newssting
BITING NEWS :
పాకిస్తాన్‌లో కొనసాగుతున్న మీడియాపై దారుణ అణచివేత. పెద్ద ఎత్తున మీడియా ప్రతినిధులను అదుపులోకి తీసుకున్న ఫెడరల్ ఇన్వెస్టిగేషన్ ఏజెన్సీ. మీడియాపై అణచివేత లేనేలేదంటూ చెబుతున్న పాక్ ప్రధాని ఇమ్రాన్ ఖాన్. జర్నలిస్టు ముబషిర్ జైదీ తన సహచరుల అరెస్టులను బయటపెట్టడంతో వెలుగులోకి వచ్చిన వ్యవహారం * నేపాల్ దేశంలోని సింగిజా జిల్లాలో భారీవర్షాలతో కొండచరియలు విరిగిపడటం వల్ల ఒకే కుటుంబంలోని 9 మంది మరణించారని చీఫ్ జిల్లా ఆఫీసర్ గంగా బహదూర్ చెట్రీ ప్రకటన. భారీవర్షాలు, వరదల వల్ల నేపాల్ దేశంలో మొత్తం 10 మంది మరణించగా మరొకరికి తీవ్రగాయాలయ్యాయయని అధికారుల ప్రకటన * వైరస్‌తో పోరాటం చేస్తున్న ఢిల్లీ డిప్యూటీ సీఎం మనీశ్‌‌ సిసోడియా. ప్రస్తుతం విషమంగా ఆయన ఆరోగ్యం. కరోనాతో పాటు డెంగ్యూ కూడా ఎటాక్‌ చేయడంతో గడిచిన 24 గంటల్లో మరింత విషమంగా ఉందని లోక్‌నాయక్‌ జయప్రకాశ్‌ నాయక్‌ ఆస్పత్రి వైద్యుల ప్రకటన * వ్యవసాయ బిల్లులపై దేశవ్యాప్తంగా ఆగని పోరు మంటలు. వ్యవసాయ, కార్మిక సంస్కరణల బిల్లులను వ్యతిరేకిస్తూ కాంగ్రెస్‌ పార్టీ దేశవ్యాప్తంగా ఆందోళనలను. పంజాబ్‌లో రైల్‌ రోకో నిర్వహించిన రైతులు. కిసాన్‌ మజ్దూర్‌ సంఘర్ష్ కమిటీ, ఇతర రైతు సంఘాలు సంయుక్తంగా ఆందోళనలు * పార్లమెంట్‌లో ఆమోదం పొందిన వ్యవసాయ బిల్లులను వ్యతిరేకిస్తూ శుక్రవారం తలపెట్టిన భారత్‌ బంద్‌కు 20కి పైగా రైతు సంఘాలు మద్దతు. పంజాబ్‌, హరియాణాల్లో పార్టీలకు అతీతంగా ఆందోళనలో పాల్గొంటున్న 31 రైతు సంఘాలు. కర్ణాటక, తమిళనాడు, మహారాష్ట్రలోనూ పలు రైతు సంఘాలు షట్‌డౌన్‌కు పిలుపు, హిందూ మజ్ధూర్‌ సభ వంటి పలు కార్మిక సంఘాలు మద్దతు ప్రకటన * కేంద్రం ప్రవేశపెట్టిన వ్యవసాయ బిల్లుకు వ్యతిరేకంగా రైతులు ఆందోళనలతో పలు రైళ్ల రాకపోకల రద్దు. అమృత్ సర్-జయానగర్ ఎక్స్ ప్రెస్, జయానగర్-అమృత్ సర్ ఎక్స్ ప్రెస్ ల రద్దు చేయడంతో పాటు మరికొన్ని ప్యాసింజర్ రైళ్ల రద్దు. మరికొన్ని రైళ్ల ప్రయాణ దూరం కుదింపు * ఆరునెలల తర్వాత హైదరాబాద్‌లో శుక్రవారం నుంచి రోడ్డెక్కిన సిటీ బస్సులు. మొత్తం బస్సుల్లో 25 శాతమే తిప్పనున్న ఆర్టీసీ. శుక్రవారం ఉదయం షిఫ్ట్‌ నుంచి బస్సులు ప్రయాణం మొదలు కాగా వారం, పది రోజుల తర్వాత పరిస్థితిని బట్టి 50 శాతం బస్సులకు అనుమతి * నేడు హైదరాబాద్‌ లోని దుర్గం చెరువు కేబుల్‌ బ్రిడ్జి ప్రారంభం. జూబ్లీహిల్స్‌ రోడ్‌ నంబర్‌ 45 ఎలివేటెడ్‌ కారిడార్‌ కూడా ప్రారంభం. కేంద్ర హోం శాఖ సహాయ మంత్రి జి.కిషన్‌రెడ్డి, రాష్ట్ర మునిసిపల్, ఐటీ శాఖల మంత్రి కేటీఆర్ చేతుల మీదగా శుక్రవాదం సాయంత్రం బ్రిడ్జ్ ప్రారంభం * పారిశుద్ధ్య కార్మికుల సర్వీసు క్రమబద్ధీకరణకు సంబంధించిన కేసులో‌ ఘాటు వ్యాఖ్యలు చేసిన హైకోర్టు డివిజన్‌ బెంచ్. ఉచితంగా ఊడిగం చేయించుకోడానికి ఇదేమీ రాచరికం కాదని వ్యాఖ్య. సర్వీసు రూల్‌ 1994లోని సెక్షన్‌ 3 ప్రకారం దినసరి కూలీలుగా కొనసాగించరాదని హైకోర్టు మరోసారి స్పష్టం * పశ్చిమగోదావరి జిల్లా ద్వారకా తిరుమల చిన్న వెంకన్న ఆలయంలో రేపటి నుండి అధిక ఆశ్వీజమాస తిరుకళ్యాణోత్సవాలు. 30న ఆలయంలో ఏకాంతంగా స్వామివారి కళ్యాణం. కళ్యాణోత్సవాల రోజుల్లో స్వామి వారి నిత్య కళ్యాణాలు, నిత్య ఆర్జిత సేవలను రద్దు చేస్తున్నట్లు ఆలయ ఈవో డి భ్రమరాంబ వెల్లడి * 283వ రోజుకు చేరుకున్న రాజధాని రైతుల నిరసనలు. రాజధాని గ్రామాల్లోని శిబిరాల్లో సాగుతున్న రైతుల ఆందోళనలు. రాజధానిగా అమరావతి కొనసాగుతుందని ప్రభుత్వం చెప్పే వరకు ఆందోళనలు కొనసాగిస్తామని స్పష్టం చేస్తున్న రాజధాని రైతులు. కరోనా సూచనలు పాటిస్తూ సాగుతున్న అమరావతి ఉద్యమం * శ్రీశైలంలో కలకలం రేపిన అన్యమత పార్సిల్‌. ఆలయానికి సమీపంలోని దళిత కాలనీకి చెందిన ఓ కుటుంబానికి కర్నూలు నుంచి క్రిస్టియన్‌ సంస్థ ద్వారా వచ్చిన ఓ పార్సిల్‌. దానిపై కల్వరి టెంపుల్‌ చిరునామా . స్థానికులిచ్చిన సమాచారంతో పార్సిల్‌ను స్వాధీనం చేసుకున్న పోలీసులు. పార్సిల్‌లో నిత్యావసర వస్తువులున్నట్లుగా పోలీసుల వెల్లడి * కేంద్ర సుగంధ ద్రవ్యాల మండలి ఆధ్వర్యంలో ఏర్పాటు చేసిన ప్రత్యేక మిర్చి టాస్క్‌ఫోర్స్‌కు చైర్మన్ గా బీజెపీ ఎంపీ, బోర్డు సభ్యుడు జీవీఎల్‌ నరసింహారావు నియామకం. మిర్చి పంట అభివృద్ధి, వాటి ఉత్పత్తుల ఎగుమతులను ప్రోత్సహించడం ఈ టాస్క్‌ఫోర్స్‌ విధి. జీవీఎల్‌తోతోపాటు మరో 15మందిని కమిటీ సభ్యులుగా నియామకం.

ఆర్టీసీ సమ్మె ఆగుతుందా? కోర్టు ఏం చెబుతుంది?

18-10-201918-10-2019 09:40:27 IST
Updated On 18-10-2019 15:28:46 ISTUpdated On 18-10-20192019-10-18T04:10:27.623Z18-10-2019 2019-10-18T04:10:07.256Z - 2019-10-18T09:58:46.729Z - 18-10-2019

ఆర్టీసీ సమ్మె ఆగుతుందా? కోర్టు ఏం చెబుతుంది?
facebooktwitterGooglewhatsappwhatsappGoogle
తెలంగాణలో ఆర్టీసీ సమ్మె చర్చనీయాంశంగా మారింది. సమ్మె విరమించి చర్చలకు వెళ్లాలంటూ కార్మిక సంఘాలకు, సమస్య పరిష్కారానికి చొరవ చూపాలంటూ ప్రభుత్వానికి హైకోర్టు సూచించినా రెండు వైపుల నుంచి ఎక్కడా ఆపరిస్థితి కనిపించడంలేదు.

తాము చర్చలకు సిద్ధమేనని, కానీ ఎవరితో చర్చించాలో తేల్చాల్సింది ప్రభుత్వమేనంటూ కార్మిక సంఘాలు చెబుతున్నాయి. తన ఫోన్ ట్యాపింగ్ లో ఉందని ఆర్టీసీ జేఏసీ నేత అశ్వథ్ధామరెడ్డి ఆరోపించడం సమస్యను మరింత జఠిలం చేస్తోంది.

ఇవాళ హైకోర్టు ఇంకోసారి ఈ విషయంలో జోక్యం చేసుకునే అవకాశం కనిపిస్తోంది. కోర్టు ఏం చెబుతుందోనని ఇప్పుడు సర్వత్రా ఉత్కంఠ నెలకొంది.

మరో వైపు గవర్నర్‌ తమిళిసై సౌందరరాజన్‌ ఆర్టీసీ సమ్మెపై గురువారం వాకబు చేయడం ప్రాధాన్యత సంతరించుకుంది. రవాణాశాఖ ముఖ్య కార్యదర్శి, ఆర్టీసీ ఇన్‌చార్జి ఎండీ సునీల్‌శర్మ హుటా హుటిన రాజ్‌భవన్‌ చేరుకొని సమ్మె పరిణామాలను ఆమెకు వివరించడం వెనుక ఏం జరుగుతుందనేది చర్చనీయాంశంగా మారింది. 

ఇవాళో రేపో ఆర్టీసీ సమ్మె విషయంలో  పరిష్కారం లభించే అవకాశం ఉందన్న అభిప్రాయం వ్యక్తమవుతోంది. ఆర్టీసీ సమ్మెపై దాఖలైన పిల్‌పై కొనసాగిన వాదనల సమయంలో హైకోర్టు పలు సూచనలు చేసిన సంగతి తెలిసిందే. కానీ హైకోర్టు ఆదేశాలను సైతం ఇరుపక్షాలు పాటించిన దాఖలాలు లేవు. శుక్రవారం మరోసారి ఇరుపక్షాల న్యాయవాదులు వాదనలు వినిపించనున్నారు.

సమ్మె మొదలైన తొలి రోజు సాయంత్రం 6 గంటల్లోగా విధుల్లో చేరని వారు సెల్ఫ్‌ డిస్మిస్‌ చేసుకున్నట్టేనంటూ తేల్చిచెప్పిన సీఎం.. బుధవారం రాత్రి రవాణాశాఖ మంత్రి, ఆ శాఖ కార్యదర్శితో సుదీర్ఘంగా చర్చించారు. శుక్రవారం కోర్టులో అనుసరించాల్సిన వ్యూహంపై మరోసారి భేటీ కానున్నారు.

కోర్టు చేసే సూచనల ఆధారంగా శుక్రవారం కీలక నిర్ణయాలు వెలువడే అవకాశం ఉందని  భావిస్తున్నారు. మరోవైపు, శనివారం ఆర్టీసీ జేఏసీ పిలుపునిచ్చిన నేపథ్యంలో కోర్టు ఎలాంటి ఆదేశాలిస్తుందో చూడాలి. విద్యార్ధి సంఘాలు, పార్టీలు ఈ సమ్మెకు సంఘీభావం ప్రకటించడంతో ఏం జరుగుతుందోనని అంతా ఉత్కంఠగా చూస్తున్నారు. 

కార్మిక సంఘాలు మాత్రం ఉద్యమాన్ని మరింత ఉధృతం చేస్తున్నాయి. 13వ రోజు సమ్మెలో భాగంగా గురువారం రాష్ట్రవ్యాప్తంగా అన్ని డిపోల వద్ద ధూంధాం నిర్వహించారు కార్మికులు.  నిరసనల్లో పాల్గొన్న కార్మికుల కుటుంబ సభ్యులు ప్రభుత్వం వెంటనే సమస్య పరిష్కారానికి చొరవ చూపాలని కోరుతున్నారు. 

ఆర్టీసీ జేఏసీ కన్వీనర్‌ అశ్వత్థామరెడ్డి పరోక్షంగా ముఖ్యమంత్రి కేసీఆర్‌ను ఉద్దేశించి సంచలన వ్యాఖ్యలు చేశారు. ముఖ్యమంత్రి పదవి ఒకరికే శాశ్వతం కాదని, కేసీఆర్‌ కంటే బలమైన ఎన్టీఆర్‌ సీఎంగా ఉన్నప్పుడు 1993–94లో చోటుచేసుకున్న రాజకీయ సంక్షోభాన్ని మరిచిపోవద్దని గుర్తుచేశారు. సమ్మెపై వ్యతిరేక వ్యాఖ్యలు చేసే కొందరు మంత్రులు ఇంటికి వెళ్లి బాధపడుతున్నారన్నారు. 

ఆర్టీసీ సమ్మె నేపథ్యంలో ప్రత్యామ్నాయ రవాణా ఏర్పాట్లపై గవర్నర్‌ తమిళిసై సౌందరరాజన్‌ గురువారం రాజ్‌భవన్‌లో సమీక్షించారు. రవాణాశాఖ ముఖ్యకార్యదర్శి సునీల్‌ శర్మను ఆమె పిలిపించుకొని వివరాలను సేకరించారు.

ప్రజలకు ఇబ్బంది కలగకుండా ప్రత్యామ్నాయ ఏర్పాట్లన్నంటినీ చేయాలని సూచించారు. ఆర్టీసీ కార్మికుల సమ్మెపై రాజకీయ పార్టీలు, వివిధ సంస్థల నుంచి తనకు విజ్ఞప్తులు అందాయని ఈ సందర్భంగా ఆమె పేర్కొన్నారు.

ఎక్కువ చార్జీలు వసూలు చేస్తున్నారన్న ప్రయాణికుల ఫిర్యాదుతో అన్ని బస్సుల్లో టికెట్ల జారీ ప్రారంభించాలని ప్రభుత్వం ఆదేశించడంతో గురువారం చాలా బస్సుల్లో ఆ మేరకు చర్యలు తీసుకున్నారు. గురువారం రాష్ట్రవ్యాప్తంగా 74 శాతం బస్సులు నడిపినట్లు అధికారులు వెల్లడించారు. టికెట్ల జారీ మెషీన్లకు బదులు టికెట్లు ఇచ్చారు కాంట్రాక్టు కండక్టర్లు. 

 

అటు కేంద్రం వ్యవసాయ చట్టం- ఇటు కేసీఆర్ రెవెన్యూ చట్టం- తెలంగాణలో బీజేపీకి కష్టం

అటు కేంద్రం వ్యవసాయ చట్టం- ఇటు కేసీఆర్ రెవెన్యూ చట్టం- తెలంగాణలో బీజేపీకి కష్టం

   9 hours ago


బ్రేకింగ్ : కరోనా మృతదేహాల వద్ద కనిపించని నగలు, సెల్ఫోన్లు

బ్రేకింగ్ : కరోనా మృతదేహాల వద్ద కనిపించని నగలు, సెల్ఫోన్లు

   12 hours ago


బీహార్ అసెంబ్లీ ఎన్నికలకు మోగిన నగారా- కోవిడ్ జాగ్రత్తలపైనే అందరి దృష్టీ

బీహార్ అసెంబ్లీ ఎన్నికలకు మోగిన నగారా- కోవిడ్ జాగ్రత్తలపైనే అందరి దృష్టీ

   12 hours ago


నేడే దుర్గంచెరువు కేబుల్ బ్రిడ్జి ప్రారంభం.. ప్రత్యేకతలివే..

నేడే దుర్గంచెరువు కేబుల్ బ్రిడ్జి ప్రారంభం.. ప్రత్యేకతలివే..

   13 hours ago


కరోనా లెక్కల తకరారు? ఎవరిని  నమ్మించడానికి? ఎవరికి  వంచించడానికి??

కరోనా లెక్కల తకరారు? ఎవరిని నమ్మించడానికి? ఎవరికి వంచించడానికి??

   15 hours ago


ఏపీ నీటి తరలింపునకు కేసీఆర్‌ చక్కటి సహకారం.. ఉత్తమ్‌ మండిపాటు

ఏపీ నీటి తరలింపునకు కేసీఆర్‌ చక్కటి సహకారం.. ఉత్తమ్‌ మండిపాటు

   14 hours ago


ఎమ్మెల్సీ పోరు.. కోదండరాం టార్గెట్‌గా టీఆర్ఎస్ యాక్షన్ ప్లాన్!

ఎమ్మెల్సీ పోరు.. కోదండరాం టార్గెట్‌గా టీఆర్ఎస్ యాక్షన్ ప్లాన్!

   15 hours ago


కులపిచ్చి, ధన అహంకారమే హేమంత్ హత్యకు కారణమా ?

కులపిచ్చి, ధన అహంకారమే హేమంత్ హత్యకు కారణమా ?

   16 hours ago


మంత్రి హ‌రీష్‌రావుచే 500 ప‌ట్టాదారు పాసు పుస్త‌కాల పంపిణీ..

మంత్రి హ‌రీష్‌రావుచే 500 ప‌ట్టాదారు పాసు పుస్త‌కాల పంపిణీ..

   18 hours ago


తెలంగాణలో మరో పరువు హత్య..!

తెలంగాణలో మరో పరువు హత్య..!

   18 hours ago


ఇంకా

G. Sathyanarayana Raju


గొట్టుముక్కల సత్యనారాయణరాజుకు జర్నలిజంలో 21 సంవత్సరాలకు పైగా అనుభవం ఉంది. ప్రముఖ దినపత్రికలు, మేగజైన్లు, న్యూస్ ఛానెళ్ళలో వివిధ హోదాల్లో బాధ్యతలు నిర్వర్తించారు. డిజిటల్ మీడియాలో ప్రవేశించి... నాలుగేళ్ళనుంచి వివిధ వెబ్‌సైట్లలో పనిచేశారు. ప్రస్తుతం న్యూస్‌స్టింగ్‌.ఇన్ లో కంటెంట్ హెడ్‌గా పనిచేస్తున్నారు. ఫీచర్ రైటింగ్, ప్రత్యేక కథనాలు, కరెంట్ అఫైర్స్, ఎన్నికల కథనాలు, రాజకీయ కథనాల విశ్లేషణలో మంచి ప్రావీణ్యం ఉంది.
 gsnraju@rightfolio.in
      040 23600300

newsting
Daily Updates
facebooktwitterGooglewhatsappwhatsappGoogle