsappGoogle