newssting
BITING NEWS :
* శనివారం మధ్యాహ్నమే కేబినెట్ సమావేశం..ఈ నెల 20న జరగాల్సిన సమావేశాన్ని రేపటికి ప్రీ పోన్ చేసిన ఏపీ సర్కార్ *కాకినాడలో దారుణం..రేచర్లపేటలో నాలుగేళ్ల చిన్నారి మీద అత్యాచారం..చిన్నారి మీద అత్యాచారానికి పాల్పడ్డ ఇద్దరు మైనర్లు *నల్గొండ: హాజీపూర్ వరుస హత్య కేసుల్లో ముగిసిన వాదనలు.. తీర్పు రిజర్వ్.. ఈ నెల 27న తీర్పు వెల్లడించనున్న న్యాయస్థానం*ఢిల్లీ: నిర్భయ కేసులో నిందితుడు ముఖేష్ క్షమాభిక్ష పిటిషన్‌ను తిరస్కరించిన రాష్ట్రపతి రామ్‌నాథ్‌ కోవింద్*ఆస్తుల కేసులో హాజరుకాలేనని సీబీఐ కోర్టులో సీఎం వైఎస్ జగన్ పిటిషన్... విచారణకు స్వీకరించిన సీబీఐ కోర్టు.. ఈ రోజు హాజరుపై సీఎం జగన్‌కు మినహాయింపు ఇచ్చిన సీబీఐ కోర్టు*అమరావతిలో 144 సెక్షన్, పోలీస్ యాక్ట్ అమలుపై హైకోర్ట్ సీరియస్ *అమరావతిలో 31వ రోజుకు చేరిన ఆందోళన.. లోకేష్ బైక్ ర్యాలీ *ఏపీ గవర్నర్ ని కలిసిన అమరావతి పరిరక్షణ సమితి సభ్యులు *నిర్బయ దోషులకు కొత్త డెత్ వారెంట్ జారీ.. ఫిబ్రవరి 1వ తేదీ ఉదయం ఆరుగంటలకు ఉరిశిక్ష అమలు * టీమిండియా-ఆస్ట్రేలియా మధ్య రెండో వన్డే

ఐఏఎస్, ఐపీఎస్‌ల ఒత్తిడికి లొంగే సజ్జనార్ అలా చేశారా?

07-12-201907-12-2019 13:39:27 IST
Updated On 07-12-2019 17:56:37 ISTUpdated On 07-12-20192019-12-07T08:09:27.790Z07-12-2019 2019-12-07T08:09:25.870Z - 2019-12-07T12:26:37.413Z - 07-12-2019

ఐఏఎస్, ఐపీఎస్‌ల ఒత్తిడికి లొంగే సజ్జనార్ అలా చేశారా?
facebooktwitterGooglewhatsappwhatsappGoogle
ఒకవైపు డాక్టర్ దిశపై హత్యాచార ఘటనలో నిందితులను ఘటనా స్థలానికి సమీపంలోనే ఎన్‌కౌంటర్ చేసిన తెలంగాణ పోలీసులపై దేశవ్యాప్తంగా అభినందనల వర్షం కురుస్తుండగా జాతీయ మానవహక్కుల కమిషన్, పలు అంతర్జాతీయ మానవ హక్కుల సంఘాలు ఈ ఎన్‌కౌంటర్ బూటకం అంటూ విచారణకు డిమాండ్ చేస్తున్నాయి. దిశపై ఆ దారుణ చర్య జరగడానికి ముందు తీవ్ర నిర్లక్ష్యం ప్రదర్శించి అభాసుపాలైన తెలంగాణ పోలీసులు పది రోజుల్లోపే నిందితులను కాల్చి చంపడం ద్వారా దేశం దృష్టిలో హీరోలైపోయారు. కానీ ఈ ఎన్‌కౌంటర్‌కు ఆద్యంతం వ్యూహ రచన చేసిన సైబరాబాద్ సీపీ సజ్జనార్ తోటి ఐఏఎస్, ఐపీఎస్ అధికారుల నుంచి తీవ్రమైన ఒత్తిడికి లోనై ఇంత సత్వర నిర్ణయానికి వచ్చారా అనేది చర్చనీయాంశం అవుతోంది.

దిశ హంతకులపై తీవ్ర చర్య జరుగుతుందని తొలి నుంచి అనుమానించినవారు కూడా ఇంత త్వరగా ఆ నిర్ణయం తీసుకుంటారని ఊహించలేకపోయారు. గురువారం రాత్రి చివరి వార్తలు ప్రచురణకు సిద్దం చేస్తున్న మీడియా పాత్రికేయులు సైతం ఏదైనా సంచలనం జరుగుతుందని సూచనా ప్రాయంగా కూడా ఆలోచించలేకపోయారు. కేసు రీ కన్‌స్ట్రక్షన్ అనే అంశం చుట్టూనే శుక్రవారం నాటి దినపత్రికల కథనాలు తయారు కావడం తెలిసిందే. దానిపేరుతో మరో పథకానికి పోలీసులు పథకం పన్నారన్న అంశం ఎవరి ఆలోచనల్లోకి రాలేదు. ఇంత తీవ్రనిర్ణయానికి కారణం ఏముంటుందని ఎన్‌కౌంటర్ ఘటన తర్వాత పలువురు పలురకాలుగా ఊహాగానాలు చేస్తున్నారు. వాటిలో సైబరాబాద్ సీపీ సజ్జనార్‌ ఎదుర్కొన్న తీవ్రమైన ఒత్తిడి విషయం ప్రధానంగా వార్తల్లో నిలుస్తోంది.

Image result for Disha Murder Case Sajjanar Received above 2500 Missed calls

దిశ హంతకుల ఎన్‌కౌంటర్‌ ఓ రకంగా సైబరాబాద్‌ సీపీ సజ్జనార్‌పై కొంత ఒత్తిడి తగ్గించిందనే చర్చ పోలీస్‌ వర్గాల్లో జరుగుతోంది. సజ్జనార్‌కు ఎన్‌కౌంటర్‌ స్పెషలిస్ట్‌గా పేరుండడం, ఇప్పుడు ఘటన జరిగిన పరిధికి కూడా ఆయనే పోలీస్‌ బాస్‌ కావడంతో నిందితుల ఎన్‌కౌంటర్‌ జరుగుతుందని కొందరు ఊహించారు. మరికొందరు ఏకంగా సీపీ సజ్జనార్‌కే ఫోన్‌ చేసి చెప్పేందుకు ప్రయత్నించారని తెలుస్తోంది. గత వారం రోజుల్లో సజ్జనార్‌ మొబైల్‌కు 2,500కు పైగా మిస్డ్‌ కాల్స్‌ వచ్చాయంటే ఈ ఘటన తర్వాత ఆయన ఎంత ఒత్తిడి ఎదుర్కొన్నారో అర్థం చేసుకోవచ్చని పోలీస్‌ వర్గాలంటున్నాయి. 

ప్రతి నిమిషం ఆయన ఫోన్‌కు ఎస్‌ఎంఎస్‌లు, వాట్సాప్‌ మెసేజ్‌లు వెల్లువెత్తాయి. సీపీ సజ్జనార్‌కే కాదు ఆయన సతీమణి ఫోన్‌కు కూడా వందల సంఖ్యలో మెసేజ్‌లు వచ్చాయని, నిందితులను ఎన్‌కౌంటర్‌ చేయాలనే భావన ఆ మెసేజ్‌ల్లో వ్యక్తమైందని అంటున్నారు. అలా ఎస్‌ఎంఎస్‌‌లు, వాట్సాప్‌ మెసేజ్‌లు పంపిన వారిలో ఐఏఎస్, ఐపీఎస్‌ అధికారుల భార్యలు, కుటుంబ సభ్యులున్నారని తెలుస్తోంది. ఈ విషయాన్ని సీపీ సజ్జనార్‌ ఎవరితో చర్చించకుండా రహస్యంగానే ఉంచి ఒత్తిడిని భరించారని పోలీస్‌ వర్గాల్లో చర్చ జరుగుతోంది. 

ఓవైపు కేసు విచారణ, దర్యాప్తు, ప్రభుత్వ వర్గాల నుంచి సహజంగా ఉండే ఒత్తిడికి తోడు పౌర సమాజం డిమాండ్లను తట్టుకున్న సజ్జనార్‌ నిందితులకు చట్టపరం గా శిక్ష పడాలనే దర్యాప్తు కొనసాగించారని అంటున్నారు. అనుకోకుండా ఎన్‌కౌంటర్‌ జరిగిందని, దీనిని పౌరసమాజం హర్షించడంతో  సజ్జనార్‌కు మానసికంగా ఊరట కలిగినట్టేననే చర్చ పోలీసు వర్గాల్లో జరుగుతోంది.


NewsSting Team


      040 23600300

newsting
Daily Updates
facebooktwitterGooglewhatsappwhatsappGoogle