newssting
BITING NEWS :
పాకిస్తాన్‌లో కొనసాగుతున్న మీడియాపై దారుణ అణచివేత. పెద్ద ఎత్తున మీడియా ప్రతినిధులను అదుపులోకి తీసుకున్న ఫెడరల్ ఇన్వెస్టిగేషన్ ఏజెన్సీ. మీడియాపై అణచివేత లేనేలేదంటూ చెబుతున్న పాక్ ప్రధాని ఇమ్రాన్ ఖాన్. జర్నలిస్టు ముబషిర్ జైదీ తన సహచరుల అరెస్టులను బయటపెట్టడంతో వెలుగులోకి వచ్చిన వ్యవహారం * నేపాల్ దేశంలోని సింగిజా జిల్లాలో భారీవర్షాలతో కొండచరియలు విరిగిపడటం వల్ల ఒకే కుటుంబంలోని 9 మంది మరణించారని చీఫ్ జిల్లా ఆఫీసర్ గంగా బహదూర్ చెట్రీ ప్రకటన. భారీవర్షాలు, వరదల వల్ల నేపాల్ దేశంలో మొత్తం 10 మంది మరణించగా మరొకరికి తీవ్రగాయాలయ్యాయయని అధికారుల ప్రకటన * వైరస్‌తో పోరాటం చేస్తున్న ఢిల్లీ డిప్యూటీ సీఎం మనీశ్‌‌ సిసోడియా. ప్రస్తుతం విషమంగా ఆయన ఆరోగ్యం. కరోనాతో పాటు డెంగ్యూ కూడా ఎటాక్‌ చేయడంతో గడిచిన 24 గంటల్లో మరింత విషమంగా ఉందని లోక్‌నాయక్‌ జయప్రకాశ్‌ నాయక్‌ ఆస్పత్రి వైద్యుల ప్రకటన * వ్యవసాయ బిల్లులపై దేశవ్యాప్తంగా ఆగని పోరు మంటలు. వ్యవసాయ, కార్మిక సంస్కరణల బిల్లులను వ్యతిరేకిస్తూ కాంగ్రెస్‌ పార్టీ దేశవ్యాప్తంగా ఆందోళనలను. పంజాబ్‌లో రైల్‌ రోకో నిర్వహించిన రైతులు. కిసాన్‌ మజ్దూర్‌ సంఘర్ష్ కమిటీ, ఇతర రైతు సంఘాలు సంయుక్తంగా ఆందోళనలు * పార్లమెంట్‌లో ఆమోదం పొందిన వ్యవసాయ బిల్లులను వ్యతిరేకిస్తూ శుక్రవారం తలపెట్టిన భారత్‌ బంద్‌కు 20కి పైగా రైతు సంఘాలు మద్దతు. పంజాబ్‌, హరియాణాల్లో పార్టీలకు అతీతంగా ఆందోళనలో పాల్గొంటున్న 31 రైతు సంఘాలు. కర్ణాటక, తమిళనాడు, మహారాష్ట్రలోనూ పలు రైతు సంఘాలు షట్‌డౌన్‌కు పిలుపు, హిందూ మజ్ధూర్‌ సభ వంటి పలు కార్మిక సంఘాలు మద్దతు ప్రకటన * కేంద్రం ప్రవేశపెట్టిన వ్యవసాయ బిల్లుకు వ్యతిరేకంగా రైతులు ఆందోళనలతో పలు రైళ్ల రాకపోకల రద్దు. అమృత్ సర్-జయానగర్ ఎక్స్ ప్రెస్, జయానగర్-అమృత్ సర్ ఎక్స్ ప్రెస్ ల రద్దు చేయడంతో పాటు మరికొన్ని ప్యాసింజర్ రైళ్ల రద్దు. మరికొన్ని రైళ్ల ప్రయాణ దూరం కుదింపు * ఆరునెలల తర్వాత హైదరాబాద్‌లో శుక్రవారం నుంచి రోడ్డెక్కిన సిటీ బస్సులు. మొత్తం బస్సుల్లో 25 శాతమే తిప్పనున్న ఆర్టీసీ. శుక్రవారం ఉదయం షిఫ్ట్‌ నుంచి బస్సులు ప్రయాణం మొదలు కాగా వారం, పది రోజుల తర్వాత పరిస్థితిని బట్టి 50 శాతం బస్సులకు అనుమతి * నేడు హైదరాబాద్‌ లోని దుర్గం చెరువు కేబుల్‌ బ్రిడ్జి ప్రారంభం. జూబ్లీహిల్స్‌ రోడ్‌ నంబర్‌ 45 ఎలివేటెడ్‌ కారిడార్‌ కూడా ప్రారంభం. కేంద్ర హోం శాఖ సహాయ మంత్రి జి.కిషన్‌రెడ్డి, రాష్ట్ర మునిసిపల్, ఐటీ శాఖల మంత్రి కేటీఆర్ చేతుల మీదగా శుక్రవాదం సాయంత్రం బ్రిడ్జ్ ప్రారంభం * పారిశుద్ధ్య కార్మికుల సర్వీసు క్రమబద్ధీకరణకు సంబంధించిన కేసులో‌ ఘాటు వ్యాఖ్యలు చేసిన హైకోర్టు డివిజన్‌ బెంచ్. ఉచితంగా ఊడిగం చేయించుకోడానికి ఇదేమీ రాచరికం కాదని వ్యాఖ్య. సర్వీసు రూల్‌ 1994లోని సెక్షన్‌ 3 ప్రకారం దినసరి కూలీలుగా కొనసాగించరాదని హైకోర్టు మరోసారి స్పష్టం * పశ్చిమగోదావరి జిల్లా ద్వారకా తిరుమల చిన్న వెంకన్న ఆలయంలో రేపటి నుండి అధిక ఆశ్వీజమాస తిరుకళ్యాణోత్సవాలు. 30న ఆలయంలో ఏకాంతంగా స్వామివారి కళ్యాణం. కళ్యాణోత్సవాల రోజుల్లో స్వామి వారి నిత్య కళ్యాణాలు, నిత్య ఆర్జిత సేవలను రద్దు చేస్తున్నట్లు ఆలయ ఈవో డి భ్రమరాంబ వెల్లడి * 283వ రోజుకు చేరుకున్న రాజధాని రైతుల నిరసనలు. రాజధాని గ్రామాల్లోని శిబిరాల్లో సాగుతున్న రైతుల ఆందోళనలు. రాజధానిగా అమరావతి కొనసాగుతుందని ప్రభుత్వం చెప్పే వరకు ఆందోళనలు కొనసాగిస్తామని స్పష్టం చేస్తున్న రాజధాని రైతులు. కరోనా సూచనలు పాటిస్తూ సాగుతున్న అమరావతి ఉద్యమం * శ్రీశైలంలో కలకలం రేపిన అన్యమత పార్సిల్‌. ఆలయానికి సమీపంలోని దళిత కాలనీకి చెందిన ఓ కుటుంబానికి కర్నూలు నుంచి క్రిస్టియన్‌ సంస్థ ద్వారా వచ్చిన ఓ పార్సిల్‌. దానిపై కల్వరి టెంపుల్‌ చిరునామా . స్థానికులిచ్చిన సమాచారంతో పార్సిల్‌ను స్వాధీనం చేసుకున్న పోలీసులు. పార్సిల్‌లో నిత్యావసర వస్తువులున్నట్లుగా పోలీసుల వెల్లడి * కేంద్ర సుగంధ ద్రవ్యాల మండలి ఆధ్వర్యంలో ఏర్పాటు చేసిన ప్రత్యేక మిర్చి టాస్క్‌ఫోర్స్‌కు చైర్మన్ గా బీజెపీ ఎంపీ, బోర్డు సభ్యుడు జీవీఎల్‌ నరసింహారావు నియామకం. మిర్చి పంట అభివృద్ధి, వాటి ఉత్పత్తుల ఎగుమతులను ప్రోత్సహించడం ఈ టాస్క్‌ఫోర్స్‌ విధి. జీవీఎల్‌తోతోపాటు మరో 15మందిని కమిటీ సభ్యులుగా నియామకం.

అణచివేత ధోరణి వల్ల చేటే తప్ప ప్రయోజనం ఉండదు!

16-10-201916-10-2019 16:10:05 IST
Updated On 16-10-2019 17:09:00 ISTUpdated On 16-10-20192019-10-16T10:40:05.429Z16-10-2019 2019-10-16T10:40:01.499Z - 2019-10-16T11:39:00.408Z - 16-10-2019

అణచివేత ధోరణి వల్ల చేటే తప్ప ప్రయోజనం ఉండదు!
facebooktwitterGooglewhatsappwhatsappGoogle
తెలంగాణ ఆర్టీసీ కార్మికుల సమ్మెను అణిచి వేయాలన్న కఠిన వైఖరి రాష్ట్రంలో తెరాస సర్కార్ పై ప్రజలలో, ఉద్యోగులలో ఒకింత వ్యతిరేకత వ్యక్తం అయ్యేందుకు ఆస్కారం ఇచ్చిందని చెప్పక తప్పదు. రాష్ట్ర ఆవిర్భావం నుంచి అధికారంలో ఉన్న తెరాసపై విపక్షాలు ఎంతగా విమర్శలు గుప్పించినా జనం, ఉద్యోగులు మాత్రం తిరుగులేని విశ్వాసాన్ని ప్రదర్శిస్తూ వచ్చారు. అయితే ఆర్టీసీ కార్మికుల పట్ల కేసీఆర్ సర్కార్ వ్యవహరిస్తున్న తీరు మాత్రం  ఇంతకాలం  కేసీఆర్పై ప్రజల్లో, ఉద్యోగుల్లో  నమ్మకాన్ని, ఆశను తుంచేస్తున్న సంకేతాలు కనిపిస్తున్నాయి.

ఎన్జీవో సంఘ నాయకులు ఆర్టీసీ సమ్మెకు మద్దతు ఇచ్చేది లేదంటూ ప్రకటిస్తే...ఆ సంఘం నాయకులకు ఉద్యోగులలోనే తీవ్ర నిరసన వ్యక్తమైంది. అలాగే...ప్రజల నుంచీ నిరసన వెల్లువెత్తింది. దీంతో గత్యంతరం లేని పరిస్థితుల్లో మద్దతు ఇవ్వమని ప్రకటించిన రెండు రోజుల వ్యవధిలోనే ఎన్జీవో నాయకులు ఆర్టీసీ సమ్మెకు పూర్తి మద్దతు ప్రకటించారు. 

ముఖ్యంగా సమ్మె చేస్తున్న ఉద్యోగుల ఇంకెంత మాత్రం ఆర్టీసీ సిబ్బంది కారని కేసీఆర్ ప్రకటించడం...ఆ వెంటనే ఆర్టీసీ ఆసుపత్రులలో సిబ్బందికి వైద్యం నిరాకరించడంతో  కెసిఆర్‌ పాలనపై ప్రజల్లో తీవ్ర వ్యతిరేకత వెల్లువెత్తింది.  ఉద్యోగుల సమ్మె హక్కును కాలరాయడాన్ని జనం జీర్ణించుకోలేకపోతున్నారు.

ఈ వ్యతిరేకత కారణంగానే మొత్తంగా తెరాస సర్కార్ పాలనా తీరుపైనే విమర్శనాత్మక సమీక్ష ఇప్పుడు రాష్ట్ర వ్యాప్తంగా జనంలో జరుగుతోంది. వాగ్దానాలు గుప్పించడమే తప్ప అములు చేసినవి వేళ్ల మీద లెక్కించవచ్చన్న వాదనకు బలం చేకూరుతోంది. డబుల్ బెడ్ రూం ఇళ్లు, దళితులకు మూడెకరాల భూమి, కేజీ టూ పీజీ విద్య, దళితుడే ముఖ్యమంత్రి అంటూ కేసీఆర్ గతంలో చేసిన వాగ్దానాలు, ప్రకటనలలోని డొల్ల తనాన్ని ఇప్పుడు జనం నేరుగా ప్రస్తావిస్తున్నారు. మిగులు రెవెన్యూతో ఆవిర్భవించినా రాష్ట్రం ఇప్పుడు అప్పుల్లో కూరుకుపోవడంపై కూడా ప్రశ్నలు లేవనెత్తుతున్నారు. రాష్ట్ర ఆదాయాన్ని పప్పు బెల్లాలకు ఖర్చు చేసి..అభివృద్ధిని విస్మరించారన్న విమర్శలు కేసీఆర్ ఎదుర్కొంటున్నారు. ప్రత్యేక తెలంగాణలో నిరుద్యోగుల ఆశలు నీరుగారిపోయాయి. ఉద్యోగ నియామకాలు లేక యువత ఆందోళన చెందుతున్నారు. ప్రజాస్వామిక తెలంగాణ కోరుకుంటే నిరంకుశ తెలంగాణగా తయారైందని మేధావులు విమర్శిస్తున్నారు.

సమ్మెకు దిగిన కార్మికులపై కక్ష సాధింపు ధోరణి తప్ప కార్మికుల డిమాండ్లను పరిష్కరించి సమ్మె విరమింప చేద్దామన్న ఉద్దేశమే ప్రభుత్వంలో కనిపించడం లేదు. విధానపరమైన నిర్ణయాలలో ప్రభుత్వానికి సూచనలూ సలహాలూ ఇవ్వాల్సిన అధికార యంత్రాంగం నిమిత్త మాత్రంగా మారిపోయింది. కేసీఆర్ ఏం చెబితే అదే వేదం అన్నట్లుగా తెలంగాణలో పరిస్థితులు తయారయ్యాయి.

తెలంగాణ సాధన కోసం ఉద్యమంలో చురుకుగా పాల్గొన్న వారంతా ఇప్పుడు ప్రభుత్వానికి అయిష్టులుగా మారిపోయారు.  తెలంగాణ సాధన పోరులో సకల జనులూ కదిలారు, పోరాడారు. ఇప్పుడు ఆర్టీసీ కార్మికలకు మద్దతుగా సకల జనులూ కదిలే పరిస్థితులు కనిపిస్తున్నాయి. అయినా ప్రభుత్వోద్యోగులతో వైరం పెట్టుకున్న ఏ ముఖ్యమంత్రీ రాజకీయంగా నష్టపోకుండా మిగిలిన చరిత్ర లేదు.

ఎన్టీఆర్, చంద్రబాబు, చెన్నారెడ్డి ఇలా పలువురు ముఖ్యమంత్రులు ఉద్యోగుల ఆగ్రహానికి గురై పదవీచ్యుతులైన వారే. ఎప్పటికి ఏది అవసరమో అది చేయడం అనే విధానం ద్వారా ఇన్నాళ్ళూ తెరాస అధినేత కేసీఆర్ నెట్టుకొచ్చారు. అయితే ఆర్టీసీ కార్మికులను ఉద్యోగాల నుంచి తొలగించడం అనే అస్త్రం ప్రయోగించడం ద్వారా ఆయన అన్ని వర్గాల విశ్వాసాన్నీ కూడా కోల్పోయిన పరిస్థితి కనిపిస్తున్నది. ఉద్యోగ సంఘం నాయకులు ఆయనతో చర్చించిన వెంటనే ( నిజానికి గత ఏడాది కాలంగా ఉద్యోగ సంఘాల నాయకులకు కేసీఆర్ కనీసం అప్పాయింట్ మెంట్ కూడా ఇవ్వలేదు) ఆ నాయకులు ఆర్టీసీ సమ్మెకు వ్యతిరేకంగా మాట్లాడారు. మామూలు పరిస్థితుల్లో అయితే అది చెల్లిపోయేది.

కానీ ఇప్పుడు ఆర్టీసీ సమ్మెకు జనం మద్దతు ఉండటంతో ఎన్జీవో సంఘం నాయకులు అనివార్యంగా ఆర్టీసీకి మద్దతుగా నిలవాల్సిన పరిస్థితి ఏర్పడింది. అలాగే సమ్మె మరి కొన్ని రోజులు సాగే పరిస్థితి ఉండే తెరాస సర్కార్ దిగిరాక తప్పని పరిస్థితులు ఏర్పడతాయి.  తెరాస నాయకులలోనే ఇప్పుడిప్పుడే సమ్మెను అణచివేసే విధానం సరికాదన్న భావన వ్యక్తమౌతుంది. మధ్యవర్తిత్వానికి రెడీ అంటూ కేకే ముందుకు రావడం అందులో భాగమే. ఇప్పటికైనా ప్రభుత్వం కార్మికులతో చర్చలు జరిపి సమ్మె పరిష్కారానికి చొరవ తీసుకోకుంటే మూల్యం చెల్లించక తప్పని పరిస్థితులు రావడం ఖాయం.

 

 

అటు కేంద్రం వ్యవసాయ చట్టం- ఇటు కేసీఆర్ రెవెన్యూ చట్టం- తెలంగాణలో బీజేపీకి కష్టం

అటు కేంద్రం వ్యవసాయ చట్టం- ఇటు కేసీఆర్ రెవెన్యూ చట్టం- తెలంగాణలో బీజేపీకి కష్టం

   7 hours ago


బ్రేకింగ్ : కరోనా మృతదేహాల వద్ద కనిపించని నగలు, సెల్ఫోన్లు

బ్రేకింగ్ : కరోనా మృతదేహాల వద్ద కనిపించని నగలు, సెల్ఫోన్లు

   10 hours ago


బీహార్ అసెంబ్లీ ఎన్నికలకు మోగిన నగారా- కోవిడ్ జాగ్రత్తలపైనే అందరి దృష్టీ

బీహార్ అసెంబ్లీ ఎన్నికలకు మోగిన నగారా- కోవిడ్ జాగ్రత్తలపైనే అందరి దృష్టీ

   10 hours ago


నేడే దుర్గంచెరువు కేబుల్ బ్రిడ్జి ప్రారంభం.. ప్రత్యేకతలివే..

నేడే దుర్గంచెరువు కేబుల్ బ్రిడ్జి ప్రారంభం.. ప్రత్యేకతలివే..

   12 hours ago


కరోనా లెక్కల తకరారు? ఎవరిని  నమ్మించడానికి? ఎవరికి  వంచించడానికి??

కరోనా లెక్కల తకరారు? ఎవరిని నమ్మించడానికి? ఎవరికి వంచించడానికి??

   13 hours ago


ఏపీ నీటి తరలింపునకు కేసీఆర్‌ చక్కటి సహకారం.. ఉత్తమ్‌ మండిపాటు

ఏపీ నీటి తరలింపునకు కేసీఆర్‌ చక్కటి సహకారం.. ఉత్తమ్‌ మండిపాటు

   13 hours ago


ఎమ్మెల్సీ పోరు.. కోదండరాం టార్గెట్‌గా టీఆర్ఎస్ యాక్షన్ ప్లాన్!

ఎమ్మెల్సీ పోరు.. కోదండరాం టార్గెట్‌గా టీఆర్ఎస్ యాక్షన్ ప్లాన్!

   14 hours ago


కులపిచ్చి, ధన అహంకారమే హేమంత్ హత్యకు కారణమా ?

కులపిచ్చి, ధన అహంకారమే హేమంత్ హత్యకు కారణమా ?

   15 hours ago


మంత్రి హ‌రీష్‌రావుచే 500 ప‌ట్టాదారు పాసు పుస్త‌కాల పంపిణీ..

మంత్రి హ‌రీష్‌రావుచే 500 ప‌ట్టాదారు పాసు పుస్త‌కాల పంపిణీ..

   16 hours ago


తెలంగాణలో మరో పరువు హత్య..!

తెలంగాణలో మరో పరువు హత్య..!

   16 hours ago


ఇంకా

NewsSting Team


      040 23600300

newsting
Daily Updates
facebooktwitterGooglewhatsappwhatsappGoogle