newssting
BITING NEWS :
*విషమంగానే మాజీ రాష్ట్రపతి ప్రణబ్ ఆరోగ్యం.. వెంటిలేటర్ పై చికిత్స *వనపర్తి జిల్లా నాగపూర్ లో విషాదం ఒకే కుటుంబంలో నలుగురి ఆత్మహత్య *హైద‌రాబాద్‌: పంచాయతీ,మండల, జిల్లాప్రజా పరిషత్‌లకు 15వ ఆర్థిక సంఘం నిధుల పునరుద్ధరణ.. ఆరేళ్ల క్రితం నిలిపివేసిన ఆర్థికసంఘం.. ఈ ఏడాదికి రూ.1,847 కోట్ల నిధుల మంజూరు*ఢిల్లీ: ప్ర‌శాంత్ భూష‌ణ్ కోర్టు ధిక్క‌ర‌ణ సుమోటో కేసులో సుప్రీంకోర్టు తీర్పు... ప్ర‌శాంత్ భూష‌ణ్‌ను దోషిగా తేల్చిన జ‌స్టిస్ అరుణ్ మిశ్రా నేతృత్వంలోని ధ‌ర్మాస‌నం.. శిక్ష‌పై ఈ నెల 20న వాద‌న‌లు వింటాం-సుప్రీం*హైద‌రాబాద్‌: కోవిడ్ కి ఉచిత చికిత్స చేయాలి.. కరోనాతో ఆదాయ మార్గం పోయింది కాబట్టి పేదలకు ఆరు నెలల పాటు రూ. 7500 చొప్పున‌ ఇవ్వాలి-ప్రొఫెస‌ర్ కోదండరాం*భార‌త్‌లో రికార్డు స్థాయిలో పెరుగుతున్న కరోనా కేసులు, మరణాలు.. గడచిన 24 గంటల్లో 64,553 కరోనా కేసులు నమోదు, 1007 మంది మృతి.. 24,61,191కు చేరుకున్న క‌రోనా పాజిటివ్ కేసులు, ఇప్ప‌టి వ‌ర‌కు 48,040 మంది మృతి*తెలంగాణ‌లో 1921 పాజిటివ్ కేసులు నమోదు, 9 మంది మృతి.. 88396కు చేరిన పాజిటివ్ కేసుల సంఖ్య‌, ఇప్పటి వరకు 674 మంది మృతి

కరీంన‘గరం’ బాబు అంతిమయాత్రలో టెన్షన్

01-11-201901-11-2019 16:57:07 IST
Updated On 01-11-2019 17:37:15 ISTUpdated On 01-11-20192019-11-01T11:27:07.908Z01-11-2019 2019-11-01T11:27:01.776Z - 2019-11-01T12:07:15.200Z - 01-11-2019

కరీంన‘గరం’ బాబు అంతిమయాత్రలో టెన్షన్
facebooktwitterGooglewhatsappwhatsappGoogle
ఆర్టీసీ కార్మికుల సమ్మె 28వ రోజుకి చేరినా ప్రభుత్వం నుంచి ఎలాంటి స్పందనా కనిపించడంలేదు. మరోవైపు కరీంనగర్ అట్టుడికిపోతోంది. హైదరాబాద్‌ సరూర్‌నగర్‌ స్టేడియంలో బుధవారం జరిగిన సకల జనుల సమరభేరిలో కరీంనగర్‌–2 డిపోకు చెందిన డ్రైవర్‌ నంగునూరి బాబు ఆకస్మికంగా మరణించిన సంగతి తెలిసిందే. హైదరాబాద్ నుంచి పోలీసులు బాబు మృతదేహాన్ని స్వగ్రామం కరీంనగర్‌ రూరల్‌ మండలం ఆరెపల్లికి తరలించారు. ఆర్టీసీని ప్రభుత్వంలో విలీనం చేయడం అనే డిమాండ్ తో సమ్మెకు దిగిన ఆర్టీసీ కార్మికులను చర్చలకు పిలవాలని అప్పటి వరకూ బాబు అంత్యక్రియలు నిర్వహించబోమని ఆర్టీసీ జేఏసీ నాయకులు ప్రకటించారు.

ఆర్టీసీ జేఏసీ నేతలకు వివిధ పార్టీల నేతలు సంఘీభావం తెలిపారు. బాబు మృతదేహం వద్దే బైఠాయించడం, పరామర్శకు వచ్చిన కరీంనగర్‌–2 డిపో మేనేజర్‌ మల్లేశంను కార్మికులు అడ్డుకోవడంతో తీవ్ర ఉద్రిక్తత ఏర్పడింది. భారీ సంఖ్యలో పోలీసు బలగాల మొహరించారు. బాబు మృతదేహంతో ఎంపీ బండి సంజయ్, ఆర్టీసీ కార్మికులు రాత్రంతా జాగరణ చేశారు, పొలిటికల్‌ జేఏసీ ఇచ్చిన కరీంనగర్‌ నగర బంద్‌ కొనసాగుతోంది. కరీంనగర్‌లో విద్యసంస్థల బంద్‌కు ఏబీవీపీ, వామపక్ష విద్యార్ధి సంఘాల మద్దతు తెలిపాయి. అలాగే ఛలో కరీంనగర్‌కు ఆర్టీసీ జేఏసీ పిలుపునిచ్చారు.

కార్మికులు పెద్ద ఎత్తున కరీంనగర్ చేరుకున్నారు. డ్రైవర్ బాబు నివాసం వద్ద ఆర్టీసీ కార్మికులు మానవహారంగా ఏర్పడ్డారు. అలాగే కోదండరాం తో పాటు చాడ వెంకట్‌రెడ్డి, తమ్మినేని వీరభద్రంతో పాటు పలువురు వామపక్ష నేతలు అక్కడకు చేరుకున్నారు. ఆర్టీసీ కార్మికులు ఒక్కొక్కరుగా చనిపోతున్నా సీఎం కేసీఆర్ నిమ్మకు నీరెత్తినట్టుగా వ్యవహరిస్తున్నారని కోదండరాం మండిపడ్డారు. 

ఆర్టీసీ డ్రైవర్‌ బాబు మృతదేహానికి అంత్యక్రియలు నిర్వహించాలని జేఏసీ నిర్ణయం తీసుకుంది. ఈ మేరకు బాబు కుటుంబ సభ్యుల అనుమతితోనే అంత్యక్రియలు నిర్వహిస్తున్నట్లు జేఏసీ నేతలు తెలిపారు. కరీంనగర్‌ బస్‌ డిపో వరకు శవయాత్ర నిర్వహించి తరువాత అంత్యక్రియలు నిర్వహిస్తారు. అయితే, డ్రైవర్ బాబు అంతిమయాత్ర ఉద్రిక్తంగా మారింది. అంతిమయాత్రకు అనుమతి లేదని పోలీసులు చెప్పడంతో...డ్రైవర్ బాబు కుటుంబసభ్యులతో పాటు పలు పార్టీల నేతలు అంతిమయాత్ర జరుపుతామంటున్నారు.

అంతిమయాత్రకు బయలుదేరిన వారిని పోలీసులు అడ్డుకున్నారు. తెలంగాణ సమాజం, ఉద్యోగులు, విద్యార్ధులు, వ్యాపారస్తులు మద్దతు తెలిపిన కేసీఆర్‌లో మార్పు రాలేదని ఆర్టీసీ జేఏసీ నేతలు విమర్శించారు. డ్రైవర్‌ బాబు కుటుంబానికి రూ. 50 లక్షల నష్ట పరిహారం, డబుల్‌ బెడ్‌ రూం ఇల్లు, ఇంట్లో ఒక్కరికి ప్రభుత్వ ఉద్యోగం ఇవ్వాలని కార్మికులు డిమాండ్‌ చేశారు. 


G. Sathyanarayana Raju


గొట్టుముక్కల సత్యనారాయణరాజుకు జర్నలిజంలో 21 సంవత్సరాలకు పైగా అనుభవం ఉంది. ప్రముఖ దినపత్రికలు, మేగజైన్లు, న్యూస్ ఛానెళ్ళలో వివిధ హోదాల్లో బాధ్యతలు నిర్వర్తించారు. డిజిటల్ మీడియాలో ప్రవేశించి... నాలుగేళ్ళనుంచి వివిధ వెబ్‌సైట్లలో పనిచేశారు. ప్రస్తుతం న్యూస్‌స్టింగ్‌.ఇన్ లో కంటెంట్ హెడ్‌గా పనిచేస్తున్నారు. ఫీచర్ రైటింగ్, ప్రత్యేక కథనాలు, కరెంట్ అఫైర్స్, ఎన్నికల కథనాలు, రాజకీయ కథనాల విశ్లేషణలో మంచి ప్రావీణ్యం ఉంది.
 gsnraju@rightfolio.in
      040 23600300

newsting
Daily Updates
facebooktwitterGooglewhatsappwhatsappGoogle