newssting
BITING NEWS :
*ఘనంగా మాజీ ప్రధాని రాజీవ్‌గాంధీ జయంతి* కర్నాటక సీఎం యడియూరప్ప కేబినెట్ విస్తరణ..17మందికి ఛాన్స్ *పంచాయతీరాజ్‌లో మరో రూ.300 కోట్ల పనులు రద్దు*పోలవరం రీ టెండరింగ్ పై హైకోర్టులో నవయుగ పిటిషన్ * కృష్ణా నదీ వరద ప్రాంతాల్లో చంద్రబాబు పర్యటన* చంద్రుని కక్ష్యలోకి చంద్రయాన్‌-2*రాజస్థాన్ నుంచి రాజ్యసభకు ఏకగ్రీవంగా ఎన్నికైన మాజీ ప్రధాని మన్మోహన్ సింగ్ *అరుణ్ జైట్లీ ఆరోగ్యం విషమం.. వెంటిలేటర్ పై చికిత్స *పన్ను సంస్కరణలపై ఆర్థికమంత్రి నిర్మలా సీతారామన్ కి టాస్క్‌ఫోర్స్‌ నివేదిక

అక్రమ కట్టడాలపై కేసీఆర్ అల్టిమేటం

19-07-201919-07-2019 14:57:13 IST
Updated On 19-07-2019 15:15:40 ISTUpdated On 19-07-20192019-07-19T09:27:13.822Z19-07-2019 2019-07-19T09:27:10.175Z - 2019-07-19T09:45:40.199Z - 19-07-2019

అక్రమ కట్టడాలపై కేసీఆర్ అల్టిమేటం
facebooktwitterGooglewhatsappwhatsappGoogle
ఒకవైపు తెలుగు రాష్ట్రం ఏపీలో అక్రమకట్టడాల కూల్చివేత యుద్ధ ప్రాతిపదికన సాగుతోంది. మాజీ సీఎం ప్రజావేదికను కూల్చేశారు. మరికొన్ని అక్రమ కట్టడాలకు సంబంధించి నోటీసులు జారీచేసిన సంగతి తెలిసిందే. తాజాగా తెలంగాణ ముఖ్యమంత్రి కేసీఆర్ అక్రమ కట్టడాలపై ఉక్కుపాదం మోపుతామంటున్నారు. అక్రమ కట్టడం చేపడితే.. నోటీసులివ్వకుండానే కూల్చేస్తాం అని అసెంబ్లీలో కేసీఆర్ సంచలన ప్రకటన చేయడం చర్చకు దారితీస్తోంది. 

రాష్ట్రంలో అక్రమ కట్టడాలను చేపడితే సహించేది లేదని సీఎం కేసీఆర్ పేర్కొన్నారు. అసెంబ్లీలో ఆయన మాట్లాడుతూ.. ప్రతి యజమాని ఇంటిపై సెల్ఫ్‌ సర్టిఫికేషన్ ఇవ్వాలని.. ప్రతి ఇంటిని స్వ్కాడ్స్‌ కొలుస్తారని కేసీఆర్ తెలిపారు. ఎవరు ఎప్పుడు, ఎక్కడ కొలుస్తారో చెప్పరన్నారు. ట్యాక్స్‌పై అబద్దం చెబితే 25 రెట్లు జరిమానా విధిస్తామన్నారు.

అక్రమ కట్టడం చేపడితే నోటీసులు ఇవ్వకుండానే కూల్చివేస్తామన్నారు. అక్రమ కట్టడాలను ఎట్టి పరిస్థితిలో అనుమతించబోమన్నారు.ఆగస్టు 15నుంచి పరిపాలన అంటే ఏంటో చూపిస్తామని ఆయన అన్నారు. కొత్త మున్సిపల్ చట్టంపై అసెంబ్లీలో జరిగిన చర్చలో కేసీఆర్ ప్రసంగించారు. దేశమే మన దగ్గర నేర్చుకునేలా పాలన సంస్కరణలు తెస్తామని, అలాగే ప్రజాదర్బార్ నిర్వహించి పోడు భూముల సమస్యను పరిష్కరిస్తామని, పట్టణాలు, గ్రామాల్లో పచ్చదనం పెంచుతామన్నారు. 

హరితహారాన్ని నిర్లక్ష్యం చేస్తే సర్పంచుల పదవులు కూడా పోతాయని, 85 శాతం మొక్కలు బతికితేనే పంచాయతీ కార్యదర్శుల రెగ్యులరైజేషన్ ఉంటుందని కేసీఆర్ అన్నారు. మున్సిపల్‌ వార్డుల్లో కౌన్సిలర్‌, ఇన్‌ఛార్జ్‌ ఆఫీసర్‌కు చెట్ల పెంపకం బాధ్యత అప్పగించనున్నారు.  ‘85 శాతం మొక్కలు బతికించాలి.. లేకుంటే సర్వీస్‌ నుంచి తొలగిస్తాం’ అని కేసీఆర్ అన్నారు. కేసీఆర్ ప్రకటనతో అక్రమార్కుల గుండెల్లో రైళ్ళు పరిగెడుతున్నాయి. 


G. Sathyanarayana Raju


గొట్టుముక్కల సత్యనారాయణరాజుకు జర్నలిజంలో 21 సంవత్సరాలకు పైగా అనుభవం ఉంది. ప్రముఖ దినపత్రికలు, మేగజైన్లు, న్యూస్ ఛానెళ్ళలో వివిధ హోదాల్లో బాధ్యతలు నిర్వర్తించారు. డిజిటల్ మీడియాలో ప్రవేశించి... నాలుగేళ్ళనుంచి వివిధ వెబ్‌సైట్లలో పనిచేశారు. ప్రస్తుతం న్యూస్‌స్టింగ్‌.ఇన్ లో కంటెంట్ హెడ్‌గా పనిచేస్తున్నారు. ఫీచర్ రైటింగ్, ప్రత్యేక కథనాలు, కరెంట్ అఫైర్స్, ఎన్నికల కథనాలు, రాజకీయ కథనాల విశ్లేషణలో మంచి ప్రావీణ్యం ఉంది.
 gsnraju@rightfolio.in
      040 23600300

newsting
Daily Updates
facebooktwitterGooglewhatsappwhatsappGoogle