newssting
BITING NEWS :
ఎన్డీయేతో బంధం తెంచుకున్న అకాలీదళ్. కేంద్రం తీసుకొచ్చిన బిల్లులకు వ్యతిరేకంగా అకాలీదళ్ నిర్ణయం. ఈ బిల్లుల ప్రభావం రైతులు, దళితులు, రైతు కూలీల అందరిపై పడిందని తెలిపిన అకాలీదళ్ చీఫ్ సుఖ్‌బీర్ సింగ్ బాదల్ ప్రకటన. శనివారం పార్టీ నిర్వహించిన మూడు గంటల ఎమర్జెన్సీ కోర్ కమిటీ సమావేశం అనంతరం నిర్ణయం. 23 ఏళ్ల సుదీర్ఘ రాజకీయ బంధాన్ని తెగతెంపులు చేసుకున్న అకాలీదళ్ * బాలీవుడ్‌ వివాదాస్పద నటి కంగనా రనౌత్‌పై కర్ణాటకలోని తుమకూరు కోర్టులో కేసు దాఖలు. కేంద్ర ప్రభుత్వ రైతు చట్టాలకు వ్యతిరేకంగా ఆందోళన చేస్తున్న రైతులను ఉగ్రవాదులతో పోల్చుతూ ట్వీట్‌ చేయడాన్ని తప్పుబడుతూ తుమకూరు జేఎంఎఫ్సీ కోర్టులో రమేశ్‌ నాయక్‌ అనే న్యాయవాది పిటిషన్‌ దాఖలు * అత్యంత ప్రతిష్టాత్మకమైన ఢిల్లీలోని జాతీయ న్యాయ విశ్వవిద్యాలయం ఎన్‌ఎల్‌యూ వైస్‌ చాన్సలర్‌గా వరంగల్‌ జిల్లాకు చెందిన ప్రొఫెసర్‌ పి.శ్రీకృష్ణదేవరావు నియామకం. ప్రస్తుత వైస్‌ చాన్సలర్‌ ప్రొఫెసర్‌ రణబీర్‌ సింగ్‌ పదవీ విరమణ చేయడంతో శ్రీకృష్ణదేవరావు నియామకం. దేశంలోని పలు విశ్వవిద్యాలయాలలో కీలక బాధ్యతలు నిర్వహించిన శ్రీకృష్ణదేవరావు న్యాయ విద్యలో మార్పులు తీసుకువచ్చేందుకు యూజీసీ నియమించిన నిపుణుల కమిటీలో కూడా ఆయన సభ్యుడిగా కూడా పనిచేశారు * శివసేన నేత, లోక్ సభ సభ్యుడు సంజయ్‌ రౌత్‌, మహారాష్ట్ర మాజీ సీఎం దేవేంద్ర ఫడ్నవిస్ ఓ స్టార్ హోటల్ లో రహస్యంగా భేటీ అయినట్టు గుప్పుమన్న వార్తలు. ఓ లగ్జరీ హోటల్‌ లో సుమారు గంటన్నర పాటు వీరిమధ్య చర్చలు జరిగినట్టు సమాచారం. దేశవ్యాప్తంగా చర్చకు దారితీసిన ఈ సమావేశం వార్తలు. ఈ సమావేశం నిజమేనని, దీని వెనుక రాజకీయ కారణాలు లేవని స్పష్టం చేసిన బీజేపీ * అమెరికాలోని హిందూఆధ్యాత్మిక గురువు స్వామి ప్రత్యాగ్‌బోధానంద కన్నుమూత. పెన్సిల్వేనియాలో అర్ష విద్యా గురుకులానికి ఉపాధ్యక్షులుగా ఉన్న ప్రత్యాగ్‌బోధానంద వయసు 69 సంవత్సరాలు. గురుకులం 34వ వార్షిక ఉత్సవాల్లో పాల్గొన్న తర్వాత తీవ్రమైన గుండెపోటు రావడంతో ఈనెల 20తేదీన తుదిశ్వాస విడిచినట్టు తెలిపిన ఆయన శిష్యులు. ప్రత్యాగ్‌బోధానంద పార్థివదేహాన్ని భారత్‌కు తరలింపుకు ప్రయత్నాలు * పార్లమెంటు ఆమోదించిన మూడు వ్యవసాయ బిల్లులకి వ్యతిరేకంగా పంజాబ్‌లో కొనసాగుతున్న రైల్‌ రోకో ఆందోళన. గత మూడు రోజులుగా రైతులు రైలు పట్టాలపై కూర్చొని నిర్వహిస్తున్న రైల్‌ రోకో. తొలుత కిసాన్‌ మజ్దూర్‌ సంఘర్ష్ కమిటీ నిరసన కార్యక్రమాలకు పిలుపునిస్తే, ఆ తర్వాత మద్దతు ప్రకటించిన వివిధ సంఘాలు * బాలీవుడ్‌ పరిశ్రమలో కలకలం సృష్టిస్తున్న డ్రగ్స్‌ వ్యవహారం. దీపికా పదుకొనె, శ్రద్ధా కపూర్‌, సారా అలీఖాన్‌ నార్కోటిక్స్‌ కంట్రోల్‌ బ్యూరో ఎదుట శనివారం హాజరు. వేర్వేరుగా ఐదు గంటలకు పైగా కొనసాగిన విచారణ. నటీమణుల వాగ్మూలాన్ని రికార్డు చేసిన ఎన్సీబీ * ఉపరితల ద్రోణి ప్రభావంతో తెలుగు రాష్ట్రలలో పలు జిల్లాల్లో కురిసిన భారీ వర్షాలు శుక్రవారం రాత్రి నుంచి ఆదివారం ఉదయం వరకు కురిసిన ఓ మోస్తరు నుంచి భారీ వర్షాలు. వాగులు, వంకలు పొంగిపొర్లుతుండటంతో అక్కడక్కడా నిలిచిన రాకపోకలు. పలుచోట్ల నీటమునిగిన పంట పొలాలు. అత్యధికంగా రంగారెడ్డి జిల్లా నందిగామలో 19 సెంటీమీటర్ల వర్షపాతం నమోదు * అక్టోబరు 1 నుంచి సినిమా థియేటర్లు తెరిచేందుకు అనుమతినిచ్చిన పశ్చిమ బెంగాల్ ప్రభుత్వం. ఈ విషయాన్ని ట్వీట్ ద్వారా తెలియజేసిన ముఖ్యమంత్రి మమతా బెనర్జీ. పరిస్థితులను గాడిలో పెట్టేందుకు అక్టోబరు 1 నుంచి సినిమా థియేటర్ల తెరిచేందుకు అనుమతినిస్తున్నామని, అలాగే సాంస్కృతిక కార్యక్రమాలు, మ్యాజిక్ షోలు నిర్వహించేందుకు కూడా అనుమతినిస్తున్నామని ట్వీట్ * నెల్లూరు జిల్లాలో ఇటీవల జరిగిన రౌడీషీటర్ దారుణ హత్య మరువక ముందే చోటు చేసుకున్న మరో ఘటన. చిల్లకూరు మండలం కలవకకొండలో చేజర్ల సుబ్రహ్మణ్యం(38) అనే వ్యక్తి దారుణ హత్య. ఆదివారం ఉదయం అతి కిరాతకంగా చంపేసిన గుర్తు తెలియని వ్యక్తులు. సమాచారం మేరకు ఘటనాస్థలికి చేరుకున్న పోలీసులు కేసు నమోదు * సంగారెడ్డిలో వాగు దాటుతున్న వ్యక్తి వరద నీటిలో గల్లంతు. భారీ వర్షాలకు వాగు దాటుతున్న ముగ్గరు వ్యక్తులు గల్లంతవ్వగా ఇద్దరు వ్యక్తులను ఒడ్డుకు చేర్చిన స్థానికులు. కంగ్టి మండలం జంగి బికి చెందిన 55 ఏళ్ల మంగలి మారుతి కాకి వాగు వరద ఉధృతిలో గల్లంతు. మారుతి ఆచూకీ కోసం మండల రెవెన్యూ అధికారుల గాలింపు చర్యలు.

ఎన్నిక‌ల ఖ‌ర్చును రాబ‌ట్టుకునేప‌నిలో నిజామాబాద్ జిల్లా ఎమ్మెల్యేలు..!

06-11-201906-11-2019 13:07:59 IST
2019-11-06T07:37:59.432Z06-11-2019 2019-11-06T07:37:40.377Z - - 27-09-2020

ఎన్నిక‌ల ఖ‌ర్చును రాబ‌ట్టుకునేప‌నిలో నిజామాబాద్ జిల్లా ఎమ్మెల్యేలు..!
facebooktwitterGooglewhatsappwhatsappGoogle
గ‌త ఏడాది జ‌రిగిన ముంద‌స్తు అసెంబ్లీ ఎన్నిక‌ల్లో నిజామాబాద్ జిల్లాలో అధికార టీఆర్ఎస్ తొమ్మిది స్థానాల్లో ఎనిమిది సీట్ల‌ను గెలిచిన సంగతి తెలిసిందే. య‌ల్లారెడ్డిలో కాంగ్రెస్ గెలిచినా ఆ త‌రువాతి కొద్ది రోజుల్లోకే ఆయ‌నా కారెక్కేశారు. దీంతో తొమ్మిది నియోజ‌క‌వ‌ర్గాల్లోనూ టీఆర్ఎస్‌ ఎమ్మెల్యేలే ఉన్నారు.

ఇంత‌వ‌ర‌కు బాగానే ఉన్నా.. తొమ్మిది మందిలో ఒక‌రు స్పీక‌ర్‌గా ఉండ‌గా, మ‌రొక‌రు మంత్రిగా బాధ్య‌త‌లు నిర్వ‌హిస్తున్నారు. మ‌రొక‌రు ప్ర‌భుత్వ విప్ బాధ్య‌త‌ల్లో ఉన్నారు. ఈ క్ర‌మంలో చాలా మంది ఎమ్మెల్యేలు నియోక‌వ‌ర్గాల వైపు చూడ‌ట‌మే మానేశార‌న్న టాక్ ప్ర‌జల నుంచి వినిపిస్తోంది.

ఎన్నిక‌ల్లో పెట్టిన ఖర్చులు రాబ‌ట్టుకునేందుకు సైడ్ బిజినెస్ మొద‌లు పెట్టేశారని, ఒక‌ప‌క్క అధికారాన్ని అనుభ‌విస్తూనే మ‌రోవైపు కొంద‌రు రియ‌ల్ ఎస్టేట్ వ్యాపారంలో, మ‌రికొంద‌రు ఇత‌ర వ్యాపారాల్లో బిజీ అయ్యార‌ని స్థానిక ప్ర‌జ‌లే చెబుతున్నారు. అందులో భాగంగానే నియోజ‌క‌వ‌ర్గాల్లో భూత‌ద్దాలుపెట్టి వెతికినా ఎమ్మెల్యేలు క‌న‌ప‌డ‌టం లేద‌ని ప్ర‌జ‌లు పేర్కొంటున్నారు. మ‌రికొంద‌రు ఎమ్మెల్యేలు అడ‌పా.. ద‌డ‌పా.. చిన్న చిన్న షాపుల ఓపెనింగ్‌కు వ‌స్తూ అలా మెరిసిపోతున్నారు.

పార్ల‌మెంట్ ఎన్నిక‌ల నుంచి ఓ ఎమ్మెల్యే నియోజ‌క‌వ‌ర్గానికి మొఖం చాటేశారు. విదేశాల్లో ఉన్న త‌న వ్యాపారాల్లో స‌ద‌రు ఎమ్మెల్యే బిజీ అయ్యార‌నే టాక్ న‌డుస్తోంది. అభివృద్ధి ప‌నుల‌కు నిధులు లేక ప‌నులు మ‌ధ్య‌లో ఆగిపోవం, నియోజ‌క‌వ‌ర్గ నిధులు త‌గ్గిపోవ‌డంతో ప్ర‌త్యామ్నాయం వైపు దృష్టిపెట్టార‌నే స‌మాచారం విన‌వ‌స్తోంది.

జిల్లా కేంద్రానికి ద‌గ్గర్లో ఉండే మ‌రో ఎమ్మెల్యే వారంలో ఒక్క రోజు మాత్ర‌మే అంటూ నియోజ‌క‌వ‌ర్గానికి వ‌స్తున్నారు. దీంతో కార్య‌క‌ర్త‌లు నియోజ‌క‌వ‌ర్గ ప్ర‌జ‌లు వారి వారి స‌మ‌స్య‌లు ఎవ‌రికి చెప్పుకోవాలో తెలియ‌క త‌ల‌లు ప‌ట్టుకుంటున్నారు. ఉమ్మ‌డి నిజామాబాద్ జిల్లాలో మెజార్టీ ఎమ్మెల్యేలు రెండోసారి ఎమ్మెల్యేలుగా విజ‌యం సాధించారు. ఈ అసెంబ్లీ ఎన్నికల్లో గ‌త ఎన్నిక‌ల‌కంటే రెట్టింపు ఖ‌ర్చు పెట్టార‌ని, కొంద‌రు ఇప్ప‌టికీ అప్పులు క‌డుతుంటే.. మ‌రికొంద‌రు ఖ‌ర్చుల‌ను రాబ‌ట్టుకునేందుకు బిజినెస్‌మెన్ అవ‌తార‌మెత్తార‌ని స్థానిక ప్ర‌జ‌లు బాహాటంగానే మీడియాకు చెబుతున్నారు.

ఎమ్మెల్యేగిరిచేస్తే అప్పులు తీర‌వంటూ సైడ్ దందాలు మొద‌లు పెట్టిన‌ట్టు తెలుస్తుంది. గెలిచిన ఎమ్మెల్యేల్లో చాలా మంది కాంట్రాక్ట‌ర్లు, బిల్డ‌ర్లుగా ఉండి రాజ‌కీయ ఆరంగ్రేటం చేసిన‌వారే కావ‌డం గ‌మ‌నార్హం. ఆ క్ర‌మంలోనే మొద‌టిసారి సుల‌భంగా గెలిచినా.. రెండోసారి గెలిస్తే మంత్రి ప‌ద‌వి వ‌స్తుంద‌న్న ఆశ‌తో ఇబ్బ‌డి ముబ్బ‌డిగా ఖ‌ర్చు చేసిన‌ట్టు తెలుస్తుంది.  ఇప్పుడు ఆ ఖ‌ర్చుల‌ను రాబ‌ట్టుకునేందుకు స‌ర్కార్ ప‌నుల‌పై ఆశ‌లేక‌పోవ‌డంతో పాత బిజినెస్‌ల‌పై దృష్టిపెట్టిన‌ట్టు ప్ర‌జ‌లు చెవులు కొరుక్కుంటున్నారు.

ఇందూరులో ఇంకో ఎమ్మెల్యే ఓ అడుగు ముందుకేసి భూక‌బ్జాలు, ల్యాండ్ సెటిల్‌మెంట్‌ల కోసం ఓ గ్యాంగ్‌ను సిద్ధం చేశార‌నే టాక్ న‌డుస్తోంది. ఇంకొక‌రు ఓ కార్పొరేష‌న్ స్థ‌లాన్ని లీజుకు తీసుకుని భారీ షాపింగ్ కాంప్లెక్స్ క‌ట్టేశార‌ట‌.

ఇలా చాలా మంది ఎమ్మెల్యేలు నియోజ‌క‌వ‌ర్గానికి బిజీగా మారిపోయార‌ట‌. ఎమ్మెల్యేల బిజినెస్‌ల విష‌యం అధిష్టానానికి తెలిసినా అయితే ఓకే అంటున్నార‌ట‌. ఎన్నిక‌ల సంవ‌త్స‌రం వ‌ర‌కు త‌మ సొంత వ్యాపారాల‌ను బాగుచేసుకుని చివ‌రి సంవ‌త్స‌రం నియోజ‌క‌వ‌ర్గంలోనే ఉండాల‌న్న ప్లాన్‌తో ఎమ్మెల్యేలు ఉన్న‌ట్టు తెలుస్తుంది.

అయితే, నియోజ‌క‌వ‌ర్గాల ప్ర‌జ‌లు మాత్ర ఎమ్మెల్యేల కోసం కార్యాల‌యాల చుట్టూ చెప్పుల‌రిగేలా తిరుగుతున్నా కంటికి క‌నిపించ‌డం లేద‌ని ప్ర‌జ‌లు ఉసూరుమంటున్నారు. ప్ర‌జా ప్ర‌తినిధులుగా గెలిచిన ఎమ్మెల్యేలు ప్ర‌జ‌ల‌కు అందుబాటులో లేకుండా అజ్ఞాత‌వాసంలో ఉండ‌టంప‌ట్ల నియోజ‌క‌వ‌ర్గ ప్ర‌జ‌లు మండిప‌డుతున్నారు. సొంత ప‌నులు చ‌క్క‌బెట్టుకున్నా.. నియోజ‌క‌వ‌ర్గ ప్ర‌జ‌ల‌కు స‌మ‌య‌మివ్వాల‌ని కోరుతున్నారు. 

 

 

 

ఎన్‌డీఏకు అకాలీదళ్‌ గుడ్‌బై.. రైతు వ్యతిరేక బిల్లులపై విభేదం

ఎన్‌డీఏకు అకాలీదళ్‌ గుడ్‌బై.. రైతు వ్యతిరేక బిల్లులపై విభేదం

   29 minutes ago


డీకే అరుణకి జాతీయ పదవి.. రెడ్డి సామాజికవర్గంపై బీజేపీ టార్గెట్?

డీకే అరుణకి జాతీయ పదవి.. రెడ్డి సామాజికవర్గంపై బీజేపీ టార్గెట్?

   an hour ago


ఏపీని ముంచెత్తుతున్న భారీ వర్షాలు.. పంటనష్టం

ఏపీని ముంచెత్తుతున్న భారీ వర్షాలు.. పంటనష్టం

   2 hours ago


తెలంగాణలో ఆడపిల్లను లక్ష్మిలా కొలుస్తున్నారు.. మంత్రి హరీష్ రావు

తెలంగాణలో ఆడపిల్లను లక్ష్మిలా కొలుస్తున్నారు.. మంత్రి హరీష్ రావు

   4 hours ago


తెలుగు రాష్ట్రాలకు నడ్డా పెద్ద పీట..

తెలుగు రాష్ట్రాలకు నడ్డా పెద్ద పీట..

   4 hours ago


వైఎస్సార్‌ జలకళ పథకం 28న ప్రారంభం.. 3 లక్షల మంది రైతులకు ఉచిత బోర్లు

వైఎస్సార్‌ జలకళ పథకం 28న ప్రారంభం.. 3 లక్షల మంది రైతులకు ఉచిత బోర్లు

   5 hours ago


ధరణి పోర్టల్‌‌ని దసరా రోజున ప్రారంభిస్తా.. సీఎం కేసీఆర్

ధరణి పోర్టల్‌‌ని దసరా రోజున ప్రారంభిస్తా.. సీఎం కేసీఆర్

   6 hours ago


అగ్రీ బిల్లులపై రైతుల ఆగ్రహం.. కేంద్రం తగ్గేవరకూ నిలబడతారా?

అగ్రీ బిల్లులపై రైతుల ఆగ్రహం.. కేంద్రం తగ్గేవరకూ నిలబడతారా?

   15 hours ago


గాయపడ్డ నన్నపనేని రాజకుమారి

గాయపడ్డ నన్నపనేని రాజకుమారి

   19 hours ago


ప్రజారోగ్యం పట్ల ప్రభుత్వాలకు బాధ్యత లేదా?

ప్రజారోగ్యం పట్ల ప్రభుత్వాలకు బాధ్యత లేదా?

   20 hours ago


ఇంకా

NewsSting Team


      040 23600300

newsting
Daily Updates
facebooktwitterGooglewhatsappwhatsappGoogle