newssting
Radio
BITING NEWS :
విశాఖ జిల్లా అనకాపల్లి ముత్రాసు కాలనీలో విషాదం. అనారోగ్యంతో భార్య చనిపోవడంతో మనస్తాపం చెంది.. ఇద్దరు పిల్లలతో కలిసి ఆత్మహత్య చేసుకున్న తండ్రి. * కడప జిల్లా ముద్దనూరు మండలం కొత్తపల్లిలో రోడ్డు ప్రమాదం. క్యాంపర్ వాహనాన్ని ఢీ కొట్టిన లారీ, ఇద్దరు మృతి. మృతులు తొండూరు మండలం మల్యాల వాసులుగా గుర్తింపు. * తెలంగాణలో భారీగా పెరిగిన కరోనా కేసులు. కొత్తగా 684 పాజిటివ్ కేసులు నమోదు, ముగ్గురు మృతి. * భద్రాచలం చెక్ పోస్ట్ వద్ద పోలీసుల తనిఖీల్లో పట్టుబడిన గంజాయి. రూ. 30 లక్షలు విలువైన రెండు క్వింటాళ్ల గంజాయి స్వాధీనం. రెండు కార్లు సీజ్, ముగ్గురు అరెస్ట్. * గుంటూరు జిల్లా తాడేపల్లి పరిసర ప్రాంతాల్లో విస్తరిస్తున్న డ్రగ్ కల్చర్. యూనివర్శిటీలు, కాలేజీలు టార్గెట్ గా డ్రగ్స్ అమ్మకాలు చేపట్టిన మాఫియా. గంజాయితో పాటు సింథటిక్ డ్రగ్స్ విక్రయాలు. ఎండీఎంఏ ట్యాబ్లెట్స్ ను పట్టుకున్న ఎస్ఈబీ అధికారులు. * ఈస్ట్ ఢిల్లీ రెడీమేడ్ వస్త్ర కారాగారంలో భారీ అగ్నిప్రమాదం. మంటలార్పుతున్న 15 ఫైరింజన్లు.

ఉద్యమానికి ఊపిరులూదిన పార్టీ... అభివృద్ధిలోనూ ప్రధాన భూమిక

28-04-202028-04-2020 08:12:23 IST
Updated On 28-04-2020 09:22:29 ISTUpdated On 28-04-20202020-04-28T02:42:23.357Z28-04-2020 2020-04-28T02:42:18.470Z - 2020-04-28T03:52:29.071Z - 28-04-2020

ఉద్యమానికి ఊపిరులూదిన పార్టీ... అభివృద్ధిలోనూ ప్రధాన భూమిక
facebooktwitterGooglewhatsappwhatsappGoogle
2001 ఏప్రిల్ 27.. హైద‌రాబాద్‌లోని జ‌ల‌దృశ్యం. అప్ప‌టికే తెలంగాణ మ‌లి ద‌శ ఉద్య‌మానికి శ్రీకారం చుట్టాల‌ని, తెలంగాణ ప్ర‌జ‌ల స్వ‌రాష్ట్ర ఆకాంక్షను నెర‌వేర్చేందుకు రాజ‌కీయ పోరాటం చేయాల‌ని కె.చంద్ర‌శేఖ‌ర్‌రావు ఒక నిర్ణ‌యానికి వ‌చ్చారు. కేసీఆర్ నిర్ణ‌యానికి ప్రొ.జ‌య‌శంక‌ర్‌, కొండా ల‌క్ష్మ‌ణ్ బాపూజీ వంటి మేధావులు మ‌ద్ద‌తునిచ్చారు. తెలంగాణ రాష్ట్రాన్ని సాధించాల‌నే ప‌ట్టుద‌ల ఉన్న కొంద‌రు నేత‌లు కేసీఆర్ వెంట న‌డిచేందుకు ముందుకొచ్చారు. అలా జ‌ల‌దృశ్యంలో స‌రిగ్గా ఇర‌వై ఏళ్ల క్రితం 27వ తేదీ టీఆర్ఎస్ పార్టీ ఆవిర్భ‌వించింది.

ఉద్య‌మ పార్టీగా పుట్టి ప్ర‌త్యేక తెలంగాణ సాధించి రెండు సార్లు అధికారంలోకి వ‌చ్చిన టీఆర్ఎస్ ప్ర‌స్థానం సాదాసీదాగా జ‌ర‌గ‌లేదు. ఈ ప్ర‌స్థానంలో అనేక‌ ఎదు‌రుదెబ్బ‌లు, వెన్నుపోట్లు, ఫిరాయింపులు, ఆరోప‌ణ‌లు, ఆత్మ‌స్థైర్యాన్ని దెబ్బ తీసే ప్ర‌య‌త్నాలు, అవ‌హేళ‌నలు, ఓట‌ములు ఎన్నో ఎదురయ్యాయి. బ‌ల‌మైన ప్ర‌త్య‌ర్థుల‌తో పోరాడాల్సి వ‌చ్చింది. అయినా, కేసీఆర్ త‌న వ్యూహాల‌తో, న‌మ్మిత సిద్ధాంతాల‌తో పార్టీని ముందుకు న‌డిపించారు. ఒకానొక స‌మ‌యంలో ఇక టీఆర్ఎస్ ప‌ని ఖ‌తం అనుకున్న సంద‌ర్భంలోనూ త‌న వ్యూహాల‌తో మ‌ళ్లీ పార్టీని నిల‌బెట్టారు.

పార్టీ స్థాపించిన నెల రోజుల్లోపే జ‌రిగిన స్థానిక సంస్థ‌ల ఎన్నిక‌ల్లోనే టీఆర్ఎస్ త‌న ఉనికిని చాటుకుంది. సిద్ధిపేట‌తో పాటు ప‌లు నియోజ‌క‌వ‌ర్గాల్లో చెప్పుకోద‌గ్గ స్థాయిలో విజ‌యాలు న‌మోదు చేసుకుంది. రాజ‌కీయ పోరాటం వ‌ల్లే తెలంగాణ ఏర్పాటు సాధ్య‌మ‌ని కేసీఆర్ బ‌లంగా న‌మ్మారు. పొత్తులు పెట్టుకున్నారు. విలీనాలు చేసుకున్నారు. 2001లోనే కేసీఆర్‌లానే ఆలోచించి స్వ‌రాష్ట్ర సాధ‌న‌కు ఆలె న‌రేంద్ర నేతృత్వంలో తెలంగాణ సాధ‌న స‌మితి ఏర్ప‌డింది. ఈ పార్టీ ల‌క్ష్యం కూడా తెలంగాణ రాష్ట్ర ఏర్పాటే. ఇద్ద‌రిదీ ఒకే ల‌క్ష్య‌మైనందున ఆలె న‌రేంద్ర త‌న పార్టీని టీఆర్ఎస్‌లో విల‌నీం చేశారు.

కానీ ఎప్పుడూ ఈ పొత్తులు టీఆర్ఎస్‌కు క‌లిసి రాలేదు. 2004లో ప్ర‌త్యేక రాష్ట్ర ఏర్పాటుకు అనుకూలంగా ఉన్నామ‌ని చెప్పిన కాంగ్రెస్ పార్టీతో టీఆర్ఎస్ జ‌త‌క‌లిసి ఎన్నిక‌ల‌కు వెళ్లింది. 54 స్థానాల్లో పోటీ చేసి 26 స్థానాలు గెలిచి తెలంగాణ ప్ర‌జ‌ల్లో ఉన్న స్వ‌రాష్ట్ర కాంక్ష‌ను చాటి చెప్పింది. కేంద్రంలో, రాష్ట్రంలో కాంగ్రెస్‌తో క‌లిసి అధికారం పంచుకుంది. టీఆర్ఎస్ అధినేత కేసీఆర్‌, పార్టీలో నెంబ‌ర్ 2గా ఉన్న ఆలె న‌రేంద్ర  అయితే, రాష్ట్ర ఏర్పాటుకు కాంగ్రెస్ ఆస‌క్తిగా లేక‌పోవ‌డం, ముఖ్యంగా ఆనాటి ముఖ్య‌మంత్రి వైఎస్ రాజ‌శేఖ‌ర్‌రెడ్డి ప్ర‌త్యేక తెలంగాణ‌కు వ్య‌తిరేకంగా ఉండ‌టంతో ఇక లాభం లేద‌ని మంత్రివ‌ర్గం నుంచి బ‌య‌ట‌కు వ‌చ్చింది.

జాతీయ స్థాయిలో ప్ర‌త్యేక రాష్ట్రానికి మ‌ద్ద‌తు కూడ‌గ‌ట్ట‌డంలో కేసీఆర్ చాలా క‌ష్ట‌ప‌డి స‌ఫ‌ల‌మ‌య్యారు. ఎన్నో పార్టీల నేత‌ల‌ను క‌లిసి ప్ర‌త్యేక తెలంగాణ‌కు మ‌ద్ద‌తు ప‌లికేలా చేశారు. అయితే, రాష్ట్రంలోనే టీఆర్ఎస్‌కు ఎదురుదెబ్బ‌లు త‌గిలాయి.

టీఆర్ఎస్‌ను బ‌ల‌హీనం చేసే వ్యూహంతో అప్ప‌టి ముఖ్య‌మంత్రి వైఎస్సార్ 10 మంది టీఆర్ఎస్ ఎమ్మెల్యేల‌ను త‌న వైపు తిప్పుకున్నారు. తెలంగాణ ఉద్య‌మం లేద‌నే నిరూపించే ప్ర‌య‌త్నం చేశారు. కానీ, వైఎస్ వంటి బ‌ల‌మైన నాయ‌కుడి వ్యూహాల‌కు కేసీఆర్ ప్ర‌తివ్యూహాలు ప‌న్నారు. ఉద్య‌మం బ‌ల‌హీన‌ప‌డింద‌నే ప్ర‌చారం మొద‌లైన 2006, 2008లో క‌రీంన‌గ‌ర్ ఎంపీగా రాజీనామా చేసి ఉప ఎన్నిక‌ల్లో విజ‌యం సాధించి ప్ర‌జ‌ల్లో స్వ‌రాష్ట్ర ఆకాంక్ష ఉంద‌ని నిరూపించారు.

2009లో టీడీపీ, సీపీఐ, సీపీఎంతో క‌లిసి మ‌హాకూట‌మిగా ఏర్పడి టీఆర్ఎస్ ఎన్నిక‌ల‌కు వెళ్లింది. కానీ, ఈ ఎన్నిక‌లు టీఆర్ఎస్‌కు క‌లిసి రాలేదు. 45 స్థానాల్లో పోటీ చేసి కేవ‌లం 10 స్థానాల‌నే గెలుచుకుంది. రెండు ఎంపీ సీట్ల‌కే టీఆర్ఎస్ ప‌రిమితమైంది. ఉద్య‌మం లేద‌ని అప్ప‌టి అధికార కాంగ్రెస్ నిరూపించే ప్ర‌య‌త్నం చేసింది. కానీ, కేసీఆర్ మ‌రోసారి నిరాహార దీక్ష అనే అస్త్రంతో ఉద్య‌మాన్ని, టీఆర్ఎస్ పార్టీని నిల‌బెట్టారు. వైఎస్సార్ మ‌ర‌ణం త‌ర్వాత కేసీఆర్ మ‌రోసారి తెలంగాణ ఉద్య‌మాన్ని ఉవ్వెత్తున ఎగిసేలా చేశారు. జేఏసీ ఏర్పాటులో, స‌బ్బండ వ‌ర్గాల‌ను ఉద్య‌మంలో క‌లుపుకొని పోవ‌డంలో కీల‌కంగా వ్య‌వ‌హ‌రించారు.

2014లో కాంగ్రెస్ పార్టీ తెలంగాణ‌ను ఏర్పాటు చేసినా అది కేసీఆర్ 13 ఏళ్ల పాటు చేసిన ఉద్య‌మ ఫ‌లిత‌మే అన‌డంలో సందేహం లేదు. కేసీఆర్ ఉద్య‌మాన్ని స‌జీవంగా నిల‌బెట్టడ‌మే ఇందుకు కార‌ణం. స్వ‌రాష్ట్రం కోసం కొట్లాడిన టీఆర్ఎస్‌కే తెలంగాణ‌లో జ‌రిగిన మొద‌టి ఎన్నిక‌ల్లో ప్ర‌జ‌లు మ‌ద్ద‌తు ప‌లికారు. ఉద్య‌మ నేత‌నే ముఖ్య‌మంత్రిగా ఎన్నుకున్నారు. అప్ప‌టి నుంచి టీఆర్ఎస్‌ను తిరుగులేని రాజ‌కీయ శ‌క్తిగా మార్చారు కేసీఆర్‌. టీఆర్ఎస్ ఇప్పుడు ఉద్య‌మ పార్టీ కాద‌ని, ఫ‌క్తు రాజ‌కీయ పార్టీ అని ప్ర‌క‌టించిన ఆయ‌న రాజ‌కీయ పున‌రేకీక‌ర‌ణ ద్వారా పెద్ద ఎత్తున ఇత‌ర పార్టీల నేత‌ల‌ను టీఆర్ఎస్‌లో చేర్చుకునే ప్ర‌త్య‌ర్థి పార్టీల‌ను దెబ్బ తీశారు.

2019లో రెండోసారి పార్టీని అధికారంలోకి తీసుకొచ్చి ముఖ్య‌మంత్రి అయ్యారు. నీళ్లు, నిధులు, నియామ‌కం, స్వ‌ప‌రిపాల‌న అనే ఆకాంక్ష‌‌తో స్వ‌రాష్ట్ర కోసం ఉద్య‌మించిన కేసీఆర్ ఇప్పుడు ఈ ఆకాంక్ష‌ల‌ను నెర‌వేర్చే దిశ‌గా ప‌ని చేస్తున్నారు. కరోనా వైరస్ సంక్షోభంలోనూ కేసీయార్ వెరవక రాష్ట్రాన్ని ముందుకు నడిపిస్తున్నారు. కఠిన నిర్ణయాలతో లాక్ డౌన్ అమలుచేసి కేసులను అదుపులోకి తెచ్చారు. వలస కార్మికులు కూడా పస్తులు ఉండకుండా చర్యలు తీసుకుంటున్నారు. 

వెంట వెంట‌నే ఎన్నిక‌లు.. మంచికేన‌ట

వెంట వెంట‌నే ఎన్నిక‌లు.. మంచికేన‌ట

   11 hours ago


లొంగిపోయిన కూన రవికుమార్

లొంగిపోయిన కూన రవికుమార్

   7 hours ago


రాళ్ల దాడి ఎవరి పనో అందరికీ తెలుసు.. చంద్రబాబు, లోకేష్ పై పెద్దిరెడ్డి కీలక వ్యాఖ్యలు

రాళ్ల దాడి ఎవరి పనో అందరికీ తెలుసు.. చంద్రబాబు, లోకేష్ పై పెద్దిరెడ్డి కీలక వ్యాఖ్యలు

   9 hours ago


షర్మిల ఉద్యోగ దీక్ష.. కేసీఆర్ పై సంచలన వ్యాఖ్యలు

షర్మిల ఉద్యోగ దీక్ష.. కేసీఆర్ పై సంచలన వ్యాఖ్యలు

   12 hours ago


తెలంగాణలో మరో ఎన్నికల సమరం..!

తెలంగాణలో మరో ఎన్నికల సమరం..!

   14 hours ago


ఏపీలో టెన్షన్ పెడుతున్న ఆ ఆరు జిల్లాలు.. ప్రత్యేక ఫోకస్

ఏపీలో టెన్షన్ పెడుతున్న ఆ ఆరు జిల్లాలు.. ప్రత్యేక ఫోకస్

   16 hours ago


బెంగాల్ ఎన్నికల ఫలితం ఎలావున్నా జాతీయ రాజకీయాలపై ప్రభావం తథ్యం

బెంగాల్ ఎన్నికల ఫలితం ఎలావున్నా జాతీయ రాజకీయాలపై ప్రభావం తథ్యం

   17 hours ago


కరోనా కేసుల అప్డేట్స్.. గత 24 గంటల్లో 2,00,739 మందికి కరోనా..!

కరోనా కేసుల అప్డేట్స్.. గత 24 గంటల్లో 2,00,739 మందికి కరోనా..!

   18 hours ago


భద్రలోక్‌పై గంపెడాశలు.. బీజేపీ బెంగాల్ కల ఫలించేనా?

భద్రలోక్‌పై గంపెడాశలు.. బీజేపీ బెంగాల్ కల ఫలించేనా?

   19 hours ago


ఇంట్లో కూడా మాస్క్ ధరించండి.. పరిస్థితి విషమం... తెలంగాణ ఆరోగ్య శాఖ

ఇంట్లో కూడా మాస్క్ ధరించండి.. పరిస్థితి విషమం... తెలంగాణ ఆరోగ్య శాఖ

   20 hours ago


ఇంకా


      040 23600300

newsting
Daily Updates
facebooktwitterGooglewhatsappwhatsappGoogle