శబరిమల సన్నిధిలో సెల్ ఫోన్లు బంద్

05-12-201905-12-2019 15:30:09 IST
2019-12-05T10:00:09.758Z05-12-2019 2019-12-05T10:00:07.181Z - - 14-04-2021

ఎక్కడ చూసినా సెల్ ఫోన్లే.. అసలు సెల్ ఫోన్ లేకుండా ఒక్క క్షణం కూడా గడపడం లేదు జనం. అయ్యప్ప మాల వేసుకున్న వారు కూడా సమాచారం కోసం సెల్ వాడుతుంటారు. శబరిమల వెళ్లేటప్పుడు కూడా తమ కూడా సెల్ తీసికెళ్తారు. కాని అయ్యప్ప స్వామి గర్భగుడి పరిసర ప్రాంతాల్లో సెల్ ఫోన్ల వాడకాన్ని నిషేధించిన ట్రావెన్ కోర్ బోర్డు. ఈ నిర్ణయం పట్ల భక్తులు అసహనం వ్యక్తం చేస్తున్నారు.

సుప్రీంకోర్టు తీర్పు నేపథ్యంలో అన్ని వయసుల మహిళలకు ఆలయంలోకి ప్రవేశం కల్పించాలి. దీనికి తోడు తాజాగా సెల్ ఫోన్లు నిషేధించడంతో భక్తులు ఇబ్బందులు పడతారని అంటున్నారు.

ఈ నిర్ణయం వెనుక కారణాలు ఉన్నాయి. స్వామివారి దర్శనానికి వెళ్లే వారు సెల్ ఫోన్తు తీసుకుని వెళ్లడం వల్ల కొన్ని కీలకమయిన ప్రాంతాల ఫోటోలు సోషల్ మీడియాలో కనిపించాయి. అత్యంత పవిత్రంగా నిష్టగా పూజాధికాలు నిర్వహించి దర్శించుకునే స్వామికి సంబంధించిన అంతరాలయం ఫోటోలు బయటకు రావడంతో ట్రావెన్ కోర్ బోర్డు అప్రమత్తం అయింది,

ఇకముందు భద్రతా పరమైన సమస్య తలెత్తకుండా ఉండేందుకు దేవస్థానం బోర్డు మొబైల్ ఫోన్లను వాడకంపై ఆంక్షలు విధించింది. అక్కడ జామర్లు ఏర్పాటుచేయాలని నిర్ణయించింది. ఆలయంలో జరుగుతున్న పూజలు, అక్కడి సౌకర్యాలను దేవస్థానం బోర్డు పరిశీలించింది.

జస్టిస్ పి ఆర్ రామన్ అక్కడి సౌకర్యాలను పరిశీలించటంతో పాటు దేవస్థానం వద్ద మొబైల్స్ వాడకూడదని నిర్ణయించారు. ఏడాది క్రితం ట్రావెన్ కోర్ బోర్డు మొబైల్స్ వాడకం కుదరదని స్పష్టం చేసింది. ఈ నిషేధం ఇప్పటివరకూ అమలులోకి రాలేదు. కానీ, ఇప్పుడు ఈ నిషేధం అమలులోకి తేవాలని నిర్ణయించింది.