ISRO మాజీ సైంటిస్ట్ నారాయణన్‌కు ఊరట

27-12-201927-12-2019 16:33:27 IST
Updated On 28-12-2019 10:51:57 ISTUpdated On 28-12-20192019-12-27T11:03:27.681Z27-12-2019 2019-12-27T11:03:19.107Z - 2019-12-28T05:21:57.833Z - 28-12-2019

గూఢచర్యం ఆరోపణలతో అరెస్టయి, వేధింపులకు గురైన ఇస్రో మాజీ సైంటిస్ట్ ఒకరికి భారీ ఊరట లభించింది. అంతేకాదు, ఆయనకు పెద్దమొత్తంలో పరిహారం కూడా లభించనుంది. 1994 ఇస్రోలో గూఢచర్యానికి పాల్పడ్డారన్న ఆరోపణల నేపథ్యంలో ఎస్.నంబి నారాయణన్‌ అరెస్ట్‌ చేశారు. అయితే ఈ ఆరోపణల్లో వాస్తవం లేదిన తాజాగా తేలింది. ఇప్పుడు ఆయనకు క్లీన్‌చిట్‌ లభించింది. అంతేకాదు, తనను వేధించినందుకు నారాయణన్ భారీగా నష్టపరిహారం చెల్లించాలని కోరుతూ తిరువనంతపురంలోని కోర్టులో పిటిషన్ దాఖలు చేశారు.

నంబి నారాయణన్ పై వచ్చిన ఆరోపణలు, కేసులను విచారించడానికి మాజీ ప్రధాన కార్యదర్శి జయకుమార్‌ను నియమించింది. జయకుమార్‌ రూ.1.3 కోట్లు నష్టపరిహారం ఇవ్వాలని సిఫారసు చేశారు. దీంతో పరిహారం చెల్లింపునకు కేరళ కేబినెట్ ఆమోదం తెలపడంతో నంబి నారాయణన్ సంతోషం వ్యక్తం చేశారు. 1994లో నంబి నారాయణన్‌ పై గూఢచర్యం జరిపినట్టు ఆరోపణలు వచ్చాయి. దీని ద్వారా విదేశాలకు ఇస్రో రహస్యాలను చేరవేశారంటూ అరెస్ట్ చేశారు. ఆయనతో పాటు ఇద్దరు శాస్త్రవేత్తలు, ఇద్దరు మాల్దీవ్‌ మహిళలను అదుపులోకి తీసుకున్నారు.

ఈ ఆరోపణలపై 1998లో సుప్రీంకోర్టు ఆయనను నిర్దోషిగా తేల్చింది. కేసులో తీర్పు వచ్చేటప్పటికే నంబి నారాయణన్ 50 రోజుల పాటు జైలు జీవితం గడిపారు. తనను కస్టడీలో పోలీసులు నానా ఇబ్బందులకు గురిచేశారని, వేధించారని ఫిర్యాదుచేశారు. తనపై అక్రమ కేసులు పెట్టిన మాజీ డీజీపీ సీబీ మాథ్యూస్, ఇద్దరు రిటైర్డ్ పోలీస్ సూపరింటెండెంట్లు కేకే జాషువా, ఎస్ విజయన్ పై చర్యలు తీసుకోవాలని కేరళ హైకోర్టుని కోరారు. 

అయితే హైకోర్టు స్పందించకపోవడంతో ఆయన సుప్రీంకోర్టు తలుపు తట్టారు. దీంతో నంబి నారాయణన్‌కు రూ. 50లక్షలు నష్టపరిహారం ఇవ్వాలని సుప్రీంకోర్టు కేరళ ప్రభుత్వాన్ని ఆదేశించింది. జాతీయ మానవ హక్కుల కమిషన్‌ సైతం రూ. 10లక్షలు ఇవ్వాలని తీర్పిచ్చింది. తాజాగా జయకుమార్ కమిటీ కోటి 30 లక్షలు పరిహారం ఇవ్వాలని కోరడంతో కేరళ ప్రభుత్వం అందుకు అంగీకరించింది. ఈ సుదీర్ఘ న్యాయపోరాటంలో విజయం సాధించిన నంబి నారాయణన్ కోర్టు తీర్పు పట్ల సంతృప్తి వ్యక్తం చేస్తున్నారు.