newssting
Radio
BITING NEWS :
కరోనా సంక్షోభ తరుణంలోనూ వైద్యరంగంలో విశేష సేవలందిస్తున్న సంస్థలు, వైద్యులను ప్రముఖ మార్కెట్‌ రిసెర్చ్‌ కంపెనీ ‘టాప్‌ గ్యాలెంట్‌ మీడియా’ అవార్డులతో సత్కరించనుంది. ఈ సంవత్సరానికి(2020)గానూ సర్జికల్‌ అంకాలజీలో అత్యంత విశ్వసనీయ ఆస్పత్రిగా హైదరాబాద్‌లోని బసవతారకం ఇండో అమెరికన్‌ కేన్సర్‌ ఆస్పత్రిని ఎంపిక చేయడం విశేషం * సుక్మా జిల్లాలోని టల్మెటాలా ప్రాంతంలో సీఆర్పీఎఫ్ బలగాలపై మావోయిస్టులు మళ్లీ రెచ్చిపోయారు. ఐఈడీ బ్లాస్ట్‌లతో విరుచుకుపడ్డారు. ఈ దాడి శనివారం అర్థరాత్రి జరిగింది. ఈ దాడిలో సీఆర్పీఎఫ్‌ కోబ్రాకి చెందిన ఎనిమిది మంది జవాన్లు గాయపడగా ఓ సీఆర్పీఎఫ్ అధికారి ప్రాణాలను కోల్పోయారు * కేంద్ర ప్రభుత్వం తీసుకొచ్చిన నూతన వ్యవసాయ చట్టాలను నిరసిస్తూ దేశరాజధాని ఢిల్లీలో భారీఎత్తున రైతులు నిరసనలు కొనసాగిస్తున్నారు. బురారి ప్రాంతంలోని నిరంకార్‌ మైదానంలో నిరసనకు పోలీసులు అనుమతిచ్చిన నేపథ్యంలో వేలమంది రైతులు నిరసన స్థలికి చేరుకుని కేంద్రంపై నిరసన వ్యక్తం చేశారు * పెట్రో ధరలు భగ్గుమంటున్నాయి. తొమ్మిది రోజులుగా చమురు ధరలు పైపైకి ఎగబాకుతున్నాయి. ఈనెల 19 నుంచి శనివారం వరకు (25వ తేదీ మినహా) ధరలు పెరుగుతూనే ఉన్నాయి. శనివారం అర్ధరాత్రి కూడా మరోసారి ధరలు పెరిగాయి. గడిచిన పది రోజుల్లో పెట్రోల్‌పై లీటర్‌కు రూ.1.28, డీజిల్‌ రూ.2.09 చొప్పున పెరిగింది * బీజేపీ అగ్రనేత, కేంద్ర హోంశాఖ మంత్రి అమిత్‌షా ఆదివారం జీహెచ్‌ఎంసీ ఎన్నికల ప్రచారంలో పాల్గొంటారు. ఉదయం 10 గంటలకు ఆయన ప్రత్యేక విమానంలో బేగంపేటకు చేరుకుని.. 10:45 గంటలకు భాగ్యలక్ష్మి అమ్మవారి ఆలయానికి చేరుకుని అక్కడ ప్రత్యేక పూజలు నిర్వహిస్తారు. అనంతరం ఎన్నికల ప్రచారం ప్రారంభిస్తారు * రాష్ట్రాన్ని చలి వణికిస్తోంది. రాష్ట్రంలో కనిష్ఠ ఉష్ణోగ్రత భారీగా పడిపోయింది. మెదక్‌లో అతితక్కువగా 14.8 డిగ్రీలు, హైదరాబాద్‌లో 17డిగ్రీల కనిష్ఠ ఉష్ణో గ్రత నమోదైంది. గాలిలో తేమ శాతం పెరిగింది * బంగాళాఖాతంలో మరో అల్పపీడన ద్రోణి బయలుదేరింది. ఇది తుపాన్‌గా మారే అవకాశాలు ఉండడంతో దీనికి బురేవి అని నామకరణం చేయడానికి సిద్ధమయ్యారు. ఈ ప్రభావంతో ఆదివారం నుంచి సముద్ర తీరాల్లో వర్షాలు పడ నున్నాయి. ఒకటో తేదీ నుంచి మూడు రోజుల పాటు భారీ వర్షాలు పడే అవకాశాలు ఉన్నట్టు వాతావరణ కేంద్రం ప్రకటించింది * జాతీయ ప్రవేశ పరీక్షలు... నీట్‌, జేఈఈ మెయిన్‌, అడ్వాన్స్‌డ్‌కు సిద్ధమయ్యే విద్యార్థులు తమ ప్రతిభా సామర్థ్యాలను పరీక్షించుకునేందుకు ‘కోటా’ ఆన్‌లైన్‌ ప్రాక్టీస్‌ టెస్ట్‌ సిరీస్‌ సిద్ధం చేసినట్లు ఐఐటీ, జేఈఈ ఫోరమ్‌ కన్వీనర్‌ లలిత్‌ కుమార్‌ ఒక ప్రకటనలో తెలిపారు. ఆసక్తిగల విద్యార్థులు www.iitjeeforum.com వెబ్‌సైట్‌లో లాగిన్‌ కావొచ్చన్నారు * వైకుంఠ ఏకాదశి, ద్వాదశి సందర్భంగా భక్తులకు పదిరోజుల పాటు వైకుంఠ ద్వార ప్రవేశాన్ని కల్పించనున్నట్టు టీటీడీ చైర్మన్‌ వైవీ సుబ్బారెడ్డి చెప్పారు. డిసెంబరు 25నుంచి పది రోజుల పాటు వైకుంఠ ద్వారాలు తెరిచే ఉంచాలని నిర్ణయించినట్టు వివరించారు.

ఆ 4 జిల్లాలే కొంప ముంచుతున్నాయ్.. తెలంగాణలో కట్టడి కఠినం

18-04-202018-04-2020 19:02:38 IST
Updated On 18-04-2020 19:16:47 ISTUpdated On 18-04-20202020-04-18T13:32:38.289Z18-04-2020 2020-04-18T12:08:38.161Z - 2020-04-18T13:46:47.682Z - 18-04-2020

ఆ 4 జిల్లాలే కొంప ముంచుతున్నాయ్.. తెలంగాణలో కట్టడి కఠినం
facebooktwitterGooglewhatsappwhatsappGoogle
తెలంగాణ రాష్ట్రంలో రోజురోజుకు కరోనా వైరస్‌ వేగంగా వ్యాప్తిచెందుతుండడంతో కట్టడిప్రాంతాల్లో ప్రత్యేక దృష్టిసారిస్తూనే మరోవైపు లాక్‌డౌన్‌, కర్ఫ్యూ అమలుపై కఠినంగానే వ్యవహరిస్తున్నారు. నిత్యావసర సరుకులు, కూరగాయలు, మందులు కొనుగోలు కోసం, బ్యాంకుల వద్ద డబ్బుల కోసం వచ్చే వారు విధిగా భౌతిక దూరం పాటించేలా వాలంటీర్లు, పోలీసులు చర్యలు చేపడుతున్నారు. రాత్రి 7 గంటల నుంచి కర్ఫ్యూను మరింత పక్బందీగా అమలు చేసేందుకు పోలీసు కమిషనర్‌ కమలాసన్‌రెడ్డి పలు ప్రాంతాల్లో పర్యటించడంతో పోలీసులు మరింత కట్టుదిట్టమైన ఏర్పాట్లు చేశారు.

కట్టడిప్రాంతాలలో ప్రజలు విధిగా ప్రభుత్వ నిబంధనలు పాటించేలా చూడాలని, ఎవరైనా అతిక్రమిస్తే వారిపై కేసులు నమోదు చేయాలని రాష్ట్ర మున్సిపల్‌, ఐటీశాఖ మంత్రి కేటీఆర్‌ జిల్లా అధికారులకు వీడియో కాన్ఫరెన్సులో ఆదేశించడంతో అధికారులు మరింత అప్రమత్తంగా వ్యవహరిస్తున్నారు. పేదలను ఆదుకోవాలనే వారు విధిగా మున్సిపల్‌ కమిషనర్‌ నుంచి అనుమతి తీసుకోవాలని ఆదేశించడంతో దాతలు అనుమతి తీసుకొని వారికి సూచించిన ప్రాంతాల్లో పంపిణీ చేస్తున్నారు. మొత్తంగా కరోనా కట్టడికి ప్రజలు కూడా సహకరిస్తున్నారు. 

ఇదంతా బాగానే ఉంది కానీ రాష్ట్రం మొత్తం మీద నాలుగు జిల్లాల్లోనే కరోనా వైరస్ కేసులు పెరుగుతుండటం ప్రభుత్వానికి మింగుడు పడటం లేదు. ముఖ్యంగా హైదరాబాద్, నిజామాబాద్, సూర్యాపేట, వికారాబాద్‌లలో పెరుగుతున్న కేసులపై అధికారులు ప్రత్యేకంగా అధ్యయనం చేస్తున్నారు. కరీంనగర్, వరంగల్‌ అర్బన్, ఇతర జిల్లాల్లో వైరస్‌ని జిల్లా అధికారులు కట్టడి చేసినప్పటికీ సూర్యాపేటలో ఒక్క వ్యక్తి ద్వారా 38 మందికి వైరస్‌.. చార్మినార్‌ ప్రాంతంలోనే 143 మందికి కరోనా సోకడం అధికారులకు కంటిమీద కునుకు లేకుండా చేస్తోంది. 

మిగిలిన జిల్లాల్లోనూ కరోనా కేసులు నమోదైనా, కాస్త నియంత్రణలోనే ఉంది. కానీ ఈ నాలుగు జిల్లాల్లో మాత్రం పరిస్థితి బాగోలేదు. ఆయా జిల్లాల్లో అధికంగా కేసులుండటానికి గల కారణాలను, విస్తరించడానికి దోహదపడిన పరిస్థితులను వైద్య, ఆరోగ్య శాఖ వర్గాలు అధ్యయనం చేస్తున్నాయి. నియంత్రణలో తొలి నుంచి ముందున్న కరీంనగర్ జిల్లాలో అమలు చేస్తున్న ప్రణాళికనే రాష్ట్రవ్యాప్తంగా అమలు చేయాలని కూడా అధికారులు నిర్ణయించుకున్నారు.

రాష్ట్రంలో కరోనా నాలుగు జిల్లాలను అతలాకుతలం చేస్తోంది. హైదరాబాద్, నిజామాబాద్, సూర్యాపేట, వికారాబాద్‌ జిల్లా ప్రజలకు ఈ వైరస్‌ కంటి మీద కునుకు లేకుండా చేస్తోంది. రాష్ట్రంలో కరోనా కేసులు నమోదైన ప్రాంతాలతో పోలిస్తే, ఈ 4 జిల్లాల్లోనే మూడో వంతు వరకు నమోదయ్యాయి. ప్రధానంగా మర్కజ్‌కు వెళ్లొచ్చిన వారి ద్వారానే కేసులు నమోదైన విషయం తెలి సిందే. ఇప్పటివరకు రాష్ట్రంలో నమోదైన కేసుల్లో జీహెచ్‌ఎంసీ పరిధిలోనే అధికంగా ఉన్నాయి. హైదరాబాద్‌లో ఆరుగురి ద్వారా ఏకంగా 81 మందికి కరోనా అంటుకుంది. ఒక్క చార్మినార్‌ ప్రాంతంలోనే 143 మందికి కరోనా వైరస్‌ సోకిందని వైద్య వర్గాలు చెబుతున్నాయి. 

హైదరాబాద్‌లో కేసుల సంఖ్య ఏమాత్రం తగ్గట్లేదు. వీటికి అడ్డుకట్ట వేసేందుకు కంటైన్మెంట్‌ జోన్లు ఏర్పాటు చేశారు. 30 సర్కిళ్లలో డీఎంహెచ్‌వో ప్రత్యేకాధికారులను నియమించారు. కంటైన్మెంట్‌ జోన్లలో విస్తృతంగా గాలింపు చర్యలు చేపట్టాలని భావిస్తున్నారు. ప్రతి ఇంటికీ వెళ్లి వయసువారీగా ఆరోగ్య వివరాలు సేకరిస్తున్నారు. 60 ఏళ్లు దాటిన వృద్ధులుంటే, వారి వివరాలు సేకరించి వారికున్న అనారోగ్య సమస్యలు తెలుసుకుంటున్నారు. అనుమానం వస్తే పరీక్షలు చేయాలని భావిస్తున్నారు. ప్రస్తుతం చేపట్టిన చర్యలను మరింత పకడ్బందీగా అమలు చేసేందుకు ఆయా ప్రాంతాల ఎమ్మెల్యేలు, కార్పొరేటర్లు, ఇతర స్థానిక నేతల సహకారం తీసుకోవాలని భావిస్తున్నారు. అలాగైతేనే స్థానిక ప్రజలు మాట వింటారనేది సర్కారు ఆలోచన. దీనిపై ఇప్పటికే రాష్ట్ర స్థాయి పెద్దలు పలువురు నేతలతో చర్చించారు. 

అలాగే వికారాబాద్, సూర్యాపేట, నిజామాబాద్‌ జిల్లాలపైనా ప్రత్యేక దృష్టిసారించాలని నిర్ణయించారు. ముఖ్యంగా సూర్యాపేట, వికారాబాద్‌ జిల్లాల్లో వైరస్‌ వేగంగా విజృంభిస్తోంది. అక్కడి యంత్రాంగానికి రాష్ట్ర వైద్య ఆరోగ్య శాఖ ప్రత్యేక సూచనలు చేసింది. మర్కజ్‌ కాంటాక్టు వ్యక్తులను వేగంగా పట్టుకోవాలని ఆదేశాలు జారీ చేసింది. నిఘా పెంచాలని కోరింది. అనుమానితులు ఉంటే తక్షణమే తమకు సమాచారం ఇవ్వాలని విజ్ఞప్తి చేసింది. రాష్ట్రంలో నిజామాబాద్‌ జిల్లా కరోనా కేసుల్లో రెండో స్థానంలో ఉంది. కంటైన్మెంట్‌ ప్రాంతాల్లో ఇంకా కట్టుదిట్టమైన చర్యలు తీసుకోవాలని రాష్ట్ర స్థాయి నుంచి ఆదేశాలు వెళ్లాయి. సూర్యాపేట జిల్లాలో పరిస్థితి మరింత ఘోరంగా మారింది.

10 మంది మర్కజ్‌కు వెళ్లిరాగా, అందులో ఇద్దరికి పాజిటివ్‌ లక్షణాలు కన్పించాయి. వారిలో ఒకరు సూర్యాపేట పట్టణానికి చెందినవారు. మరొకరు ఆ జిల్లాలో ఓ మండలానికి చెందిన వ్యక్తి. సూర్యాపేటకు చెందిన వ్యక్తి ద్వారానే 38 మందికి వైరస్‌ సోకడం మరింత ఆందోళన కలిగించింది. మర్కజ్‌కు వెళ్లి వచ్చిన వ్యక్తి నుంచి ప్రైమరీ కాంటాక్టు ద్వారా మార్కెట్‌ బజార్‌లోని ఓ కిరాణా వ్యాపారికి కరోనా వచ్చింది. ఈ వ్యాపారి నుంచి అతడి కుమార్తెకు, మార్కెట్‌లో చేపలు, కూరగాయలు, పొగాకు అమ్మే వ్యాపారులకు.. వారి నుంచి కుటుంబ సభ్యులకు ఇలా 38 మందికి వైరస్‌ సోకింది. 

కరీంగనగర్‌ ఆదర్శంగా..

కరోనా కట్టడిలో కరీంనగర్‌ మార్గదర్శిగా నిలిచింది. ప్రజా ప్రతినిధులు, అధికార యంత్రాంగం కృషి, పోలీస్, వైద్య, ఆరోగ్య, మున్సిపల్‌ సిబ్బంది సేవలు, ప్రజల క్రమశిక్షణతో కరోనాను కట్టడి చేశారు. మొదట కరీంనగర్‌కు వచ్చిన 10 మంది ఇండోనేసియన్లకు మార్చి 16న కరోనా లక్షణాలు కనిపించాయి. 17న ఒకరికి పాజిటివ్‌గా తేలింది. 18 నాటికి ఆ సంఖ్య 8కి చేరింది. అప్పటినుంచే కరీంనగర్‌లో ఆంక్షలు అమలులోకి వచ్చాయి. ఇండోనేసియన్లు బస చేసిన ప్రాంతాలు, పర్యటించిన ఏరియాలను రెడ్‌జోన్లుగా గుర్తించి కట్టుదిట్టమైన ఆంక్షలు అమలు చేశారు. ఇండోనేసియన్లు 10 మంది, వారి ద్వారా నలుగురికి వ్యాధి సోకినా కఠిన ఆంక్షలతో వైరస్‌ చైన్‌ తెగిపోయి ఇతరులకు సోకలేదు. ఆ తర్వాత కరీంనగర్‌ జిల్లా నుంచి మర్కజ్‌కు వెళ్లొచ్చిన 19 మందిలో కశ్మీర్‌గడ్డ ప్రాంతంలోని ఒక యువకుడికి, హుజురాబాద్‌లో ఇద్దరికి పాజిటివ్‌ వచ్చింది. హుజురాబాద్‌లో పాజిటివ్‌ వచ్చిన ఒక వ్యక్తి సోదరుడికి తర్వాత వ్యాప్తి చెందింది.

కరీంనగర్‌ స్ఫూర్తితో వైరస్‌ పాజిటివ్‌గా తేలిన వ్యక్తులు నివసించిన ప్రాంతాలను కంటైన్మెంట్‌ జోన్లు (హాట్‌స్పాట్‌లు)గా ప్రకటించి, ఇతర ప్రాంతాలతో సంబంధాలను తెంచుతున్నారు. గత నెల 22న జనతా కర్ఫ్యూకు ప్రధాని నరేంద్రమోదీ, సీఎం కేసీఆర్‌ పిలుపునివ్వడానికి ముందే అంటే.. 19 నుంచే ఈ ప్రాంతాలతో పాటు కరీంనగర్‌లోని ప్రధాన రోడ్లలో కర్ఫ్యూ వాతావరణం కనిపించింది. 23 నుంచి లాక్‌డౌన్‌ అమలులోకి రావడంతో ఇండోనేసియన్లు పర్యటించిన ప్రాంతాలన్నీ మూతపడ్డాయి. ఆ ప్రాంతాల్లో నివసించే కుటుంబాలకు నిత్యావసర వస్తువులను , కూరగాయలను కార్పొరేషన్‌ ద్వారానే అందించే ఏర్పాట్లు చేశారు. 

ఇప్పుడు కూడా ఇదే పద్ధతిని రాష్ట్రవ్యాప్తంగా అమలుచేస్తున్నారు. వరంగల్‌ అర్బన్‌లోనూ అలాగే పరిస్థితిని అదుపులోకి తీసుకురాగలిగారు. అయితే అత్యధికంగా కేసులు నమోదైన ప్రాంతాల్లోనూ కరీంనగర్‌ మోడల్‌గా అన్ని శాఖల అధికారులు, ప్రజాప్రతినిధులు కలసికట్టుగా వ్యవహరించి క్రమశిక్షణతో కంటైన్మెంట్‌ ప్రాంతాల్లో కార్యాచరణ చేపట్టాలని నిర్ణయించారు.  

కాగా కరీనంగర్‌లో రెండురోజుల క్రితం కొత్తగా మరో కరోనా పాజిటివ్‌ కేసు నమోదు కావడంతో నిబంధనలను మరింత కఠినంగా అమలు చేస్తున్నారు. ముఖ్యంగా కొత్తగా కరోనా పాజిటివ్‌ వచ్చిన ప్రాంతమైన సాహెత్‌నగర్‌, శర్మనగర్‌, సాయినగర్‌ కట్టడి ప్రాంతాల్లో ప్రత్యేక దృష్టిసారిస్తున్నారు. ఓవైపు వైరస్‌ వ్యాప్తి  చెందకుండా ముమ్మరంగా పారిశధ్య పనులు చేపడుతూనే మరోవైపు ఇంటింటికి వెళ్లి ప్రత్యేక వైద్య బృందాలు స్ర్కీనింగ్‌ పరీక్షలు నిర్వహిస్తున్నారు. శుక్రవారం కట్టడిప్రాంతాల్లో 41 వైద్య బృందాలు 1464 ఇళ్లకు వెళ్లి 5,730 మందికి స్ర్కీనింగ్‌ పరీక్షలు నిర్వహించారు. 

కూసాలు కదులుతున్నాయ్.. ఓటుకు నోటుపై విజయసాయి సంచలన వ్యాఖ్యలు!

కూసాలు కదులుతున్నాయ్.. ఓటుకు నోటుపై విజయసాయి సంచలన వ్యాఖ్యలు!

   18 minutes ago


డైరెక్ట్ గా భాగ్యలక్ష్మి ఆలయానికే..!

డైరెక్ట్ గా భాగ్యలక్ష్మి ఆలయానికే..!

   40 minutes ago


పేర్ని నానిపై హత్యాయత్నం.. ఎందుకు దాడి చేశాడో తెలియదు

పేర్ని నానిపై హత్యాయత్నం.. ఎందుకు దాడి చేశాడో తెలియదు

   an hour ago


తేనెతుట్టెని కెలికి నెత్తిన పెట్టుకున్న విజయసాయి!

తేనెతుట్టెని కెలికి నెత్తిన పెట్టుకున్న విజయసాయి!

   4 hours ago


మేమూ నచ్చకపోతే నోటాకు వెయ్యండి. ఓటు మాత్రం వేయండి.. కేటీఆర్

మేమూ నచ్చకపోతే నోటాకు వెయ్యండి. ఓటు మాత్రం వేయండి.. కేటీఆర్

   5 hours ago


బీహార్ను గుర్తుకు తెచ్చేలా ఎమ్మెల్యే వ్యవహారం.. అధికారిపై దుర్బాష ఫోన్ కాల్ !

బీహార్ను గుర్తుకు తెచ్చేలా ఎమ్మెల్యే వ్యవహారం.. అధికారిపై దుర్బాష ఫోన్ కాల్ !

   5 hours ago


ఆర్థిక పర్యాటక రంగాల్లో ఏపీ ప్రగతి అద్బుతం.. ఇండియా టుడే సర్వే

ఆర్థిక పర్యాటక రంగాల్లో ఏపీ ప్రగతి అద్బుతం.. ఇండియా టుడే సర్వే

   6 hours ago


రాజుగారిపై వేటుకి ముహుర్తం పెట్టేసిన జగన్?!

రాజుగారిపై వేటుకి ముహుర్తం పెట్టేసిన జగన్?!

   6 hours ago


ఇజ్జ‌త్ మొత్తం నివ‌ర్ తుఫాన్ లో కొట్టుకుపోయే

ఇజ్జ‌త్ మొత్తం నివ‌ర్ తుఫాన్ లో కొట్టుకుపోయే

   6 hours ago


గెలిపించండి చాలు.. హైదరాబాద్ పేరే మార్చేస్తాం.. యోగి

గెలిపించండి చాలు.. హైదరాబాద్ పేరే మార్చేస్తాం.. యోగి

   6 hours ago


ఇంకా

NewsSting Team


      040 23600300

newsting
Daily Updates
facebooktwitterGooglewhatsappwhatsappGoogle