newssting
Radio
BITING NEWS :
విశాఖ జిల్లా అనకాపల్లి ముత్రాసు కాలనీలో విషాదం. అనారోగ్యంతో భార్య చనిపోవడంతో మనస్తాపం చెంది.. ఇద్దరు పిల్లలతో కలిసి ఆత్మహత్య చేసుకున్న తండ్రి. * కడప జిల్లా ముద్దనూరు మండలం కొత్తపల్లిలో రోడ్డు ప్రమాదం. క్యాంపర్ వాహనాన్ని ఢీ కొట్టిన లారీ, ఇద్దరు మృతి. మృతులు తొండూరు మండలం మల్యాల వాసులుగా గుర్తింపు. * తెలంగాణలో భారీగా పెరిగిన కరోనా కేసులు. కొత్తగా 684 పాజిటివ్ కేసులు నమోదు, ముగ్గురు మృతి. * భద్రాచలం చెక్ పోస్ట్ వద్ద పోలీసుల తనిఖీల్లో పట్టుబడిన గంజాయి. రూ. 30 లక్షలు విలువైన రెండు క్వింటాళ్ల గంజాయి స్వాధీనం. రెండు కార్లు సీజ్, ముగ్గురు అరెస్ట్. * గుంటూరు జిల్లా తాడేపల్లి పరిసర ప్రాంతాల్లో విస్తరిస్తున్న డ్రగ్ కల్చర్. యూనివర్శిటీలు, కాలేజీలు టార్గెట్ గా డ్రగ్స్ అమ్మకాలు చేపట్టిన మాఫియా. గంజాయితో పాటు సింథటిక్ డ్రగ్స్ విక్రయాలు. ఎండీఎంఏ ట్యాబ్లెట్స్ ను పట్టుకున్న ఎస్ఈబీ అధికారులు. * ఈస్ట్ ఢిల్లీ రెడీమేడ్ వస్త్ర కారాగారంలో భారీ అగ్నిప్రమాదం. మంటలార్పుతున్న 15 ఫైరింజన్లు.

ఇద్ద‌రు ముఖ్య‌మంత్రులు కూర్చొని సెటిల్ చేసుకుంటారా..?

26-05-202026-05-2020 08:22:59 IST
Updated On 26-05-2020 09:44:25 ISTUpdated On 26-05-20202020-05-26T02:52:59.181Z26-05-2020 2020-05-26T02:52:51.722Z - 2020-05-26T04:14:25.697Z - 26-05-2020

ఇద్ద‌రు ముఖ్య‌మంత్రులు కూర్చొని సెటిల్ చేసుకుంటారా..?
facebooktwitterGooglewhatsappwhatsappGoogle
తెలుగు రాష్ట్రాల ముఖ్య‌మంత్రుల మ‌ధ్య ఉన్న అనుబంధానికి పోతిరెడ్డిపాడు వివాదం బ్రేకులు వేసింది. పోతిరెడ్డిపాడు సామ‌ర్థ్యం పెంపు, రాయ‌ల‌సీమ ఎత్తిపోత‌ల ప‌థ‌కం నిర్మాణంపై ఆంధ్ర‌ప్ర‌దేశ్ ముఖ్య‌మంత్రి వై.ఎస్‌. జ‌గ‌న్మోహ‌న్ రెడ్డి తీసుకున్న నిర్ణ‌యాల‌తో రెండు రాష్ట్రాల మ‌ధ్య కృష్ణా జ‌లాల వివాదం ఏర్ప‌డిన విష‌యం తెలిసిందే.

ప్ర‌స్తుతం ఈ వివాదం అపెక్స్ క‌మిటీకి చేరింది. అపెక్స్ క‌మిటీ ఛైర్మ‌న్‌, కేంద్ర జ‌ల‌వ‌న‌రుల శాఖ మంత్రి షేకావ‌త్ త్వ‌ర‌లోనే అపెక్స్ క‌మిటీలో స‌భ్యులుగా ఉండే రెండు రాష్ట్రాల ముఖ్య‌మంత్రుల‌తో స‌మావేశం కావాల‌ని నిర్ణ‌యించారు.

2014లో రెండు రాష్ట్రాల మ‌ధ్య జ‌ల‌వివాదం వ‌చ్చిన‌ప్పుడు అప్ప‌టి కేంద్ర మంత్రి ఉమాభార‌తి స‌మ‌క్షంలో అప్ప‌టి ముఖ్య‌మంత్రులు కేసీఆర్‌, చంద్ర‌బాబు నాయుడు మ‌ధ్య మొద‌టిసారి, ఏకైక సారి ఇటువంటి స‌మావేశం జ‌రిగింది. ఆ త‌ర్వాత రెండు రాష్ట్రాల మ‌ధ్య ఎటువంటి వివాదాలు లేకుండా సాఫీగా సాగింది. ఇక‌, ఏపీలో జ‌గ‌న్ అధికారంలోకి వ‌చ్చాక కేసీఆర్‌తో ఉన్న స‌త్సంబంధాల కార‌ణంగా ఇక రెండు రాష్ట్రాల మ‌ధ్య ఎటువంటి వివాదాలూ ఉండ‌వ‌ని అంతా అనుకున్నారు. బేసిన్లు, బేష‌జాలు ఉండ‌వ‌ని, క‌లిసి ఉభయ రాష్ట్రాల‌కు మంచి చేసే విధంగా వ్య‌వ‌హ‌రిస్తామ‌ని ఇద్ద‌రు ముఖ్య‌మంత్రులు ప‌లుమార్లు స‌మావేశ‌మ‌య్యారు.

గోదావ‌రి జలాల‌ను కృష్ణా త‌ర‌లించి రెండు రాష్ట్రాల్లో క‌రువు పీడిత ప్రాంతాల‌కు నీరందించేందుకు ఇద్ద‌రు ముఖ్య‌మంత్రులు క‌లిసి ఓ ఉమ్మ‌డి ప్రాజెక్టును చేప‌ట్టాల‌ని నిర్ణ‌యించారు. అయితే, ఈ ప్రాజెక్టు విష‌య‌మై మొద‌ట సానుకూలంగా వ్య‌వ‌హ‌రించిన జ‌గ‌న్ త‌ర్వాత ఎందుకో వెన‌క్కు త‌గ్గారు. దీంతో ఈ ప్రాజెక్టు ఆలోచ‌న‌ల వ‌రకే ప‌రిమిత‌మైంది. ఇప్పుడు పోతిరెడ్డిపాడు సామ‌ర్థ్యం పెంచ‌డం, రాయ‌ల‌సీమ ఎత్తిపోత‌ల ప‌థ‌కం నిర్మాణంపై జ‌గ‌న్ నిర్ణ‌యం తీసుకోవ‌డం ఇద్ద‌రి మధ్య దూరం పెంచింది. తెలంగాణ ప్ర‌భుత్వాన్ని సంప్ర‌దించ‌కుండానే జ‌గ‌న్ ప్ర‌భుత్వం ఈ నిర్ణ‌యాలు తీసుకోవ‌డం వివాదాస్ప‌ద‌మైంది.

తెలంగాణ ప్ర‌భుత్వం కంటే ముందే తెలంగాణ ప్ర‌తిప‌క్ష కాంగ్రెస్‌, బీజేపీ ఈ విష‌యంపై స్పందించి గ‌ళ‌మెత్తాయి. ఈ విషయంపై ఏపీ ప్ర‌భుత్వం నిర్ణ‌యాల‌ను ఆపాల‌ని తెలంగాణ బీజేపీ అధ్య‌క్షుడు బండి సంజ‌య్ కేంద్రానికి విన‌వించ‌డంతో కేంద్ర‌మంత్రి అపెక్స్ క‌మిటీ భేటీకి నిర్ణ‌యించారు. అయితే, అపెక్స్ క‌మిటీ ముందుకు వెళ్లి మాట్లాడుకోవ‌డం కంటే ఇరు రాష్ట్రాల ముఖ్య‌మంత్రులు మ‌రోసారి కూర్చొని ఈ విష‌యంలో ఓ సానుకూల ప‌రిష్కారానికి చొర‌వ తీసుకునే అవ‌కాశాలు ఉన్న‌ట్లు తెలుస్తోంది. అపెక్స్ క‌మిటీ భేటీ గురించి రెండు రాష్ట్రాల ప్ర‌భుత్వాలు ఇంకా స్పందించ‌డం లేదు.

జ‌గ‌న్‌తో త‌మ‌కు ఇంకా మంచి సంబంధాలే ఉన్నాయ‌ని ఇటీవ‌ల కేసీఆర్ ప్ర‌క‌టించారు. ఈ నేప‌థ్యంలో కేంద్రం వ‌ద్ద పంచాయితీ పెట్టే కంటే తామిద్ద‌ర‌మే కూర్చొని మాట్లాడుకుంటే వివాదం సామ‌ర‌స్యంగా కొలిక్కి వ‌స్తుంది అనే ఆలోచ‌న‌లో ఇద్ద‌రు ముఖ్య‌మంత్రులు ఉన్నార‌ని చెబుతున్నారు. త్వ‌ర‌లోనే వీరి భేటీ కూడా జ‌రిగే అవ‌కాశం ఉన్న‌ట్లు తెలుస్తోంది. జ‌గన్ ప్ర‌తిపాదించిన ప్రాజెక్టుల‌కు కేంద్రం, నేష‌న‌ల్ గ్రీన్ ట్రైబ్యున‌ల్ బ్రేకులు వేయ‌డంతో ఇప్పుడంత‌లో ముందుకు వెళ్లే ప‌రిస్థితి లేదు. దీంతో కొన్ని రోజుల్లో ఇద్ద‌రు ముఖ్య‌మంత్రులు క‌లిసి మాట్లాడుకొని వివాదాన్ని ప‌రిష్క‌రించుకోవాల‌నే ఆలోచ‌న‌లో ఉన్న‌ట్లు ప్ర‌చారం సాగుతోంది.

ఇదిలా ఉండ‌గా తెలంగాణ‌లో ప్ర‌ధాన ప్ర‌తిప‌క్షం కాంగ్రెస్ పార్టీ ఏపీ ప్ర‌భుత్వ నిర్ణ‌యాలు, తెలంగాణ ప్ర‌భుత్వ వైఖ‌రికి నిర్ల‌క్ష్యంగా జూన్ 2న తెలంగాణ ఆవిర్భావ‌న దినోత్స‌వం నుంచి పెద్ద ఎత్తున నిర‌స‌న కార్య‌క్ర‌మాలు చేప‌ట్టాల‌ని నిర్ణ‌యించింది. జూన్ 2న మ‌హ‌బూబ్‌న‌గ‌ర్‌, న‌ల్గొండ‌, రంగారెడ్డి జిల్లాల‌కు చెందిన నేత‌లు నిరాహార దీక్ష‌లు చేయ‌నున్నారు. మ‌రోవైపు ఆంధ్ర‌ప్ర‌దేశ్‌లో ప్ర‌ధాన పార్టీలూ మాత్రం ఈ విష‌యంపై నోరు విప్ప‌డం లేదు. ప్ర‌ధాన ప్ర‌తిప‌క్షం చంద్ర‌బాబు, జ‌న‌సేన అధినేత ప‌వ‌న్ క‌ళ్యాణ్ త‌మ వైఖ‌రి ఏంట‌నేది చెప్ప‌డం లేదు.

 



      040 23600300

newsting
Daily Updates
facebooktwitterGooglewhatsappwhatsappGoogle