newssting
BITING NEWS :
*ఘనంగా మాజీ ప్రధాని రాజీవ్‌గాంధీ జయంతి* కర్నాటక సీఎం యడియూరప్ప కేబినెట్ విస్తరణ..17మందికి ఛాన్స్ *పంచాయతీరాజ్‌లో మరో రూ.300 కోట్ల పనులు రద్దు*పోలవరం రీ టెండరింగ్ పై హైకోర్టులో నవయుగ పిటిషన్ * కృష్ణా నదీ వరద ప్రాంతాల్లో చంద్రబాబు పర్యటన* చంద్రుని కక్ష్యలోకి చంద్రయాన్‌-2*రాజస్థాన్ నుంచి రాజ్యసభకు ఏకగ్రీవంగా ఎన్నికైన మాజీ ప్రధాని మన్మోహన్ సింగ్ *అరుణ్ జైట్లీ ఆరోగ్యం విషమం.. వెంటిలేటర్ పై చికిత్స *పన్ను సంస్కరణలపై ఆర్థికమంత్రి నిర్మలా సీతారామన్ కి టాస్క్‌ఫోర్స్‌ నివేదిక

ఆ న‌లుగురిలో ముగ్గురికి ప‌ద‌వులు గ్యారంటీ..!

20-07-201920-07-2019 08:48:19 IST
2019-07-20T03:18:19.773Z20-07-2019 2019-07-20T03:17:58.667Z - - 21-08-2019

ఆ న‌లుగురిలో ముగ్గురికి ప‌ద‌వులు గ్యారంటీ..!
facebooktwitterGooglewhatsappwhatsappGoogle
తెలంగాణ‌లో పార్టీ ఫిరాయింపుల‌తో ఖాళీ అయిన మూడు ఎమ్మెల్సీ స్థానాల‌ను త్వ‌ర‌లోనే భ‌ర్తీ చేసే యోచ‌న‌లో ముఖ్య‌మంత్రి క‌ల్వ‌కుంట్ల చంద్ర‌శేఖ‌ర్‌రావు ఉన్నారు. ఈ మేర‌కు ఆయ‌న ఇప్ప‌టికే ఇద్ద‌రి పేర్ల‌ను ఖ‌రారు చేశార‌నే ప్ర‌చారం పార్టీలో జ‌రుగుతోంది.

వీరిలో గుత్తా సుఖేంద‌ర్ రెడ్డి, దేశ‌ప‌తి శ్రీనివాస్ పేర్లు ప్ర‌ధానంగా వినిపిస్తున్నాయి. అసెంబ్లీ ఎన్నిక‌ల ముందు టీఆర్ఎస్ ఎమ్మెల్సీలు రాములు నాయ‌క్‌, భూప‌తి రెడ్డి, యాద‌వ‌రెడ్డి కాంగ్రెస్ పార్టీలో చేరారు.

వీరిపై మండ‌లి ఛైర్మ‌న్ అన‌ర్హ‌త వేటు వేశారు. త‌మ‌పై అన‌ర్హ‌త వేటు చెల్ల‌ద‌ని వీరు కోర్టుకు వెళ్లారు. కోర్టులో వీరికి వ్య‌తిరేకంగా తీర్పు వ‌చ్చింది. భూప‌తిరెడ్డి విష‌యం ఇంకా తేల‌క‌పోయినా రాములు నాయ‌క్‌, యాద‌వ‌రెడ్డిపై అన‌ర్హ‌త వేటు ప‌డ్డ‌ట్లే. త్వ‌ర‌లో భూప‌తిరెడ్డి వ్య‌వ‌హారం కూడా తేల‌నుంది.

ముందుగా గ‌వ‌ర్న‌ర్‌, ఎమ్మెల్యే కోటాల కింద యాద‌వ‌రెడ్డి, రాములు నాయ‌క్‌తో ఖాళీ అయిన రెండు ఎమ్మెల్సీ స్థానాల‌ను భ‌ర్తీ చేయ‌నున్నారు. ఈ రెండింటిలో ఒక‌టి న‌ల్గొండ మాజీ ఎంపీ, ప్ర‌స్తుత రైతు స‌మ‌న్వ‌య స‌మితి ఛైర్మ‌న్ గుత్తా సుఖేంద‌ర్ రెడ్డికి ఇవ్వ‌డం ఖాయ‌మ‌ని తెలుస్తోంది.

కాంగ్రెస్ నుంచి టీఆర్ఎస్‌లో చేరేట‌ప్పుడే ఆయ‌న‌కు మంత్రి ప‌ద‌వి ఇస్తామ‌ని కేసీఆర్ హామీ ఇచ్చారు. కానీ, గ‌త ప్ర‌భుత్వంలో ఆయ‌న‌ను మంత్రివ‌ర్గంలోకి తీసుకోలేదు. ఈసారి మంత్రి ప‌ద‌విపై ఆస‌క్తితో ఆయ‌న న‌ల్గొండ ఎంపీగా కూడా పోటీ చేయ‌లేదు. దీంతో మంత్రి ప‌ద‌వి సంగ‌తి ఎలా ఉన్నా ముందు ఆయ‌న‌కు ఎమ్మెల్సీ అయితే ఇస్తార‌ని తెలుస్తోంది.

ఇక‌, మ‌రో ఖాళీలో ప్ర‌స్తుతం ముఖ్య‌మంత్రి ఓఎస్డీగా ఉన్న దేశ‌ప‌తి శ్రీనివాస్‌కు అవ‌కాశం ఇవ్వ‌వ‌చ్చు. కేసీఆర్‌కు స‌న్నిహితుడిగా ముద్ర‌ప‌డ్డ ఆయ‌న ఉద్య‌మంలోనూ కేసీఆర్‌తో క‌లిసి ప‌నిచేశారు.

దీంతో ఆయ‌న‌కు కూడా ఎమ్మెల్సీగా అవ‌కాశం ఇవ్వ‌నున్నార‌ని టీఆర్ఎస్‌లో ప్ర‌చారం జ‌రుగుతోంది. నిజామాబాద్ స్థానిక సంస్థ‌ల కోటాలో భూప‌తిరెడ్డి అన‌ర్హ‌త‌పై కూడా త్వ‌ర‌లోనే కోర్టు తీర్పు రానుంది. ఈ ఎమ్మెల్సీ కూడా ఖాళీ అయ్యే అవ‌కాశం ఉంది. ఈ స్థానం నుంచి జిల్లాలో ప్ర‌ధానంగా ఇద్ద‌రి పేర్లు వినిపిస్తున్నాయి.

అసెంబ్లీ ఎన్నిక‌ల ముందు కాంగ్రెస్ నుంచి మాజీ స్పీక‌ర్ కేఆర్ సురేష్ రెడ్డి టీఆర్ఎస్‌లో చేరారు. పోటీ కూడా చేయ‌కుండా టీఆర్ఎస్ అభ్య‌ర్థుల విజ‌యానికి స‌హ‌క‌రించారు. ఈయ‌న‌కు అప్పుడే హామీ ఇచ్చారు.

ఇక‌, పార్ల‌మెంటు ఎన్నిక‌ల ముందు నిజామాబాద్ జిల్లాలో టీడీపీ సీనియ‌ర్ నేత‌గా ఉన్న మండ‌వ వెంక‌టేశ్వ‌ర‌రావు టీఆర్ఎస్‌లో చేరారు. ఆయ‌న‌ను కేసీఆర్ స్వ‌యంగా ఇంటికి వెళ్లి మ‌రీ పార్టీలోకి ఆహ్వానించారు. దీంతో ఆయ‌న కూడా ఎమ్మెల్సీ రేసులో ఉన్నారు. వీరిద్ద‌రిలో ఒక‌రికి ఎమ్మెల్సీ ప‌ద‌వి ద‌క్కే అవ‌కాశం ఉంది. త్వ‌ర‌లోనే ఈ న‌లుగురిలో ముగ్గురికి ఎమ్మెల్సీ ప‌ద‌వులు ద‌క్కే అవ‌కాశం ఉంది.


Newssting Desk


 newssting@rightfolio.in
      040 23600300

newsting
Daily Updates
facebooktwitterGooglewhatsappwhatsappGoogle