newssting
BITING NEWS :
*నేడు సిద్ధిపేట జిల్లాలో కలెక్టర్లతో సీఎం కేసీఆర్‌ క్షేత్ర పర్యటన*నేడు ఢిల్లీకి దేవేందర్‌గౌడ్‌*గుంటూరు ప్రాంతంలో చంద్రబాబు పర్యటన*నేడు సనత్‌నగర్‌లో కేంద్ర మంత్రి సంతోష్‌ గంగ్వార్‌ పర్యటన *కర్ణాటక బీజేపీ నూతన అధ్యక్షుడిగా నళినీకుమార్ కటీల్*హైకోర్టు నిర్ణయాన్ని సవాల్ చేస్తూ సుప్రీంలో చిదంబరం పిటిషన్

హస్తినలో బాబు బిజీబిజీ ...మే 23 యాక్షన్ ప్లాన్?

18-05-201918-05-2019 13:16:45 IST
Updated On 27-06-2019 16:03:10 ISTUpdated On 27-06-20192019-05-18T07:46:45.763Z18-05-2019 2019-05-18T07:46:40.800Z - 2019-06-27T10:33:10.195Z - 27-06-2019

హస్తినలో బాబు బిజీబిజీ ...మే 23 యాక్షన్ ప్లాన్?
facebooktwitterGooglewhatsappwhatsappGoogle
దేశంలో ఉత్కంఠ రేపిన సార్వత్రిక ఎన్నికలు ఆదివారంతో ముగియనున్నాయి. 23న ఫలితాలు రానున్నాయి. ఎన్నికల ఫలితాలకు ముందే హస్తినలో వేడి రాజుకుంది. ఫలితాల తర్వాత ఏం చేయాలనేదానిపై బీజీపీయేతర పక్షాలు సమాలోచనలు చేస్తున్నాయి. ఏపీ సీఎం ముఖ్యమంత్రి చంద్రబాబు నాయుడు ఢిల్లీలో బిజీగా గడుపుతున్నారు.

ఎన్డీయేతర కూటమి బలోపేతమే లక్ష్యంగా ఆయన ఢిల్లీ పర్యటన కొనసాగుతోంది. తాజాగా కాంగ్రెస్ అధ్యక్షుడు రాహుల్ గాంధీతో చంద్రబాబు భేటీ అయ్యారు. భవిష్యత్తు కార్యాచరణ, పొత్తులు,రీపోలింగ్ విషయంలో ఇద్దరూ చర్చించారు.

అంతకుముందు శుక్రవారం సాయంత్రం ఢిల్లీ సీఎం కేజ్రీవాల్‌, సీపీఎం ప్రధాన కార్యదర్శి సీతారామ్‌ ఏచూరితో సమావేశమై వివిధ అంశాలపై చర్చించారు. ఇవాళ ఉదయం ఏపీ భవన్‌లో సీపీఐ ప్రధాన కార్యదర్శి సురవరం సుధాకర్‌రెడ్డి, డి.రాజాతో సమావేశమై మే 23 ఎన్నికల ఫలితాల అనంతరం ఏం చేయాలనేదానిపై చర్చించారని తెలుస్తోంది.

ఆ తర్వాత ఏపీ భవన్‌ నుంచి రాహుల్‌ నివాసానికి బయలు దేరి వెళ్లారు చంద్రబాబు. వీరిద్దరూ ప్రత్యేకంగా సమావేశమయ్యారు. ఈనెల 19న తుదివిడత పోలింగ్‌ ముగియనుండటంతో ఎన్డీఏకు ఎన్నిసీట్లు వచ్చే అవకాశముంది, యూపీఏకు ఎన్ని సీట్లు వస్తాయి, మే 23 తర్వాత అనుసరించాల్సిన కార్యచరణ.. తదితర అంశాలపై వీరిద్దరూ సమాలోచనలు చేశారు.

రాహుల్‌గాంధీతో భేటీ తర్వాత శరద్‌పవార్‌ ని కలిశారు. మహాగట్బంధన్ గురించి చర్చించారు. అనంతరం శరద్‌యాదవ్‌తో చంద్రబాబు భేటీ అవుతారు. మధ్యాహ్నం లక్నో వెళ్లనున్నారు చంద్రబాబు. బీఎస్పీ అధినేత్రి మాయావతితో పాటు... యూపీ మాజీ సీఎం అఖిలేష్ యాదవ్‌తో ఆయనతో భేటీ కానున్నారు. యూపీ ఎన్నికల్లో ఎస్పీ-బీఎస్పీ కూటమికి ఎన్ని సీట్లు వస్తాయి, బీజేపీ పరిస్థితిపై చర్చిస్తారు. ఎన్నికల ఫలితాలకు ముందు చంద్రబాబు ఢిల్లీ పర్యటన ప్రాధాన్యతను సంతరించుకుంది. 


G. Sathyanarayana Raju


గొట్టుముక్కల సత్యనారాయణరాజుకు జర్నలిజంలో 21 సంవత్సరాలకు పైగా అనుభవం ఉంది. ప్రముఖ దినపత్రికలు, మేగజైన్లు, న్యూస్ ఛానెళ్ళలో వివిధ హోదాల్లో బాధ్యతలు నిర్వర్తించారు. డిజిటల్ మీడియాలో ప్రవేశించి... నాలుగేళ్ళనుంచి వివిధ వెబ్‌సైట్లలో పనిచేశారు. ప్రస్తుతం న్యూస్‌స్టింగ్‌.ఇన్ లో కంటెంట్ హెడ్‌గా పనిచేస్తున్నారు. ఫీచర్ రైటింగ్, ప్రత్యేక కథనాలు, కరెంట్ అఫైర్స్, ఎన్నికల కథనాలు, రాజకీయ కథనాల విశ్లేషణలో మంచి ప్రావీణ్యం ఉంది.
 gsnraju@rightfolio.in
      040 23600300

newsting
Daily Updates
facebooktwitterGooglewhatsappwhatsappGoogle