newssting
BITING NEWS :
*విషమంగానే మాజీ రాష్ట్రపతి ప్రణబ్ ఆరోగ్యం.. వెంటిలేటర్ పై చికిత్స *వనపర్తి జిల్లా నాగపూర్ లో విషాదం ఒకే కుటుంబంలో నలుగురి ఆత్మహత్య *హైద‌రాబాద్‌: పంచాయతీ,మండల, జిల్లాప్రజా పరిషత్‌లకు 15వ ఆర్థిక సంఘం నిధుల పునరుద్ధరణ.. ఆరేళ్ల క్రితం నిలిపివేసిన ఆర్థికసంఘం.. ఈ ఏడాదికి రూ.1,847 కోట్ల నిధుల మంజూరు*ఢిల్లీ: ప్ర‌శాంత్ భూష‌ణ్ కోర్టు ధిక్క‌ర‌ణ సుమోటో కేసులో సుప్రీంకోర్టు తీర్పు... ప్ర‌శాంత్ భూష‌ణ్‌ను దోషిగా తేల్చిన జ‌స్టిస్ అరుణ్ మిశ్రా నేతృత్వంలోని ధ‌ర్మాస‌నం.. శిక్ష‌పై ఈ నెల 20న వాద‌న‌లు వింటాం-సుప్రీం*హైద‌రాబాద్‌: కోవిడ్ కి ఉచిత చికిత్స చేయాలి.. కరోనాతో ఆదాయ మార్గం పోయింది కాబట్టి పేదలకు ఆరు నెలల పాటు రూ. 7500 చొప్పున‌ ఇవ్వాలి-ప్రొఫెస‌ర్ కోదండరాం*భార‌త్‌లో రికార్డు స్థాయిలో పెరుగుతున్న కరోనా కేసులు, మరణాలు.. గడచిన 24 గంటల్లో 64,553 కరోనా కేసులు నమోదు, 1007 మంది మృతి.. 24,61,191కు చేరుకున్న క‌రోనా పాజిటివ్ కేసులు, ఇప్ప‌టి వ‌ర‌కు 48,040 మంది మృతి*తెలంగాణ‌లో 1921 పాజిటివ్ కేసులు నమోదు, 9 మంది మృతి.. 88396కు చేరిన పాజిటివ్ కేసుల సంఖ్య‌, ఇప్పటి వరకు 674 మంది మృతి

ఆర్టీసీ సమ్మె...హుజూర్ నగర్ సీను మారుతోందా?

16-10-201916-10-2019 17:16:47 IST
2019-10-16T11:46:47.975Z16-10-2019 2019-10-16T11:46:36.712Z - - 15-08-2020

ఆర్టీసీ సమ్మె...హుజూర్ నగర్  సీను మారుతోందా?
facebooktwitterGooglewhatsappwhatsappGoogle
హుజూర్ నగర్ ఉప ఎన్నిక ఇప్పుడు తెరాసకు అత్యంత ప్రతిష్టాత్మకంగా మారిపోయింది. ఇక్కడ ఏ మాత్రం తేడా జరిగినా ప్రభుత్వ ప్రతిష్ట అమాంతంగా దిగజారిపోయే పరిస్థితి కనిపిస్తున్నది. ఈ పరిస్థితి రావడానికి తెరాస సర్కార్ స్వయం కృతమే అని చెప్పక తప్పదు. అన్ని రకాలుగా ప్రతికూల పరిస్థితులను ఎదుర్కొంటున్న కాంగ్రెస్ లో ఒక్క సారిగా అనూహ్యంగా మార్పు రావడానికీ, విభేదాలను పక్కన పెట్టి మరీ హుజూర్ నగర్ లో నేతలంగా సమష్టిగా పని చేయడానికీ తెరాసయే కారణం అని చెప్పక తప్పదు.
 
హుజూర్ నగర్ ఎన్నికకు నోటిఫికేషన్ విడుదలైన నాటికీ...ఇప్పటికీ పరిస్థితులలో వచ్చిన మార్పుకు తెరాస సర్కార్ విధానాలే కారణమని చెప్పక తప్పదు. ఒక్కో నేత ఒక్కో అభ్యర్థిని ప్రకటించి విభేదాలతో నేతలు రచ్చకెక్కిన పరిస్థితి నుంచీ అందరూ కలిసి కాంగ్రెస్ అభ్యర్థి విజయం కోసం సమష్టిగా పని చేయడం వరకూ పరిస్థితిలో మార్పు వచ్చింది. ఇందుకు ప్రధాన కారణం కేసీఆర్ ప్రభుత్వం అనుసరిస్తున్న నిరంకుశ ధోరణే. సమష్టిగా ఎదుర్కొనకుంటే..మనుగడ కష్టం అన్న భావన తెరాసేతర పార్టీలన్నిటిలోనూ కలిగిందనడంలో సందేహం లేదు.
 
ఆర్టీసీ సమ్మె, ఆ సమ్మెపై ప్రభుత్వం అనుసరిస్తున్న అణచివేత ధోరణి ప్రజలలో కూడా ప్రభుత్వం పట్ల తీవ్ర వ్యతిరేకతకు కారణమయ్యాయనడంలో సందేహం లేదు. ఈ నేపథ్యంలో తెరాసకు హుజూర్ నగర్ ఉప ఎన్నికలో విజయం అత్యంత ప్రతిష్టాత్మకంగా మారింది. అదే సమయంలో ప్రజా వ్యతిరేకతను అనుకూలంగా మార్చుకుని విజయం సాధించాలన్న పట్టుదలతో కాంగ్రెస్, కమలం పార్టీలు ఉన్నాయి.
 
ఈ రెండు పార్టీల హోరాహోరీ పోటీయే తెరాసకు హుజుర్ నగర్ లో విజయం పట్ల ఆశను ఇంకా మిగిల్చిందని చెప్పాల్సి ఉంటుంది. ఉనికి కోసమే పోటీలో ఉన్న తెలుగుదేశం కూడా ఏదో మేరకు ప్రభావం చూపే అవకాశాలున్నాయి. ఆ కారణంగానే ప్రభుత్వ వ్యతిరేక ఓటు చీలక తమను గట్టెక్కిస్తుందన్న ధీమాతో తెరాస ఉంది. అయితే పోలింగ్ తేదీ దగ్గర పడుతున్న కొద్దీ నెమ్మది నెమ్మదిగా సీన్ మారుతున్నదని పరిశీలకులు అంచనా వేస్తున్నారు.
 
సమస్యల పరిష్కారం విషయంలో సామరస్య ధోరణికి బదులుగా కేసీఆర్ సర్కార్ కఠినంగా వ్యవహరించడం కారణంగా తెరాసకు రాజకీయంగా నష్టం వాటిల్లే అవకాశాలే మెండుగా ఉన్నాయన్నది పరిశీలకుల విశ్లేషణ.   ఆర్టీసీ సమ్మె ప్రారంభమై 12 రోజులు గడిచినా పరిష్కారం దిశగా ఒక్క అడుగు కూడా ముందుకు పడలేదు. ఇది ప్రజలలో ప్రభుత్వం పట్ల అసంతృప్తికి కారణం అవుతున్నది. కోర్టు  ఆదేశిస్తే తప్ప ఆర్టీసీ సమ్మె పరిష్కారం దిశగా కేసీఆర్ సర్కార్ ఒక్క అడుగు కూడా ముందుకు వేయలేదు. చివరికి కేకే వంటి సీనియర్ నేత మధ్యవర్తిత్వానికి ముందుకు వచ్చినా ఆయనకు కేసీఆర్ కనీసం అప్పాయింట్ మెంట్ కూడా ఇవ్వలేదు. ఈ ధోరణే సర్కార్ ప్రతిష్ట మసకబారడానికి కారణమౌతున్నది. 
 
గత సార్వత్రిక ఎన్నికల సమయం నాటికే కేసీఆర్ సర్కార్ పట్ల ప్రజలలో అసంతృప్తి గూడుకట్టుకుంటున్నదన్న విషయం తేటతెల్లమైంది. అనూహ్యంగా బీజేపీ నాలుగు స్థానాలు కైవసం చేసుకోవడమే ఇందుకు నిదర్శనం. ఆర్టీసీ సమ్మె ప్రభావం హుజూర్ నగర్ ఎన్నికపై ఏదో మేరకు ఉంటుందనడంలో సందేహం లేదు. అయితే అది ఏ మేరకు ఉంటుందన్నది తేలేది మాత్రం ఫలితం వెలువడిన తరువాతే. తెలంగాణ ఉద్యమ సమయంలో చురుకుగా కీలకంగా వ్యవహరించిన కార్మిక, ఉద్యోగ సంఘాల నాయకులతో తెలంగాణ సాధన ఘనతను పంచుకోవడానికి తెరాస అధినేత ఇష్టపడడం లేదన్నది సుస్పష్టం. అందుకే ఉద్యోగ సంఘాలనూ, ఆ సంఘాల నాయకులనూ కేసీఆర్ దూరం పెడుతూ వచ్చారు.
 
ఉద్యమ సమయంనాటి పోరాట స్ఫూర్తి ఇప్పుడు సమస్యల పరిష్కారంలో ఎవరూ చూపడానినకి ఆయన ఇష్టపడటం లేదనడానికి చర్చలతో పరిష్కారమవ్వాల్సిన ఆర్టీసీ వ్యవహారం సమ్మె వరకూ వెళ్లడమే కాకుండా...ఉద్యోగుల ఉద్వాసన అంటూ చేసిన ప్రకటనతో కేసీఆర్ జటిలంగా మారిపోయింది. రాజకీయాలకు అతీతంగా అన్ని పార్టీలూ, వర్గ విభేదాలు లేకుండా సమాజంలోని అన్ని వర్గాలూ ఆర్టీసీ సమ్మెకు మద్దతుగా,  కార్మికులకు బాసటగా నిలవడమే ఇందుకు నిదర్శనం. ఈ నేపథ్యంలో ముఖ్యమంత్రి కల్వకుంట్ల చంద్రశేఖరరావు హుజూర్ నగర్ లో గురువారం ఎన్నికల ప్రచార సభలో ప్రసగించనున్నారు.
 
ఈ సందర్భంగా ఆయన అనివార్యంగా ఆర్టీసీ సమ్మెపై ఏదో ఒక ప్రకటన చేయాల్సి ఉంటుంది. ఆ ప్రకటన సమస్య పరిష్కారం దిశగా ఉంటుందా?  సమ్మెను అణచివేసే వైఖరిని సమర్ధించుకునేలా ఉంటుందా అన్న ఉత్కంఠ ఇప్పుడు సర్వత్రా నెలకొని ఉంది. హుజుర్ నగర్ ప్రచార సభలో కేసీఆర్ ప్రసంగంపైనే ఎన్నికల ఫలితం ఆధారపడి ఉంటుంది. హైకోర్టు ఆదేశాల నేపథ్యంలో సమ్మె పరిష్కారం దిశగా చర్చల ప్రక్రియ ప్రారంభం అయితే పరిస్థితి ఒకింత మారే అవకాశం ఉంది. ఏది ఏమైనా హుజూర్ నగర్ ఉప ఎన్నిక తెరాసకు, మరీ ముఖ్యంగా ముఖ్యమంత్రి కల్వకుంట్ల చంద్రశేఖరరావుకు అత్యంత ప్రతిష్టాత్మకంగా మారిందనడంలో సందేహం లేదు.
 

NewsSting Team


      040 23600300

newsting
Daily Updates
facebooktwitterGooglewhatsappwhatsappGoogle