newssting
Radio
BITING NEWS :
సింగపూర్‌లో జరిగిన అందాల పోటీల్లో ఆంధ్రప్రదేశ్‌కు చెందిన యువతి బాన్న నందిత(21) మొదటి స్థానంలో నిలిచి కిరీటం గెల్చుకుంది. మిస్‌ యూనివర్స్‌ సింగపూర్‌-2021గా ఎన్నికయ్యింది నందిత. * పంజాబ్‌ కొత్త ప్రభత్వం సోమవారం కొలువుదీరింది. నూతన ముఖ్యమంత్రిగా దళిత సిక్కు నాయకుడు చరణ్‌జిత్‌ సింగ్‌ చన్నీ ప్రమాణ స్వీకారం చేశారు. పంజాబ్‌లో తొలి దళిత సీఎంగా చన్నీ రికార్డు సృష్టించారు. * ఏపీలో 7212 ఎంపీటీసీ స్థానాలకు ఫలితాలు విడుదల కాగా.. వైఎస్సార్‌సీసీ 5998 స్థానాలతో నిలిచింది. కాగా, టీడీపీ 826 స్థానాలకు పరిమితమైంది. అదే విధంగా 512 జడ్పీటీసీ స్థానాల్లో ఫలితాల్ని ప్రకటించగా, వైఎస్సార్‌సీసీ 502 స్థానాలు గెలుచుకుంది. టీడీపీ-6, జనసేన-2, సీసీఎం-1,ఇతరులు-1 జడ్పీటీసీ స్థానాలకు పరిమితమయ్యాయి. * తెలంగాణ ఐటీ శాఖ మంత్రి కల్వకుంట్ల తారక రామరావు ట్విటర్‌ వేదికగా ఓటుకు కోట్లు కేసులో లై డిటెక్టర్‌ పరీక్షకు రేవంత్‌ సిద్ధమా? అని సవాల్‌ చేసిన సంగతి తెలిసిందే. కాగా, ఈ ట్వీట్‌కు తెలంగాణ పీసీసీ అధ్యక్షుడు రేవంత్‌ రెడ్డి స్పందించారు. * ఐటీ దాడులపై సోమవారం (సెప్టెంబర్‌ 20న) సోషల్‌ మీడియాలో సోనూసూద్‌ స్పందించాడు. ‘ప్రజలకు సేవ చేయాలని నాకు నేనుగా ప్రతిజ్ఙ చేశాను. నా ఫౌండేష‌న్‌లో ప్ర‌తి రూపాయి పేదలు, అవసరమైన వారికి ఉపయోగపడేందుకు ఎదురుచూస్తోంది. సంస్థ ముందుకు వెళ్లేలా ఉపయోగపడేందుకు మానవత దృక్పథంతో కొన్ని బ్రాండ్లను ఎంకరేజ్‌ చేశాను. * జాతీయ ఓపెన్‌ అథ్లెటిక్స్‌ చాంపియన్‌షిప్‌ చివరిరోజు ఆంధ్రప్రదేశ్‌ అథ్లెట్‌ నల్లబోతు షణ్ముగ శ్రీనివాస్‌ పురుషుల 200 మీటర్ల విభాగంలో కాంస్య పతకాన్ని సాధించాడు. ఫైనల్‌ రేసును శ్రీనివాస్‌ 21.12 సెకన్లలో ముగించి మూడో స్థానంలో నిలిచాడు.

కంటైన్మెంట్లతో కరోనాకు చెక్... ఇక తెలంగాణ సేఫ్

16-04-202016-04-2020 16:56:55 IST
Updated On 17-04-2020 13:33:12 ISTUpdated On 17-04-20202020-04-16T11:26:55.187Z16-04-2020 2020-04-16T11:26:49.682Z - 2020-04-17T08:03:12.382Z - 17-04-2020

కంటైన్మెంట్లతో కరోనాకు చెక్... ఇక తెలంగాణ సేఫ్
facebooktwitterGooglewhatsappwhatsappGoogle
తెలంగాణ ప్రభుత్వం విస్తృత స్థాయిలో అమలు పరుస్తున్న కంటైన్మెంట్ల సాక్షిగా రాష్ట్రంలో పరిస్థితి అదుపులోకి వచ్చినట్లే కనిపిస్తోంది. ఒకవైపు మర్కజ్ కాంటాక్టులకు సంబందించి దాదాపు పరీక్షలు పూర్తి చేయడం, మరోపైవు అష్టదిగ్బంధంతో కరోనా వ్యాప్తిని సమర్థంగా అరికట్టడంతో కంటైన్మెంట్‌ ప్లాన్‌తో ఎక్కడికక్కడ వైరస్‌కు ముకుతాడు వేసినట్లు తెలంగాణ వైద్య ఆరోగ్య శాఖ వర్గాలు చెబుతున్నాయి. వైరస్ వ్యాప్తి తీవ్రత అధికంగా ఉన్న ప్రాంతాల్లో ఎవరైనా ఈ కంటైన్మెంట్లను దాటి పోయే పరిస్థితి లేదు కాబట్టి ఈ ప్రాంతాల్లో ఎంత సమర్థవంతంగా జల్లెడపడితే ఆ మేరకు ఫలితం ఉంటుందని అంటున్నారు. ముఖ్యంగా వైరస్ వ్యాపించే చైన్ తెగ్గొట్టడం కేరళను మినహాయిస్తే, తెలంగాణలో జరిగినంత సమర్థంగా మరే రాష్ట్రంలోనూ జరగలేదనిపిస్తుంది. మొత్తం మీద తెలంగాణలో ఇక కొత్తగా వైరస్ కేసులు పెరగవని, రెండో దఫా లాక్ డౌన్ ముగిసేనాటికి పరిస్థితి అందుపులోకి రావటం తథ్యమని వైద్యాధికారులు ఆశావహ దృక్పధంతో ఉంటున్నారు.

తెలంగాణలో కరోనా కట్టడికి తీసుకుంటున్న చర్యలు దాదాపుగా  ఫలితాలనిస్తున్నాయి. పరిస్థితి మొత్తం అదుపులోకి వచ్చినట్టేనని వైద్య ఆరోగ్యశాఖ వర్గాలు చెబుతున్నాయి. ముఖ్యంగా కంటైన్మెంట్ల (హాట్‌స్పాట్లు)ను ఏర్పాటు చేయడం ఫలించింది. ఈ ప్రాంతాల పరిధిలోనే పాజిటివ్‌ కేసులు, వారి కాంటాక్టులు, కుటుంబసభ్యులుండటంతో ఇక వైరస్‌ ఆయా ప్రాంతాలను దాటి విస్తరించే పరిస్థితి ఉండదని వైద్యాధికారులు భావిస్తున్నారు. కంటైన్మెంట్లున్న ప్రాంతాల్లో ఎవరైనా బయటకు వెళ్లాలన్నా, లోనికి రావాలన్నా ఒకటే దారి ఏర్పాటు చేశారు. ఎందుకు బయటకు వెళ్తున్నారో, లోనికి వస్తున్నారో నమోదు చేస్తున్నారు. కంటైన్మెంట్‌ ప్రాంతాల్లో కొన్నిచోట్ల డ్రోన్లతోనూ నిఘా ఉంచారు. 

పైగా ఉదయం, సాయంత్రం ప్రత్యేక బృందాలు ఇంటింటికీ వెళ్లి అక్కడి వారి ఆరోగ్య పరిస్థితులపై ఆరా తీస్తున్నాయి. మొన్నటి వరకు వైరస్‌ ఏ ప్రాంతంలో కేంద్రీకృతమై ఉందో స్పష్టంగా తెలియలేదు. కానీ ఇప్పుడు కేసుల సంఖ్య, కాంటాక్టు వివరాల ఆధారంగా ప్రత్యేకంగా కంటైన్మెంట్లను ఏర్పాటు చేయడంతో పరిస్థితి నియంత్రణలోకి వచ్చిందని ప్రభుత్వ వర్గాలు అంటున్నాయి. అంతేకాక, కంటైన్మెంట్ల పరిధిలో ఉన్న క్వారంటైన్‌లోని బాధితులు, ఆసుపత్రుల్లో చికిత్స పొందుతున్న వారందరి కదలికలపై ఆన్‌లైన్‌ నిఘా పెట్టడంతో ఎక్కడికి వెళ్లినా వెంటనే పోలీసులు అప్రమత్తమై వారిని పట్టుకునే వీలు కలిగింది. ఇలా అష్టదిగ్బంధం చేయడంతో వైరస్‌ వ్యాప్తికి అవకాశాల్లేవని ఓ అధికారి చెప్పారు.

కరోనా కట్టడికి తీసుకుంటున్న చర్యల ఫలితంగా ఇకపై కేసుల సంఖ్య తగ్గే అవకాశాలున్నాయని వైద్య ఆరోగ్యశాఖకు చెందిన ఓ కీలక ప్రతినిధి వ్యాఖ్యానించారు. ఢిల్లీ మర్కజ్‌ వెళ్లిన వారిని గుర్తించామని, వారి కాంటాక్టులను, వారి ద్వారా ఇంకెవరైనా కాంటాక్టయ్యారా అనేదీ గుర్తించామని అంటున్నారు. కాబట్టి ఇకనుంచి కరోనా నిర్ధారణ పరీక్షల సంఖ్యను బట్టి ఒకట్రెండుసార్లు కేసుల సంఖ్య పెరిగినట్లు కనిపించినా మొత్తంగా కరోనా పూర్తి నియంత్రణలోకి వస్తుందని ఆయన చెప్పారు. లాక్‌డౌన్‌ పూర్తయ్యే నాటికి కరోనా కేసుల సంఖ్య ఇంకా తగ్గే అవకాశాలున్నాయని అంటున్నారు. 

‘ఇప్పుడు కరోనా వైరస్‌ ఎక్కడి వరకు వ్యాపించిందో స్పష్టత వచ్చింది. ఆ ప్రకారమే కంటైన్మెంట్‌ ప్రాంతాలు ఏర్పాటుచేశాం. పైగా ఇతర ప్రాంతాల్లోనూ లాక్‌డౌన్‌ అమలవుతోంది. కాబట్టి కేసుల సంఖ్య మునుముందు తగ్గుతుంది’అని ఆయన వ్యాఖ్యానించారు. హైదరాబాద్‌ జిల్లాలో అధిక కేసులు నమోదయ్యాయి. దీంతో జీహెచ్‌ఎంసీ ప్రాంతాల్లో కేసులు నమోదైన ప్రాంతాల్లో ప్రత్యేక చర్యలు తీసుకుంటున్నారు. 30 జీహెచ్‌ఎంసీ సర్కిళ్లకు అనుగుణంగా తక్షణ చర్యలు చేపట్టేందుకు సీనియర్‌ వైద్యాధికారులను నియమించారు. వైరస్‌ను నియంత్రించేందుకు అన్ని చర్యలు తీసుకుంటున్నామని కరోనాపై ఏర్పాటైన ఉన్నతస్థాయి కమిటీ సభ్యుడొకరు తెలిపారు.  

రాష్ట్రంలో కరోనా వైరస్‌ కేసుల సంఖ్య రోజురోజుకూ పెరుగుతూనే ఉండటంతో ఒక సందర్భంలో అధికారులు నిరాశకు గురయ్యారు. కేసుల సంఖ్య 650కి చేరువకావడం, 18 మంది మృతి చెందడంతో పరిస్థితి అదుపు తప్పిందా అనే సందేహం నెలకొంది. మొదట్లో కేసులు విదేశాల నుంచి వచ్చిన వారితోనే రాగా, ఆపై నమోదైన ఎక్కువ కేసులు ప్రధానంగా మర్కజ్‌కు వెళ్లొచ్చిన వారితోనే ముడిపడటంతో పరిస్థితి తీవ్రమైంది. మొత్తం 28 జిల్లాలకూ వైరస్‌ పాకింది. హైదరాబాద్, నిజామాబాద్, వికారాబాద్‌ జిల్లాల్లో కేసుల సంఖ్య భారీగా ఉంది. దీంతో ప్రభుత్వం అప్రమత్తమైంది. ముఖ్యమంత్రి ఆదేశాలతో 259 కంటైన్మెంట్‌ ప్రాంతాలను ఏర్పాటుచేసింది.

ఇందులో మంగళవారం నాటికి 3.01 లక్షల ఇళ్లకు వెళ్లి వైద్యాధికారులు సర్వే చేశారు. మొత్తంగా 12.04 లక్షల మందిని కలిసి వివరాలు సేకరించారు. మర్కజ్‌కు వెళ్లొచ్చిన వారి కుటుంబసభ్యులు, వారి సెకండరీ కాంటాక్ట్‌ని ట్రేస్‌ చేసి పరీక్షలు చేస్తున్నారు. ఎలాంటి లక్షణాలు లేని, మర్కజ్‌తో సంబంధమున్న వారి నమూనాలను కూడా సేకరించారు. ఇప్పటికే మర్కజ్‌కు వెళ్లొచ్చిన వారి నమూనాల సేకరణ దాదాపు పూర్తయినట్లే. అక్కడక్కడ కొందరు దాక్కొన్నట్టు అంచనా. వారినీ పట్టుకొంటున్నారు. ఎవరైనా ఈ కంటైన్మెంట్లను దాటి పోయే పరిస్థితి లేదు. కాబట్టి ఈ ప్రాంతాల్లో ఎంత సమర్థవంతంగా జల్లెడపడితే ఆ మేరకు ఫలితం ఉంటుందని అంటున్నారు.

భౌగోళికంగా క్వారంటైన్ చేయడం. వారిపై నిఘా పెట్టడం, అనుమానిత కేసులపై పరీక్షలు నిర్వహించడం, కాంటాక్టు కెరియర్లను క్వారంటైన్ చేయడం, రోగులను ఏకాంతంలో పెట్టడం వంటి చర్యలకు రాష్ట్ర వ్యాప్తంగా 3,067 టీములను ఏర్పాటు చేయడం అనూహ్యంగా సత్ఫలితాలను ఇచ్చిందని తెలంగాణ వైద్యాధికారి ఈ సందర్భంగా తెలిపారు.

రాష్ట్ర ముఖ్యమంత్రి కేసీఆర్ గత వారంరోజులుగా ఎదురుచూస్తున్న ఫలితం రానే వచ్చింది. రాష్ట్రంలో కరోనా వైరస్ వ్యాప్తి నియంత్రణ తుదిదశకు వచ్చిందన్న వార్తకంటే ఆయనకు సంతోషకరమైన ఘటన మరొకటి ఇప్పుడు ఏముంటుంది?

 

అక్టోబర్ 2 తర్వాత ఏరోజైనా సరే.. పరీక్షలకు సిద్దం..

అక్టోబర్ 2 తర్వాత ఏరోజైనా సరే.. పరీక్షలకు సిద్దం..

   2 hours ago


రేవంత్ రెడ్డి పై మంత్రి కేటీఆర్ పరువు నష్టం దావా

రేవంత్ రెడ్డి పై మంత్రి కేటీఆర్ పరువు నష్టం దావా

   3 hours ago


చేవెళ్ల నుండి వైఎస్ఆర్ టి పార్టీ అధ్యక్షురాలు షర్మిల పాదయాత్ర

చేవెళ్ల నుండి వైఎస్ఆర్ టి పార్టీ అధ్యక్షురాలు షర్మిల పాదయాత్ర

   15 hours ago


మంత్రి వర్గంలో భారీ మార్పులకి సిద్దపడుతున్న వైఎస్ జగన్

మంత్రి వర్గంలో భారీ మార్పులకి సిద్దపడుతున్న వైఎస్ జగన్

   17 hours ago


5-11 సంవత్సరాల వయస్సు ఉన్న పిల్లలకు ఫైజర్ వ్యాక్సిన్ ట్రయల్స్ విజయవంతం

5-11 సంవత్సరాల వయస్సు ఉన్న పిల్లలకు ఫైజర్ వ్యాక్సిన్ ట్రయల్స్ విజయవంతం

   17 hours ago


పంజాబ్ ముఖ్యమంత్రిగా చరణ్‌జిత్ చన్నీ ప్రమాణ స్వీకారానికి రాహుల్ గాంధీ హాజరు

పంజాబ్ ముఖ్యమంత్రిగా చరణ్‌జిత్ చన్నీ ప్రమాణ స్వీకారానికి రాహుల్ గాంధీ హాజరు

   21 hours ago


ఆంధ్రప్రదేశ్ పరిషత్‌ ఎన్నికల ఫలితాలలో వైసీపీ హవా

ఆంధ్రప్రదేశ్ పరిషత్‌ ఎన్నికల ఫలితాలలో వైసీపీ హవా

   20-09-2021


ఆంధ్రప్రదేశ్ లో ఈనెల 25న జెడ్పీ చైర్మన్ల ఎన్నిక

ఆంధ్రప్రదేశ్ లో ఈనెల 25న జెడ్పీ చైర్మన్ల ఎన్నిక

   20-09-2021


హుజూరాబాద్‌ ఉప ఎన్నికకి కాంగ్రెస్ అభ్యర్థి ఎవరు..?

హుజూరాబాద్‌ ఉప ఎన్నికకి కాంగ్రెస్ అభ్యర్థి ఎవరు..?

   20-09-2021


అక్కడ ప్రతిపక్షాలకు ఒక్క ఓటు కూడా దక్కకపోవడం విశేషం

అక్కడ ప్రతిపక్షాలకు ఒక్క ఓటు కూడా దక్కకపోవడం విశేషం

   20-09-2021


ఇంకా

NewsSting Team


      040 23600300

newsting
Daily Updates
facebooktwitterGooglewhatsappwhatsappGoogle